ಪಾಕಿಸ್ತಾನದ ವಿಮಾನ ದುರಂತ; ಅಚ್ಚರಿಯ ರೀತಿಯಲ್ಲಿ ಬದುಕುಳಿದ ಬ್ಯಾಂಕ್ ಆಫ್ ಪಂಜಾಬ್ ಸಿಇಒ ಜಾಫರ್ ಮಸೂದ್

ಕರಾಚಿ (ಮೇ 22); ಪಾಕಿಸ್ತಾನ ಏರ್‌ಲೈನ್ಸ್‌ ವಿಮಾನವೊಂದು ಲಾಹೋರ್‌ನ ಕರಾಚಿಯ ಜಿನ್ನಾ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿಯ ಜನ ವಸತಿ ಸ್ಥಳದಲ್ಲಿ ಇಂದು ಪತನಗೊಂಡಿತ್ತು. ಈ ದುರಂತದಲ್ಲಿ ಸಿಬ್ಬಂದಿ ಸೇರಿದಂತೆ ವಿಮಾನದಲ್ಲಿದ್ದ 107 ಜನ ಮೃತಪಟ್ಟಿದ್ದಾರೆ ಎಂದು ವರದಿಯಾಗಿತ್ತು. ಆದರೆ, ಈ ಅಪಘಾತದಲ್ಲಿ ಪಾಕಿಸ್ತಾನದ ಬ್ಯಾಂಕ್ ಆಫ್ ಪಂಜಾಬ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಜಾಫರ್ ಮಸೂದ್ ಮಾತ್ರ ಅಚ್ಚರಿಯ ರೀತಿಯಲ್ಲಿ ಸಣ್ಣಪುಟ್ಟ ಗಾಯಗಳೊಂದಿಗೆ ಜೀವಾಪಾಯದಿಂದ ಪಾರಾಗಿದ್ದು, ಇನ್ನಷ್ಟು ಜನ ಬದುಕುಳಿಯುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.

ಲಾಹೋರ್‌ನಿಂದ ಕರಾಚಿಗೆ ತೆರಳುತ್ತಿದ್ದ ಪಿಕೆ -8303 ವಿಮಾನದಲ್ಲಿ ಪ್ರಯಾಣಿಸಿದ್ದ 98 ಜನ ಪ್ರಯಾಣಿಕರ ಪೈಕಿ ಮಸೂದ್‌ ಸಹ ಒಬ್ಬರು. ಈ ವಿಮಾನ ಅಪಘಾತಕ್ಕೀಡಾದಾಗ ವಿಮಾನದಲ್ಲಿದ್ದ ಯಾರೂ ಸಹ ಬದುಕುಳಿದಿರುವ ಸಾಧ್ಯತೆ ಇಲ್ಲ ಎಂದು ಪಾಕಿಸ್ತಾನದ ಸೇನೆ ಹೇಳಿತ್ತು. ಆದರೆ, ಇದೀಗ ಅಚ್ಚರಿಯ ರೂಪದಲ್ಲಿ ಮಸೂದ್‌ ಬದುಕುಳಿದಿದ್ದು ಇನ್ನೂ ಹಲವರು ಬದುಕುಳಿಯುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ. ಈ ನಿಟ್ಟಿನಲ್ಲಿ ರಕ್ಷಣಾ ಕಾರ್ಯವನ್ನೂ ಚುರುಕುಗೊಳಿಸಲಾಗಿದೆ.

Heart-Breaking 😢💔 #planecrash #BreakingNews #Karachi #Lahore #airbus320 pic.twitter.com/JDtrEwYTVD

— Kazim•Zaidi (@Kazim_zaidii) May 22, 2020

ಅಪಘಾತದ ಸ್ಥಳದಲ್ಲಿ ಜೀವಂತವಾಗಿದ್ದ ಮಸೂದ್ ಅವರನ್ನು ಕೂಡಲೇ ಹತ್ತಿರದ ದಾರುಲ್ ಸೆಹತ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆತ ಅಪಾಯದಿಂದ ಪಾರಾಗಿದ್ದು, ಸೊಂಟ ಮತ್ತು ಕೆಲವೆಡೆ ಮೂಳೆಗಳು ಮುರಿತವಾಗಿದೆ. ಆದರೆ, ದೇಹದಲ್ಲಿ ಯಾವುದೇ ಸುಟ್ಟ ಗುರುತುಗಳಿಲ್ಲ ಎಂದು ಆಸ್ಪತ್ರೆಯ ವೈದ್ಯರು ತಿಳಿಸಿದ್ದಾರೆ.

PIA plane crash, PIA air bus crashed from lahore to karachi.#PIA #PIACrash pic.twitter.com/MJonh1rJcE

— Kazim•Zaidi (@Kazim_zaidii) May 22, 2020

ವಿಮಾನ ಅಪಘಾತವಾದ ಸಂದರ್ಭದಲ್ಲಿ ಅದರ ಬಾಲ ಮೊದಲು ನೆಲಕ್ಕಪ್ಪಳಿಸಿದೆ. ಹೀಗಾಗಿ ಮುಂಭಾಗದಲ್ಲಿ ಕುಳಿತಿದ್ದವರು ಬದುಕುಳಿಯುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ : 99 ಪ್ರಯಾಣಿಕರು, 8 ಸಿಬ್ಬಂದಿಯಿದ್ದ ಪಾಕಿಸ್ತಾನದ ವಿಮಾನ ಕರಾಚಿಯಲ್ಲಿ ಪತನ