ಹುಟ್ಟುಹಬ್ಬಕ್ಕೆ ಕಾರ್​ ಉಡುಗೊರೆ ಕೇಳಿದ ಅಭಿಮಾನಿ: ಉದ್ಯಮಿ ಆನಂದ್​ ಮಹಿಂದ್ರಾ ಕೊಟ್ಟ ಉತ್ತರ ವೈರಲ್​​!

ಹೆಸರಾಂರ ಉದ್ಯಮಿ, ಮಹಿಂದ್ರಾ ಕಂಪನಿ ಮಾಲೀಕ ಆನಂದ್​ ಮಹಿಂದ್ರಾ ಸರಳ, ಕ್ರಿಯಾತ್ಮಕ ವ್ಯಕ್ತಿ. ಸ್ಥಳೀಯ ಪ್ರತಿಭೆಯನ್ನು ಗುರಿತಿಸಿ ಅವರಿಗೆ ಉದ್ಯೋಗ ಕಲ್ಪಿಸುವ ಇವರಿಗೆ ಅಪಾರ ಅಭಿಮಾನ ಬಳಗವೇ ಇದೆ.

ಟ್ವಿಟರ್​ನಲ್ಲಿ ಸದಾ ಕ್ರಿಯಾಶೀಲರಾಗಿರುವ ಉದ್ಯಮಿ ಆನಂದ್​ ಮಹಿಂದ್ರಾ ಎದುರು ಅಭಿಮಾನಿಯೊಬ್ಬರ ಪ್ರಶ್ನೆಗೆ ಉತ್ತರಿಸಿರುವ ಅವರ ಟ್ವೀಟ್​ ಸಿಕ್ಕಾಪಟ್ಟೆ ವೈರಲ್​ ಆಗಿದೆ. ಅಷ್ಟು ದೊಡ್ಡ ಕಂಪನಿಯ ಮಾಲೀಕನಾಗಿ ತಮ್ಮ ಅಭಿಮಾನಿಗಳ ಟ್ವೀಟ್​ಗೆ ಜಾಣ್ಮೆಯಿಂದ ಉತ್ತರಿಸುರವ ಅವರ ಕೌಶಲ್ಯಕ್ಕೆ ಮೆಚ್ಚುಗೆ ವ್ಯಕ್ತವಾಗಿದೆ. ಅಷ್ಟಕ್ಕೂ ಅಭಿಮಾನಿಗೆ ಬೇಡಿಕೆ ಏನು ಗೊತ್ತಾ? ಒಂದು ಜೀಪ್​.​

ಅಚ್ಚರಿಯಾದರೂ ಹೌದು. ದಿನಕ್ಕೆ ನೂರಾರು ಕಾರುಗಳನ್ನು ಉತ್ಪಾದಿಸುವ ತಮ್ಮ ಮಹಿಂದ್ರಾ ಕಂಪನಿಯಿಂದ 10 ಲಕ್ಷದ ಮಹಿಂದ್ರಾ ಥಾರ್​ ಜೀಪ್​ನ್ನು ಅಭಿಮಾನಿ ಬೇಡಿಕೆ ಇಟ್ಟಿದ್ದಾರೆ.

ನಾನು ನಿಮ್ಮ ಅಭಿಮಾನಿಯಾಗಿದ್ದು, ನನ್ನ ಹುಟ್ಟುಹಬ್ಬದ ಸಲುವಾಗಿ  ಮಹಿಂದ್ರಾ ಥಾರ್​​ ಕಾರ್​ ನೀಡಿ ಎಂದು ವಿಪುಲ್​ ಚಟ್ಜ್ಪಾ  ಎಂಬ ವ್ಯಕ್ತಿ  ಕೋರಿಕೊಂಡಿದ್ದಾನೆ.

Word lesson of the day:
CHUTZPAH
/ˈxʊtspə,ˈhʊtspə/
noun
extreme self-confidence or audacity (usually used approvingly).
"love him or hate him, you have to admire Vipul’s chutzpah"
Full marks for chutzpah, Vipul, but unfortunately I can’t say yes. Mera dhandha bund ho jayega! 😊 https://t.co/wzsUsCZBkM

— anand mahindra (@anandmahindra) August 16, 2019

ಇದಕ್ಕೆ ಉತ್ತರಿಸಿರುವ ಮಹಿಂದ್ರಾ, ಈ ದಿನದ ಪಾಠ ಚಟ್ಜ್ಪಾ. ಎಂದು ವಿವರಣೆ ನೀಡಿದ ಅವರು, ಇದರ ಅರ್ಥ ಅತಿಯಾದ ಆತ್ಮವಿಶ್ವಾಸ ಅಥವಾ ಧೈರ್ಯ ಎಂದಿದ್ದಾರೆ.

ಜೊತೆ ಪದದ ಅರ್ಥವನ್ನು ವಿವರಿಸಿರುವ ಅವರು, ಅವರನ್ನು ಪ್ರೀತಿಸಿ ಅಥವಾ ಧ್ವೇಷಿಸಿ, ನೀವು ವಿಪುಲ್​ ಚಟ್ಜ್ಫಾ ಅವರನ್ನು ಪ್ರಶಂಸಿಸ ಬೇಕು. ಚುಟ್ಜ್ಫಾ ಅವರಿಗೆ ಪೂರ್ಣ ಅಂಕಗಳು. ಆದರೆ ನಿಮ್ಮ ಬೇಡಿಕೆಗೆ ಒಪ್ಪಿಗೆ ನೀಡಲು ಸಾಧ್ಯವಿಲ್ಲ. ನಾನೇನಾದರೂ ಒಪ್ಪಿದರೆ, ನನ್ನ ಉದ್ಯಮವನ್ನು ಮುಚ್ಚಿಕೊಂಡು ಹೋಗಬೇಕಾಗುತ್ತದೆ ಎಂದಿದ್ದಾರೆ.