HAL - ಹೆಚ್ಎಎಲ್​ನ ಇನ್ನಷ್ಟು ಪಾಲು ಮಾರಲು ಕೇಂದ್ರ ಸರ್ಕಾರ ಆಲೋಚನೆ

ನವದೆಹಲಿ(ಆ. 19): ಕೇಂದ್ರ ಸರ್ಕಾರದ ಬಂಡವಾಳ ಹಿಂಪಡೆಯುವ ಯೋಜನೆಯ ಭಾಗವಾಗಿ ಈಗ ಬೆಂಗಳೂರಿನ ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿ (ಹೆಚ್​ಎಎಲ್) ಸಂಸ್ಥೆಯ ಕೆಲ ಪಾಲನ್ನು ಮಾರಾಟ ಮಾಡುವ ಚಿಂತನೆ ನಡೆದಿದೆ. ಮೂಲಗಳ ಪ್ರಕಾರ, ಹೆಚ್​ಎಎಲ್​ನ ಶೇ. 5 ಭಾಗವನ್ನು ಮಾರಲು ಕೇಂದ್ರ ಸರ್ಕಾರ ಯೋಜಿಸಿದೆ. ಇದೇ ಆಗಸ್ಟ್​ನಷ್ಟರಲ್ಲಿ ಮಾರಾಟ ಪ್ರಕಿಯೆಯನ್ನು ಮುಗಿಸುವ ಉದ್ದೇಶ ಹೊಂದಿದೆ ಎನ್ನಲಾಗಿದೆ. ಈ 5 ಪರ್ಸೆಂಟ್ ಪಾಲು ಮಾರಾಟದಿಂದ ಸರ್ಕಅರಕ್ಕೆ 2 ಸಾವಿರ ಕೋಟಿ ರೂ ಆದಾಯ ಸಿಗಲಿದೆ.

ಹೆಚ್​ಎಎಲ್ ಸಂಸ್ಥೆಯಲ್ಲಿ ಕೇಂದ್ರ ಸರ್ಕಾರದ ಈಗಿನ ಪಾಲು ಶೇ. 90ರಷ್ಟಿದೆ. ಈಗ ಶೇ. 5 ಪಾಲು ಮಾರಿದರೆ ಸರ್ಕಾರಕ್ಕೆ ಉಳಿದುಕೊಳ್ಳುವುದು ಶೇ. 85 ಭಾಗ ಮಾತ್ರ.

ಇದನ್ನೂ ಓದಿ: Government Jobs - ಸರ್ಕಾರಿ ಹುದ್ದೆಗಳ ನೇಮಕಾತಿಗೆ ಸಿಇಟಿ ಅರ್ಹತಾ ಪರೀಕ್ಷೆ: ಕೇಂದ್ರ ಸಂಪುಟ ಸಮ್ಮತಿ

ಬೆಂಗಳೂರಿನ ಹಲವು ಪ್ರಮುಖ ಐಕಾನ್ ಸಂಸ್ಥೆಗಳಲ್ಲಿ ಹೆಚ್​ಎಎಲ್ ಕೂಡ ಒಂದು. ಭಾರತೀಯ ವಾಯು ಸೇನೆ ಬೇಕಾದ ವಿಮಾನ, ಉಪಕರಣ ಇತ್ಯಾದಿಗಳನ್ನು ಇಲ್ಲಿ ತಯಾರಿಸಲಾಗುತ್ತದೆ. 2019-20ರ ಸಾಲಿನ ಹಣಕಾಸು ವರ್ಷದಲ್ಲಿ ಹೆಚ್​ಎಎಲ್ ಸಂಸ್ಥೆ 21 ಸಾವಿರ ಕೋಟಿಗೂ ಅಧಿಕ ಟರ್ನೋವರ್ ತೋರಿಸಿದೆ. ಹಿಂದಿನ ವರ್ಷದಕ್ಕಿಂತ 1,300 ಕೋಟಿಯಷ್ಟು ವಹಿವಾಟು ಹೆಚ್ಚಳವಾಗಿದೆ.

ಹೆಚ್​ಎಎಲ್​ನ ಮಾರುಕಟ್ಟೆ ಹೂಡಿಕೆ ಮೊತ್ತ 42 ಸಾವಿರ ಕೋಟಿಯಷ್ಟಿದೆ. ಇವತ್ತಿನ ಅದರ ಒಂದು ಷೇರು ಬೆಲೆ 1,261 ರೂ ಇದೆ.