Bihar Election Results 2020 - ಬಿಹಾರದಲ್ಲಿ ಅಚ್ಚರಿ ಮೂಡಿಸುತ್ತಾ ಸಿಪಿಐ-ಎಂಎಲ್ ಪಕ್ಷ?

ಪಾಟ್ನಾ(ನ. 10): ಬಿಹಾರದಲ್ಲಿ ಮತ ಎಣಿಕೆ ಕಾರ್ಯ ಪ್ರಾರಂಭಗೊಂಡಿದೆ. ಇದಕ್ಕೂ ಮುನ್ನ ಮತದಾನ ನಂತರ ನಡೆದ ಮತಗಟ್ಟೆ ಸಮೀಕ್ಷೆಗಳು ಮಹಾಘಟಬಂಧನದ ವಿಜಯವನ್ನು ಸೂಚಿಸಿವೆ. ಈ ಮಹಾಘಟಬಂಧನದಲ್ಲಿ ಆರ್​ಜೆಡಿ ಮತ್ತು ಕಾಂಗ್ರೆಸ್ ಪ್ರಮುಖ ಭಾಗವಾಗಿವೆ. ಆರ್​ಜೆಡಿ 144 ಮತ್ತು ಕಾಂಗ್ರೆಸ್ 70 ಕ್ಷೇತ್ರಗಳಲ್ಲಿ ಸ್ಪರ್ಧಿಸಿವೆ. ಇನ್ನುಳಿದ 31 ಕ್ಷೇತ್ರಗಳಲ್ಲಿ ಎಡಪಕ್ಷಗಳ ಅಭ್ಯರ್ಥಿಗಳು ಕಣಕ್ಕಿಳಿದಿದ್ದಾರೆ. ಈ ಎಡಪಕ್ಷಗಳಲ್ಲಿ ಮಾರ್ಕ್ಸ್​ವಾದಿ ಲೆನಿನ್​ವಾದಿ ಕಮ್ಯೂನಿಸ್ಟ್ ಪಕ್ಷ (ಸಿಪಿಐ-ಎಂಎಲ್) 19 ಕ್ಷೇತ್ರಗಳಲ್ಲಿ ಸ್ಪರ್ಧಿಸಿದೆ.

ಮತಗಟ್ಟೆ ಸಮೀಕ್ಷೆಗಳ ಪ್ರಕಾರ ಸಿಪಿಐ-ಎಂಎಲ್ ತಾನು ಸ್ಪರ್ಧಿಸಿರುವ ಕ್ಷೇತ್ರಗಳಲ್ಲಿ ಭರ್ಜರಿ ಗೆಲುವು ಪಡೆಯುವ ಸಾಧ್ಯತೆ ಇದೆ. ಅದು ಸ್ಪರ್ಧಿಸಿರುವ 19 ಕ್ಷೇತ್ರಗಳಲ್ಲಿ 12-16 ಕ್ಷೇತ್ರಗಳಲ್ಲಿ ಗೆಲುವಿನ ಸಾಧ್ಯತೆ ಇದೆ ಎಂದು ಕೆಲ ಸಮೀಕ್ಷೆಗಳು ಅಂದಾಜಿಸಿವೆ. ಇದು ನಿಜವಾದರೆ ಎಡಪಕ್ಷಗಳಿಗೆ ಒಂದು ರೀತಿಯಲ್ಲಿ ಆನೆಬಲ ಬಂದಂತಾಗಬಹುದು.

ಇದನ್ನೂ ಓದಿ: Bihar Assembly Election 2020 Results Live: ಬಿಹಾರ ಚುನಾವಣೆ – ಮತ ಎಣಿಕೆ ಆರಂಭ; ಎನ್​ಡಿಎ ಮಹಾಘಟಬಂಧನ ಸಮಬಲ ಮುನ್ನಡೆ

ಬಿಹಾರದಲ್ಲಿ ಸಿಪಿಐ(ಎಂಎಲ್) ಬಲ ಹೆಚ್ಚಾಗಿ ಇರುವುದು ಭೋಜಪುರ್ ಪ್ರದೇಶದಲ್ಲಿ. ಇಲ್ಲಿರುವ 49 ಕ್ಷೇತ್ರಗಳ ಪೈಕಿ 33 ಕ್ಷೇತ್ರಗಳಲ್ಲಿ ಮಹಾಘಟಬಂಧನದ ಅಭ್ಯರ್ಥಿಗಳು ಗೆಲ್ಲಲಿದ್ದಾರೆ. ಈ ವಲಯದಲ್ಲಿ ಸಿಪಿಐಎಂಎಲ್​ನ ಸಂಘಟನಾ ಬಲದ ಪ್ರಭಾವ ಬಹಳಷ್ಟಿದೆ. ಇತ್ತೀಚಿನ ದಿನಗಳಲ್ಲಿ ಇಲ್ಲಿ ಅದರ ಸಂಘಟನಾ ಕೆಲಸಗಳು ತೀರಾ ತಳಮಟ್ಟದವರನ್ನ ಮುಟ್ಟಿವೆ. ಇದು ಮಹಾಘಟಬಂಧನ್ ಗೆಲುವಿಗೆ ಪೂರಕವಾದ ಅಂಶಗಳಲ್ಲಿ ಒಂದು.

ಚುನಾವಣಾ ಫಲಿತಾಂಶದ ಬಗ್ಗೆ ಇಂಗ್ಲಿಷ್​ ಭಾಷೆಯಲ್ಲಿ ಓದಲು ಇಲ್ಲಿ ಕ್ಲಿಕ್​ ಮಾಡಿ