Lady Singam Arrested: ಭಾವೀ ಪತಿಯನ್ನು ಅರೆಸ್ಟ್ ಮಾಡಿ ಭೇಷ್ ಎನಿಸಿಕೊಂಡಿದ್ದ ಲೇಡಿ ಸಿಂಗಂ ತಾನೇ ಅರೆಸ್ಟ್

ಇತ್ತೀಚೆಗಷ್ಟೇ ಭಾವೀ ಪತಿಯನ್ನು ಅರೆಸ್ಟ್ ಮಾಡಿದ ಮಹಿಳಾ ಪೊಲೀಸ್ (Police) ಅಧಿಕಾರಿ ಸುದ್ದಿಯಾಗಿ ಭೇಷ್ ಎನಿಸಿಕೊಂಡಿದ್ದರು. ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದ ಈ ಆಫೀಸರ್ ಈಗ ವಂಚನೆ ಪ್ರಕರಣದಲ್ಲಿ ಸ್ವತಃ ಜೈಲು (Jail) ಸೇರಿದ್ದಾರೆ. ಕಳೆದ ತಿಂಗಳು ರಾಜ್ಯದ ನಾಗಾಂವ್ ಜಿಲ್ಲೆಯಲ್ಲಿ ವಂಚನೆಯ (Fraud) ಆರೋಪದ ಮೇಲೆ ತನ್ನೊಂದಿಗೆ ಮದುವೆ ನಿಶ್ಚಿಯವಾಗಿದ್ದ ವರನನ್ನು ಬಂಧಿಸಿದ್ದ ಅಸ್ಸಾಂ ಪೊಲೀಸ್ (Assam Police) ಸಬ್ ಇನ್ಸ್‌ಪೆಕ್ಟರ್ ಅವರನ್ನು ಕ್ರಿಮಿನಲ್ ಪಿತೂರಿ ಮತ್ತು ವಂಚನೆ ಸೇರಿದಂತೆ ವಿವಿಧ ಆರೋಪಗಳ ಮೇಲೆ ಬಂಧಿಸಲಾಗಿದೆ ಎಂದು ಅಸ್ಸಾಂ ಟ್ರಿಬ್ಯೂನ್ ವರದಿ ಮಾಡಿದೆ.

ರಾಜ್ಯ ಮಾಧ್ಯಮ ವರದಿಗಳ ಪ್ರಕಾರ, ಸತತ ಎರಡು ದಿನಗಳ ವಿಚಾರಣೆಯ ನಂತರ, ಎಸ್‌ಐ ಜುನ್ಮೋನಿ ರಾಭಾ ಅವರನ್ನು ಶನಿವಾರ ಬಂಧಿಸಲಾಯಿತು. ಕ್ರಿಮಿನಲ್ ಪಿತೂರಿ ಮತ್ತು ವಂಚನೆ ಸೇರಿದಂತೆ ವಿವಿಧ ಆರೋಪಗಳ ಮೇಲೆ ಆಕೆಯ ನಿಶ್ಚಿತ ವರ ವಿರುದ್ಧ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಜುಲಿ ಪೊಲೀಸರು ಈ ಬಂಧನವನ್ನು ಮಾಡಿದ್ದಾರೆ.

ವಂಚನೆ ಪ್ರಕರಣ

ವರದಿಯ ಪ್ರಕಾರ, ಇಬ್ಬರು ಗುತ್ತಿಗೆದಾರರು - ರಾಮ್ ಅಬತ್ರಾ ಶರ್ಮಾ ಮತ್ತು ಅಜಿತ್ ಬೋರಾ -  ಹಾಗೂ ರಭಾ ಅವರ ನಿಶ್ಚಿತ ವರ ರಾಣಾ ಪೊಗಾಗ್ ವಿರುದ್ಧ ಎರಡು ಪ್ರತ್ಯೇಕ ಎಫ್‌ಐಆರ್‌ಗಳನ್ನು ದಾಖಲಿಸಿದ್ದಾರೆ. ಅವರ ನಡುವೆ ಭಾರಿ ಹಣಕಾಸಿನ ವಹಿವಾಟು ನಡೆದಿದೆ ಎಂದು ಆರೋಪಿಸಿದ್ದಾರೆ.

ಈ ವಂಚನೆಯಲ್ಲಿ ರಭಾ ಕೂಡಾ ಭಾಗಿ

ವರದಿಗಳ ಪ್ರಕಾರ, ಜನರನ್ನು ವಂಚಿಸಿದಾಗ ಪೋಗಾಗ್‌ನ ಅಪರಾಧಗಳಲ್ಲಿ ರಭಾ ಕೂಡ ಭಾಗಿಯಾಗಿದ್ದಳು. ಆ ಸಮಯದಲ್ಲಿ ಆಕೆಯನ್ನು ಮಜುಲಿ ಪೊಲೀಸ್ ಠಾಣೆಯಲ್ಲಿ ನಿಯೋಜಿಸಲಾಗಿತ್ತು.

ಭ್ರಷ್ಟಾಚಾರದ ಆರೋಪದ ಮೇಲೆ ಹಲವಾರು ಎಫ್‌ಐಆರ್

ಮಜುಲಿ ಜಿಲ್ಲೆಯ ಪೊಲೀಸ್ ಠಾಣೆಯಲ್ಲಿ ಭ್ರಷ್ಟಾಚಾರದ ಆರೋಪದ ಮೇಲೆ ಆಕೆಯ ವಿರುದ್ಧ ಹಲವಾರು ಎಫ್‌ಐಆರ್‌ಗಳನ್ನು ದಾಖಲಿಸಲಾಯಿತು, ಅದರ ನಂತರ ಆಕೆಯ ವಿರುದ್ಧದ ಆರೋಪಗಳು ಹೊರಹೊಮ್ಮಿದ ನಂತರ ಆಕೆಯನ್ನು ನಾಗಾನ್ ಜಿಲ್ಲೆಯಿಂದ ಕಲಿಯಾಬೋರ್ ಪೊಲೀಸ್ ಠಾಣೆಗೆ ವರ್ಗಾಯಿಸಲಾಯಿತು ಎಂದು ವರದಿಯಾಗಿದೆ.

ಜೂನ್ 3ರಂದು ರಭಾ ವಿಚಾರಣೆ

ಎಫ್‌ಐಆರ್‌ಗಳಲ್ಲಿ ಆಕೆಯ ಹೆಸರು ಕಾಣಿಸಿಕೊಂಡಿದ್ದರಿಂದ ಜೂನ್ 3 ರಂದು ಪೊಲೀಸರು ಆಕೆಯನ್ನು ವಿಚಾರಣೆಗೆ ಒಳಪಡಿಸಿದ್ದರು.

ಇದನ್ನೂ ಓದಿ: Nupur Sharma: ಪ್ರವಾದಿ ಮೊಹಮ್ಮದ್ ಬಗ್ಗೆ ವಕ್ತಾರೆ ನೂಪುರ್ ಶರ್ಮಾ ಅವಹೇಳನ: ಅಂತರ ಕಾಯ್ದುಕೊಂಡ ಬಿಜೆಪಿ

ಏತನ್ಮಧ್ಯೆ, ಪೊಗಾಗ್ ಅವರನ್ನು ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 120 ಬಿ, 170, 406, 419, 420, 468, 471 ಮತ್ತು 472 ರ ಅಡಿಯಲ್ಲಿ ಬಂಧಿಸಲಾಗಿದೆ ಮತ್ತು ಪ್ರಸ್ತುತ ನಾಗಾವ್‌ನಲ್ಲಿ ನ್ಯಾಯಾಂಗ ಬಂಧನದಲ್ಲಿದ್ದಾರೆ.

ಆಯಿಲ್ ಅಂಡ್ ನ್ಯಾಚುರಲ್ ಗ್ಯಾಸ್ ಕಾರ್ಪೊರೇಷನ್ (ಒಎನ್‌ಜಿಸಿ) ಯಲ್ಲಿ ಕೆಲಸ ಕೊಡಿಸುವುದಾಗಿ ಭರವಸೆ ನೀಡಿ ಹಲವರಿಗೆ ವಂಚಿಸಿದ್ದ ಕಳ್ಳನನ್ನು ಅಸ್ಸಾಂ ಪೊಲೀಸರು ಇಂದು ಬಂಧಿಸಿದ್ದಾರೆ. ರಾಣಾ ಪೊಗಾಗ್ ಜುನ್ಮೋನಿ ರಾಭಾ ಅವರ ನಿಶ್ಚಿತ ವರ.

ಕಂಪನಿಯಲ್ಲಿ ಕೆಲಸ ಕೊಡಿಸುವುದಾಗಿ ಜನರ ಬಳಿ ಹಣ ಪೀಕಿದ ಯುವಕ

ಪೊಗಾಗ್ ಅವರು ಅಸ್ಸಾಂನಲ್ಲಿ ಒಎನ್‌ಜಿಸಿ ಜೊತೆ ಕೆಲಸ ಮಾಡುತ್ತಿದ್ದಾರೆ ಎಂದು ಸುಳ್ಳು ಹೇಳಿಕೆ ನೀಡಿದ್ದರು. ಕಂಪನಿಯಲ್ಲಿ ಕೆಲಸ ಕೊಡಿಸುವುದಾಗಿ ಜನರ ಬಳಿ ಹಣ ಕೇಳುತ್ತಿದ್ದರು. ಪೋಲೀಸರ ಪ್ರಕಾರ, ಕೋಟ್ಯಂತರ ರೂಪಾಯಿಗಳಿಗೆ ಪೋಗಾಗ್ ಜನರನ್ನು ವಂಚಿಸಿದ್ದಾರೆ.

ಇದನ್ನೂ ಓದಿ: Cycle Auction: ಲಾಕ್​ಡೌನ್​ನಲ್ಲಿ ಕಾರ್ಮಿಕರು ಬಿಟ್ಟುಹೋದ ಸೈಕಲ್ ಹರಾಜು! ಸಿಕ್ಕಿದ ಹಣವೆಷ್ಟು ಗೊತ್ತಾ?

ಅಸ್ಸಾಂನ ನಗಾಂವ್ ಜಿಲ್ಲೆಯ ಸಬ್ ಇನ್ಸ್‌ಪೆಕ್ಟರ್ ಆಗಿದ್ದ ಜುನ್ಮೋನಿ ರಾಭಾ ಅವರಿಗೆ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಎಂದು ಪರಿಚಯಿಸಿಕೊಂಡರು. ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ಇಬ್ಬರೂ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ನವೆಂಬರ್‌ನಲ್ಲಿ ಮದುವೆಯಾಗಲು ನಿರ್ಧರಿಸಲಾಗಿತ್ತು.