Road Safety: ಅಮೆಜಾನ್​ಗೆ ನೋಟಿಸ್​ ಕೊಟ್ಟ ಸರ್ಕಾರ, ಇನ್ಮುಂದೆ ಈ ವಸ್ತು ಆನ್​ಲೈನ್​ನಲ್ಲಿ ಸಿಗಲ್ಲ!

ಸಂಭಾವ್ಯ ಸುರಕ್ಷತೆಯ (Safety) ಅಪಾಯಗಳನ್ನು ಗಮನದಲ್ಲಿಟ್ಟುಕೊಂಡು ಕಾರ್ ಸೀಟ್‌ಬೆಲ್ಟ್ (Seatbelt) ಅಲಾರಂಗಳನ್ನು ನಿಷ್ಕ್ರಿಯಗೊಳಿಸಲು ವಿನ್ಯಾಸಗೊಳಿಸಲಾದ ಸಾಧನಗಳ ಮಾರಾಟವನ್ನು ನಿಲ್ಲಿಸುವಂತೆ ಭಾರತ ಸರಕಾರವು ಆನ್‌ಲೈನ್ ರಿಟೇಲ್ ದೈತ್ಯ ಅಮೆಜಾನ್‌ಗೆ ನೋಟೀಸ್ ಕಳುಹಿಸಿದೆ.  ಲೋಹದ ಕ್ಲಿಪ್‌ಗಳ ಮಾರಾಟವು ಕಾನೂನುಬಾಹಿರವಲ್ಲದಿದ್ದರೂ, ಭಾರತೀಯ ಉದ್ಯಮಿ ಸೈರಸ್ ಮಿಸ್ತ್ರಿ ಕಾರು ಅಪಘಾತದಲ್ಲಿ (Accident) ಸಾವನ್ನಪ್ಪಿದ ನಂತರ ಅಂತಹ ಸಾಧನಗಳು ಮತ್ತು ವಿಶಾಲವಾದ ರಸ್ತೆ ಸುರಕ್ಷತೆ ಸಮಸ್ಯೆಗಳು ನಿಕಟ ಪರಿಶೀಲನೆಗೆ ಒಳಪಟ್ಟಿವೆ. ಗಡ್ಕರಿ ಅವರು ಯೋಜಿತ ಸುರಕ್ಷತಾ ಕ್ರಮಗಳ ಬಗ್ಗೆ ಚರ್ಚಿಸಿದ ಸಂದರ್ಶನದಲ್ಲಿ, ಅಮೆಜಾನ್‌ನಲ್ಲಿ (Amazon) ಲಭ್ಯವಿರುವ ಲೋಹದ ಕ್ಲಿಪ್‌ಗಳನ್ನು ಸೀಟ್‌ಬೆಲ್ಟ್ ಸ್ಲಾಟ್‌ಗಳಲ್ಲಿ ಅಳವಡಿಸಲಾಗುವುದರಿಂದ ಕಾರು ಚಾಲನೆ ಮಾಡುವಾಗ ಸೀಟ್‌ಬೆಲ್ಟ್ ಬಳಕೆಯಲ್ಲಿಲ್ಲದಿದ್ದಾಗ ಸೂಚನೆ ನೀಡುವ ಎಚ್ಚರಿಕೆಯನ್ನು ಕಡೆಗಣಿಸುವಂತೆ ಮಾಡುತ್ತದೆ ಎಂದು ತಿಳಿಸಿದ್ದಾರೆ.

ಜನರು ಸೀಟ್‌ಬೆಲ್ಟ್ ಧರಿಸುವುದನ್ನು ತಪ್ಪಿಸಲು ಅಮೆಜಾನ್‌ನಿಂದ ಕ್ಲಿಪ್‌ಗಳನ್ನು ಖರೀದಿಸುತ್ತಾರೆ. ಇವುಗಳನ್ನು ಮಾರಾಟ ಮಾಡುವುದನ್ನು ನಿಲ್ಲಿಸುವಂತೆ ನಾವು ಅಮೆಜಾನ್‌ಗೆ ನೋಟಿಸ್ ಕಳುಹಿಸಿದ್ದೇವೆ ಎಂದು ಗಡ್ಕರಿ ಹೇಳಿದರು.

ಅಮೆಜಾನ್ ಪ್ರತಿಕ್ರಿಯೆ
ಈ ಹಿನ್ನಲೆಯಲ್ಲಿ ಪ್ರತಿಕ್ರಿಯಿಸಿರುವ ಅಮೆಜಾನ್ ಕಾರ್ ಸೀಟ್‌ಬೆಲ್ಟ್ ಅಲಾರ್ಮ್‌ಗಳನ್ನು ನಿಷ್ಕ್ರಿಯಗೊಳಿಸುವ ಉತ್ಪನ್ನಗಳನ್ನು ಭಾರತೀಯ ಮಾರುಕಟ್ಟೆ ಪಟ್ಟಿಯಿಂದ ತೆಗೆದುಹಾಕಿದೆ ಎಂದು ತಿಳಿಸಿದ್ದು ಸಾರಿಗೆ ಸಚಿವರು ನೋಟೀಸ್ ಕಳುಹಿಸಿದ ಒಂದು ದಿನದ ನಂತರ ತಾಣ ಮಹತ್ವದ ನಿರ್ಧಾರವನ್ನು ಕೈಗೊಂಡಿದೆ ಎಂದು ಹೇಳಿದೆ. ಇಂತಹ ಸಾಧನಗಳು ಸೈಟ್‌ನಲ್ಲಿದ್ದರೆ ಅಂತಹವುಗಳನ್ನು ಪೂರೈಸುವ ಕಂಪೆನಿಗಳ ವಿರುದ್ಧ ಕ್ರಮ ತೆಗೆದುಕೊಳ್ಳುವುದಾಗಿ ಅಮೆಜಾನ್ ಹೇಳಿದೆ.

ಲೋಹದ ಕ್ಲಿಪ್‌ಗಳ ಉತ್ಪನ್ನಗಳನ್ನು ತೆಗೆದುಹಾಕಿದ ಅಮೆಜಾನ್
ವ್ಯಾಪಾರ ಉದ್ಯಮಿ ಸೈರಸ್ ಮಿಸ್ತ್ರಿ ವಾರಾಂತ್ಯದಲ್ಲಿ ಕಾರು ಅಪಘಾತದಲ್ಲಿ ಸಾವನ್ನಪ್ಪಿದ ನಂತರ ರಸ್ತೆ ಸುರಕ್ಷತೆ ಸಮಸ್ಯೆಗಳು ಭಾರತದಲ್ಲಿ ಗಮನ ಸೆಳೆದಿವೆ. ಮಿಸ್ತ್ರಿ ಅವರು ಸೀಟ್ ಬೆಲ್ಟ್ ಧರಿಸಿರಲಿಲ್ಲ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿದ್ದು, ಇದು ವಿಶ್ವದ ನಾಲ್ಕನೇ ಅತಿದೊಡ್ಡ ಕಾರು ಮಾರುಕಟ್ಟೆಯಲ್ಲಿರುವ ರಸ್ತೆ ಸುರಕ್ಷತೆಯ ಕಾಳಜಿಯ ಕುರಿತು ಚರ್ಚಿಸುವಂತೆ ಮಾಡಿದೆ.

ಇದನ್ನೂ ಓದಿ: Bentley Car: ಲಂಡನ್‌ನಲ್ಲಿ ಕಳವಾದ ದುಬಾರಿ ಬೆಂಟ್ಲಿ ಕಾರು ಪಾಕಿಸ್ತಾನದಲ್ಲಿ ಪತ್ತೆ! ವಿಷಯ ಗೊತ್ತಾಗಿದ್ದೇ ಸಖತ್ ಸ್ಟೋರಿ

ಅಮೆಜಾನ್ ಮಾರಾಟಗಾರರು ಭಾರತೀಯ ಕಾನೂನುಗಳನ್ನು ಉಲ್ಲಂಘಿಸಿ ಯಾವುದೇ ಉತ್ಪನ್ನವನ್ನು ಮಾರಾಟ ಮಾಡುತ್ತಿದ್ದರೆ, "ಅಸುರಕ್ಷಿತ ಅಥವಾ ಅನುಸರಣೆಯಿಲ್ಲದ ಉತ್ಪನ್ನಗಳ ಪಟ್ಟಿಯನ್ನು ಒಳಗೊಂಡಂತೆ" ಮಾರಾಟಗಾರರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳುತ್ತದೆ ಎಂದು ಹೇಳಿದೆ. ಸಮಸ್ಯೆಯನ್ನುಂಟು ಮಾಡಿರುವ ಉತ್ಪನ್ನಗಳು ಇನ್ನು ಮುಂದೆ ಲಭ್ಯವಿಲ್ಲ" ಎಂದು ಅಮೆಜಾನ್ ಹೇಳಿದೆ.

ಅಮೆಜಾನ್‌ನ ಇಂಡಿಯಾ ವೆಬ್‌ಸೈಟ್ ಸಣ್ಣ ಲೋಹದ ಕ್ಲಿಪ್‌ಗಳಿಗಾಗಿ ಹಲವಾರು ಲಿಸ್ಟಿಂಗ್‌ಗಳನ್ನು ಹೊಂದಿದ್ದು ಅದು ಕಾರು ರೂಪಾಂತರಗಳು ಮತ್ತು ಮಾದರಿಗಳಾದ್ಯಂತ ಸೀಟ್‌ಬೆಲ್ಟ್ ಅಲಾರಮ್‌ಗಳನ್ನು "ನಿರ್ಮೂಲನೆ" ಮಾಡುವ ಉತ್ಪನ್ನಗಳೆಂದು ಉಲ್ಲೇಖಿಸಿದೆ. ಸಾಧನಗಳ ಬೆಲೆ ರೂ 249 ಆಗಿದ್ದು, ಉತ್ಪನ್ನದ ಚಿತ್ರಗಳಲ್ಲಿ ಒಂದು ಕಾರಿನಲ್ಲಿರುವ ಸೀಟ್‌ಬೆಲ್ಟ್ ಎಚ್ಚರಿಕೆಯ ಬೆಳಕಿನ ಸೂಚಕವು ಹೇಗೆ ಆಫ್ ಆಗುತ್ತದೆ ಮತ್ತು ಕ್ಲಿಪ್ ಅನ್ನು ಬಳಸಿದಾಗ ಅಲಾರಾಂ ಹೇಗೆ ನಿಲ್ಲುತ್ತದೆ ಎಂಬುದನ್ನು ತೋರಿಸಿದೆ. ಇಂತಹ ಉತ್ಪನ್ನಗಳು ಇನ್ನು ಮುಂದೆ ಮಾರಾಟಕ್ಕೆ ಲಭ್ಯವಿಲ್ಲ ಎಂದು ತೋರಿಸಿದೆ.

ಚಾಲನಾ ಸುರಕ್ಷತೆ ಕುರಿತು ಕ್ರಮ
2021 ರಲ್ಲಿ ಭಾರತದಲ್ಲಿ ವಾಹನ ಅಪಘಾತಗಳು 150,000 ಕ್ಕೂ ಹೆಚ್ಚು ಜನರನ್ನು ಕೊಂದಿದ್ದು, ಕಳೆದ ವರ್ಷ ವಿಶ್ವ ಬ್ಯಾಂಕ್ ಭಾರತವು ತನ್ನ ರಸ್ತೆಗಳಲ್ಲಿ ಪ್ರತಿ ನಾಲ್ಕು ನಿಮಿಷಗಳಿಗೊಮ್ಮೆ ಸಾವು ಸಂಭವಿಸುತ್ತದೆ ಎಂದು ಹೇಳಿದೆ.

ಇದನ್ನೂ ಓದಿ: Cyrus Mistry Death: ಸೈರಸ್​ ಮಿಸ್ತ್ರಿ ಕಾರು ಅಪಘಾತಕ್ಕೆ ಇದೇ ಕಾರಣವಂತೆ! ಫಾರೆನಿಕ್ಸ್ ತಂಡದಿಂದ ಸ್ಫೋಟಕ ಮಾಹಿತಿ

2024 ರ ಅಂತ್ಯದ ವೇಳೆಗೆ ರಸ್ತೆ ಅಪಘಾತಗಳು ಮತ್ತು ಸಾವುಗಳನ್ನು ಅರ್ಧದಷ್ಟು ಕಡಿಮೆ ಮಾಡುವ ಪ್ರಯತ್ನದಲ್ಲಿ ಚಾಲಕ ಮತ್ತು ಮುಂಭಾಗದ ಪ್ರಯಾಣಿಕರ ಆಸನಕ್ಕೆ ಮಾತ್ರವಲ್ಲದೆ ಹಿಂಬದಿ ಸೀಟುಗಳಿಗೆ ಸೀಟ್‌ಬೆಲ್ಟ್ ಅಲಾರಂಗಳನ್ನು ಕಡ್ಡಾಯಗೊಳಿಸಲು ಭಾರತ ಯೋಜಿಸಿದೆ ಎಂದು ಗಡ್ಕರಿ ಹೇಳಿದರು. ರಸ್ತೆ ಸುರಕ್ಷತೆಯನ್ನು ಹೆಚ್ಚಿಸಲು ವರ್ಷಾಂತ್ಯದ ವೇಳೆಗೆ ಆರು ಏರ್‌ಬ್ಯಾಗ್‌ಗಳ ನಿಯಮವನ್ನು ಅಂತಿಮಗೊಳಿಸುವ ಗುರಿಯನ್ನು ಭಾರತ ಹೊಂದಿದೆ