Baba Vanga: ಮತ್ತೆ ನಿಜವಾಯ್ತು ಬಾಬಾ ವಂಗಾ 2 ಭವಿಷ್ಯ, ಈಗ ಭಾರತ ಮತ್ತು ರಷ್ಯಾ ಸರದಿ, ಜನರಲ್ಲಿ ಭಾರೀ ಆತಂಕ!

ನವದೆಹಲಿ(ಆ.16): ಬಾಬಾ ವಂಗಾ (Baba vanga) ಬಲ್ಗೇರಿಯಾದ ಕುರುಡು ಮಹಿಳೆ. ಅವರು 12 ನೇ ವಯಸ್ಸಿನಲ್ಲಿ ದೃಷ್ಟಿ ಕಳೆದುಕೊಂಡರು. ಇದಾದ ಬಳಿಕ ಅವರಿಗೆ ದೇವರು ಭವಿಷ್ಯ (Prediction) ಗ್ರಹಿಸುವ ಶಕ್ತಿ ನೀಡಿದ್ದಾರೆಂದು ಹೇಳಲಾಗುತ್ತದೆ. ಅವರು ಪ್ರಪಂಚದ ಬಗ್ಗೆ ಅನೇಕ ಭವಿಷ್ಯವಾಣಿಗಳನ್ನು ಮಾಡಿದ್ದು, ಅವುಗಳಲ್ಲಿ ಹಲವು ನಿಜವೆಂದು ಸಾಬೀತಾಗಿವೆ. ಅವರು 2022 ರ ಆರಂಭಿಕ ತಿಂಗಳುಗಳ ಬಗ್ಗೆ 2 ಭವಿಷ್ಯ ನುಡಿದಿದ್ದರು, ಅದು ನಿಜವೆಂದು ಸಾಬೀತಾಗಿದೆ. ಇನ್ನು 2022ಕ್ಕೆ ಸಂಬಂಧಿಸಿದಂತೆ ಅವರು ಮಾಡಿದ ಭವಿಷ್ಯವಾಣಿಗಳಲ್ಲಿ ಭಾರತದ ಬಗ್ಗೆಯೂ ಒಂದಿದೆ. ಇದು ಬಹಳ ಅಪಾಯಕಾರಿ ಭವಿಷ್ಯವಾಗಿದೆ. ಹೀಗಾಗಿ ಸದ್ಯ ಈ ವಿಚಾರವಾಗಿ ವಿಶ್ವದಾದ್ಯಂತ ಅಭದ್ರತೆ ಮತ್ತು ಆತಂಕ ವ್ಯಕ್ತವಾಗಿದೆ.

ಬಾಬಾ ವಂಗಾ ಅವರ 2 ಭವಿಷ್ಯವಾಣಿಗಳು ಈ ವರ್ಷ ನಿಜವಾಯಿತು

ಬ್ರಿಟಿಷ್ ವೆಬ್‌ಸೈಟ್ 'ದಿ ಸನ್' ವರದಿಯ ಪ್ರಕಾರ, ಬಾಬಾ ವಂಗಾ 2022 ರ ಬಗ್ಗೆ ಅನೇಕ ಭವಿಷ್ಯ ನುಡಿದಿದ್ದಾರೆ. ಅದರಲ್ಲಿ 2 ಇಲ್ಲಿಯವರೆಗೆ ನಿಜವಾಗಿದೆ. ಇವುಗಳಲ್ಲಿ ಮೊದಲನೆಯದು ಆಸ್ಟ್ರೇಲಿಯಾದ ಕೆಲವು ಭಾಗಗಳಲ್ಲಿ ತೀವ್ರ ಪ್ರವಾಹದ ಮುನ್ಸೂಚನೆಯಾಗಿದೆ. ಎರಡನೆಯ ಭವಿಷ್ಯವು ಅನೇಕ ನಗರಗಳಲ್ಲಿ ಬರ ಮತ್ತು ನೀರಿನ ಬಿಕ್ಕಟ್ಟಿನ ಬಗ್ಗೆ ಇತ್ತು. ವರದಿಯ ಪ್ರಕಾರ, ಈ ವರ್ಷದ ಆರಂಭದಲ್ಲಿ ಆಸ್ಟ್ರೇಲಿಯಾದ ಪೂರ್ವ ಕರಾವಳಿಯಲ್ಲಿ ಧಾರಾಕಾರ ಮಳೆಯಾಗಿದ್ದು, ಅಲ್ಲಿ ತೀವ್ರ ಪ್ರವಾಹ ಉಂಟಾಗಿದೆ. ಹೀಗಾಗಿ ಅವರು ನುಡಿದ ಭವಿಷ್ಯ ನಿಜವಾಗಿದೆ.

ಇದನ್ನೂ ಓದಿ:  Baba Vanga: ಭಾರತಕ್ಕೆ ಕಾದಿದೆಯಾ ಮಹಾ ಗಂಡಾಂತರ? ವೈರಲ್ ಆಗ್ತಿದೆ ಬಾಬಾ ವಂಗಾ ನುಡಿದಿದ್ದ ಭವಿಷ್ಯ!

ದೊಡ್ಡ ನಗರಗಳು ಬರ ಮತ್ತು ನೀರಿನಿಂದ ತತ್ತರಿಸುತ್ತವೆ ಎಂದು ಅವರು ಮತ್ತೊಂದು ಭವಿಷ್ಯ ನುಡಿದರು. ಅದರಲ್ಲಿ ಸ್ಥಳ ಮತ್ತು ಸಮಯವನ್ನು ಸ್ಪಷ್ಟವಾಗಿ ಹೇಳಲಾಗಿಲ್ಲವಾದರೂ, ಈ ಭವಿಷ್ಯವು ಈಗ ಯುರೋಪಿನಲ್ಲಿ ನಿಜವೆಂದು ಸಾಬೀತಾಗಿದೆ. ಬೃಹತ್ ಹಿಮನದಿಗಳು ಮತ್ತು ನೀರಿನಿಂದ ಆವೃತವಾಗಿರುವ ಬ್ರಿಟನ್, ಇಟಲಿ ಮತ್ತು ಪೋರ್ಚುಗಲ್ ಈ ದಿನಗಳಲ್ಲಿ ತೀವ್ರ ಬರಗಾಲದ ಹಿಡಿತದಲ್ಲಿವೆ. ಹೀಗಿರುವಾಗ ಸಾಧ್ಯವಾದಷ್ಟು ನೀರನ್ನು ಉಳಿಸಲು ಜನರ ಬಳಿ ಮನವಿ ಮಾಡಲಾಗುತ್ತಿದೆ.

ಬ್ರಿಟನ್‌ನಲ್ಲಿ ಬರ ಘೋಷಣೆ

ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು, ಕಳೆದ ಶುಕ್ರವಾರ ಬ್ರಿಟನ್‌ನಲ್ಲಿ ಬರಗಾಲವನ್ನು ಅಧಿಕೃತವಾಗಿ ಘೋಷಿಸಲಾಗಿದೆ. ಇಂಗ್ಲೆಂಡ್‌ನ ನೈಋತ್ಯ, ದಕ್ಷಿಣ, ಮಧ್ಯ ಮತ್ತು ಪೂರ್ವ ಭಾಗಗಳು ನೀರಿನ ಕೊರತೆಯನ್ನು ಎದುರಿಸುತ್ತಿವೆ ಮತ್ತು ಶೀಘ್ರದಲ್ಲೇ ಬರಪೀಡಿತ ಎಂದು ಘೋಷಿಸಬಹುದು.

ಇಂತಹ ವಿನಾಶಕಾರಿ ಬರ ಎದುರಿಸುತ್ತಿರುವ ಏಕೈಕ ದೇಶ ಬ್ರಿಟನ್ ಮಾತ್ರ ಅಲ್ಲ, ಇಟಲಿ ಮತ್ತು ಪೋರ್ಚುಗಲ್ ಈ ದಿನಗಳಲ್ಲಿ ಬರಗಾಲದ ಹಿಡಿತದಲ್ಲಿವೆ ಮತ್ತು ನಿವಾಸಿಗಳು ನೀರಿನ ಸರಬರಾಜನ್ನು ಸಂರಕ್ಷಿಸಲು ಕೇಳಿಕೊಳ್ಳುತ್ತಿದ್ದಾರೆ. ಇಟಲಿಯು 1950ರ ನಂತರದ ಅತ್ಯಂತ ಭೀಕರ ಬರವನ್ನು ಅನುಭವಿಸುತ್ತಿದೆ.

ಇದನ್ನೂ ಓದಿ: Kodi Swamiji: ಕೊರೊನಾ ಕೊನೆಯಾಗೋದು ಯಾವಾಗ? ಜಲಪ್ರಳಯದ ಬಗ್ಗೆ ಕೋಡಿ ಮಠದ ಶ್ರೀಗಳ ಸ್ಫೋಟಕ ಭವಿಷ್ಯ

ಸೈಬೀರಿಯಾದಲ್ಲಿ ಅಪಾಯಕಾರಿ ವೈರಸ್ ಹಾವಳಿ

ಬಾಬಾ ವಂಗಾ ಈ ವರ್ಷಕ್ಕೆ ಇನ್ನೂ 2 ಭವಿಷ್ಯ ನುಡಿದಿದ್ದಾರೆ ಎಂದು ಹೇಳಲಾಗಿದೆ. ಈ ಒಂದು ಭವಿಷ್ಯವಾಣಿಯ ಪ್ರಕಾರ, ಈ ವರ್ಷ ರಷ್ಯಾದ ಸೈಬೀರಿಯಾ ಪ್ರದೇಶದಲ್ಲಿ ಅತ್ಯಂತ ಅಪಾಯಕಾರಿ ವೈರಸ್ ಪತ್ತೆಯಾಗುತ್ತದೆ, ಇದು ಜಗತ್ತಿನಲ್ಲಿ ಹೊಸ ಅಪಾಯಕಾರಿ ಕಾಯಿಲೆಯನ್ನು ಹರಡುತ್ತದೆ ಮತ್ತು ಲಕ್ಷಾಂತರ ಜನರು ಅದರಿಂದ ಸಾಯುತ್ತಾರೆ. ಬಾಬಾ ವಂಗಾ ಈ ವರ್ಷ ಭಾರತದ ಬಗ್ಗೆ ಗಂಭೀರ ಭವಿಷ್ಯ ನುಡಿದಿದ್ದಾರೆ.

ಭಾರತದ ಮೇಲೆ ದೊಡ್ಡ ಪ್ರಮಾಣದಲ್ಲಿ ಮಿಡತೆ ದಾಳಿ

ಇದರ ಪ್ರಕಾರ, ಈ ವರ್ಷ ಪ್ರಪಂಚದಲ್ಲಿ ಹವಾಮಾನ ಬದಲಾವಣೆಯಿಂದ ತಾಪಮಾನ ಭಾರೀ ಏರಿಕೆಯಾಗಲಿದೆ. ಇದರಿಂದಾಗಿ ಮಿಡತೆಗಳ ಏಕಾಏಕಿ ಹೆಚ್ಚಾಗುತ್ತದೆ. ಹಸಿರು ಮತ್ತು ಆಹಾರಕ್ಕಾಗಿ, ಮಿಡತೆ ಹಿಂಡುಗಳು ಭಾರತದ ಮೇಲೆ ದಾಳಿ ಮಾಡುತ್ತದೆ, ಬೆಳೆಗಳಿಗೆ ಗಂಭೀರ ಹಾನಿ ಉಂಟುಮಾಡುತ್ತದೆ ಮತ್ತು ದೇಶದಲ್ಲಿ ಕ್ಷಾಮವನ್ನು ಉಂಟುಮಾಡುತ್ತದೆ. ಬಾಬಾ ವಂಗಾ ಅವರ ಈ ಭವಿಷ್ಯವಾಣಿಗಳು ಎಷ್ಟು ನಿಜ ಎಂಬುವುದು ಕಾಲವೇ ಉತ್ತರಿಸಬೇಕಿದೆ. ಆದರೆ ಅವರ ಹಳೆಯ ಭವಿಷ್ಯವಾಣಿಗಳು ನಿಜವಾಗುವುದನ್ನು ಕಂಡು ಅನೇಕರಲ್ಲಿ ಭಯ ಮುಡಿದೆ.

12 ನೇ ವಯಸ್ಸಿನಲ್ಲಿ ದೃಷ್ಟಿ ಕಳೆದುಕೊಂಡರು

ಬಾಬಾ ವಂಗಾ ಅವರ ನಿಜವಾದ ಹೆಸರು ವಾಂಜೆಲಿಯಾ ಗುಶ್ಟೆರೋವಾ. ಅವರು ಬಲ್ಗೇರಿಯಾ ನಿವಾಸಿ. 12 ನೇ ವಯಸ್ಸಿನಲ್ಲಿ ದೃಷ್ಟಿ ಕಳೆದುಕೊಂಡರು. ಅದರ ನಂತರ ಭವಿಷ್ಯವನ್ನು ನೋಡಲು ದೇವರು ತನಗೆ ದಿವ್ಯ ಶಕ್ತಿ ನೀಡಿದ್ದಾನೆ ಎಂದು ಹೇಳಿಕೊಳ್ಳತೊಡಗಿದ್ದರು. ಅವರು 1996 ರಲ್ಲಿ ನಿಧನರಾದರು. ಅವರು ಬರವಣಿಗೆಯಲ್ಲಿ ಯಾವುದೇ ಭವಿಷ್ಯ ಬರೆದಿರಲಿಲ್ಲ, ಆದರೆ ಸಾಯುವವರೆಗೆ ವಿಶ್ವಕ್ಕೆ ಸಂಬಂಧಿಸಿದಂತೆ ಒಟ್ಟು 5079 ಭವಿಷ್ಯವಾಣಿಗಳನ್ನು ನುಡಿದೊದ್ದರು ಎನ್ನಲಾಗಿದೆ. ಇದರಲ್ಲಿ ಬ್ರಿಟನ್ ರಾಜಕುಮಾರಿ ಡಯಾನಾ ಸಾವು, ಅಮೆರಿಕದ ಮೇಲೆ 9/11 ದಾಳಿ, ಬರಾಕ್ ಒಬಾಮಾ ಅಮೆರಿಕದ ಮೊದಲ ಕಪ್ಪು ಅಧ್ಯಕ್ಷರಾಗಿ ಆಯ್ಕೆಯಾಗುವುದು ಮುಂತಾದ ಹಲವು ಭವಿಷ್ಯವಾಣಿಗಳು ನಿಜವೆಂದು ಸಾಬೀತಾಯಿತು.

ಆದಾಗ್ಯೂ, ಬಾಬಾ ವಂಗಾ ಏನು ಹೇಳಿದರೂ ಅದು ನಿಜವಾಗುತ್ತದೆ ಎಂದಲ್ಲ, 2016 ರಲ್ಲಿ ಯುರೋಪ್‌ನಲ್ಲಿ ಒಂದು ದೊಡ್ಡ ಯುದ್ಧ ನಡೆಯಲಿದೆ, ಅದು ಇಡೀ ಖಂಡವನ್ನು ಶಾಶ್ವತವಾಗಿ ಕೊನೆಗೊಳಿಸುತ್ತದೆ ಎಂದು ಅವರು ಹೇಳಿದ್ದಾರೆ. 2010ರಿಂದ 2014ರ ವರೆಗೆ ಜಗತ್ತಿನಲ್ಲಿ ಭೀಕರ ಪರಮಾಣು ಯುದ್ಧ ನಡೆಯಲಿದ್ದು, ಇದರಿಂದ ಜಗತ್ತಿನ ಬಹುಭಾಗ ನಾಶವಾಗಲಿದೆ ಎಂಬ ಮುನ್ಸೂಚನೆಯನ್ನೂ ಅವರು ನೀಡಿದ್ದಾರೆ. ಆದರೆ ಅವರು ನುಡಿದ ಈ ಭವಿಷ್ಯವಾಣಿ ನಿಜವಾಗಿಲ್ಲ.