• Home
  • »
  • News
  • »
  • national-international
  • »
  • Andhra Pradesh: ಅಪರೂಪದ ಘಟನೆ: ಕೃಷ್ಣಾ ಜಿಲ್ಲೆಯಲ್ಲಿ ಮೂರು ಕಾಲಿನ ಹೆಣ್ಣು ಮಗು ಜನನ...!

Andhra Pradesh: ಅಪರೂಪದ ಘಟನೆ: ಕೃಷ್ಣಾ ಜಿಲ್ಲೆಯಲ್ಲಿ ಮೂರು ಕಾಲಿನ ಹೆಣ್ಣು ಮಗು ಜನನ...!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಆಂಧ್ರ ಪ್ರದೇಶದ ಪಶ್ಚಿಮ ಗೋದಾವರಿ ಜಿಲ್ಲೆಯ ಶೆಟ್ಟಿ ವನಪಲ್ಲಿ ಗ್ರಾಮದ ವೆಂಕಟೇಶ್ವರಮ್ಮಗೆ ಈ ವಿಸ್ಮಯದ ಮಗು ಜನಿಸಿದೆ. ಹೆಣ್ಣು ಮಗು ಹುಟ್ಟಿದಾಗ ಮೂರನೇ ಕಾಲು ನೋಡಿದ ವೈದ್ಯರು ಸಹ ಅಚ್ಚರಿಗೊಳಗಾಗಿದ್ದಾರೆ.

  • Share this:

    ಆಂಧ್ರ ಪ್ರದೇಶ(ಮಾ.08):  ಆಂಧ್ರ ಪ್ರದೇಶದ ಕೃಷ್ಣಾ ಜಿಲ್ಲೆಯಲ್ಲಿ ಅತಿ ಅಪರೂಪದ ಘಟನೆಯೊಂದು ಸಂಭವಿಸಿದೆ. ಕೃಷ್ಣಾ ಜಿಲ್ಲೆಯ ನುಜ್ವಿದ್ ಪ್ರದೇಶದ ಆಸ್ಪತ್ರೆಯಲ್ಲಿ ಮೂರು ಕಾಲಿನ ಹೆಣ್ಣು ಮಗುವೊಂದು ಶುಕ್ರವಾರ ಜನಿಸಿದ್ದು, ಇದು ಅನೇಕರ ಅಚ್ಚರಿಗೆ ಕಾರಣವಾಗಿದೆ.


    ಆಂಧ್ರ ಪ್ರದೇಶದ ಪಶ್ಚಿಮ ಗೋದಾವರಿ ಜಿಲ್ಲೆಯ ಶೆಟ್ಟಿ ವನಪಲ್ಲಿ ಗ್ರಾಮದ ವೆಂಕಟೇಶ್ವರಮ್ಮಗೆ ಈ ವಿಸ್ಮಯದ ಮಗು ಜನಿಸಿದೆ. ಹೆಣ್ಣು ಮಗು ಹುಟ್ಟಿದಾಗ ಮೂರನೇ ಕಾಲು ನೋಡಿದ ವೈದ್ಯರು ಸಹ ಅಚ್ಚರಿಗೊಳಗಾಗಿದ್ದಾರೆ. ಆದರೆ, ವೆಂಕಟೇಶ್ವರಮ್ಮ ಹಾಗೂ ಮಗುವಿನ ತಂದೆ ಮೋಹನ್ ರಾವ್ ಇಬ್ಬರೂ ಹತ್ತಿರದ ಸಂಬಂಧಿಕರಾಗಿದ್ದು, ಈ ಹಿನ್ನೆಲೆ ಮಗುವಿಗೆ ಅನುವಂಶಿಕ ಸಮಸ್ಯೆಯಿಂದಾಗಿ ಮೂರನೇ ಕಾಲಿನ ರೀತಿಯ ಆಕೃತಿ ಪತ್ತೆಯಾಗಿದೆ ಎಂಬುದು ವೈದ್ಯರಿಗೆ ಬಳಿಕ ಅರಿವಾಗಿದೆ.


    ಸಚಿವ ಸಂಪುಟದಲ್ಲಿ ಏಕೈಕ ಮಹಿಳಾ ಸಚಿವೆ; ಮಹಿಳಾ ರಾಜಕಾರಣಿ, ಮಾತೃ ಹೃದಯಿ ಶಶಿಕಲಾ ಜೊಲ್ಲೆ


    ಮೂರು ಕಾಲುಳ್ಳ ಮಗು ಹಾಗೂ ತಾಯಿ ಇಬ್ಬರೂ ಆರೋಗ್ಯವಾಗಿದ್ದಾರೆ ಎಂದು ಆಸ್ಪತ್ರೆಯ ಸೂಪರಿಟೆಂಡೆಂಟ್ ನರೇಂದ್ರ ಸಿಂಗ್ ಹೇಳಿದ್ದಾರೆ. ಅಲ್ಲದೆ, ಉತ್ತಮ ಚಿಕಿತ್ಸೆಗಾಗಿ ಅವರನ್ನು ಆಂಧ್ರ ಪ್ರದೇಶದ ವಿಜಯವಾಡದ ಸರ್ಕಾರಿ ಆಸ್ಪತ್ರೆಗೆ ಕಳಿಸಲಾಗಿದೆ. ಜತೆಗೆ, ತಾಯಿ ವೆಂಕಟೇಶ್ವರಮ್ಮ ಹಾಗೂ ಹೆಣ್ಣು ಮಗುವನ್ನು ವೈದ್ಯಕೀಯ ಮೇಲ್ವಿಚಾರಣೆಯಲ್ಲಿಡಲಾಗಿದೆ ಎಂದೂ ತಿಳಿದುಬಂದಿದೆ.


    ''ಒಂದೇ ಪೂರ್ವಜರಿಂದ ಅನುವಂಶಿಕವಾಗಿ ಪಡೆದ ಮಾರಕ ಜೀನ್​ಗಳು ಮುಂದಿನ ಸಂತತಿಗೆ ಹರಡಿದರೆ ಮಕ್ಕಳು ಅಸ್ವಸ್ಥತೆಯಾಗುವ ಅಥವಾ ಮೃತಪಡುವ ಸಂಭವವಿರುತ್ತದೆ. ಜತೆಗೆ, ಪ್ರಸವ ಪೂರ್ವದಲ್ಲಿ ಸಮಸ್ಯೆ ಮತ್ತು ನವಜಾತ ಶಿಶುವಿನಲ್ಲಿ ಸಮಸ್ಯೆಗಳಿಗೆ ಕಾರಣವಾಗಬಹುದು'' ಎಂದು ವೈದ್ಯರು ಈ ಅಪರೂಪದ ಘಟನೆ ಬಗ್ಗೆ ಮಾತನಾಡಿದ್ದಾರೆ.

    Published by:Latha CG
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು