ತಪ್ಪಾಗಿ ಬಿಜೆಪಿಗೆ ವೋಟ್​​ ಮಾಡಿದ್ದಕ್ಕೆ ತನ್ನ ಬೆರಳನ್ನೇ ಕತ್ತರಿಸಿಕೊಂಡ ಬಿಎಸ್​​ಪಿ ಬೆಂಬಲಿಗ; ವಿಡಿಯೋ ವೈರಲ್​​

ತನ್ನ ತಪ್ಪಿನಿಂದ ಸಿಟ್ಟಿಗೆದ್ದ ಕೂಡಲೇ ಮನೆಗೆ ಬಂದಾತ ಚಾಕುವಿನಿಂದ ತನ್ನ ಬೆರಳನ್ನೇ ಕತ್ತರಿಸಿಕೊಂಡಿದ್ದಾನೆ. ಬಳಿಕ ಬೆರಳು ಕತ್ತರಿಸಿಕೊಂಡಿದ್ದ ವಿಡಿಯೋ ಪವನ್ ಟ್ವಿಟ್ಟರ್​​ನಲ್ಲಿ ಪೋಸ್ಟ್​​ ಮಾಡಿದ್ದಾನೆ.

Ganesh Nachikethu | news18
Updated:April 19, 2019, 10:54 AM IST
ತಪ್ಪಾಗಿ ಬಿಜೆಪಿಗೆ ವೋಟ್​​ ಮಾಡಿದ್ದಕ್ಕೆ ತನ್ನ ಬೆರಳನ್ನೇ ಕತ್ತರಿಸಿಕೊಂಡ ಬಿಎಸ್​​ಪಿ ಬೆಂಬಲಿಗ; ವಿಡಿಯೋ ವೈರಲ್​​
ಬಿಎಸ್​ಪಿ ಪಕ್ಷದ ಮುಖ್ಯಸ್ಥೆ ಮಾಯಾವತಿ.
  • News18
  • Last Updated: April 19, 2019, 10:54 AM IST
  • Share this:
ನವದೆಹಲಿ(ಏ.19): ಕಣ್ತಪ್ಪಿ ಬಿಜೆಪಿಗೆ ಮತಹಾಕಿದ್ದ ಬಿಎಸ್​​​ಪಿ ಬೆಂಬಲಿಗನೋರ್ವ ಕೋಪದಲ್ಲಿ ತನ್ನ ಬೆರಳನ್ನೇ ಕತ್ತರಿಸಿಕೊಂಡ ಘಟನೆ ಉತ್ತರಪ್ರದೇಶದಲ್ಲಿ ನಡೆದಿದೆ. ಬುಲಂದ್ ಶಹರ್ ಮೂಲದ ದಲಿತ ಯುವಕನೋರ್ವ ಇಲ್ಲಿನ ಶಿಕಾರ್​​ಪುರ್ ಮತಗಟ್ಟೆ ಕೇಂದ್ರದಲ್ಲಿ ಬಿಎಸ್​​ಪಿಗೆ ಮತ ಚಲಾಯಿಸಲು ಹೋಗಿ ಕಣ್ತಪ್ಪಿ ಬಿಜೆಪಿಗೆ ವೋಟ್​​ ಮಾಡಿದ್ದಾನೆ. ಇದರಿಂದ ಕೋಪಗೊಂಡ ಈತ ತನ್ನ ಬೆರಳನ್ನೇ ಕತ್ತರಿಸಿಕೊಂಡಿದ್ದಾನೆ ಎಂಬುದಾಗಿ ತಿಳಿದು ಬಂದಿದೆ.

ಬುಲಂದ್ ಶಹರ್​​ನಲ್ಲಿ ಈ ವಿಚಿತ್ರ ಘಟನೆ ನಡೆದಿದೆ. ಇಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿ ಹಾಲಿ ಸಂಸದ ಭೋಲಾ ಸಿಂಗ್ ಮತ್ತು ಎಸ್​​ಪಿ-ಬಿಎಸ್​​​ಪಿ-ಆರ್​ಎಲ್​​ಡಿ ಮೈತ್ರಿ ಅಭ್ಯರ್ಥಿಯಾಗಿ ಯೋಗೇಶ್ ವರ್ಮಾ ಕಣದಲ್ಲಿದ್ದಾರೆ. ಈ ಇಬ್ಬರ ನಡುವೇ ಜಿದ್ದಾಜಿದ್ದಿ ಏರ್ಪಟ್ಟಿತ್ತು. ಈ ಸಲ ಬಿಎಸ್​​ಪಿಯನ್ನು ಗೆಲ್ಲಿಸಲೇಬೇಕೆಂದು ಹೊರಟ 25 ವರ್ಷದ ಯುವಕ  ಪವನ್ ಕುಮಾರ್ ಮತದಾನ ಹಕ್ಕು ಚಲಾಯಿಸಲು ಹೋಗಿದ್ದಾನೆ. ವರ್ಮಾ ಪರವಾಗಿ ಮತ ಹಾಕಲು ತೆರಳಿದ ಪವನ್​​ ತಪ್ಪಾಗಿ ಬಿಜೆಪಿಗೆ ಮತ ಚಲಾಯಿಸಿದ್ದ ಪರಿಣಾಮ ಈ ಘಟನೆ ಸಂಭವಿಸಿದೆ.

ಇದನ್ನೂ ಓದಿ: ‘ಚೌಕಿದಾರ್​​ ಚೋರ್​​​ ಹೈ’ ಜಾಹೀರಾತಿಗೆ ಆಯೋಗ ನಿರ್ಬಂಧ; ಕಾಂಗ್ರೆಸ್​​​ಗೆ​ ಭಾರೀ ಹಿನ್ನಡೆ!

ತನ್ನ ತಪ್ಪಿನಿಂದ ಸಿಟ್ಟಿಗೆದ್ದ ಕೂಡಲೇ ಮನೆಗೆ ಬಂದಾತ ಚಾಕುವಿನಿಂದ ತನ್ನ ಬೆರಳನ್ನೇ ಕತ್ತರಿಸಿಕೊಂಡಿದ್ದಾನೆ. ಬಳಿಕ ಬೆರಳು ಕತ್ತರಿಸಿಕೊಂಡಿದ್ದ ವಿಡಿಯೋ ಪವನ್ ಟ್ವಿಟ್ಟರ್​​ನಲ್ಲಿ ಪೋಸ್ಟ್​​ ಮಾಡಿದ್ದಾನೆ. ಯಾತಕ್ಕಾಗಿ ಬೆರಳನ್ನು ಕತ್ತರಿಸಿಕೊಂಡ ಎಂಬುದನ್ನು ಅಲ್ಲಿಯೇ ಟ್ವೀಟ್​​ನಲ್ಲಿ ಬರೆದುಕೊಂಡಿದ್ದಾನೆ. ತನ್ನ ತಪ್ಪಿನ ಪ್ರಾಯಶ್ಚಿತ್ತಕ್ಕಾಗಿ ಕೈ ಬೆರಳನ್ನು ಕತ್ತರಿಸಿಕೊಂಡಿದ್ದಾಗಿ ತಿಳಿಸಿದ್ದಾನೆ.


ದೇಶಾದ್ಯಂತ ನಡೆಯಬೇಕಿದ್ದ ಏಳು ಹಂತಗಳ ಲೋಕಸಭೆ ಚುನಾವಣೆಯಲ್ಲಿ ನಿನ್ನೆ ಎರಡನೇ ಹಂತದ ಮತದಾನ ಮುಕ್ತಾಯವಾಗಿದೆ. ಕೆಲ ಹಿಂಸಾಚಾರಗಳನ್ನ ಹೊರತುಪಡಿಸಿ ಬಹುತೇಕ ಶಾಂತಿಯುತವಾಗಿ ಮತದಾನ ನಡೆದಿದೆ ಎಂದು ಚುನಾವಣಾ ಆಯೋಗ ತಿಳಿಸಿತ್ತು. ಈ ಬೆನ್ನಲ್ಲೇ ಉತ್ತರಪ್ರದೇಶದಲ್ಲಿ ಇಂತಹ ವಿಚಿತ್ರ ಘಟನೆ ನಡೆದಿರುವುದು ಬೆಳಕಿಗೆ ಬಂದಿದೆ.
-------------
First published:April 19, 2019
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ
corona virus btn
corona virus btn
Loading