Bihar: ಕುರ್ತಾ, ಪೈಜಾಮ ಧರಿಸಿ ಶಾಲೆಗೆ ಬಂದ ಹೆಡ್​ಮಾಸ್ಟರ್ ಸ್ಯಾಲರಿ ಕಟ್!

ಪಾಟ್ನಾ(ಜು.13): ಶಾಲೆಯಲ್ಲಿ ಕುರ್ತಾ ಪೈಜಾಮ ಧರಿಸಿದ್ದಕ್ಕಾಗಿ ಸರ್ಕಾರಿ ಪ್ರಾಥಮಿಕ ಶಾಲೆಯ (Govt Primary School) ಮುಖ್ಯೋಪಾಧ್ಯಾಯರನ್ನು  (Head Master) ಬಿಹಾರದ (Bihar) ಲಖಿಸರಾಯ್ ಜಿಲ್ಲೆಯ ಜಿಲ್ಲಾ ಮ್ಯಾಜಿಸ್ಟ್ರೇಟ್ (DM) ಸಂಜಯ್ ಕುಮಾರ್ ಸಿಂಗ್ ಛೀಮಾರಿ ಹಾಕಿರುವ ವಿಡಿಯೋ ವೈರಲ್ (Viral) ಆಗಿದೆ. ಜುಲೈ 6 ರಂದು ಜಿಲ್ಲೆಯ ಸದರ್ ಬ್ಲಾಕ್‌ಗೆ ಒಳಪಡುವ ಬಲ್ಗುದಾರ್ ಪ್ರಾಥಮಿಕ ಶಾಲೆಯ ಹಠಾತ್ ತಪಾಸಣೆಯ (Inspection) ಸಂದರ್ಭದಲ್ಲಿ, ಬಿಹಾರದ ಸಾಂಪ್ರದಾಯಿಕ ಉಡುಗೆಯಾದ ಕುರ್ತಾ (Kurta) ಪೈಜಾಮದಲ್ಲಿ ಮುಖ್ಯೋಪಾಧ್ಯಾಯರನ್ನು ನೋಡಿ ಡಿಎಂ ಕೋಪಗೊಂಡರು.

“ನೀವು ವಿದ್ಯೆ ಕಲಿಸುವ ಬದಲು ಮತ ಕೇಳುವ ಜನರ ಬಳಿಗೆ ಹೋಗಬೇಕು. ನೀವು ಶಿಕ್ಷಕರಂತೆ ಕಾಣದೆ ಸಾರ್ವಜನಿಕ ಜನಪ್ರತಿನಿಧಿಯನ್ನು ಹೋಲುತ್ತೀರಿ” ಎಂದು ಡಿಎಂ ಮುಖ್ಯೋಪಾಧ್ಯಾಯರಿಗೆ ಹೇಳಿದರು.

ದಿಢೀರ್ ಪರಿಶೀಲನೆ

ಕುರ್ತಾ-ಪೈಜಾಮ ಧರಿಸಿದ ಸ್ಥಳೀಯ ಮುಖಿಯಾ ಮಖ್ರು ಸಿಂಗ್ ಅವರೊಂದಿಗೆ ಡಿಎಂ ಅನಿರೀಕ್ಷಿತವಾಗಿ ಇನ್​ಸ್ಪೆಕ್ಷನ್​ಗೆ ಬಂದಿದ್ದರು ಎಂದು ಹೆಸರು ಹೇಳು ಇಚ್ಛಿಸದ ಹಿರಿಯ ಶಿಕ್ಷಕರೊಬ್ಬರು ಅ‘ಹೇಳಿದರು.

ಅಧಿಕಾರಶಾಹಿಗಳು ಆಗಾಗ ತಮ್ಮ ಮಿತಿಯನ್ನು ಮರೆತು ಬಡ ಶಿಕ್ಷಕರನ್ನು ತಮ್ಮ ಗುಲಾಮರಂತೆ ಪರಿಗಣಿಸುತ್ತಾರೆ ಎಂದು ಅವರು ಆರೋಪಿಸಿದರು. ಡಿಎಂನ ಈ ಅಸಭ್ಯ ಕೃತ್ಯವನ್ನು ನಾವು ಇನ್ನು ಮುಂದೆ ಸಹಿಸುವುದಿಲ್ಲ. ಆದರೆ, ಮುಖ್ಯೋಪಾಧ್ಯಾಯರ ಅಳಲನ್ನು ಕೇಳಲು ಸಿಂಗ್ ಸಿದ್ಧರಿರಲಿಲ್ಲ ಎನ್ನಲಾಗಿದೆ.

ನೀವು ಯಾರೊಂದಿಗೆ ಮಾತನಾಡುತ್ತಿದ್ದೀರಿ ಎಂದು ನಿಮಗೆ ತಿಳಿದಿದೆಯೇ ಎಂದು ಡಿಎಂ ಕೇಳಿದ್ದಾರೆ ಎಂದು ಹೇಳಲಾಗಿದೆ. ಮುಖ್ಯೋಪಾಧ್ಯಾಯರ ಬಗೆಗಿನ ಡಿಎಂ ವರ್ತನೆಗೆ ಸಮಾಜದ ವಿವಿಧ ವಲಯಗಳಿಂದ ತೀವ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಶಿಕ್ಷಕ ಸಂಘಗಳು ಈ ಕೃತ್ಯವನ್ನು ಖಂಡಿಸಿವೆ.

ಶಿಕ್ಷಕರು ಮತ್ತು ಶಿಕ್ಷಕೇತರ ಸಿಬ್ಬಂದಿಗೆ ಡ್ರೆಸ್ ಕೋಡ್ ಇಲ್ಲ

"ಆದರೆ ಬಿಹಾರದಲ್ಲಿ ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿಗೆ ಯಾವುದೇ ಡ್ರೆಸ್ ಕೋಡ್ ಇಲ್ಲ ಮತ್ತು ಸಾಂಪ್ರದಾಯಿಕ ಉಡುಪಿನ ಕುರ್ತಾ ಪೈಜಾಮದಲ್ಲಿರುವ ಶಿಕ್ಷಕರು ಸಂಬಳ ಕಡಿತ ಅಥವಾ ಸಂಬಳವನ್ನು ತಡೆಹಿಡಿಯಲು ಆಧಾರವಾಗುವುದಿಲ್ಲ" ಎಂದು ಎಂಡಿ ಅಫ್ತಾಬ್ ಫಿರೋಜ್ ಹೇಳಿದ್ದಾರೆ.

ಫ್ಯಾನ್, ವಿದ್ಯತ್ ಇಲ್ಲ

ಶಿಕ್ಷಕರ ಅರ್ಹತಾ ಪರೀಕ್ಷೆ (ಟಿಇಟಿ) ಶಿಕ್ಷಕರ ಸಂಘದ ಅಧ್ಯಕ್ಷ , ಅರಾರಿಯಾ ಅವರು, "ಬಿಹಾರದಲ್ಲಿ ಹೆಚ್ಚಿನ ಶಾಲೆಗಳಲ್ಲಿ ವಿದ್ಯುತ್ ಫ್ಯಾನ್‌ಗಳಿಲ್ಲ ಮತ್ತು ಈ ಸಂದರ್ಭಗಳಲ್ಲಿ ಶಿಕ್ಷಕರು ತಮ್ಮ ಬೆವರು ಒರೆಸಲು ಗಮ್ಚಾವನ್ನು ಬಳಸುತ್ತಾರೆ" ಎಂದು ಹೇಳಿದರು.

ಕ್ಷಮೆ ಯಾಚಿಸಿದರೂ ಕ್ಯಾರ್ ಮಾಡದ ಅಧಿಕಾರಿ

ಪದೇ ಪದೇ ಕ್ಷಮೆಯಾಚಿಸಿದರೂ ಡಿಎಂ ಅವರಿಗೆ ಶೋಕಾಸ್ ನೋಟಿಸ್ ಜಾರಿ ಮಾಡಿ 24 ಗಂಟೆಯೊಳಗೆ ವರದಿ ಸಲ್ಲಿಸುವಂತೆ ಜಿಲ್ಲಾ ಶಿಕ್ಷಣಾಧಿಕಾರಿಗೆ ಸೂಚಿಸಿದರು.
ನೀವು ಮುಖ್ಯೋಪಾಧ್ಯಾಯರ ಹುದ್ದೆಗೆ ಯೋಗ್ಯರಲ್ಲ ಆದ್ದರಿಂದ ನಿಮ್ಮ ಸಂಬಳವನ್ನು ತಡೆಹಿಡಿಯಲಿದ್ದೇನೆ” ಎಂದು ಅವರು ಹೇಳಿದರು.

ಇದನ್ನೂ ಓದಿ: ED Raid: ದೇಶಾದ್ಯಂತ 40ಕ್ಕೂ ಹೆಚ್ಚು ಸ್ಥಳಗಳಲ್ಲಿ ED ದಾಳಿ; Vivo ಸೇರಿದಂತೆ ಚೀನೀ ಸಂಸ್ಥೆಗಳಲ್ಲಿ ಪರಿಶೀಲನೆ

ಕಳಪೆ ಮೂಲಸೌಕರ್ಯ ಮತ್ತು ವಿದ್ಯುತ್ ಸೌಲಭ್ಯಗಳ ಕೊರತೆಯ ಬಗ್ಗೆ ಗ್ರಾಮಸ್ಥರು ಧ್ವಜಾರೋಹಣ ಮಾಡಿದ ನಂತರ ಲಖಿಸರಾಯ್ ಡಿಎಂ ಶಾಲೆಗೆ ದಿಢೀರ್ ಭೇಟಿ ನೀಡಿದ್ದರು.

ಜನರಿಂದ ಬೆಂಬಲ

ಘಟನೆ ಬಗ್ಗೆ ಬೇಸರ ವ್ಯಕ್ತಪಡಿಸಿದ ಮುಖ್ಯೋಪಾಧ್ಯಾಯ ನಿರ್ಭಯ್ ಕುಮಾರ್, ನಾನು 30 ವರ್ಷಗಳಿಂದ ಶಿಕ್ಷಕನಾಗಿ ಕೆಲಸ ಮಾಡುತ್ತಿದ್ದೇನೆ.  ಮೊದಲಿನಿಂದಲೂ ಕುರ್ತಾ ಪೈಜಾಮ ಧರಿಸಲು ಇಷ್ಟಪಡುತ್ತೇನೆ. ನನ್ನ ಸೇವೆಯಲ್ಲಿ ಇದು ಮೊದಲ ಬಾರಿಗೆ ನನ್ನೊಂದಿಗೆ ಅಸಭ್ಯವಾಗಿ ವರ್ತಿಸಲಾಗಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: Lalan Kumar: 33 ತಿಂಗಳುಗಳ 24 ಲಕ್ಷ ರೂ. ಸಂಬಳವನ್ನು ಹಿಂತಿರುಗಿಸಿದ ಉಪನ್ಯಾಸಕ! ಇದಪ್ಪಾ ಪ್ರಾಮಾಣಿಕತೆ ಅಂದ್ರೆ

ಮುಖ್ಯೋಪಾಧ್ಯಾಯರ ಬೆಂಬಲಕ್ಕೆ ಬಂದಿರುವ ಜನ ಅಧಿಕಾರ ಪಕ್ಷದ (ಜೆಎಪಿ) ಮುಖ್ಯಸ್ಥ ಪಪ್ಪು ಯಾದವ್ ಅವರು ಬಿಹಾರ ಮುಖ್ಯಮಂತ್ರಿಗೆ ಟ್ವೀಟ್‌ನಲ್ಲಿ ಡಿಎಂ ಅವರನ್ನು ತಕ್ಷಣ ಅಮಾನತುಗೊಳಿಸಬೇಕು ಮತ್ತು ವೇತನವನ್ನು ತಡೆಹಿಡಿಯಬೇಕು ಎಂದು ಒತ್ತಾಯಿಸಿದ್ದಾರೆ.