HOME » NEWS » National-international » BANK ROBBERY ROBBERS ATTACKED LUDHIANA BANK 30 KG GOLD WORTH RS 12 CRORE STOLEN IN TODAY MORNING SCT

ಲುಧಿಯಾನಾದಲ್ಲಿ ಹಾಡಹಗಲೇ ಬ್ಯಾಂಕ್ ದರೋಡೆ; ಗನ್ ತೋರಿಸಿ, 30 ಕೆಜಿ ಚಿನ್ನ ಕದ್ದು ಪರಾರಿ

ಇಂದು ಬೆಳಗ್ಗೆ 11 ಗಂಟೆಗೆ ಲುಧಿಯಾನದ ಗಿಲ್ ರೋಡ್​ನಲ್ಲಿರುವ ಗೋಲ್ಡ್​ ಲೋನ್ ಬ್ಯಾಂಕ್​ಗೆ ಮುತ್ತಿಗೆ ಹಾಕಿದ ಐವರು ದರೋಡೆಕೋರರು 12 ಕೋಟಿ ರೂ. ಮೌಲ್ಯದ ಚಿನ್ನದೊಂದಿಗೆ ಪರಾರಿಯಾಗಿದ್ದಾರೆ.

Sushma Chakre | news18-kannada
Updated:February 17, 2020, 6:01 PM IST
ಲುಧಿಯಾನಾದಲ್ಲಿ ಹಾಡಹಗಲೇ ಬ್ಯಾಂಕ್ ದರೋಡೆ; ಗನ್ ತೋರಿಸಿ, 30 ಕೆಜಿ ಚಿನ್ನ ಕದ್ದು ಪರಾರಿ
ಮುಸುಕುಧಾರಿಗಳು ಬ್ಯಾಂಕ್​ ದರೋಡೆ ಮಾಡುತ್ತಿರುವ ದೃಶ್ಯ
  • Share this:
ಚಂಡೀಗಢ (ಫೆ. 17): ಹಾಡಹಗಲೇ ಚಂಡೀಗಢದ ಲುಧಿಯಾನದಲ್ಲಿರುವ ಬ್ಯಾಂಕ್​ಗೆ ನುಗ್ಗಿದ ದರೋಡೆಕೋರರು 12 ಕೋಟಿ ರೂ. ಮೌಲ್ಯದ ಚಿನ್ನವನ್ನು ಕದ್ದು ಪರಾರಿಯಾಗಿದ್ದಾರೆ. ಈ ಘಟನೆಯಿಂದ ಲುಧಿಯಾನ ಬೆಚ್ಚಿಬಿದ್ದಿದ್ದು, ಕಳ್ಳರಿಗಾಗಿ ಪೊಲೀಸರು ಹುಡುಕಾಟ ನಡೆಸಿದ್ದಾರೆ.

ಇಂದು ಬೆಳಗ್ಗೆ 11 ಗಂಟೆಗೆ ಲುಧಿಯಾನದ ಗಿಲ್ ರೋಡ್​ನಲ್ಲಿರುವ ಗೋಲ್ಡ್​ ಲೋನ್ ಬ್ಯಾಂಕ್​ಗೆ ಮುತ್ತಿಗೆ ಹಾಕಿದ ಐವರು ದರೋಡೆಕೋರರು 30 ಕೆಜಿ ಚಿನ್ನದೊಂದಿಗೆ ಪರಾರಿಯಾಗಿದ್ದಾರೆ. ಬ್ಯಾಂಕ್​ನಲ್ಲಿದ್ದವರ ಹಣೆಗೆ ಗನ್​ಪಾಯಿಂಟ್ ಇಟ್ಟು ದರೋಡೆ ನಡೆಸಿರುವುದಾಗಿ ಪ್ರತ್ಯಕ್ಷದರ್ಶಿಗಳು ಪೊಲೀಸರಿಗೆ ತಿಳಿಸಿದ್ದಾರೆ. ಈ ಬ್ಯಾಂಕ್​ನ ಎದುರೇ ಪಂಜಾಬ್​ ಪೊಲೀಸ್ ಇಲಾಖೆಯ ಅಪರಾಧ ತನಿಖಾ ಏಜೆನ್ಸಿಯ ಕಚೇರಿಯಿದೆ.

ಸುಮಾರು 25 ನಿಮಿಷಗಳ ಕಾಲ ಬ್ಯಾಂಕ್​ನಲ್ಲೇ ಇದ್ದ ದರೋಡೆಕೋರರು ಗನ್​ ತೋರಿಸಿ, ಬ್ಯಾಂಕ್​ನಲ್ಲಿದ್ದ ಚಿನ್ನವನ್ನು ಪಡೆದಿದ್ದಾರೆ. ನಾಲ್ವರು ದರೋಡೆಕೋರರು ಬ್ಯಾಂಕ್ ಒಳಗೆ ನುಗ್ಗಿ, ಬಂದೂಕು ತೋರಿಸಿದ್ದ. ಇನ್ನೋರ್ವ ಹೊರಗೆ ಕಾರಿನಲ್ಲೇ ಕುಳಿತು ಕಾವಲು ಕಾಯುತ್ತಿದ್ದ ಎಂದು ಬ್ಯಾಂಕ್ ಸಿಬ್ಬಂದಿ ತಿಳಿಸಿದ್ದಾರೆ. ಘಟನೆಯಲ್ಲಿ ಯಾರಿಗೂ ಯಾವುದೇ ರೀತಿಯ ಗಾಯವಾಗಲಿ, ಪ್ರಾಣಹಾನಿಯಾಗಲಿ ಆಗಿಲ್ಲ.

ಇದನ್ನೂ ಓದಿ: ಆನ್​ಲೈನ್​ ಶಾಪಿಂಗ್ ಮಾಡುವ ಮುನ್ನ ಎಚ್ಚರ!; ನೇಲ್ ಪಾಲಿಶ್​ ಖರೀದಿಸಿ ರೂ. 92,446 ಕಳೆದುಕೊಂಡ ಯುವತಿ

ಘಟನೆಯ ತನಿಖೆ ನಡೆಸುತ್ತಿರುವ ಪೊಲೀಸರು ಸಿಸಿಟಿವಿ ಕ್ಯಾಮೆರಾಗಳನ್ನು ಪರಿಶೀಲನೆ ನಡೆಸುತ್ತಿದ್ದಾರೆ. ಸಿಸಿಟಿವಿ ದೃಶ್ಯಾವಳಿಯಲ್ಲಿ ದರೋಡೆಯ ದೃಶ್ಯಾವಳಿಗಳು ಸೆರೆಯಾಗಿದ್ದು, ಮುಸುಕುಧಾರಿಯಾಗಿದ್ದ ನಾಲ್ವರು ಈ ಕೃತ್ಯ ಎಸಗಿರುವುದು ದಾಖಲಾಗಿದೆ.

(ವರದಿ: ರಾಮಲಾಲ್ ಕೊಂಡಾಲ್)
First published: February 17, 2020, 6:01 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories