HOME » NEWS » National-international » CENTRE ISSUES NOTICE TO TWITTER FOR SHOWING LEH AS PART OF JAMMU AND KASHMIR SESR

ಲಡಾಖ್​ ಬದಲು ಲೇಹ್​ ಅನ್ನು ಜಮ್ಮು ಮತ್ತು ಕಾಶ್ಮೀರದ ಭಾಗ ಎಂದ ಟ್ವಿಟರ್​; ಸರ್ಕಾರದಿಂದ ನೋಟಿಸ್​ ಜಾರಿ

ಈ ಹಿಂದೆ ಲೇಹ್​ ಅನ್ನು ಚೀನಾದ ಭಾಗವಾಗಿ ಟ್ವಿಟರ್​ ತೋರಿಸಿತ್ತು. ಈ ಕುರಿತು ಸಿಇಒ ಜ್ಯಾಕ್​ಡಾರ್ಸಿ ಅವರಿಗೆ ಆಕ್ಷೇಪಣೆಯನ್ನು ಸಚಿವಾಲಯದ ಕಾರ್ಯದರ್ಶಿ ಸಲ್ಲಿಸಿದ್ದರು.

news18-kannada
Updated:November 12, 2020, 9:08 PM IST
ಲಡಾಖ್​ ಬದಲು ಲೇಹ್​ ಅನ್ನು ಜಮ್ಮು ಮತ್ತು ಕಾಶ್ಮೀರದ ಭಾಗ ಎಂದ ಟ್ವಿಟರ್​; ಸರ್ಕಾರದಿಂದ ನೋಟಿಸ್​ ಜಾರಿ
ಟ್ವಿಟ್ಟರ್
  • Share this:
ಲೇಹ್​ ಅನ್ನು ಕೇಂದ್ರಾಡಳಿತ ಪ್ರದೇಶವಾದ ಲಡಾಖ್​ ಬದಲಿಗೆ ಜಮ್ಮು ಕಾಶ್ಮೀರದ ಭಾಗವಾಗಿ ತೋರಿಸಿದ್ದಕ್ಕೆ ಟ್ವಿಟರ್​ಗೆ ಕೇಂದ್ರ ಸರ್ಕಾರ ನೋಟಿಸ್​ ಜಾರಿ ಮಾಡಿದೆ.. ನ.9ರಂದು ಈ ನೋಟಿಸ್​ ಜಾರಿಯಾಗಿದೆ. ಮಾಹಿತಿ ಮತ್ತು ತಂತ್ರಜ್ಞಾನ ಸಚಿವಾಲಯ ಈ ನೋಟಿಸ್​ ನೀಡಿದ್ದು, ಐದು ದಿನದೊಳಗೆ ಇದಕ್ಕೆ ಉತ್ತರಿಸುವಂತೆ ಟ್ವಿಟರ್​ಗೆ ಸೂಚಿಸಿದೆ. ಅಲ್ಲದೇ ಭಾರತದ ಪ್ರಾದೇಶಿಕ ಸಮಗ್ರತೆಗೆ ಅಗೌರ ತೋರಿದ ಕಾರಣ ಯಾಕೆ ಕಾನೂನು ಕ್ರಮ ಕೈಗೊಳ್ಳಬಾರದು ಎಂದು ಕೇಳಿದೆ ಎಂದು ಎಎನ್​ಐ ವರದಿ ಮಾಡಿದೆ. ಸೈಬರ್​ ಕ್ರೈಮ್​ ಕೋರ್ಡಿನೇಷನ್​ ಸೆಂಟರ್​ನ ನಿರ್ದೇಶಕರು ಟ್ವಿಟರ್​ ನ ಜಾಗತಿಕ ಉಪಾಧ್ಯಕ್ಷರಿಗೆ ಈ ನೋಟಿಸ್​ ಜಾರಿ ಮಾಡಿದ್ದಾರೆ ಎಂದು ಎಕಾನಾಮಿಕ್​ ಟೈಮ್ಸ್​ ವರದಿ ಮಾಡಿದೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಟ್ವಿಟರ್​ ವಕ್ತಾರ, ಭಾರತ ಸರ್ಕಾರ ಹಾಗೂ ಎಲೆಕ್ಟ್ರಾನಿಕ್ಸ್​​ ಮತ್ತು ಐಟಿ ಸಚಿವಾಲಯದೊಂದಿಗೆ ಸಹಭಾಗಿತ್ವಕ್ಕೆ ಟ್ವಿಟರ್​ ಬದ್ಧವಾಗಿದೆ. ನಿಮ್ಮ ಪತ್ರಕ್ಕೆ ಉತ್ತಮವಾಗಿ ಪ್ರತಿಕ್ರಿಯಿಸುತ್ತೇವೆ. ಜಿಯೋ-ಟ್ಯಾಗ್​ ಸಮಸ್ಯೆಗೆ ಸಂಬಂಧಿಸಿದ ಬೆಳವಣಿಗೆಗ ಹಾಗೂ ಇದರ ಕುರಿತ ಮಾಹಿತಿಯನ್ನು ಹಂಚಿಕೊಳ್ಳುತ್ತೇವೆ ಎಂದಿದ್ದಾರೆ.

ಈ ಹಿಂದೆ ಲೇಹ್​ ಅನ್ನು ಚೀನಾದ ಭಾಗವಾಗಿ ಟ್ವಿಟರ್​ ತೋರಿಸಿತ್ತು. ಈ ಕುರಿತು ಸಿಇಒ ಜ್ಯಾಕ್​ಡಾರ್ಸಿ ಅವರಿಗೆ ಆಕ್ಷೇಪಣೆಯನ್ನು ಸಚಿವಾಲಯದ ಕಾರ್ಯದರ್ಶಿ ಸಲ್ಲಿಸಿದ್ದರು. ಇದಕ್ಕೆ ಇದಾದ ಬಳಿಕ ಈ ತಪ್ಪನ್ನು ಸರಿಮಾಡಲಾಗಿದೆ ಎಂದು ಪ್ರತಿಕ್ರಿಯೆ ವ್ಯಕ್ತಪಡಿಸಿತು. ಈ ತಪ್ಪನ್ನು ಸರಿಮಾಡಲಾಗಿಲ್ಲ. ಕಾರಣ ಕೇಂದ್ರಾಡಳಿತ ಪ್ರದೇಶವಾದ ಲಡಾಖ್​ ಭಾಗವಾಗಿ ಲೇಹ್​ ತೋರಿಸಲು ನಕ್ಷೆ ತಯಾರಿಸಲ್ಲ ಎಂದಿದ್ದಾರೆ.

ಇದನ್ನು ಓದಿ: ನ.16ರಂದು ಆರನೇ ಬಾರಿ ಸಿಎಂ ಆಗಿ ನಿತೀಶ್​ ಕುಮಾರ್​ ಪ್ರಮಾಣವಚನ

ಈ ಹಿಂದಿನ ಪತ್ರದಲ್ಲಿ ಸಚಿವಾಲಯದ ಕಾರ್ಯದರ್ಶಿ ಅಜಯ್​ ಸಾಹ್ನಿ, ಟ್ವಿಟರ್​ನ ತಪ್ಪನ್ನು ಸರಿಪಡಿಸುವಂತೆ ತಿಳಿಸಿದ್ದರು. ಭಾರತದ ನಕ್ಷೆಯನ್ನು ತಪ್ಪಾಗಿ ತೋರಿಸಲಾಗಿದೆ. ಕೇಂದ್ರಾಡಳಿತ ಪ್ರದೇಶದ ಹೆಡ್​ಕ್ವಾಟ್ರಸ್​ ಲೇಹ್​ ಆಗಿದೆ ಎಂದಿದ್ದರು. ಅಲ್ಲದೇ ಜಮ್ಮು ಮತ್ತು ಕಾಶ್ಮಿ ಹಾಗೂ ಲಡಾಖ್​ ಎರಡೂ ಭಾರತದ ಅವಿಭಾಜ್ಯ ಅಂಗ ಎಂದಿದ್ದರು.

ಟ್ವಿಟರ್​ನ ಇಂತಹ ತಪ್ಪುಗಳು ಸಂಸ್ಥೆಯ ಪ್ರತಿಷ್ಠೆಗೆ ಕಳಂಕ ತರುತ್ತದೆ ಎಂದು ಕೂಡ ಇದೇ ವೇಳೆ ಎಚ್ಚರಿಸಲಾಗಿದೆ. ಭಾರತೀಯರ ಸೂಕ್ಷ್ಮತೆಗಳನ್ನು ಗೌರವಿಸುವಂತೆ ಸರ್ಕಾರದ ಪರವಾಗಿ ಕೋರಲಾಗಿದೆ. ಭಾರತದ ಸಾರ್ವಭೌಮತ್ವ, ಸಮಗ್ರತೆಗೆ ಧಕ್ಕೆ ತರುವ ಕೆಲಸಗಳು ಸಹಿಸಲು ಅಸಾಧ್ಯ ಎಂದು ಎಚ್ಚರಿಸಿದ್ದಾರೆ.
Published by: Seema R
First published: November 12, 2020, 9:05 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories