Anemia Test: ಒಂದೇ ರೂಪಾಯಿಯಲ್ಲಿ ರಕ್ತದಲ್ಲಿನ ಹಿಮೋಗ್ಲೋಬಿನ್ ಟೆಸ್ಟ್ ಮಾಡಿಕೊಳ್ಳಿ! ಭಾರತೀಯ ವಿಜ್ಞಾನಿಯಿಂದ ಹೊಸ ಸಂಶೋಧನೆ

ಪಶ್ಚಿಮ ಬಂಗಾಳ: ಇತ್ತೀಚಿನ ದಿನಗಳಲ್ಲಿ ರಕ್ತಹೀನತೆ (Anemia) ಗಂಭೀರ ಕಾಯಿಲೆಯಾಗಿದೆ. ಮುಖ್ಯವಾಗಿ ಮಹಿಳೆಯರು ಈ ಕಾಯಿಲೆಯಿಂದ ಬಳಲುತ್ತಿದ್ದಾರೆ. ಪುರುಷ ರೋಗಿಗಳ (Male Patients) ಸಂಖ್ಯೆಯೂ ಕಡಿಮೆ ಏನಿಲ್ಲ. ಆದರೆ ಈ ಖಾಯಿಲೆಗೆ ಪರಿಹಾರವು ( Solution) ನಮ್ಮ ಬಳಿಯೇ ಇದೆ. ಕೇವಲ 30 ಸೆಕೆಂಡುಗಳಲ್ಲಿ, ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ (Smartphone) ರಕ್ತಹೀನತೆ ಇದೆಯೇ ಎಂದು ನೀವು ಕಂಡುಹಿಡಿಯಬಹುದು. ನೀವು ಅಥವಾ ನಿಮ್ಮ ಕುಟುಂಬದಲ್ಲಿ ಯಾರಾದರೂ ರಕ್ತಹೀನತೆಯಿಂದ ಬಳಲುತ್ತಿದ್ದರೆ ಈ ಸ್ಮಾರ್ಟ್‌ಫೋನ್ ಮೂಲಕವೇ ತಿಳಿದುಕೊಳ್ಳಬಹುದು. ರಕ್ತದಲ್ಲಿನ ಹಿಮೋಗ್ಲೋಬಿನ್ (Hemoglobin) ಅಥವಾ ಕೆಂಪು ರಕ್ತ ಕಣಗಳ ಪ್ರಮಾಣವು ಸರಿಯಾಗಿದೆಯೇ ಎಂದು ನೀವು ಮನೆಯಲ್ಲಿ ಕುಳಿತು 1 ರೂಪಾಯಿ ಖರ್ಚು ಮಾಡುವ ಮೂಲಕ ಕಂಡುಹಿಡಿಯಬಹುದು. ಐಐಟಿ ಖರಗ್‌ಪುರದ ಮೆಕ್ಯಾನಿಕಲ್ ಇಂಜಿನಿಯರಿಂಗ್ (Mechanical Engineering) ಪ್ರಾಧ್ಯಾಪಕ ಸುಮನ್ ಚಕ್ರವರ್ತಿ ಇಂತಹದೊಂದು ಅಸಾಧ್ಯ ಸಾಧನೆ ಮಾಡಿದ್ದಾರೆ.

ಗೂಗಲ್ ಪ್ಲೇ ಸ್ಟೋರ್‌ಗೂ ಬರಲಿದೆ ಆ್ಯಪ್

ಇತ್ತೀಚೆಗೆ, ಆ ಪ್ರೊಫೆಸರ್ ಮತ್ತು ವಿಜ್ಞಾನಿ 'ಹೀಮೊ ಆಪ್' (Hemo App) ಅನ್ನು ಕಂಡುಹಿಡಿದಿದ್ದಾರೆ. ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಈ ಅಪ್ಲಿಕೇಶನ್ ಇದ್ದರೆ, ನೀವು ಅಥವಾ ನಿಮ್ಮ ಹತ್ತಿರವಿರುವ ಯಾರಾದರೂ ರಕ್ತಹೀನತೆಯಿಂದ ಬಳಲುತ್ತಿದ್ದರಾ ಎಂದು ನೀವು ತಿಳಿದುಕೊಳ್ಳಬಹುದು. ಅದಕ್ಕಾಗಿಯೇ ನೀವು ಕೇವಲ ಒಂದು ಫಿಲ್ಟರ್ ಪೇಪರ್ ಅನ್ನು ಕೇವಲ 1 ಅಥವಾ 2 ರೂಪಾಯಿಗೆ ಖರೀದಿಸಬೇಕು. ಈ ತಂತ್ರಜ್ಞಾನವು ಈಗಾಗಲೇ ಅಮೇರಿಕನ್ ಕೆಮಿಕಲ್ ಸೊಸೈಟಿಯ ಜರ್ನಲ್‌ನಲ್ಲಿ ವರದಿಯಾಗಿದೆ. ಕೆಲವೇ ದಿನಗಳಲ್ಲಿ ಆ್ಯಪ್ ಗೂಗಲ್ ಪ್ಲೇ ಸ್ಟೋರ್‌ಗೂ ಬರಲಿದೆ ಪ್ರೊಫೆಸರ್ ಚಕ್ರವರ್ತಿ ಹೇಳಿದ್ದಾರೆ.

ಇದನ್ನೂ ಓದಿ: Farmer: ವಾಹನಗಳಿಗೆ ಆ್ಯಕ್ಸಿಡೆಂಟ್​ ಸೆನ್ಸಾರ್ ಕಂಡು ಹಿಡಿದ ರೈತನ ಮಗ! ಯುವಕನ ಸಾಧನೆಗೆ ಬಹುಪರಾಕ್

ಶೇಕಡಾ 55 ರಷ್ಟು ಮಹಿಳೆಯರಿಗೆ ರಕ್ತಹೀನತೆ

ಪ್ರಸ್ತುತ ದೇಶದಲ್ಲಿ ಸುಮಾರು ಶೇ.65ರಷ್ಟು ಮಕ್ಕಳು (5 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರು) ಜನನದ ನಂತರ ರಕ್ತಹೀನತೆ ಅಥವಾ ಹಿಮೋಗ್ಲೋಬಿನ್ ಕೊರತೆಯಿಂದ ಬಳಲುತ್ತಿದ್ದಾರೆ. 55 ರಿಂದ 60 ರಷ್ಟು ಮಹಿಳೆಯರೂ ಈ ಕಾಯಿಲೆಯಿಂದ ಬಳಲುತ್ತಿದ್ದಾರೆ. ಇದರಿಂದ ಮಕ್ಕಳು, ಮಹಿಳೆಯರು ಮತ್ತು ಗರ್ಭಿಣಿಯರಲ್ಲಿ ವಿವಿಧ ದೈಹಿಕ ಸಮಸ್ಯೆಗಳು ಉಂಟಾಗುತ್ತವೆ.

ಹಾಗಾಗಿ ರಕ್ತದಲ್ಲಿನ ಹಿಮೋಗ್ಲೋಬಿನ್ ಮಟ್ಟ ಸರಿಯಾಗಿದೆಯೇ ಎಂದು ಪರಿಶೀಲಿಸುವುದು ಅವಶ್ಯಕ. ಹಿಮೋಗ್ಲೋಬಿನ್ ಪರೀಕ್ಷೆಗೆ ಪ್ರಸ್ತುತ ಲ್ಯಾಬ್​ಗಳಲ್ಲಿ ಸುಮಾರು 300-400 ರೂಪಾಯಿ ಇದೆ. ಆದರೆ ಹೀಮೊ ಆ್ಯಪ್ ಮೂಲಕ ಕೇವಲ 1-2 ರೂಪಾಯಿ ಖರ್ಚು ಮಾಡಿದರೆ ರಕ್ತದಲ್ಲಿನ ಹಿಮೋಗ್ಲೋಬಿನ್ ಅಥವಾ ಕೆಂಪು ರಕ್ತ ಕಣಗಳ ಮಟ್ಟ ಸರಿಯಾಗಿದೆಯೇ ಎಂಬುದು ತಿಳಿಯಲಿದೆ. ಇದಕ್ಕೆ ಮನೆಯಲ್ಲಿ ಲಿಕ್ವಿಡ್ ಗ್ಲಿಸರಿನ್​ ಇದ್ದರೆ ಸಾಕು.

ಹಿಮೋಗ್ಲೋಬಿನ್ ಪ್ರಮಾಣ ಕಂಡು ಹಿಡಿಯುವುದೇಗೆ?

ಪ್ರೊಫೆಸರ್ ಸುಮನ್ ಚಕ್ರವರ್ತಿ ಮಾತನಾಡಿ, ಫಿಲ್ಟರ್ ಪೇಪರ್ ಅನ್ನು ಗ್ಲಿಸರಿನ್‌ನಲ್ಲಿ ನೆನೆಸಿಡಬೇಕು. ನಂತರ, ಫಿಲ್ಟರ್ ಪೇಪರ್ ಮೇಲೆ ಕೇವಲ ಒಂದು ಹನಿ ರಕ್ತವನ್ನು ಇಡಬೇಕು. ಕೇವಲ 2-3 ಸೆಕೆಂಡುಗಳ ನಂತರ ಫಿಲ್ಟರ್ ಪೇಪರ್‌ನಲ್ಲಿರುವ ರಕ್ತವನ್ನು ಸ್ಮಾರ್ಟ್‌ಫೋನ್ ಕ್ಯಾಮೆರಾದೊಂದಿಗೆ ತೆಗೆದುಕೊಳ್ಳಬೇಕು. ನಂತರ, ಆ ಚಿತ್ರವನ್ನು Himo ಅಪ್ಲಿಕೇಶನ್‌ಗೆ ಅಪ್‌ಲೋಡ್ ಮಾಡಿ. ಕೆಲವೇ ಸೆಕೆಂಡುಗಳಲ್ಲಿ, ನಿಮ್ಮ ರಕ್ತವು ಸರಿಯಾದ ಪ್ರಮಾಣದ ಹಿಮೋಗ್ಲೋಬಿನ್ ಅಥವಾ ಉತ್ತಮ ರಕ್ತ ಕಣಗಳನ್ನು ಹೊಂದಿದೆಯೇ ಎಂಬುದನ್ನು ಅಪ್ಲಿಕೇಶನ್ ನಿಮಗೆ ತಿಳಿಸುತ್ತದೆ ಎಂದು ತಿಳಿಸಿದರು.

ಆ್ಯಪ್ ಮೂಲಕ ಕೃತಕ ಬುದ್ಧಿಮತ್ತೆಯ ಸಹಾಯದಿಂದ ಯಾರಾದರೂ ರಕ್ತಹೀನತೆಯಿಂದ ಬಳಲುತ್ತಿದ್ದಾರೆಯೇ ಅಥವಾ ಇಲ್ಲವೇ ಎಂಬುದನ್ನು ಕಂಡುಹಿಡಿಯಬಹುದು. ಅದು ಕೇವಲ ಒಂದು ರೂಪಾಯಿ.

ಇದನ್ನೂ ಓದಿ: Success Story: ಪಾಕ್‌ನಿಂದ ಕುದುರೆಗಾಡಿಯಲ್ಲಿ ಭಾರತಕ್ಕೆ ಬಂದು ಮಸಾಲೆ ಮಾರಿದವರು! ಇದು ಕೋಟ್ಯಾಧಿಪತಿ ಎಂಡಿಎಚ್‌ ಸಾಹಸಗಾಥೆ

ರಕ್ತಹೀನತೆ ಕಂಡು ಹಿಡಿಯುವುದೇಗೆ?

ಇತ್ತೀಚೆಗೆ, 'ಇನ್ಫೋಸಿಸ್ ಪ್ರಶಸ್ತಿ 2022' ಪ್ರಶಸ್ತಿ ಪಡೆದಿರುವ ಈ ಬಂಗಾಳಿ ವಿಜ್ಞಾನಿ, ಗ್ಲಿಸರಿನ್‌ನಲ್ಲಿ ನೆನೆಸಿದ ಫಿಲ್ಟರ್ ಪೇಪರ್‌ನಲ್ಲಿ ಒಂದು ಹನಿ ರಕ್ತವನ್ನು ಹಾಕಿದರೆ ಅದು ನಿರ್ದಿಷ್ಟ ಆಕಾರವನ್ನು ಪಡೆಯುತ್ತದೆ. ಆಗ ರಕ್ತವು ಕಡಿಮೆ ಕಡಿಮೆ ಹೆಪ್ಪುಗಟ್ಟಿದಂತೆ ಕಂಡುಬಂದರೆ, ಆಗ ಫಿಂಗರ್‌ಪ್ರಿಂಟ್‌ನಂತೆ ರೂಪುಗೊಳ್ಳುತ್ತದೆ. ಮತ್ತೊಂದೆಡೆ, ರಕ್ತದಲ್ಲಿ ಅಂಟು ಸ್ವಭಾವವು ಅಧಿಕವಾಗಿದ್ದರೆ, ಅದು ಗೋಲಾಕಾರದಲ್ಲಿ ಹರಡುತ್ತದೆ. ಈ ಚಿತ್ರವನ್ನು ಒಮ್ಮೆ ಅಪ್ಲಿಕೇಶನ್‌ಗೆ ಫೀಡ್ ಮಾಡಿದರೆ, ಅಪ್ಲಿಕೇಶನ್‌ನ ಕೃತಕ ಬುದ್ಧಿಮತ್ತೆ (AI) ತಂತ್ರಜ್ಞಾನವು ನಿಖರವಾದ ಫಲಿತಾಂಶಗಳನ್ನು ನೀಡುತ್ತದೆ.

ಪ್ರೊಫೆಸರ್ ಚಕ್ರವರ್ತಿscientist

ಐಐಟಿ ಖರಗ್‌ಪುರದ ಸಂಶೋಧಕ ವಹಾದ್ ಲಾಹಾ ಈ ಆವಿಷ್ಕಾರದಲ್ಲಿ ಪ್ರೊಫೆಸರ್ ಚಕ್ರವರ್ತಿ ಅವರಿಗೆ ಸಹಾಯ ಮಾಡಿದ್ದಾರೆ. ಈ ಹಿಂದೆ ಅವರು ಬಾಯಿಯ ಕ್ಯಾನ್ಸರ್ ರೋಗನಿರ್ಣಯ ಸಾಧನವಾದ COVIRAP ಅನ್ನು ಸಹ ಕಂಡುಹಿಡಿದ್ದಾರೆ. ಅವರ ಆವಿಷ್ಕಾರವು ಭಾರತದಂತಹ ಅಭಿವೃದ್ಧಿಶೀಲ ರಾಷ್ಟ್ರದ ಆರೋಗ್ಯ ವ್ಯವಸ್ಥೆಗೆ ಹೊಸ ಸೇರ್ಪಡೆಯಾಗಿದೆ.