Airlines: ದೇಶೀಯ ವಿಮಾನಯಾನ ಸಂಸ್ಥೆಗಳಿಂದ ಮತ್ತೊಂದು ಹೊಸ ದಾಖಲೆ!

ದೇಶೀಯ ವಿಮಾನಯಾನ ಸಂಸ್ಥೆಗಳು (Airlines) ಮಾರ್ಚ್‌ನಲ್ಲಿ ದಾಖಲೆಯ 13 ಮಿಲಿಯನ್ ಪ್ರಯಾಣಿಕರನ್ನು ಸುರಕ್ಷಿತವಾಗಿ ತಮ್ಮ ತಮ್ಮ ಸ್ಥಳಗಳಿಗೆ ತಲುಪಿಸಿದ್ದು, ಇದು 2018 ಮತ್ತು 2019 ರ ಅನುಗುಣವಾದ ತಿಂಗಳಿಗೆ ಹೋಲಿಸಿದರೆ 11% ರಷ್ಟು ಹೆಚ್ಚಾಗಿದೆ ಎಂದು ಡೈರೆಕ್ಟರೇಟ್ ಜನರಲ್ ಆಫ್ ಸಿವಿಲ್ ಏವಿಯೇಷನ್ ಡೇಟಾ ತಿಳಿಸಿದೆ. ಒಂದೇ ದಿನದಲ್ಲಿ 456,082 ಪ್ರಯಾಣಿಕರೊಂದಿಗೆ ಹಾರುವ ಮೂಲಕ ಭಾರತದ (India) ದೇಶೀಯ ವಿಮಾನ ಸಂಚಾರವು ದಾಖಲೆಯ ಶಿಖರವನ್ನು ತಲುಪಿದೆ.

ದೇಶೀಯ ವಿಮಾನಗಳಲ್ಲಿ ಹೊಸ ದಾಖಲೆ

ಏಪ್ರಿಲ್ 30 ರಂದು ದೇಶದಾದ್ಯಂತ 2,978 ವಿಮಾನಗಳು ಟೇಕಾಫ್ ಆಗುವ ಮೂಲಕ ಈ ಮೈಲಿಗಲ್ಲನ್ನು ತಲುಪಲಾಯಿತು ಎಂದು ಮೂಲಗಳು ತಿಳಿಸಿವೆ. "ಕೋವಿಡ್ ನಂತರದ ಗಗನಕ್ಕೇರುತ್ತಿರುವ ದೇಶೀಯ ಪ್ರಯಾಣಿಕರ ದಟ್ಟಣೆಯು, ಭಾರತದ ಹೆಚ್ಚಿನ ಬೆಳವಣಿಗೆಯ ಪ್ರತಿಬಿಂಬವಾಗಿದೆ" ಹಾಗೂ ಭಾರತದ ಸಾಂಕ್ರಾಮಿಕ ನಂತರದ ಆರ್ಥಿಕ ಚೇತರಿಕೆಯು ಪ್ರಯಾಣದ ಉತ್ಕರ್ಷವನ್ನು ಹೆಚ್ಚಿಸಿದೆ" ಎಂದು ವಿಮಾನಯಾನ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ ಟ್ವೀಟ್ ಮಾಡಿದ್ದಾರೆ.‘

3 ತಿಂಗಳಲ್ಲಿ 37.5 ಮಿಲಿಯನ್​ಗಿಂತಲೂ ಹೆಚ್ಚು ಪ್ರಯಾಣಿಕರು

2023 ರ ಮೊದಲ ಮೂರು ತಿಂಗಳಲ್ಲಿ ದೇಶೀಯ ವಿಮಾನಯಾನ ಸಂಸ್ಥೆಗಳು 37.5 ಮಿಲಿಯನ್‌ಗಿಂತಲೂ ಹೆಚ್ಚು ಪ್ರಯಾಣಿಕರನ್ನು ಸಾಗಿಸಿದೆ. ಇದು ಒಂದು ವರ್ಷದ ಹಿಂದಿನ ವರ್ಷಕ್ಕೆ ಹೋಲಿಸಿದರೆ 51.7 ಶೇಕಡಾ ಹೆಚ್ಚಳವನ್ನು ಕಂಡಿದೆ ಎಂದು ದೇಶದ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯದ ಅಂಕಿಅಂಶಗಳು ತೋರಿಸಿವೆ.‘

ಇದನ್ನೂ ಓದಿ: ಮುಂಬೈ-ಅಹಮದಾಬಾದ್ ಬುಲೆಟ್ ರೈಲು ಯೋಜನೆ- ಭಾರತೀಯ ಇಂಜಿನಿಯರ್‌ಗಳಿಗೆ ಜಪಾನ್‌ನಿಂದ ತರಬೇತಿ

"ಕೋವಿಡ್ ಸಮಯದಲ್ಲಿ ಎರಡು ವರ್ಷಗಳ ಕಾಲ ಯಾವುದೇ ಬೆಳವಣಿಗೆಯನ್ನು ನಾವು ಕಂಡಿರಲಿಲ್ಲ.ಆದರೆ ಇದೀಗ ವಿಮಾನಗಳ ಬೇಡಿಕೆಯು ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ" ಎಂದು ವಾಯುಯಾನ ವಿಶ್ಲೇಷಕ ಮಾರ್ಕ್ ಮಾರ್ಟಿನ್ ಬಿಬಿಸಿಗೆ ತಿಳಿಸಿದ್ದಾರೆ. ಸಾಂಕ್ರಾಮಿಕ ರೋಗ ಪ್ರಾರಂಭವಾದಾಗಿನಿಂದ ಮೊದಲ ಬಾರಿಗೆ ಹಾರುವ ಜನರ ಸಂಖ್ಯೆಯಲ್ಲಿ ಗಮನಾರ್ಹ ಹೆಚ್ಚಳವಾಗಿದೆ ಎಂದು ಮಾರ್ಟಿನ್ ಹೇಳಿದ್ದಾರೆ.

ಭಾರತವು ಏಷ್ಯಾದ ಮೂರನೇ ಅತಿದೊಡ್ಡ ಆರ್ಥಿಕತೆಯ ದೇಶ

ಭಾರತವು ಏಷ್ಯಾದ ಮೂರನೇ ಅತಿದೊಡ್ಡ ಆರ್ಥಿಕತೆಯ ದೇಶವಾಗಿ ಮುಂಬರುತ್ತಿರುವ ಸಮಯದಲ್ಲಿ, ಭಾರತದಲ್ಲಿ ವಿಮಾನ ಸಂಚಾರವು ಸಾಮಾನ್ಯವಾಗಿ ದೇಶದ GDP (ಒಟ್ಟು ದೇಶೀಯ ಉತ್ಪನ್ನ) ದರಕ್ಕಿಂತ ಎರಡು ಪಟ್ಟು ಹೆಚ್ಚಾಗುತ್ತಿದೆ ಎಂದು ಮಾರ್ಟಿನ್ ತಿಳಿಸಿದ್ದಾರೆ.

ಇದಕ್ಕೂ ಮೊದಲು, ಇಂಟರ್ನ್ಯಾಷನಲ್ ಏರ್ ಟ್ರಾನ್ಸ್‌ಪೋರ್ಟ್ ಅಸೋಸಿಯೇಷನ್ ​​(IATA) ದ ಟ್ರೇಡ್ ಬಾಡಿ ವರದಿಯು ಭಾರತದಲ್ಲಿ ದೇಶೀಯ ದಟ್ಟಣೆಯು ಸಾಂಕ್ರಾಮಿಕ-ಪೂರ್ವ ಮಟ್ಟವನ್ನು ತಲುಪುತ್ತಿದೆ, ಇದು ಫೆಬ್ರವರಿ 2019 ಮಟ್ಟಕ್ಕಿಂತ ಕೇವಲ 2.2% ಕಡಿಮೆಯಾಗಿದೆ ಎಂದು ಎಂದು ತೋರಿಸಿದೆ.

ಸಾಂಕೇತಿಕ ಚಿತ್ರ

US, ಚೀನಾ, ಜಪಾನ್, ಆಸ್ಟ್ರೇಲಿಯಾ ಮತ್ತು ಬ್ರೆಜಿಲ್‌ನಂತಹ ದೇಶಗಳಿಗೆ ಹೋಲಿಸಿದರೆ ಭಾರತವು ದೇಶೀಯ ಮಾರುಕಟ್ಟೆಯಲ್ಲಿ 81.6% ನಷ್ಟು ಪ್ರಯಾಣಿಕರ ಲೋಡ್ ಅಂಶದೊಂದಿಗೆ (ಏರ್‌ಲೈನ್ ಲೋಡ್ ಫ್ಯಾಕ್ಟರ್) ಅಗ್ರಸ್ಥಾನದಲ್ಲಿದೆ ಎಂದು ಮೂಲಗಳು ತಿಳಿಸಿವೆ.

ಆದರೆ ಆರೋಗ್ಯಕರ ಆರ್ಥಿಕ ಚೇತರಿಕೆಯ ಹೊರತಾಗಿಯೂ, ಉದ್ಯಮವು ಹೆಚ್ಚುತ್ತಿರುವ ಜೆಟ್ ಟರ್ಬೈನ್ ಇಂಧನ ಬೆಲೆಗಳು, ಡಾಲರ್ ವಿರುದ್ಧ ರೂಪಾಯಿ ಮೌಲ್ಯ ಕುಸಿತ ಸೇರಿದಂತೆ ಹಲವಾರು ಸಮಸ್ಯೆಗಳಿಂದ ಬಳಲುತ್ತಿದೆ ಎಂದು ವರದಿಗಳು ತಿಳಿಸಿವೆ. ಇಂಡಿಗೋ ಮತ್ತು ಗೋ ಫಸ್ಟ್‌ನಂತಹ ಪ್ರಮುಖ ಭಾರತೀಯ ವಿಮಾನಯಾನ ಸಂಸ್ಥೆಗಳ 50 ಕ್ಕೂ ಹೆಚ್ಚು ವಿಮಾನಗಳು ಪ್ರಾಟ್ ಮತ್ತು ವಿಟ್ನಿ ಎಂಜಿನ್-ಸಂಬಂಧಿತ ಸಮಸ್ಯೆಗಳಿಂದಾಗಿ ತಿಂಗಳುಗಳವರೆಗೆ ಸ್ಥಗಿತಗೊಂಡಿವೆ.

"ಇದರಿಂದಾಗಿ ಏರ್‌ಲೈನ್ಸ್‌ಗಳು ಬಿಲಿಯನ್‌ಗಟ್ಟಲೆ ಡಾಲರ್‌ಗಳನ್ನು ಕಳೆದುಕೊಳ್ಳುತ್ತಿವೆ. ಹೊರೆಯನ್ನು ತಗ್ಗಿಸಲು ಫ್ಲೀಟ್‌ಗೆ ಸೇರಲು ನಮಗೆ ಕನಿಷ್ಠ 150 ಹೆಚ್ಚು ವಿಮಾನಗಳು ಬೇಕಾಗುತ್ತವೆ," ಮಾರ್ಟಿನ್ ತಿಳಿಸಿದ್ದಾರೆ.

ಭಾರತವು ಮುಂದಿನ ಕೆಲವು ವರ್ಷಗಳಲ್ಲಿ ಸುಮಾರು 1,100 ಫ್ಲೀಟ್ ಡೆಲಿವರಿಗಳನ್ನು ಬಾಕಿ ಉಳಿಸಿಕೊಂಡಿದೆ. ಫೆಬ್ರವರಿ ಆರಂಭದಲ್ಲಿ, ಟಾಟಾ ಗ್ರೂಪ್‌ನ ಏರ್ ಇಂಡಿಯಾ ಜಾಗತಿಕ ವಾಯುಯಾನ ಇತಿಹಾಸದಲ್ಲಿ ಅತಿದೊಡ್ಡ ಏರ್‌ಬಸ್ ಮತ್ತು ಬೋಯಿಂಗ್‌ನಿಂದ 470 ಜೆಟ್‌ಗಳನ್ನು ಖರೀದಿಸಲು ದಾಖಲೆಯ ಒಪ್ಪಂದವನ್ನು ಘೋಷಿಸಿದೆ ಎಂದು ರೇಟಿಂಗ್ ಏಜೆನ್ಸಿ ICRA ತಿಳಿಸಿದೆ.

ಆದರೆ ಉತ್ಪಾದಕರು ಎದುರಿಸುತ್ತಿರುವ ಪೂರೈಕೆ ಸರಪಳಿ ಸವಾಲುಗಳು "ಉತ್ಪಾದನಾ ಯೋಜನೆಗಳನ್ನು ನಿರ್ಬಂಧಿಸಬಹುದು" ಎಂದು ICRA ತಿಳಿಸಿದೆ.