Banda Boat Accident: 30 ಜನರಿದ್ದ ದೋಣಿ ನದಿಯಲ್ಲಿ ಪಲ್ಟಿ; ರಕ್ಷಾ ಬಂಧನದ ದಿನವೇ ಭಾರೀ ದುರಂತ

ದೋಣಿಯಲ್ಲಿದ್ದ ಎಲ್ಲರೂ ನೀರಿನಲ್ಲಿ ಮುಳುಗಿದ್ದಾರೆ. ಈಜು ಹೊಡೆದು 28 ವರ್ಷದ ರಾಜ್‌ಕರಣ್ ಪಾಸ್ವಾನ್ ನಿವಾಸಿ ಅಸೋಧರ್ ಬರೂಯಿ ಫತೇಪುರ್ ಮತ್ತು 60 ವರ್ಷದ ಗಯಾ ಪ್ರಸಾದ್ ನಿಶಾದ್ ನಿವಾಸಿ ಸಂಗರ ಬಾಬೇರು ನದಿಯಿಂದ ಹೇಗೋ ಹೊರ ಬಂದಿದ್ದಾರೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಲಖ್ನೋ: ಉತ್ತರ ಪ್ರದೇಶದಲ್ಲಿ ಭಾರೀ ದೋಣಿ ದುರಂತವೊಂದು (Boat  Accident) ಸಂಭವಿಸಿದೆ.  30ಕ್ಕೂ ಹೆಚ್ಚು ಮಂದಿ ಇದ್ದ ದೋಣಿಯೊಂದು ಯಮುನಾ ನದಿಯ ಮಧ್ಯದಲ್ಲಿ (Yamuna River Boat Accident) ಮುಳುಗಿದೆ. ಗುರುವಾರ ಮಧ್ಯಾಹ್ನ ಬಂದಾ ಎಂಬಲ್ಲಿ ಈ ಭಾರಿ ದೋಣಿ ಅಪಘಾತ ಸಂಭವಿಸಿದೆ. ದೋಣಿಯಲ್ಲಿ ನಾಲ್ಕು ಜನ ಹೇಗೋ ಈಜಿಕೊಂಡು ಪಾರಾಗಿದ್ದಾರೆ. ದೋಣಿ ಮತ್ತು ದೋಣಿಯಲ್ಲಿದ್ದ ಉಳಿದವರು ಪತ್ತೆಯಾಗಿಲ್ಲ. ಜನರ ಹುಡುಕಾಟದಲ್ಲಿ ಎಸ್‌ಡಿಆರ್‌ಎಫ್ ತಂಡಗಳೊಂದಿಗೆ (SDRF Team) ಸ್ಥಳೀಯ ಡೈವರ್‌ಗಳನ್ನು ನಿಯೋಜಿಸಲಾಗಿದೆ. ಆದರೆ ದೋಣಿ ಅಘಾತದಲ್ಲಿ ಇಬ್ಬರ ಮೃತದೇಹಗಳು ಪತ್ತೆಯಾಗಿವೆ. ರಕ್ಷಾ ಬಂಧನದ ಕಾರಣ ಹೆಚ್ಚಿನ ಸಂಖ್ಯೆಯಲ್ಲಿ ಮಹಿಳೆಯರು ಮತ್ತು ಮಕ್ಕಳು ದೋಣಿಯಲ್ಲಿದ್ದರು ಎಂದು ಹೇಳಲಾಗುತ್ತಿದೆ.

    ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅಪಘಾತದ ಕುರಿತು ಸೂಕ್ತ ಕಾರ್ಯಾಚರಣೆ ನಡೆಸಲು ಸೂಚನೆ ನೀಡಿದ್ದಾರೆ.



    ನದಿ ದಾಟಲು ಬೇರೆ ವಿಧಾನವೇ ಇರಲಿಲ್ಲ
    ಮಾರ್ಕಾದಿಂದ ಫತೇಪುರ್, ಪ್ರಯಾಗ್​ರಾಜ್​ವರೆಗಿನ ಜನರು ಯಮುನಾ ನದಿಯನ್ನು ದಾಟುತ್ತಾರೆ ಎಂದು ಹೇಳಲಾಗುತ್ತದೆ. ಏಕೈಕ ವಿಧಾನವೆಂದರೆ ಅದು ದೋಣಿಯೇ ಆಗಿತ್ತು ಇದರಲ್ಲಿ 30 ರಿಂದ 40 ಸವಾರರನ್ನು ಒಮ್ಮೆ ನದಿಯ ಒಂದು ಬದಿಯಿಂದ ಇನ್ನೊಂದು ಕಡೆಗೆ ಸಾಗಿಸಲಾಗುತ್ತಿತ್ತು. ಗುರುವಾರ ಮಧ್ಯಾಹ್ನ 2.30ರ ಸುಮಾರಿಗೆ ಮಾರ್ಕಾದಿಂದ 30ಕ್ಕೂ ಹೆಚ್ಚು ಮಂದಿ ದೋಣಿಯಲ್ಲಿ ಫತೇಪುರ ಕಡೆಗೆ ಹೋಗುತ್ತಿದ್ದರು. ನೀರಿನ ರಭಸವಾಗಿ ಹರಿಯುತ್ತಿದ್ದರಿಂದ ದೋಣಿಯು ಮಧ್ಯದಲ್ಲಿಯೇ ಪಲ್ಟಿ ಹೊಡೆದಿದೆ.

    ಎಲ್ಲರೂ ಮುಳುಗಿದರು, ಇಬ್ಬರು ಮಾತ್ರ ಈಜಿದರು
    ದೋಣಿಯಲ್ಲಿದ್ದ ಎಲ್ಲರೂ ನೀರಿನಲ್ಲಿ ಮುಳುಗಿದ್ದಾರೆ. ಈಜು ಹೊಡೆದು 28 ವರ್ಷದ ರಾಜ್‌ಕರಣ್ ಪಾಸ್ವಾನ್ ನಿವಾಸಿ ಅಸೋಧರ್ ಬರೂಯಿ ಫತೇಪುರ್ ಮತ್ತು 60 ವರ್ಷದ ಗಯಾ ಪ್ರಸಾದ್ ನಿಶಾದ್ ನಿವಾಸಿ ಸಂಗರ ಬಾಬೇರು ನದಿಯಿಂದ ಹೇಗೋ ಹೊರ ಬಂದಿದ್ದಾರೆ.  4 ಗಂಟೆ ವೇಳೆಗೆ 30 ವರ್ಷದ ಮಾಯಾ, 26 ವರ್ಷದ ಪಿಂಟು, ಆರು ವರ್ಷದ ಮಹೇಶ್, ಮೂರು ವರ್ಷದ ಸಂಗೀತಾ, 15 ವರ್ಷದ ಜಯೇಂದ್ರ ಅವರ ಮಗ ಪ್ರೇಮಚಂದ್ರ, 15 ವರ್ಷದ ಕರಣ್ ಅವರ ಮಗ ರಿಜ್ಜು, ಏಳು ವರ್ಷದ ಆಯೇಶ್ ಕುಮಾರ್, 48 ವರ್ಷದ ಫುಲ್ವಾ ಮತ್ತು 50 ವರ್ಷದ ಮುನ್ನಾ ನೀರಿನಲ್ಲಿ ಮುಳುಗಿರುವುದು ದೃಢಪಟ್ಟಿದೆ. ಮಾಹಿತಿ ಮೇರೆಗೆ ಅಧಿಕಾರಿಗಳು ಸೇರಿದಂತೆ ಉನ್ನತ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿದ್ದಾರೆ.

    ಇದನ್ನೂ ಓದಿ: Amarnath Flash Flood: ಮೇಘಸ್ಫೋಟದಿಂದ ಸಂಭವಿಸಿಲ್ಲ ಅಮರನಾಥ ದುರಂತ, ಬಯಲಾಯ್ತು ಅಸಲಿ ಕಾರಣ!

    ರಾಂಬನ್‌ನಲ್ಲಿ ಮೇಘಸ್ಫೋಟ, ಭೂಕುಸಿತ, ಇಬ್ಬರು ಸಾವು ಮತ್ತು ಹಲವರಿಗೆ ಗಾಯ!
    ಜಮ್ಮು ಮತ್ತು ಕಾಶ್ಮೀರದ ರಾಂಬನ್‌ನಲ್ಲಿ (Jammu Kashmir's Ramban) ಮೇಘಸ್ಫೋಟ ಮತ್ತು ಭೂಕುಸಿತದ (Cloud Burst and Landslide) ಘಟನೆ ಬೆಳಕಿಗೆ ಬಂದಿದೆ. ಗುರುವಾರದ ಸಂಭವಿಸಿದ ಈ ದುರಂತದಿಂದ ಜಮ್ಮು-ಶ್ರೀನಗರ ರಾಷ್ಟ್ರೀಯ ಹೆದ್ದಾರಿಯನ್ನು ಮುಚ್ಚಲಾಗಿದೆ.

    ಇದನ್ನೂ ಓದಿ: PM Modi Raksha Bandhan: ಮೋದಿಯೇ ನಮ್ಮ ಸಹೋದರ! ಪ್ರಧಾನಿ ಮೋದಿಗೆ ರಾಖಿ ಕಟ್ಟಿದ ಬಾಲಕಿಯರು

    ಘಟನೆಯಲ್ಲಿ ಇಬ್ಬರು ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ. ಅಲ್ಲದೇ ಹಲವರು ಗಾಯಗೊಂಡಿದ್ದಾರೆ ಎಂದು ಹೇಳಲಾಗಿದೆ. ಭೂಕುಸಿತದಿಂದ ಮನೆಗಳಿಗೂ ಹಾನಿಯಾಗಿದೆ. ಪ್ರಾಥಮಿಕ ಮಾಹಿತಿಯ ಪ್ರಕಾರ, ಭೂಕುಸಿತದಿಂದಾಗಿ, ರಾಂಬನ್‌ನಲ್ಲಿ ಕಲ್ಲು ಬೀಳುವಿಕೆ ಮತ್ತು ಭೂಕುಸಿತದಿಂದಾಗಿ ಹೆದ್ದಾರಿ ಸಂಚಾರವನ್ನು ಮುಚ್ಚಲಾಗಿದೆ.
    Published by:guruganesh bhat
    First published: