ಮುಂಬೈ ದಾಳಿ ರೀತಿಯಲ್ಲೇ ಭಾರತದಲ್ಲಿ ಮತ್ತೊಂದು ಕೃತ್ಯಕ್ಕೆ ಪಾಕ್​ ಸಂಚು; ದಾವೂದ್​ ಇಬ್ರಾಹಿಂ ಜೊತೆ ಕೈಜೋಡಿಸಿತಾ ಎಲ್​ಇಟಿ?

LeT Terror Attack: 2008ರ ಮುಂಬೈ ದಾಳಿಯ ಮಾದರಿಯಲ್ಲೇ ಭಾರತದಲ್ಲಿ ಮತ್ತೊಂದು ದೊಡ್ಡ ದಾಳಿ ನಡೆಸಲು ದಾವೂದ್ ಇಬ್ರಾಹಿಂ ಜೊತೆಗೆ ಎಲ್​ಇಟಿ ಕೈಜೋಡಿಸಿದೆ ಎಂಬ ಮಾಹಿತಿಯೂ ಲಭ್ಯವಾಗಿದೆ.

ದಾವೂದ್

ದಾವೂದ್

  • Share this:
ನವದೆಹಲಿ (ಮೇ 11): 2008ರ ನವೆಂಬರ್ 26ರಂದು ಮುಂಬೈನ ತಾಜ್​ ಮತ್ತು ಒಬೆರಾಯ್​ ಹೋಟೆಲ್ ಸೇರಿದಂತೆ ಹಲವೆಡೆ ನಡೆದ ಉಗ್ರರ ದಾಳಿಗೆ ಇಡೀ ವಿಶ್ವವೇ ಬೆಚ್ಚಿಬಿದ್ದಿತ್ತು. ಪಾಕಿಸ್ತಾನದ ಲಷ್ಕರ್ ಇ ತೊಯ್ಬಾ ಸಂಘಟನೆಯ ಉಗ್ರರ ಗುಂಪು ನಡೆಸಿದ ದಾಳಿಯಲ್ಲಿ 174 ಜನರು ಪ್ರಾಣ ಕಳೆದುಕೊಂಡಿದ್ದರು. ಅದೇ ರೀತಿಯ ಮತ್ತೊಂದು ಭಯೋತ್ಪಾದನಾ ದಾಳಿಗೆ ಇದೀಗ ಎಲ್​ಇಟಿ (ಲಷ್ಕರ್ ಇ ತೊಯ್ಬಾ) ಸಜ್ಜಾಗಿದೆ ಎಂಬ ಆತಂಕಕಾರಿ ಮಾಹಿತಿಯನ್ನು ಗುಪ್ತಚರ ಇಲಾಖೆ ಹೊರಹಾಕಿದೆ.

ಮುಂಬೈ ದಾಳಿಯ ಮಾದರಿಯಲ್ಲೇ ಭಾರತದಲ್ಲಿ ಮತ್ತೊಂದು ದೊಡ್ಡ ದಾಳಿ ನಡೆಸಲು ಎಲ್​ಇಟಿ ಸಜ್ಜಾಗಿದೆ ಎಂಬ ಎಚ್ಚರಿಕೆಯನ್ನು ಗುಪ್ತಚರ ಇಲಾಖೆ ನೀಡಿದೆ. ಇದಕ್ಕಾಗಿ ಪಾಕಿಸ್ತಾನ ಮೂಲದ ಡಾನ್ ದಾವೂದ್ ಇಬ್ರಾಹಿಂ ಜೊತೆಗೆ ಎಲ್​ಇಟಿ ಕೈಜೋಡಿಸಿದೆ ಎಂಬ ಮಾಹಿತಿಯೂ ಲಭ್ಯವಾಗಿದೆ. ಭಾನುವಾರ ಇಸ್ಲಮಾಬಾದ್​ನಲ್ಲಿರುವ ಪಾಕಿಸ್ತಾನದ ಮಾಜಿ ಅಧ್ಯಕ್ಷ ಫರ್ವೇಜ್ ಮುಷರಫ್ ಮನೆಯ ಪಕ್ಕದಲ್ಲೇ ಇರುವ ತನ್ನ ಫಾರ್ಮ್​ಹೌಸ್​ನಲ್ಲಿ ದಾವೂದ್​ ಇಬ್ರಾಹಿಂ ಕಾಣಿಸಿಕೊಂಡಿದ್ದ. ಈ ವೇಳೆ ದಾವೂದ್​ ಎಲ್​ಇಟಿ ನಾಯಕರನ್ನು ಭೇಟಿ ಮಾಡಿ, ಈ ಬಗ್ಗೆ ಮಾತುಕತೆ ನಡೆಸಿದ್ದಾನೆ ಎನ್ನಲಾಗಿದೆ.

ಇದನ್ನೂ ಓದಿ: Indian Railways: ಇಂದಿನಿಂದ 15 ಪ್ಯಾಸೆಂಜರ್‌ ರೈಲಿನ ಬುಕ್ಕಿಂಗ್ ಆರಂಭ; ಇಲ್ಲಿದೆ ನೀವು ತಿಳಿದುಕೊಳ್ಳಲೇಬೇಕಾದ ಪ್ರಮುಖ ಅಂಶಗಳು

ಮೂಲಗಳ ಪ್ರಕಾರ, ಎಲ್​ಇಟಿ ಸಮುದ್ರಮಾರ್ಗದ ಮೂಲಕ ಗುಜರಾತ್​ ಅಥವಾ ಮಹಾರಾಷ್ಟ್ರಕ್ಕೆ ಶಸ್ತ್ರಾಸ್ತ್ರಗಳನ್ನು ತಲುಪಿಸಲಿದೆ. ಭಾರತದ ಬಹುತೇಕ ಭದ್ರತಾ ಸಿಬ್ಬಂದಿ ಲಾಕ್​ಡೌನ್​ ಡ್ಯೂಟಿಯಲ್ಲಿದ್ದಾರೆ. ಹೀಗಾಗಿ, ಭಾರತದ ಪ್ರಮುಖ ನಗರಗಳ ಮೇಲೆ ದಾಳಿ ಮಾಡಲು ಇದೇ ಸರಿಯಾದ ಸಮಯ ಎಂದು ಐಎಸ್​ಐ ಸಂಸ್ಥೆ ಮತ್ತು ಎಲ್​ಇಟಿ ಲೆಕ್ಕಾಚಾರ ಹಾಕಿವೆ. ಪಾಕಿಸ್ತಾನ ಮೂಲದ ಎಲ್​ಇಟಿ ಸಂಘಟನೆಯ ನಾಯಕರಲ್ಲಿ ಒಬ್ಬನಾಗಿರುವ ಅಬ್ದುಲ್ ರೆಹಮಾನ್ ಮಕ್ಕಿ ಕೆಲವು ದಿನಗಳ ಹಿಂದಷ್ಟೇ ಕರಾಚಿಗೆ ಭೇಟಿ ನೀಡಿದ್ದನು. ಆ ವೇಳೆ ದಾವೂದ್​ನನ್ನು ಭೇಟಿ ಮಾಡಿ ಭಾರತದ ಮೇಲೆ ದಾಳಿ ನಡೆಸುವ ಬಗ್ಗೆ ಮಾತುಕತೆ ನಡೆಸಿದ್ದನು ಎನ್ನಲಾಗಿದೆ.

ಪಾಕಿಸ್ತಾನದಿಂದ ಭಾರತಕ್ಕೆ ಬರುವ ಶಸ್ತ್ರಾಸ್ತ್ರಗಳನ್ನು ದಾಳಿ ನಡೆಯುವ ಪ್ರಮುಖ ನಗರಗಳಿಗೆ ತಲುಪಿಸುವ ಜವಾಬ್ದಾರಿಯನ್ನು ಪಾಕಿಸ್ತಾನದ ಗೂಢಚಾರಿಕಾ ಏಜೆನ್ಸಿ ದಾವೂದ್​ ಇಬ್ರಾಹಿಂನ ಡಿ ಕಂಪನಿಗೆ ವಹಿಸಲಿದೆ ಎಂಬ ಮಾಹಿತಿ ಕೂಡ ಭಾರತದ ಗುಪ್ತಚರ ಇಲಾಖೆಗೆ ಸಿಕ್ಕಿದೆ.

ಇದನ್ನೂ ಓದಿ: ಕೊರೋನಾ ಹರಡುವಿಕೆಯಲ್ಲಿ ಶೀಘ್ರವೇ ಚೀನಾವನ್ನು ಹಿಂದಿಕ್ಕಲಿರುವ ಭಾರತ!
First published: