ಸಂಸ್ಕೃತ ವಿಭಾಗಕ್ಕೆ ಮುಸ್ಲಿಂ ​ಪ್ರೊಫೆಸರ್​; ಬನಾರಸ್​ ಹಿಂದು ವಿಶ್ವವಿದ್ಯಾಲಯ ವಿದ್ಯಾರ್ಥಿಗಳ ಪ್ರತಿಭಟನೆ

ಡಾ. ಫಿರೋಜ್​ ಖಾನ್​ ಅವರನ್ನು ಸಂಸ್ಕೃತ ವಿಭಾಗಕ್ಕೆ ಅಸಿಸ್ಟೆಂಟ್​ ಪ್ರೊಫೆಸರ್​ ಆಗಿ ನವಂಬರ್​ 5ರಂದು ನೇಮಕ ಮಾಡಲಾಗಿತ್ತು. ಈ ಆದೇಶವನ್ನು ಹಿಂಪಡೆಯುವಂತೆ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸಿದ್ದಾರೆ. ಇನ್ನು ಈ ಧರಣಿ ನಡೆಸುತ್ತಿರುವ ಸ್ಥಳಕ್ಕೆ ನಿನ್ನೆ ಬಿಎಚ್​ಯು ಉಪ ಕುಲಪತಿ ಆಗಮಿಸಿದಾಗ ಅವರ ಕಾರಿನ ಮೇಲೆ ನೀರಿನ ಬಾಟಲ್​ ಹಾಗೂ ಕಲ್ಲು ತೂರಲಾಗಿದೆ.​

ವಿದ್ಯಾರ್ಥಿಗಳ ಪ್ರತಿಭಟನೆ

ವಿದ್ಯಾರ್ಥಿಗಳ ಪ್ರತಿಭಟನೆ

  • Share this:
ವಾರಾಣಸಿ (ನ.20): ಬನಾರಸ್ ಹಿಂದು ವಿಶ್ವವಿದ್ಯಾಲಯದ ಸಂಸ್ಕೃತ ವಿದ್ಯಾ ಧರ್ಮ ವಿಜ್ಞಾನ್​ ಕಾಲೇಜಿನ ಸಂಸ್ಕೃತ ವಿಭಾಗಕ್ಕೆ ಮುಸ್ಲಿಂ ​ ಪ್ರೊಫೆಸರ್ ನೇಮಕ ಮಾಡಿರುವುದನ್ನು ಖಂಡಿಸಿ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸಿದ್ದಾರೆ.

ಕಳೆದ ಎರಡು ವಾರಗಳಿಂದ ವಿದ್ಯಾರ್ಥಿಗಳ ಗುಂಪು ಈ ನೇಮಕಾತಿಯನ್ನು ಹಿಂಪಡೆಯುವಂತೆ ಆಗ್ರಹಿಸಿ ಪ್ರತಿಭಟನೆ ನಡೆಸಿದ್ದು, ಮಂಗಳವಾರ ಈ ಧರಣಿ ತಾರಕಕ್ಕೇರಿದೆ.

ಡಾ. ಫಿರೋಜ್​ ಖಾನ್​ ಅವರನ್ನು ಸಂಸ್ಕೃತ ವಿಭಾಗಕ್ಕೆ ಅಸಿಸ್ಟೆಂಟ್​ ಪ್ರೊಫೆಸರ್​ ಆಗಿ ನವಂಬರ್​ 5ರಂದು ನೇಮಕ ಮಾಡಲಾಗಿತ್ತು. ಈ ಆದೇಶವನ್ನು ಹಿಂಪಡೆಯುವಂತೆ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸಿದ್ದಾರೆ. ಇನ್ನು ಈ ಧರಣಿ ನಡೆಸುತ್ತಿರುವ ಸ್ಥಳಕ್ಕೆ ನಿನ್ನೆ ಬಿಎಚ್​ಯು ಉಪ ಕುಲಪತಿ ಆಗಮಿಸಿದಾಗ ಅವರ ಕಾರಿನ ಮೇಲೆ ನೀರಿನ ಬಾಟಲ್​ ಹಾಗೂ ಕಲ್ಲು ತೂರಲಾಗಿದೆ.​

ಇನ್ನು ಈ ವಿದ್ಯಾರ್ಥಿಗಳ ಪ್ರತಿಭಟನೆಗೆ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷದ್​ ಕೂಡ ಬೆಂಬಲಿಸಿದೆ, ನಮ್ಮ ಬೇಡಿಕೆ ಪರಿಗಣಿಸುವವರೆಗೂ ಈ ಪ್ರತಿಭಟನೆ ಕೈ ಬಿಡುವುದಿಲ್ಲ, ಡಾ ಫಿರೋಜ್​ ಅವರ ಬದಲು ಹೊಸಬರನ್ನು ನೇಮಕ ಮಾಡಬೇಕು ಎಂದು ವಿದ್ಯಾರ್ಥಿಗಳು ತಿಳಿಸಿದ್ದಾರೆ.

ಇದನ್ನು ಓದಿ: ಮಹಾ ಸರ್ಕಸ್​: ಪ್ರಧಾನಿ ಮೋದಿ ಭೇಟಿ ಮಾಡಲಿರುವ ಪವಾರ್​; ಕುತೂಹಲ ಮೂಡಿದ ಎನ್​ಸಿಪಿ ನಡೆ

ವಿದ್ಯಾರ್ಥಿಗಳ ಬೇಡಿಕೆಯಲ್ಲಿ ಒಂದು ಅರ್ಥವಿದೆ. ಇಲ್ಲಿನ ಕಾಲೇಜಿಗೆ ಹಿಂದು ಪ್ರಾಧ್ಯಪಕರ ನೇಮಕವಾಗಬೇಕು ಡಾ ಫಿರೋಜ್​ ಬದಲು ಬೇರೆಯವರನ್ನು ಆಡಳಿತ ಮಂಡಳಿ ನೇಮಕ ಮಾಡಬೇಕು ಎಂದು ಎಂದು ಎಪಿವಿಪಿಯ ಕೂಡ ತಿಳಿಸಿದೆ.
First published: