Bharat Jodo: ರಾಹುಲ್ ಗಾಂಧಿ ರಕ್ಷಣೆಗೆ ಬಂದ 60 ಪೊಲೀಸರ ಮೇಲೆ ಹಲ್ಲೆ, ಓರ್ವನ ಸ್ಥಿತಿ ಚಿಂತಾಜನಕ

ಅಲ್ವಾರ್(ಡಿ.21): ರಾಹುಲ್ ಗಾಂಧಿ (Rahul Gandhi) ಅವರ ಭಾರತ್ ಜೋಡೋ ಯಾತ್ರೆಗೆ (Bharat Jodo Yatra) ಅಲ್ವಾರ್​ನಲ್ಲಿ ಕರ್ತವ್ಯದಲ್ಲಿದ್ದ ಬಿಕಾನೇರ್ ಜಿಲ್ಲೆಯ (Bikaner District) ಪೊಲೀಸರ ಮೇಲೆ ದುಷ್ಕರ್ಮಿಗಳು ಹಲ್ಲೆ ನಡೆಸಿದ್ದಾರೆ. ಈ ಪೊಲೀಸರು ಅಂಬೇಡ್ಕರ್ ನಗರದಲ್ಲಿರುವ ಸಮುದಾಯ ಭವನದಲ್ಲಿ ತಂಗಿದ್ದರು. ದಾಳಿಯಲ್ಲಿ 4 ಪೊಲೀಸರು ಗಾಯಗೊಂಡಿದ್ದಾರೆ. ಇದರಲ್ಲಿ ಹೆಡ್ ಕಾನ್‌ಸ್ಟೇಬಲ್ ಮೊಹಮ್ಮದ್ ಯೂನಸ್ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಅವರನ್ನು ಜೈಪುರಕ್ಕೆ (Jaipur) ಕಳುಹಿಸಲಾಗಿದೆ. ಇನ್ನು ಮೂವರು ಪೊಲೀಸರನ್ನು ಪ್ರಥಮ ಚಿಕಿತ್ಸೆ ಬಳಿಕ ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದೆ. ಕಿಡಿಗೇಡಿಗಳ ಭಯದಿಂದಾಗಿ ರಾತ್ರಿಯ ವೇಳೆಗೆ ಉನ್ನತ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಎಲ್ಲ ಪೊಲೀಸರನ್ನು ಸಮುದಾಯ ಭವನದಿಂದ ಬೇರೆಡೆಗೆ ಸ್ಥಳಾಂತರಿಸಿದರು. ಈ ಕುರಿತು ಅಲ್ವಾರ್‌ನ ಎನ್‌ಇಬಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಮಾಹಿತಿ ಪ್ರಕಾರ ಸೋಮವಾರ ತಡರಾತ್ರಿ ಈ ಘಟನೆ ನಡೆದಿದೆ. ಆದರೆ ರಾಹುಲ್ ಗಾಂಧಿ ಭೇಟಿ ಮತ್ತು ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಅಲ್ವಾರ್ ಜಿಲ್ಲೆಯಲ್ಲಿರುವುದರಿಂದ ಪೊಲೀಸರು ಇಡೀ ವಿಷಯವನ್ನು ಮುಚ್ಚಿಟ್ಟಿದ್ದರು. ಆದರೆ ಮಂಗಳವಾರ ಈ ವಿಷಯ ಮುನ್ನೆಲೆಗೆ ಬಂದಿದೆ. ಆ ನಂತರವೂ ಆಲ್ವಾರ್ ಪೊಲೀಸರು ಅದನ್ನು ಹತ್ತಿಕ್ಕುತ್ತಲೇ ಇದ್ದರು. ರಾಹುಲ್ ಗಾಂಧಿ ಭೇಟಿಗಾಗಿ ಕರ್ತವ್ಯದಲ್ಲಿದ್ದ ಬಿಕಾನೇರ್‌ನ 60 ಪೊಲೀಸರು ಅಲ್ವಾರ್ ನಗರದ ಎನ್‌ಇಬಿ ಪೊಲೀಸ್ ಠಾಣೆ ವ್ಯಾಪ್ತಿಯ ಅಂಬೇಡ್ಕರ್ ನಗರದಲ್ಲಿರುವ ಸಮುದಾಯ ಭವನದಲ್ಲಿ ತಂಗಿದ್ದರು. ಈ ಪೈಕಿ ಒಬ್ಬ ಪೊಲೀಸ್ ರಾತ್ರಿ 9 ಗಂಟೆ ಸುಮಾರಿಗೆ ಆಹಾರ ತೆಗೆದುಕೊಳ್ಳಲು ಹೋಗಿದ್ದರು.

ಇದನ್ನೂ ಓದಿ:  Vande Bharat Express: ಬೆಂಗಳೂರು-ಹುಬ್ಬಳ್ಳಿ ವಂದೇ ಭಾರತ್ ಎಕ್ಸ್​ಪ್ರೆಸ್ ಸ್ಪೀಡ್ ಬಗ್ಗೆ ಮಹತ್ವದ ಅಪ್​ಡೇಟ್ ಬಹಿರಂಗ

ರಾತ್ರಿ ಏಕಾಏಕಿ 40-50 ಮಂದಿಯಿಂದ ದಾಳಿ

ಇದೇ ವೇಳೆ ಸಮುದಾಯ ಭವನದ ಬಳಿ ಯುವಕನೊಬ್ಬ ಇ-ರಿಕ್ಷಾ ಚಾಲಕನ ಜತೆ ಜಗಳವಾಡುತ್ತಿರುವುದು ಕಂಡು ಬಂದಿದೆ. ಪೋಲೀಸರು ತಮ್ಮ ಕರ್ತವ್ಯವನ್ನು ನಿರ್ವಹಿಸುವ ಮೂಲಕ ಅವರನ್ನು ರಕ್ಷಿಸಲು ಪ್ರಯತ್ನಿಸಿದರು. ಆದರೆ ಆ ಯುವಕ ರಿಕ್ಷಾ ಚಾಲಕನನ್ನು ಬಿಟ್ಟು ಪೊಲೀಸರ ಮೇಲೆ ಹಲ್ಲೆ ನಡೆಸಿದ್ದಾನೆ. ಬಳಿಕ ಇಬ್ಬರ ನಡುವೆ ವಾಗ್ವಾದ ನಡೆದಿದೆ. ಇದಾದ ಬಳಿಕ ದುಷ್ಕರ್ಮಿ ಸುಮಾರು 40-50 ಮಂದಿಯನ್ನು ತನ್ನೊಂದಿಗೆ ಕರೆತಂದಿದ್ದಾನೆ. ಅವರ ಕೈಯಲ್ಲಿ ಕೋಲು ಸೇರಿದಂತೆ ಇತರೆ ಆಯುಧಗಳಿದ್ದವು. ಅಲ್ಲಿ ಅವರು ಪೋಲೀಸ್ ಯೂನಸ್ ಅವರೊಂದಿಗೆ ತೀವ್ರ ಜಗಳವಾಡಿದರು, ಇದರಿಂದಾಗಿ ಅವರು ಗಂಭೀರವಾಗಿ ಗಾಯಗೊಂಡರು.

ಭಾರತ್ ಜೋಡೋ ಯಾತ್ರೆ

ದಾಳಿಕೋರರ ಹೆಸರು ರೌಡಿ ಶೀಟರ್ ಲಿಸ್ಟ್​ನಲ್ಲಿ

ದುಷ್ಕರ್ಮಿಗಳು ಸಮುದಾಯ ಭವನವನ್ನು ಧ್ವಂಸಗೊಳಿಸಿದ್ದಾರೆ. ಅಲ್ಲಿದ್ದ ಕನ್ನಡಿಗಳನ್ನೂ ಒಡೆದಿದ್ದಾರೆ. ಈ ವೇಳೆ, ತಮ್ಮ ಸಹೋದ್ಯೋಗಿಯನ್ನು ರಕ್ಷಿಸಲು ಬಂದ ಪೊಲೀಸರ ಮೇಲೂ ದಾಳಿಕೋರರು ಹಲ್ಲೆ ನಡೆಸಿದ್ದಾರೆ. ಮಾಹಿತಿಯ ನಂತರ ಉನ್ನತ ಪೊಲೀಸ್ ಅಧಿಕಾರಿಗಳು ಸ್ಥಳಕ್ಕೆ ತಲುಪಿದರು ಆದರೆ ಅಷ್ಟರಲ್ಲಿ ದಾಳಿಕೋರರು ಅಲ್ಲಿಂದ ಪರಾರಿಯಾಗಿದ್ದರು. ದಾಳಿಕೋರರಲ್ಲಿ ಎನ್‌ಇಬಿ ಪೊಲೀಸ್ ಠಾಣೆಯ ರೌಡಿ ಶೀಟರ್ ಕೂಡ ಸೇರಿದ್ದಾರೆ. ಮೊವಿನ್ ಅಲಿಯಾಸ್ ಲಾಂಗ್ಡಾ ಹೆಸರೂ ಈ ಪಟ್ಟಿಯಲ್ಲಿದ್ದು, ಈತ ಬೆಲಕಾ ನಿವಾಸಿಯಾಗಿದ್ದಾನೆ. ಈ ದಾಳಿ ನಡೆದಿದ್ದರೂ ಈವರೆಗೆ ಯಾರನ್ನೂ ಬಂಧಿಸಲಾಗಿಲ್ಲ.

ಇದನ್ನೂ ಓದಿ: Bharat Jodo: ರಾಹುಲ್ ಯಾತ್ರೆ ಉಲ್ಲೇಖಿಸಿ ಕಾಂಗ್ರೆಸ್​ಗೆ ಮರಳುವ ಸೂಚನೆ ನೀಡಿದ್ರಾ ಸಿಂಧಿಯಾ?

ಘಟನೆಯನ್ನು ಖಚಿತಪಡಿಸಿದ ಪೊಲೀಸ್ ವರಿಷ್ಠಾಧಿಕಾರಿ

ಘಟನೆಯನ್ನು ಖಚಿತಪಡಿಸಿರುವ ಪೊಲೀಸ್ ವರಿಷ್ಠಾಧಿಕಾರಿ ತೇಜಸ್ವಿನಿ ಗೌತಮ್, ಸೋಮವಾರ ತಡರಾತ್ರಿ ಬಿಕಾನೇರ್‌ನಿಂದ ಬಂದ ಪೊಲೀಸ್ ತಂಡವು ಅಂಬೇಡ್ಕರ್ ನಗರದ ಸಮುದಾಯ ಭವನದಲ್ಲಿ ಮಲಗಿದ್ದಾಗ ದಾಳಿ ನಡೆಸಿದೆ ಎಂದು ತಿಳಿಸಿದ್ದಾರೆ. ಈ ಕುರಿತು ಎನ್‌ಇಬಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಆರೋಪಿಗಳನ್ನು ಗುರುತಿಸಲಾಗಿದೆ. ಶೀಘ್ರದಲ್ಲೇ ಎಲ್ಲ ಆರೋಪಿಗಳನ್ನು ಬಂಧಿಸಲಾಗುವುದು ಎಂದಿದ್ದಾರೆ. ಇನ್ನು ಗಂಭಿರ ಗಾಯಗೊಂಡ ಪೊಲೀಸ್ ಆಸ್ಪತ್ರೆಯಲ್ಲಿ ಸಾವು-ಬದುಕಿನ ಹೋರಾಟ ನಡೆಸುತ್ತಿದ್ದಾರೆ.