Assam: ಪರೀಕ್ಷೆಗೆ Shorts ಹಾಕಿಕೊಂಡು ಬಂದ ವಿದ್ಯಾರ್ಥಿನಿಗೆ ಕರ್ಟನ್ ಸುತ್ತಿ ಎಕ್ಸಾಂ ಬರೆಸಿದ ಸಿಬ್ಬಂದಿ

ಇದು ಸಂಪೂರ್ಣ ಅನ್ಯಾಯ. ಸಿಬ್ಬಂದಿ ಕೋವಿಡ್​ ಪ್ರೋಟೋಕಾಲ್​ಗಳು, ಮಾಸ್ಕ್​ ಅಥವಾ ತಾಪಮಾನ ಚೆಕ್ ಮಾಡಲಿಲ್ಲ. ಬದಲಾಗಿ ಶಾರ್ಟ್ಸ್​ನ್ನು ಪರಿಶೀಲಿಸಿದರು. ಇದು ‘ನನ್ನ ಜೀವನದ ಅತ್ಯಂತ ಅವಮಾನಕರ ಅನುಭವ‘ ಎಂದು ಜುಬ್ಲಿ ಬಹಳ ಬೇಸರ ವ್ಯಕ್ತಪಡಿಸಿದರು.

ವಿದ್ಯಾರ್ಥಿನಿ ಜುಬ್ಲಿ

ವಿದ್ಯಾರ್ಥಿನಿ ಜುಬ್ಲಿ

  • Share this:
    ಪರೀಕ್ಷಾ ಕೇಂದ್ರಕ್ಕೆ ಶಾರ್ಟ್ಸ್​​ ಧರಿಸಿ ಬಂದಿದ್ದ 19 ವರ್ಷದ ವಿದ್ಯಾರ್ಥಿನಿಗೆ ಕಾಲುಗಳಿಗೆ ಕರ್ಟನ್ ಸುತ್ತಿ ಎಕ್ಸಾಂ ಬರೆಯುವಂತೆ ಮಾಡಿರುವ ಘಟನೆ ಅಸ್ಸಾಂನ ತೇಜ್​ಪುರ ನಗರದಲ್ಲಿ(Assam’s Tezpur town) ನಡೆದಿದೆ. ಜುಬ್ಲೀ ತಮುಲಿ(Jublee Tamuli) ಎಂಬ ವಿದ್ಯಾರ್ಥಿನಿ ಪರೀಕ್ಷೆ ಬರೆಯಲು ಗಿರಿಜಾನಂದ ಚೌಧರಿ ಇನ್​ಸ್ಟಿಟ್ಯೂಟ್ ಆಫ್​ ಫಾರ್ಮಾಸ್ಯುಟಿಕಲ್ ಸೈನ್ಸಸ್(Girijananda Chowdhury Institute of Pharmaceutical Sciences -GIPS)ಗೆ ಆಗಮಿಸಿದ್ದಳು. ಜೋಹರ್ತ್​​ನ ಅಸ್ಸಾಂ ಕೃಷಿ ವಿಶ್ವವಿದ್ಯಾಲಯದ(Assam Agricultural University -AAU) ಪ್ರವೇಶ ಪರೀಕ್ಷೆ ಅಲ್ಲಿ ನಡೆಯುತ್ತಿತ್ತು.

    ವಿದ್ಯಾರ್ಥಿನಿ ತನ್ನ ತಂದೆಯೊಂದಿಗೆ ತಮ್ಮ ಊರಾದ ಬಿಸ್ವನಾಥ ಚರಿಯಾಲಿಯಿಂದ 70 ಕಿ.ಮೀ. ದೂರದ ತೇಜಪುರಕ್ಕೆ ಬೆಳಗ್ಗೆ ಪರೀಕ್ಷೆ ಸಮಯಕ್ಕೆ ಸರಿಯಾಗಿ ಆಗಮಿಸಿದ್ದರು. ಜುಬ್ಲೀ ಪರೀಕ್ಷಾ ಕೇಂದ್ರ ಗಿರಿಜಾನಂದ ಚೌಧರಿ ಇನ್​ಸ್ಟಿಟ್ಯೂಟ್ ಆಫ್​ ಫಾರ್ಮಾಸ್ಯುಟಿಕಲ್ ಸೈನ್ಸಸ್ ಪ್ರವೇಶಿಸಿದಾಗ ಯಾವುದೇ ತೊಂದರೆ ಎದುರಾಗಿರಲಿಲ್ಲ. ಆದರೆ ಪರೀಕ್ಷಾ ಕೊಠಡಿಯೊಳಗೆ ಹೋದಾಗ ಆಕೆ ಧರಿಸಿರುವ ಉಡುಪಿನ ಬಗ್ಗೆ ಮಾತುಗಳು ಶುರುವಾದವು.

    ‘‘ಭದ್ರತಾ ಸಿಬ್ಬಂದಿ ನನ್ನನ್ನು ಪರೀಕ್ಷಾ ಕೇಂದ್ರದೊಳಗೆ ಹೋಗಲು ಅನುಮತಿ ನೀಡಿದರು. ಆದರೆ ಇನ್ವಿಜಿಲೇಜರ್​ ನಾನು ಪರೀಕ್ಷಾ ಕೊಠಡಿಯೊಳಗೆ ಹೋಗುವುದನ್ನು ತಡೆದರು. ಶಾರ್ಟ್ಸ್​ ಧರಿಸಿ ಪರೀಕ್ಷೆ ಬರೆಯಲು ಅನುಮತಿ ನೀಡುವುದಿಲ್ಲ. ಹೀಗಾಗಿ ಎಕ್ಸಾಂ ಹಾಲ್​ಗೆ ಪ್ರವೇಶ ನಿರಾಕರಿಸಲಾಗಿದೆ ಎಂದು ಹೇಳಿದರು‘‘ ಎಂದು ವಿದ್ಯಾರ್ಥಿನಿ ಹೇಳಿದ್ದಾರೆ.

    ಇದನ್ನೂ ಓದಿ:Karnataka Weather Today: ಕರ್ನಾಟಕದಲ್ಲಿ ಇನ್ನೂ 3 ದಿನ ಭಾರೀ ಮಳೆ; ಕರಾವಳಿ ಜಿಲ್ಲೆಗಳಲ್ಲಿ ಹೈ ಅಲರ್ಟ್​

    ‘‘ಪ್ರವೇಶ ಪತ್ರದಲ್ಲಿ ಡ್ರೆಸ್​ ಕೋಡ್ ಬಗ್ಗೆ ಏನನ್ನೂ ಹೇಳಿಲ್ಲ. ಕೆಲವು ದಿನಗಳ ಹಿಂದೆ ನಾನು ನೀಟ್​ ಪರೀಕ್ಷೆ ಬರೆಯಲು ಇಂತಹದ್ದೇ ಡ್ರೆಸ್​ ತೊಟ್ಟು ಅದೇ ನಗರಕ್ಕೆ ಹೋಗಿದ್ದೆ. ಆದರೆ ಅಲ್ಲಿ ನಾನು ಧರಿಸಿದ್ದ ಡ್ರೆಸ್​ ಬಗ್ಗೆ ಈ ರೀತಿಯಾದ ಘಟನೆ ಸಂಭವಿಸಿರಲಿಲ್ಲ. ಅಸ್ಸಾಂ ಕೃಷಿ ವಿಶ್ವವಿದ್ಯಾಲಯ ಶಾರ್ಟ್ಸ್​ ಡ್ರೆಸ್​ ಬಗ್ಗೆ ಯಾವುದೇ ನಿಯಮಗಳನ್ನು ಹೊಂದಿಲ್ಲ. ಹಾಗೇನಾದರೂ ಇದ್ದರೆ ಅಡ್ಮಿಟ್ ಕಾರ್ಡ್​​ನಲ್ಲಿ ಡ್ರೆಸ್​​ ಕೋಡ್ ಬಗ್ಗೆ ಉಲ್ಲೇಖ ಮಾಡಬೇಕಿತ್ತು. ಇಲ್ಲದಿದ್ದರೆ ನಮಗೆ ಹೇಗೆ ಗೊತ್ತಾಗುತ್ತದೆ‘‘ ಎಂದು ಜುಬ್ಲಿ ಪ್ರಶ್ನಿಸಿದ್ದಾಳೆ.

    ಈ ಶಾರ್ಟ್​​ ಡ್ರೆಸ್​ನಲ್ಲಿ ಪರೀಕ್ಷೆ ಬರೆಯುವಂತಿಲ್ಲ ಎಂದು ಕೊಠಡಿ ಮೇಲ್ವಿಚಾರಕರು ಹೇಳಿದ ಬಳಿಕ, ನಾನು ಅಳುತ್ತಾ ಹೊರಗೆ ನಿಂತಿದ್ದ ನನ್ನ ತಂದೆಯ ಬಳಿ ಹೋದೆ. ಕೊನೆಗೆ ಪ್ಯಾಂಟ್​ ಧರಿಸಿದರೆ ಪರೀಕ್ಷೆಗೆ ಕುಳಿತುಕೊಳ್ಳಬಹುದು ಎಂದು ಪರೀಕ್ಷಾ ನಿಯಂತ್ರಕರು ಹೇಳಿದರು. ಆಗ ನನ್ನ ತಂದೆ ಪ್ಯಾಂಟ್ ಖರೀಸಿದಲು ಮಾರ್ಕೆಟ್​ಗೆ ಹೋದರು ಎಂದಳು.

    ಪರೀಕ್ಷಾ ಸಮಯದಲ್ಲಿ ಸಂಭವಿಸಿದ ಈ ಘಟನೆಯಿಂದಾಗಿ ಜುಬ್ಲಿ ಇಂತಹ ಪರಿಸ್ಥಿತಿಯನ್ನು ಎದುರಿಸಬೇಕಾಯಿತು. ಆಕೆಗೆ ಅಮೂಲ್ಯವಾದ ಸಮಯವನ್ನು ಕಳೆದುಕೊಳ್ಳುತ್ತಿದ್ದೇನೆ ಎಂಬ ಭಯವೂ ಕಾಡಿತ್ತು. ಜೊತೆಗೆ ಹಿಂಸೆಯನ್ನೂ ಅನುಭವಿಸಿದ್ದಳು. ಜುಬ್ಲಿಯ ತಂದೆ ಬಾಬುಲ್ ತಮುಲಿ ಸುಮಾರು 8 ಕಿ.ಮೀ ದೂರದಲ್ಲಿರುವ ಮಾರುಕಟ್ಟೆಯಿಂದ ಪ್ಯಾಂಟ್​(ಟ್ರೌಸರ್​)ನ್ನು ತಂದರು. ಅಲ್ಲಿಗೆ ಸಮಸ್ಯೆ ಬಗೆಹರಿಯಿತು. ಆಕೆಯ ಕಾಲುಗಳನ್ನು ಮುಚ್ಚಲು  ಕರ್ಟನ್​(ಪರದೆ) ನೀಡಲಾಯಿತು.

    ಸಾಮಾನ್ಯ ಜ್ಞಾನವಿಲ್ಲದಿದ್ದರೆ ನಾನು ಜೀವನದಲ್ಲಿ ಯಶಸ್ವಿಯಾಗುವುದು ಹೇಗೆ? ಇದು ಸಂಪೂರ್ಣ ಅನ್ಯಾಯ. ಸಿಬ್ಬಂದಿ ಕೋವಿಡ್​ ಪ್ರೋಟೋಕಾಲ್​ಗಳು, ಮಾಸ್ಕ್​ ಅಥವಾ ತಾಪಮಾನ ಚೆಕ್ ಮಾಡಲಿಲ್ಲ. ಬದಲಾಗಿ ಶಾರ್ಟ್ಸ್​ನ್ನು ಪರಿಶೀಲಿಸಿದರು. ಇದು ‘ನನ್ನ ಜೀವನದ ಅತ್ಯಂತ ಅವಮಾನಕರ ಅನುಭವ‘ ಎಂದು ಜುಬ್ಲಿ ಬಹಳ ಬೇಸರ ವ್ಯಕ್ತಪಡಿಸಿದರು. ಈ ಘಟನೆ ಕುರಿತಾಗಿ ಅಸ್ಸಾಂ ಶಿಕ್ಷಣ ಸಚಿವ ರಾನೋಜ್​ ಪೆಗು ಅವರಿಗೆ ಪತ್ರ ಬರೆಯುವುದಾಗಿ ಜುಬ್ಲಿ ಹೇಳಿದರು.

    ಇದನ್ನೂ ಓದಿ:Viral Fever in Karnataka: ರಾಜ್ಯದ ಉದ್ದಗಲಕ್ಕೂ ಮಕ್ಕಳನ್ನು ಕಾಡುತ್ತಿದೆ ವೈರಲ್ ಫೀವರ್, ಡೆಂಗ್ಯೂ; ಮೂರನೇ ಅಲೆಯ ಮುನ್ಸೂಚನೆ?

    ''ಹುಡುಗರು ಯಾವ ಉಡುಪು ಧರಿಸಿದರೂ ಯಾರೂ ಏನನ್ನೂ ಕೇಳುವುದಿಲ್ಲ. ಆದರೆ ಒಂದು ಹುಡುಗಿ ಶಾರ್ಟ್ಸ್​ ಧರಿಸಿದರೆ ಜನರು ಬೆರಳು ಮಾಡಿ ತೋರಿಸುತ್ತಾರೆ'' ಎಂದು ಜುಬ್ಲಿ ಮತ್ತೆ ಬೇಸರ ಹೊರಹಾಕಿದರು.
    Published by:Latha CG
    First published: