ಅಮೆರಿಕ ಅಧ್ಯಕ್ಷ ಡೊನಾಲ್ಡ್​ ಟ್ರಂಪ್ ಮಗನ ಪ್ರೇಯಸಿಗೂ ಕೊರೋನಾ

ಡೊನಾಲ್ಡ್​ ಟ್ರಂಪ್‌ ಅವರ ಹಿರಿಯ ಮಗನ ಜೊತೆ ಡೇಟಿಂಗ್ ಮಾಡುತ್ತಿರುವ ಕಿಂಬೆರ್ಲಿ ಗಿಲ್​ಫೋಯ್ಲೆಗೆ ಕೊರೋನಾದ ಯಾವುದೇ ಲಕ್ಷಣಗಳೂ ಕಾಣಿಸಿಕೊಂಡಿರಲಿಲ್ಲ. ಹೀಗಾಗಿ, ಆಕೆ ಪರೀಕ್ಷೆ ಮಾಡಿಸಿಕೊಂಡಿರಲಿಲ್ಲ.

ಡೊನಾಲ್ಡ್​ ಟ್ರಂಪ್​ನ ಮಗ ಮತ್ತು ಆತನ ಪ್ರೇಯಸಿ

ಡೊನಾಲ್ಡ್​ ಟ್ರಂಪ್​ನ ಮಗ ಮತ್ತು ಆತನ ಪ್ರೇಯಸಿ

  • Share this:
    ನವದೆಹಲಿ (ಜು. 4): ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹಿರಿಯ ಮಗನ ಗರ್ಲ್​ಫ್ರೆಂಡ್ ಕಿಂಬೆರ್ಲಿ ಗಿಲ್​ಫೋಯ್ಲೆಗೂ ಕೊರೋನಾ ಸೋಂಕು ತಗುಲಿದೆ. ತಕ್ಷಣ ಅವರನ್ನು ಕ್ವಾರಂಟೈನ್​ನಲ್ಲಿಡಲಾಗಿದೆ. ಅವರಿಗೆ ಕೊರೋನಾ ಪಾಸಿಟಿವ್ ದೃಢಪಟ್ಟ ಕೂಡಲೆ ಮತ್ತೊಮ್ಮೆ ಟೆಸ್ಟ್​ ಮಾಡಿ ಖಚಿತಪಡಿಸಿಕೊಳ್ಳಲಾಗಿದೆ.

    ಡೊನಾಲ್ಡ್​ ಟ್ರಂಪ್‌ ಅವರ ಹಿರಿಯ ಮಗನ ಜೊತೆ ಡೇಟಿಂಗ್ ಮಾಡುತ್ತಿರುವ ಕಿಂಬೆರ್ಲಿ ಗಿಲ್​ಫೋಯ್ಲೆಗೆ ಕೊರೋನಾದ ಯಾವುದೇ ಲಕ್ಷಣಗಳೂ ಕಾಣಿಸಿಕೊಂಡಿರಲಿಲ್ಲ. ಹೀಗಾಗಿ, ಆಕೆ ಪರೀಕ್ಷೆ ಮಾಡಿಸಿಕೊಂಡಿರಲಿಲ್ಲ. ಆಕೆಯ ಜೊತೆಯಲ್ಲಿದ್ದ ಡೊನಾಲ್ಡ್​ ಟ್ರಂಪ್ ಅವರ ಮಗನಿಗೂ ವೈದ್ಯಕೀಯ ತಪಾಸಣೆ ಮಾಡಲಾಗಿದ್ದು, ಅವರಿಗೆ ಕೊರೋನಾ ನೆಗೆಟಿವ್ ಬಂದಿದೆ. ಆದರೂ ಮುನ್ನೆಚ್ಚರಿಕಾ ಕ್ರಮವಾಗಿ ಅವರು ಕೂಡ ಮನೆಯಲ್ಲೇ ಕ್ವಾರಂಟೈನ್ ಆಗಿದ್ದಾರೆ.

    ಇದನ್ನೂ ಓದಿ: Vande Bharat Mission: ವಂದೇ ಭಾರತ್​ ಮಿಷನ್​ನಡಿ 137 ದೇಶಗಳಿಂದ 5.3 ಲಕ್ಷ ಭಾರತೀಯರು ವಾಪಾಸ್!

    ಕೆಲವು ದಿನಗಳ ಹಿಂದೆ ಡೊನಾಲ್ಡ್​ ಟ್ರಂಪ್ ಪಾಲ್ಗೊಂಡಿದ್ದ ಕಾರ್ಯಕ್ರಮವನ್ನು ವೀಕ್ಷಿಸಲು ಟ್ರಂಪ್​ನ ಮಗ ಮತ್ತು ಆತನ ಗರ್ಲ್​ಫ್ರೆಂಡ್ ಕಿಂಬೆರ್ಲಿ ದಕ್ಷಿಣ ಡಾಕೋತ್​ಗೆ ತೆರಳಿದ್ದರು. ಇದೀಗ ಮುನ್ನೆಚ್ಚರಿಕಾ ಕ್ರಮವಾಗಿ ಕಿಂಬೆರ್ಲಿ ಎಲ್ಲೂ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳದಂತೆ ಸೂಚಿಸಲಾಗಿದೆ.
    Published by:Sushma Chakre
    First published: