ದೆಹಲಿ ಮತಗಟ್ಟೆ ಸಮೀಕ್ಷೆಗಳು ಸುಳ್ಳಾಗಲಿವೆ, ಬಿಜೆಪಿ 48 ಸ್ಥಾನಗಳಲ್ಲಿ ಗೆಲುವು ದಾಖಲಿಸಲಿದೆ; ಸಂಸದ ಮನೋಜ್ ತಿವಾರಿ

ನವ ದೆಹಲಿ (ಫೆಬ್ರವರಿ 08); ದೆಹಲಿ ವಿಧಾನಸಭಾ ಚುನಾವಣೆ ಬೆನ್ನಿಗೆ ಫಲಿತಾಂಶ ನೀಡುತ್ತಿರುವ ಮತಗಟ್ಟೆ ಸಮೀಕ್ಷೆಗಳು ದೆಹಲಿಯಲ್ಲಿ ಮತ್ತೊಮ್ಮೆ ಆಮ್ ಆದ್ಮಿ ಪಕ್ಷ ಸರ್ಕಾರ ರಚಿಸುವುದು ಖಚಿತ ಎನ್ನುತ್ತಿವೆ. ಆದರೆ, ಇದಕ್ಕೆ ವ್ಯತಿರೀಕ್ತ ಹೇಳಿಕೆ ನೀಡಿರುವ ದೆಹಲಿ ಬಿಜೆಪಿ ಸಂಸದ ಮನೋಜ್ ತಿವಾರಿ, “ದೆಹಲಿ ಚುನಾವಣೆ ಮಟ್ಟಿಗೆ ಎಲ್ಲಾ ಸಮೀಕ್ಷೆಗಳೂ ಸುಳ್ಳಾಗಲಿವೆ. ಅಲ್ಲದೆ, ಬಿಜೆಪಿ ಅತ್ಯಧಿಕ 48 ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ” ಎಂದು ಭವಿಷ್ಯ ನುಡಿದಿದ್ದಾರೆ.

ಈ ಕುರಿತು ಹಿಂದಿಯಲ್ಲಿ ಟ್ವಿಟ್ ಮಾಡಿರುವ ಮನೋಜ್ ತಿವಾರಿ, “ಎಲ್ಲಾ ಮತಗಟ್ಟೆ ಸಮೀಕ್ಷೆಗಳೂ ಸುಳ್ಳಾಗಲಿವೆ. 48 ಸ್ಥಾನಗಳಲ್ಲಿ ಗೆಲುವು ದಾಖಲಿಸುವ ಮೂಲಕ ಬಿಜೆಪಿ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಗದ್ದುಗೆ ಏರಲಿದೆ. ಈ ಸಂದರ್ಭದಲ್ಲಿ ಯಾರೂ ಇವಿಎಂ ಯಂತ್ರವನ್ನು ದೂರಬೇಡಿ” ಎಂದಿದ್ದಾರೆ.

ये सभी एग्ज़िट पोल होंगे fail..
मेरी ये ट्वीट सम्भाल के रखियेगा..
भाजपा दिल्ली में ४८ सीट ले कर सरकार बनायेगी .. कृपया EVM को दोष देने का अभी से बहाना ना ढूँढे..🙏

— Manoj Tiwari (@ManojTiwariMP) February 8, 2020

ಚುನಾವಣೆ ಮುಗಿಯುತ್ತಿದ್ದಂತೆ ಫಲಿತಾಂಶವನ್ನು ಹೊರಹಾಕಿರುವ ಎಲ್ಲಾ ಎಕ್ಸಿಟ್ ಪೋಲ್​ಗಳು ಈ ಬಾರಿಯೂ ಆಮ್ ಆದ್ಮಿ ಪಕ್ಷ ಬಹುಮತದೊಂದಿಗೆ ಸರ್ಕಾರ ರಚಿಸಲಿದೆ ಎಂದೇ ಭವಿಷ್ಯ ನುಡಿದಿವೆ. ಈ ಪೈಕಿ ಪ್ರಖ್ಯಾತ ಟೈಮ್ಸ್ ನೌ ಆಮ್ ಆದ್ಮಿಗೆ 44 ಸ್ಥಾನಗಳನ್ನು ನೀಡಿದ್ದರೆ, ರಿಪಬ್ಲಿಕ್ ಜನ್ ಕಿ ಬಾತ್ ಸಮೀಕ್ಷೆ 48 ಸ್ಥಾನಗಳನ್ನು ನೀಡಿದೆ.

ಇದನ್ನೂ ಓದಿ : Exit Poll Result 2020: ದೆಹಲಿ ಮತಗಟ್ಟೆ ಸಮೀಕ್ಷೆ; ಮತ್ತೊಮ್ಮೆ ಮುಖ್ಯಮಂತ್ರಿ ಗದ್ದುಗೆಯತ್ತ ಅರವಿಂದ ಕೇಜ್ರಿವಾಲ್?