ಮುಂದಿನ 3 ತಿಂಗಳು ಎಟಿಎಂಗಳಲ್ಲಿ ಎಷ್ಟು ಬಾರಿ ಹಣ ವಿತ್​ಡ್ರಾ ಮಾಡಿದರೂ ಚಾರ್ಜಸ್​​ ಇಲ್ಲ: ಕೇಂದ್ರ ಹಣಕಾಸು ಇಲಾಖೆ

ಮುಂದಿನ ಮೂರು ತಿಂಗಳವರೆಗೆ ಟ್ರಾನ್ಸಾಕ್ಷನ್​ ಲಿಮಿಟ್​ ತೆಗೆದುಹಾಕಿರುವುದಾಗಿ ಮತ್ತು ಎಷ್ಟು ಬಾರಿ ವಿತ್​ ಡ್ರಾ ಮಾಡಿದರೂ ಅದಕ್ಕೆ ಚಾರ್ಜ್​ ಮಾಡುವುದಿಲ್ಲ ಎಂದಿದ್ದಾರೆ. 

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ನವದೆಹಲಿ: ಕೊರೋನಾ ವೈರಸ್​ ಭೀತಿಯಿಂದ ಇಡೀ ದೇಶ ಸ್ಥಬ್ಧವಾಗಿರುವ ಬೆನ್ನಲ್ಲೇ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್​ ಮತ್ತು ಹಣಕಾಸು ರಾಜ್ಯ ಖಾತೆ ಸಚಿವ ಅನುರಾಗ್​ ಠಾಕೂರ್​ ನವದೆಹಲಿಯಲ್ಲಿ ಇಂದು ಪತ್ರಿಕಾಗೋಷ್ಠಿ ನಡೆಸಿದರು. 

    ಕೋರೋನಾ ಭೀತಿಯಲ್ಲಿರುವ ದೇಶದ ಜನತೆಗೆ ಕೇಂದ್ರ ಹಣಕಾಸು ಸಚಿವೆ ಸಾಕಷ್ಟು ವಿನಾಯಿತಿಗಳನ್ನು ನೀಡುವ ಮೂಲಕ ರಿಲೀಫ್​ ನೀಡಿದ್ದಾರೆ. ಅದರ ಜತೆಗೆ ಇಷ್ಟು ದಿನಗಳ ಕಾಲ ಎಟಿಎಂನಲ್ಲಿ ಹಣ ವಿತ್​ಡ್ರಾ ಮಾಡಲು ಇದ್ದ ಲಿಮಿಟ್ಸ್​ನ್ನು ಹಿಂಪಡೆಯಲಾಗಿದೆ ಎಂದು ಅವರು ತಿಳಿಸಿದ್ದಾರೆ. ಇದುವರೆಗೂ ಕೇವಲ ಐದು ಬಾರಿ ಮಾತ್ರ ಎಟಿಎಂನಿಂದ ಪುಕ್ಕಟೆಯಾಗಿ ಹಣ ತೆಗೆಯಬಹುದಿತ್ತು.

    ಅದಾದ ನಂತರದ ಎಲ್ಲಾ ವ್ಯವಹಾರಗಳಿಗೂ ಪ್ರತಿ ವಿತ್​ಡ್ರಾವಲ್​ಗೆ ರೂ. 20 ರೂ ಇಂದ ರೂ. 30ರ ವರೆಗೂ ಬ್ಯಾಂಕ್​ಗಳು ಸರ್ವಿಸ್​ ಚಾರ್ಜ್​ ಆಗಿ ಪಡೆಯುತ್ತಿತ್ತು. ಇದೀಗ ಬಿಗ್​ ರಿಲೀಫ್​ ಘೋಷಿಸಿರುವ ಸೀತಾರಾಮನ್​, ಮುಂದಿನ ಮೂರು ತಿಂಗಳವರೆಗೆ ಟ್ರಾನ್ಸಾಕ್ಷನ್​ ಲಿಮಿಟ್​ ತೆಗೆದುಹಾಕಿರುವುದಾಗಿ ಮತ್ತು ಎಷ್ಟು ಬಾರಿ ವಿತ್​ ಡ್ರಾ ಮಾಡಿದರೂ ಅದಕ್ಕೆ ಚಾರ್ಜ್​ ಮಾಡುವುದಿಲ್ಲ ಎಂದಿದ್ದಾರೆ.

    ಜತೆಗೆ ಆದಾಯ ತೆರಿಗೆ ರಿಟರ್ನ್ಸ್​ ಸಲ್ಲಿಸಲು ಮಾರ್ಚ್​ 31 ಕಡೆಯ ದಿನಾಂಕವಾಗಿತ್ತು, ಇದರಿಂದ ತೆರಿಗೆದಾರರೆಲ್ಲರೂ ಚಿಂತಿತರಾಗಿದ್ದರು. ಒಂದೆಡೆ ಕೊರೋನಾ ಭೀತಿಯಿಂದ ಎಲ್ಲಾ ರೀತಿಯ ವ್ಯವಹಾರಗಳಿಗೆ ನಿರ್ಬಂಧ ಹೇರಲಾಗಿದೆ, ಇನ್ನೊಂದೆಡೆ ಆದಾಯ ತೆರಿಗೆ ರಿಟರ್ನ್ಸ್​ ಮತ್ತು ಆಧಾರ್​ - ಪ್ಯಾನ್​ ಕಾರ್ಡ್​ ಜೋಡಣೆಗೆ ನೀಡಿದ್ದ ಗಡುವು ಹತ್ತಿರವಾಗಿತ್ತು.

    ಇದೀಗ, ಆದಾಯ ತೆರಿಗೆ ರಿಟರ್ನ್ಸ್​​ ಸಲ್ಲಿಸಲು ಮತ್ತು ಆಧಾರ್​ಗೆ ಪ್ಯಾನ್​ ಕಾರ್ಡ್​ ಲಿಂಕ್​ ಮಾಡಲು ಜೂನ್​ 30ರವರೆಗೆ ಸಮಯ ನೀಡಲಾಗಿದೆ. ಈ ಮೂಲಕ ಔದ್ಯೋಗಿಕ ವರ್ಗಕ್ಕೆ ಕೇಂದ್ರ ರಿಲೀಫ್​ ನೀಡಿದೆ.

    ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್​ ಸುದ್ದಿಗೋಷ್ಠಿಯ ಹೈಲೈಟ್ಸ್​:


    • ಆದಾಯ ತೆರಿಗೆ ಪಾವತಿಗೆ ಜೂ.30ವರೆಗೆ ಅವಕಾಶ

    • ಐಟಿ ರಿಟರ್ನ್ಸ್ ಸಲ್ಲಿಕೆ ಜೂ.30ರವರೆಗೆ ವಿಸ್ತರಣೆ

    • 2018-19ರ ವಿತ್ತೀಯ ವರ್ಷದ ಐಟಿ ರಿಟರ್ನ್ಸ್ ಮಾರ್ಚ್​ ಅಂತ್ಯಕ್ಕೆ ಸಲ್ಲಿಸಬೇಕಿತ್ತು. ಅದಕ್ಕೆ ಹೆಚ್ಚಿನ ಸಮಯ ನೀಡಿದ ಇಲಾಖೆ

    • ಆದಾಯ ತೆರಿಗೆ ಪಾವತಿ ಅವಧಿ ವಿಸ್ತರಣೆ

    • ವಿಳಂಬ ಪಾವತಿಯ ಬಡ್ಡಿ ದರದಲ್ಲೂ ಇಳಿಕೆ

    • ದಂಡ ಪಾವತಿ ಬಡ್ಡಿ ಶೇ.12ರಿಂದ ಶೇ.9ಕ್ಕೆ ಇಳಿಕೆ

    • ಜೂ.30ರವರೆಗೆ ಹೆಚ್ಚುವರಿ ಶುಲ್ಕ ಪಾವತಿಯಿಲ್ಲ

    • ಪಾವತಿ ವಿಳಂಬವಾದಲ್ಲಿ ಶೇ. 9 ಬಡ್ಡಿ ಪಾವತಿಸಬೇಕಿತ್ತು. ಆ ಶುಲ್ಕ ಕಟ್ಟಬೇಕಿಲ್ಲ.

    • ಆಧಾರ್-ಪಾನ್ ಲಿಂಕಿಂಗ್ ಅವಧಿಯೂ ವಿಸ್ತರಣೆ

    • ಜೂನ್ 30ಕ್ಕೆ ಆಧಾರ್ ಲಿಂಕಿಂಗ್ ಅವಧಿ ವಿಸ್ತರಣೆ

    • ಆಧಾರ್-ಪಾನ್ ಜೋಡಣೆ ಕೊನೇ ದಿನ ಮುಂದೂಡಿಕೆ

    • ಜೂ.30ವರೆಗೆ ವಿವಾದ್ ಸೆ ವಿಶ್ವಾಸ್ ಸ್ಕೀಂ ವಿಸ್ತರಣೆ

    • ಜಿಎಸ್ಟಿ ರಿಟರ್ನ್ಸ್ ಸಲ್ಲಿಕೆ ಅವಧಿಯೂ ವಿಸ್ತರಣೆ

    • ಜೂ.30ರವರೆಗೆ GST ರಿಟರ್ನ್ಸ್ ಸಲ್ಲಿಕೆಗೆ ಅವಕಾಶ

    • ಮಾರ್ಚ್, ಏಪ್ರಿಲ್, ಮೇ GST ಪಾವತಿ ಅವಧಿ ಜಿಎಸ್​ಟಿ ಪಾವತಿ ವಿಳಂಬಕ್ಕೆ ದಂಡವಿಲ್ಲ

    • 5 ಕೋಟಿ ರೂ. ಒಳಗಿನ ಜಿಎಸ್​ಟಿಗೆ ದಂಡ ಇಲ್ಲ

    • ಸಬ್ ಕಾ ವಿಶ್ವಾಸ್ ಯೋಜನೆಯೂ ವಿಸ್ತರಣೆ


    First published: