• Home
  • »
  • News
  • »
  • national-international
  • »
  • ಅಮೆಜಾನ್-ಕರ್ನಾಟಕ ಸರ್ಕಾರದ ಮಧ್ಯದ ಒಪ್ಪಂದಕ್ಕೆ CAIT ಆಕ್ಷೇಪ

ಅಮೆಜಾನ್-ಕರ್ನಾಟಕ ಸರ್ಕಾರದ ಮಧ್ಯದ ಒಪ್ಪಂದಕ್ಕೆ CAIT ಆಕ್ಷೇಪ

ಸಿಎಐಟಿ ಮತ್ತು ಅಮೆಜಾನ್.

ಸಿಎಐಟಿ ಮತ್ತು ಅಮೆಜಾನ್.

ಕರ್ನಾಟಕ ಸರ್ಕಾರವು ಬಹುರಾಷ್ಟ್ರೀಯ ಕಂಪೆನಿ ಮೂಲಕ ರಫ್ತು ಉತ್ತೇಜಿಸಲು ಮುಂದಾಗಿದೆ. ಆದರೆ ಈಗಿನ ಕ್ರಮವು ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ "ವೋಕಲ್ ಫಾರ್ ಲೋಕಲ್" ಹಾಗೂ "ಆತ್ಮನಿರ್ಭರ್ ಭಾರತ್"ಗೆ ಯಾವುದೇ ಕೊಡುಗೆ ನೀಡುವುದಿಲ್ಲ ಎಂದು ಸಿಎಐಟಿ ರಾಷ್ಟೀಯ ಅಧ್ಯಕ್ಷ ಬಿ.ಸಿ ಭಾರ್ತಿಯಾ ಮತ್ತು ಪ್ರಧಾನ ಕಾರ್ಯದರ್ಶಿ ಪ್ರವೀಣ್ ಖಂಡೇಲ್ ವಾಲ್ ಹೇಳಿದ್ದಾರೆ.

ಮುಂದೆ ಓದಿ ...
  • Share this:

    ನವದೆಹಲಿ (ಜನವರಿ 29): ಕಳಂಕಿತ ಇ- ಕಾಮರ್ಸ್ ಕಂಪೆನಿ ಅಮೆಜಾನ್ ಜತೆಗೆ ಕರ್ನಾಟಕ ಸರ್ಕಾರವು ಒಪ್ಪಂದ (MoU) ಮಾಡಿಕೊಳ್ಳುತ್ತಿರುವುದಕ್ಕೆ ಕಾನ್ಪಿಡರೇಷನ್ ಆಫ್ ಆಲ್ ಇಂಡಿಯಾ ಟ್ರೇಡರ್ಸ್ (CAIT) ಪ್ರಬಲವಾಗಿ ಆಕ್ಷೇಪ ವ್ಯಕ್ತಪಡಿಸಿದೆ. ಸರ್ಕಾರದಿಂದ ಇ- ಕಾಮರ್ಸ್ ರಫ್ತು ನೆರವಿ ಉದ್ದೇಶದಿಂದ ಅಮೆಜಾನ್​ನೊಂದಿಗೆ ಒಪ್ಪಂದದ ನಿರ್ಧಾರಕ್ಕೆ ಬರಲಾಗಿದೆ.


    "ಅಮೆಜಾನ್ ಜತೆಗೆ ಕರ್ನಾಟಕ ಸರ್ಕಾರವು MoU (ಮ್ಯಾಮೊರೆಂಡಮ್ ಆಫ್ ಅಂಡರ್​ಸ್ಟ್ಯಾಂಡ್) ಮಾಡಿಕೊಳ್ಳುತ್ತಿರುವುದನ್ನು ನಾವು ಪ್ರಬಲವಾಗಿ ಆಕ್ಷೇಪಿಸುತ್ತೇವೆ. ಆ ಕಂಪೆನಿಯು ತನಿಖಾ ಸಂಸ್ಥೆಗಳ ವಿಚಾರಣೆ ಎದುರಿಸುತ್ತಿದ್ದು, ಜತೆಗೆ ಕರ್ನಾಟಕ ಹೈಕೋರ್ಟ್ ನಲ್ಲಿ ಕೂಡ ಪ್ರಕರಣ ಇದೆ. ದುಷ್ಕೃತ್ಯಗಳಲ್ಲಿ ತೊಡಗಿರುವ, ಸ್ಪರ್ಧೆ ಇಲ್ಲದಂತೆ ಮಾಡುವ ಹಾಗೂ ದೇಶದ ಸಣ್ಣ ವರ್ತಕರನ್ನು ನಾಶಪಡಿಸುವ ಆರೋಪಗಳು ಅದರ ಮೇಲಿದೆ. ಇ -ಕಾಮರ್ಸ್ ಮಾತ್ರವಲ್ಲದೆ ದೇಶದ ರೀಟೇಲ್ ವ್ಯವಹಾರವನ್ನು ಸಹ ಹತೋಟಿಯಲ್ಲಿ ಇರಿಸಿಕೊಳ್ಳುವ ನೀತಿ ರೂಪಿಸಿಕೊಳ್ಳುತ್ತಿದೆ," ಎಂದು ಸಿಎಐಟಿ ಆರೋಪಿಸಿದೆ.


    ಕರ್ನಾಟಕ ಸರ್ಕಾರಕ್ಕೆ ಈ ವಾಸ್ತವ ಗೊತ್ತಿಲ್ಲ ಎಂಬುದನ್ನು ನಂಬುವುದಕ್ಕೆ ಅಸಾಧ್ಯ. ಇದರ ಹೊರತಾಗಿ ಅಮೆಜಾನ್ ಜತೆ ಒಪ್ಪಂದ ಮಾಡಿಕೊಂಡಿದೆ. ಇದು ಕರ್ನಾಟಕದ ವರ್ತಕರ ಪಾಲಿಗೆ ಮಾತ್ರ ಅಲ್ಲ, ಇಡೀ ದೇಶದ ಪಾಲಿಗೆ ಗಂಭೀರ ಸಮಸ್ಯೆ. ಅಮೆಜಾನ್ ವಿರುದ್ಧ ಇರುವ ಆರೋಪ ಪಟ್ಟಿ ಮತ್ತು ತನಿಖೆಗಳನ್ನು ರಾಜ್ಯ ಸರ್ಕಾರ ಮೀರಲು ಹೇಗೆ ಸಾಧ್ಯ? ಎಂದು ಸಿಎಐಟಿ ಪ್ರಶ್ನಿಸಿದೆ.


    ಇದನ್ನು ಓದಿ: Jio: ಆ್ಯಪಲ್, ಅಮೆಜಾನ್, ಡಿಸ್ನಿ, ಟೆನ್ಸೆಂಟ್, ಅಲಿಬಾಬಾ, ನೈಕಿ ಹಿಂದಿಕ್ಕಿ ವಿಶ್ವದ 5ನೇ ಪ್ರಬಲ ಬ್ರ್ಯಾಂಡ್ ಎನಿಸಿಕೊಂಡ ಜಿಯೋ!


    ಜಾರಿ ನಿರ್ದೇಶನಾಲಯದಿಂದ ತನಿಖೆ ಆರಂಭಿಸಿದ ದಿನಗಳಲ್ಲೇ ಕರ್ನಾಟಕ ಸರ್ಕಾರವು ಅಮೆಜಾನ್ ಜತೆ ಒಪ್ಪಂದಕ್ಕೆ ಬಂದಿರುವುದು ಮುಜುಗರದ ಸಂಗತಿ. ವರ್ತಕರ ರಕ್ತದಲ್ಲಿ ಕೈ ತೋಯ್ದಿರುವ ಅಮೆಜಾನ್ ಬಗ್ಗೆ ವಿಶ್ವದಾದ್ಯಂತ ಕಾನೂನು ಮತ್ತು ನೀತಿಗಳನ್ನು ಮೀರಿದ ಆರೋಪಗಳಿವೆ ಎಂದು ಸಿಎಐಟಿ ರಾಷ್ಟೀಯ ಅಧ್ಯಕ್ಷ ಬಿ.ಸಿ ಭಾರ್ತಿಯಾ ಮತ್ತು ಪ್ರಧಾನ ಕಾರ್ಯದರ್ಶಿ ಪ್ರವೀಣ್ ಖಂಡೇಲ್ ವಾಲ್ ಜಂಟಿ ಹೇಳಿಕೆ ನೀಡಿದ್ದಾರೆ.


    ಕರ್ನಾಟಕ ಸರ್ಕಾರವು ವರ್ತಕ ಸಮುದಾಯದ ಬೆನ್ನಿಗೆ ಇರಿದಿದೆ. ಇದನ್ನು ಒಪ್ಪಲು ಸಾಧ್ಯವಿಲ್ಲ. ಕರ್ನಾಟಕ ಸರ್ಕಾರವು ಬಹುರಾಷ್ಟ್ರೀಯ ಕಂಪೆನಿ ಮೂಲಕ ರಫ್ತು ಉತ್ತೇಜಿಸಲು ಮುಂದಾಗಿದೆ. ಆದರೆ ಈಗಿನ ಕ್ರಮವು ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ "ವೋಕಲ್ ಫಾರ್ ಲೋಕಲ್" ಹಾಗೂ "ಆತ್ಮನಿರ್ಭರ್ ಭಾರತ್"ಗೆ ಯಾವುದೇ ಕೊಡುಗೆ ನೀಡುವುದಿಲ್ಲ ಎಂದು ಸಿಎಐಟಿ ರಾಷ್ಟೀಯ ಅಧ್ಯಕ್ಷ ಬಿ.ಸಿ ಭಾರ್ತಿಯಾ ಮತ್ತು ಪ್ರಧಾನ ಕಾರ್ಯದರ್ಶಿ ಪ್ರವೀಣ್ ಖಂಡೇಲ್ ವಾಲ್ ಹೇಳಿದ್ದಾರೆ.

    Published by:HR Ramesh
    First published: