Bank Holidays in December: ಡಿಸೆಂಬರ್​ನಲ್ಲಿ 12 ದಿನ ಬ್ಯಾಂಕ್​ಗಳಿಗೆ ರಜೆ; ಈ ದಿನ ಬ್ಯಾಂಕಿಂಗ್ ಕೆಲಸ ಇಟ್ಟುಕೊಳ್ಳಬೇಡಿ

Bank Holidays in December: ಭಾರತದಲ್ಲಿ ಡಿಸೆಂಬರ್ (December)ತಿಂಗಳಲ್ಲಿ ಬರೋಬ್ಬರಿ 12 ದಿನ ಬ್ಯಾಂಕ್​ಗಳಿಗೆ ರಜೆ(Bank Holidays) ಇದ್ದು, ಮುಚ್ಚಲ್ಪಟ್ಟಿರುತ್ತವೆ. ಈ ರಜಾದಿನ(Holiday)ಗಳಲ್ಲಿ ಎರಡನೇ ಶನಿವಾರ, ನಾಲ್ಕನೇ ಶನಿವಾರ ಹಾಗೂ ಭಾನುವಾರಗಳು ಸೇರಿವೆ. ಆದಾಗ್ಯೂ ಭಾರತ(India)ದಲ್ಲಿ ಎಲ್ಲಾ ಬ್ಯಾಂಕ್​ಗಳು ಸಹ 12 ದಿನಗಳ ಕಾಲ ಮುಚ್ಚಿರುವುದಿಲ್ಲ. ಬ್ಯಾಂಕ್ ರಜೆಗಳು ರಾಜ್ಯದಿಂದ ರಾಜ್ಯಕ್ಕೆ ಬದಲಾಗುತ್ತವೆ. ಕೆಲವು ರಜೆಗಳು ಪ್ರಾದೇಶಿಕ ವಿಶೇಷತೆಯನ್ನು ಒಳಗೊಂಡಿರುತ್ತವೆ.

ಕ್ರಿಸ್​​ಮಸ್​ಗೆ ದೇಶಾದ್ಯಂತ ಬ್ಯಾಂಕ್ ರಜೆ

ದೇಶಾದ್ಯಂತ ಬ್ಯಾಂಕುಗಳನ್ನು ಮುಚ್ಚುವ ಒಂದು ದಿನವಿದೆ. ಅದು ಡಿಸೆಂಬರ್ 25 ರಂದು (ಶನಿವಾರ) ಕ್ರಿಸ್​ಮಸ್ ಆಗಿದೆ. ಕೆಲವು ರಾಜ್ಯ-ನಿರ್ದಿಷ್ಟ ರಜಾದಿನಗಳೂ ಇವೆ. ಇದಕ್ಕೆ ಹೆಚ್ಚುವರಿಯಾಗಿ, ಡಿಸೆಂಬರ್‌ನಲ್ಲಿ ಎರಡನೇ ಮತ್ತು ನಾಲ್ಕನೇ ಶನಿವಾರ ಮತ್ತು ಭಾನುವಾರದಂದು ದೇಶಾದ್ಯಂತ ಬ್ಯಾಂಕುಗಳನ್ನು ಮುಚ್ಚಲಾಗುತ್ತದೆ.

ಡಿಸೆಂಬರ್ ತಿಂಗಳಲ್ಲಿ ಬ್ಯಾಂಕುಗಳು ಮುಚ್ಚಲ್ಪಡುವ ರಜಾದಿನಗಳ ಪಟ್ಟಿಯನ್ನು ನೋಡೋಣ, ಆದ್ದರಿಂದ ನೀವು ಅದಕ್ಕೆ ಅನುಗುಣವಾಗಿ ವೇಳಾಪಟ್ಟಿಯನ್ನು ಮಾಡಬಹುದು.

ಇದನ್ನೂ ಓದಿ: ಊಟದ ಮೆನು ಬದಲಿಸಿದ IRCTC: ಯಾವ ರೈಲಿನಲ್ಲಿ ಏನು ಸಿಗುತ್ತೆ? ಇಲ್ಲಿದೆ ಮಾಹಿತಿ

ಡಿಸೆಂಬರ್ ತಿಂಗಳಲ್ಲಿ ಬ್ಯಾಂಕ್​ ರಜಾದಿನಗಳ ಪಟ್ಟಿ

ಡಿಸೆಂಬರ್ 3: ಫೀಸ್ಟ್​ ಆಫ್​ ಸೇಂಟ್ ಫ್ರಾನ್ಸಿಸ್ ಗ್ಸೇವಿಯರ್
ಡಿಸೆಂಬರ್ 18: ಯು ಸೋಸೋ ಥಾಮ್ ಡೆತ್ ಆನಿವರ್ಸರಿ
ಡಿಸೆಂಬರ್ 24: ಕ್ರಿಸ್​ಮಸ್ ಈವ್
ಡಿಸೆಂಬರ್ 25: ಕ್ರಿಸ್​ಮಸ್
ಡಿಸೆಂಬರ್ 27: ಕ್ರಿಸ್​ಮಸ್ ಸೆಲೆಬ್ರೇಷನ್
ಡಿಸೆಂಬರ್ 30: ಯು ಕಿಯಾಂಗ್ ನಾಂಗ್​ಬಹ್
ಡಿಸೆಂಬರ್ 31: ನ್ಯೂ ಇಯರ್ ಈವ್

ಈ ಮೇಲ್ಕಂಡ ರಜೆಗಳ ಹೊರತಾಗಿ ಡಿಸೆಂಬರ್ ತಿಂಗಳ ರಜೆ ಪಟ್ಟಿಯಲ್ಲಿ ಎರಡನೇ ಶನಿವಾರ, 4ನೇ ಶನಿವಾರ ಹಾಗೂ ಭಾನುವಾರಗಳು ಸೇರಿವೆ.

ಉಳಿದ ರಜಾದಿನಗಳ ಪಟ್ಟಿ

ಡಿಸೆಂಬರ್ 5- ಭಾನುವಾರ
ಡಿಸೆಂಬರ್ 11- ಎರಡನೇ ಶನಿವಾರ
ಡಿಸೆಂಬರ್ 12- ಭಾನುವಾರ
ಡಿಸೆಂಬರ್ 19- ಭಾನುವಾರ
ಡಿಸೆಂಬರ್ 25- ನಾಲ್ಕನೇ ಶನಿವಾರ & ಕ್ರಿಸ್​ಮಸ್
ಡಿಸೆಂಬರ್ 26- ಭಾನುವಾರ

ಮೂರು ವರ್ಗಗಳಾಗಿ ರಜಾದಿನ ವಿಂಗಡಣೆ

ಎಲ್ಲಾ ಬ್ಯಾಂಕುಗಳು ಸಾರ್ವಜನಿಕ ರಜಾದಿನಗಳಲ್ಲಿ ಮುಚ್ಚಿರುತ್ತವೆ ಮತ್ತು ಕೆಲವು ರಜಾದಿನಗಳು ರಾಜ್ಯದಿಂದ ರಾಜ್ಯಕ್ಕೆ ಬದಲಾಗುತ್ತವೆ. ಭಾರತೀಯ ರಿಸರ್ವ್ ಬ್ಯಾಂಕ್ (RBI) ರಜಾದಿನಗಳನ್ನು ಮೂರು ವರ್ಗಗಳಾಗಿ ವರ್ಗೀಕರಿಸಿದೆ. ನೆಗೋಶಿಯಬಲ್ ಇನ್ಸ್ಟ್ರುಮೆಂಟ್ಸ್ ಆಕ್ಟ್ ಅಡಿಯಲ್ಲಿ ರಜಾದಿನ; ನೆಗೋಶಿಯಬಲ್ ಇನ್ಸ್ಟ್ರುಮೆಂಟ್ಸ್ ಆಕ್ಟ್ ಮತ್ತು ರಿಯಲ್-ಟೈಮ್ ಗ್ರಾಸ್ ಸೆಟಲ್ಮೆಂಟ್ ರಜಾ ಅಡಿಯಲ್ಲಿ ರಜೆ; ಮತ್ತು ಅಕೌಂಟ್ಸ್​ ಕ್ಲೋಸಿಂಗ್.

ಇದನ್ನೂ ಓದಿ: IISc Bangalore Recruitment 2021: ತಿಂಗಳಿಗೆ 1 ಲಕ್ಷ ರೂ. ಸಂಬಳ; ಬೆಂಗಳೂರು IIScಯಲ್ಲಿ ಉದ್ಯೋಗ

ಗ್ರಾಹಕರು ಬ್ಯಾಂಕ್​ಗೆ ಹೋಗುವ ಮುನ್ನ 

ರಜಾದಿನಗಳಲ್ಲಿ ಗ್ರಾಹಕರು ಬ್ಯಾಂಕ್​ ವ್ಯವಹಾರ ಇಟ್ಟುಕೊಳ್ಳುವುದನ್ನು ಕ್ಯಾನ್ಸಲ್ ಮಾಡಿ ಎಂದು ಆರ್​ಬಿಐ ಸಲಹೆ ನೀಡಿದೆ. ಈ ಮೇಲ್ಕಂಡ ರಜಾದಿನಗಳಲ್ಲಿ ಬ್ಯಾಂಕ್​ಗಳು ಮುಚ್ಚಲ್ಪಟ್ಟಿರುತ್ತವೆ. ಮೊಬೈಲ್​ ಮತ್ತು ಇಂಟರ್​ನೆಟ್​​​​​​​​ ಬ್ಯಾಂಕಿಂಗ್ ಎಂದಿನಂತೆ ಕಾರ್ಯನಿರ್ವಹಿಸಲಿವೆ.