ಅಸ್ಸಾಂನ ತೈಲ ಬಾವಿಯಲ್ಲಿ ಸ್ಪೋಟ; ಮೂವರು ವಿದೇಶಿ ತಜ್ಞರಿಗೆ ಗಾಯ

ಗುಹಾವಟಿ(ಜು.22): ಅಸ್ಸಾಂನ ತಿನ್ಸುಕಿಯಾ ಜಿಲ್ಲೆಯ ಬಾಗ್ಜಾನ್​ನ ತೈಲ ಬಾವಿಯಲ್ಲಿ​ ಸ್ಪೋಟ ಸಂಭವಿಸಿದ್ದು, ಮೂವರು ವಿದೇಶ ತಜ್ಞರು ಗಾಯಗೊಂಡಿರುವ ಘಟನೆ ನಡೆದಿದೆ.

ಘಟನೆಯಲ್ಲಿ ಗಾಯಗೊಂಡ ಮೂವರು ವಿದೇಶಿಗರನ್ನು ತಕ್ಷಣ ದಿಬ್ರುಗರ್​​ನ ಆಸ್ಥಾ ಆಸ್ಪತ್ರೆಗೆ ರವಾನಿಸಲಾಗಿದೆ. ಗಾಯಗೊಂಡವರನ್ನು ಸ್ಟೀವನ್ ರೆನಾಲ್ಸ್ಡ್​, ಡೌಗ್ ಡಲ್ಲಾಸ್ ಮತ್ತು ಕ್ರಯಿಗ್ ನೀಲ್ ಡಂಕನ್ ಎಂದು ಗುರುತಿಸಲಾಗಿದೆ.

ಪರಿಷತ್​ಗೆ ನಾಮನಿರ್ದೇಶನ; ಯೋಗೇಶ್ವರ್, ಮಾಳವಿಕಾಗೆ ಅವಕಾಶ ಸಾಧ್ಯತೆ; ವಿಶ್ವನಾಥ್ ಪರ ನಿಂತ ಬಿಎಸ್​ವೈ

ಬಗ್ಜಾನ್​ನ 5ನೇ ಸಂಖ್ಯೆಯ ಬಾವಿಯಲ್ಲಿ ಈ ಸ್ಫೋಟ ಸಂಭವಿಸಿದೆ. ಗಾಯಗೊಂಡ ಮೂವರು ವಿದೇಶಿ ತಂತ್ರಜ್ಞರನ್ನು ಆಸ್ಪತ್ರೆಗೆ ರವಾನಿಸಲಾಗಿದೆ ಎಂದು ಆಯಿಲ್ ಇಂಡಿಯಾ ಲಿಮಿಟೆಡ್ ತಿಳಿಸಿದೆ.

Assam: An explosion occurred near well no.5 of Oil India in Baghjan, Tinsukia. 3 foreign experts at the site injured. They have been rushed to hospital. The incident occurred when operations to douse the fire at Baghjan oil field was going on. The operation has been halted now. https://t.co/d8mzsmwdPc pic.twitter.com/0azjUzRRrR

— ANI (@ANI) July 22, 2020

ಬಗ್ಜಾನ್​ ತಿನ್ಸುಕಿಯಾ ತೈಲ ಬಾವಿಯು ಗುಹಾವಟಿ ನಗರದಿಂದ 500 ಕಿ.ಮೀ ದೂರದಲ್ಲಿದೆ. 6 ಮಂದಿ ವಿದೇಶಿ ತಂತ್ರಜ್ಞರು ತೈಲ ಬಾವಿಯೊಳಗೆ ಹೆಚ್ಚಾಗುತ್ತಿರುವ ಬೆಂಕಿಯನ್ನು ನಂದಿಸಲು ಕಾರ್ಯಾಚರಣೆ ನಡೆಸಲು ಮುಂದಾದಾಗ ಈ ಅವಘಡ ಸಂಭವಿಸಿದೆ ಎಂದು ದಿ ಹಿಂದೂ ವರದಿ ಮಾಡಿದೆ.

ಜೂನ್ 9ರಿಂದ ಬಗ್ಜಾನ್ ತೈಲ ಬಾವಿಯಲ್ಲಿ ಉಲ್ಬಣಗೊಳ್ಳುತ್ತಿರುವ ಬೆಂಕಿಯನ್ನು ನಂದಿಸಲು ಕಾರ್ಯಾಚರಣೆ ನಡೆಸುತ್ತಿರುವಾಗ ಈ ಸ್ಪೋಟ ಸಂಭವಿಸಿದೆ ಎಂದು ತಿಳಿದು ಬಂದಿದೆ.