HR RameshHR Ramesh
|
news18-kannada Updated:December 4, 2019, 2:18 PM IST
ಕೆ. ಶಿವನ್
ಚಂದ್ರನ ದಕ್ಷಿಣ ಮೇಲ್ಮೈ ಮೇಲೆ ಸಾಫ್ಟ್ ಲ್ಯಾಂಡಿಂಗ್ ಮಾಡುವ ವೇಳೆ ಸಂಪರ್ಕ ಕಡಿದುಕೊಂಡ ಚಂದ್ರಯಾನ-2 ವಿಕ್ರಂ ಲ್ಯಾಂಡರ್ ಪತನಗೊಂಡಿತ್ತು. ವಿಕ್ರಂ ಲ್ಯಾಂಡರ್ ಪತನಗೊಂಡ ಸ್ಥಳವನ್ನು ನಾಸಾ ಗುರುತಿಸಿದ ಒಂದು ದಿನದ ಬಳಿಕ ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಇಸ್ರೋ ಅಧ್ಯಕ್ಷ ಕೆ.ಶಿವನ್ ಅವರು ವಿಕ್ರಂ ಲ್ಯಾಂಡರ್ ಅನ್ನು ನಮ್ಮ ಸ್ವಂತ ಆರ್ಬಿಟರ್ ಇದಕ್ಕೂ ಮುನ್ನವೇ ಪತ್ತೆಮಾಡಿತ್ತು. ಮತ್ತು ಅದನ್ನು ನಾವು ನಮ್ಮ ವೆಬ್ಸೈಟ್ನಲ್ಲೂ ಕೂಡ ನಾವು ಪ್ರಕಟಿಸಿದ್ದೆವು ಎಂದು ತಿಳಿಸಿದ್ದಾರೆ.
ವಿಕ್ರಂ ಲ್ಯಾಂಡರ್ ಅನ್ನು ನಮ್ಮ ಸ್ವಂತ ಆರ್ಬಿಟರ್ ಪತ್ತೆ ಮಾಡಿತ್ತು. ಅದನ್ನು ನಾವು ಈಗಾಗಲೇ ನಮ್ಮ ವೆಟ್ಸೈಟ್ನಲ್ಲಿ ಪ್ರಕಟ ಕೂಡ ಮಾಡಿದ್ದೆವೆ. ನೀವು ಬೇಕಿದ್ದರೆ ಹಿಂದಕ್ಕೆ ಹೋಗಿ ಅದನ್ನು ಪರಿಶೀಲಿಸಬಹುದು ಎಂದು ಶಿವನ್ ಹೇಳಿದ್ದಾರೆ.
ಚಂದ್ರಯಾನ-2 ವಿಕ್ರಮ್ ಲ್ಯಾಂಡರ್ ಪತನವಾದ ಸ್ಥಳವನ್ನು ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾದ ಲೂನಾರ್ ಆರ್ಬಿಟರ್ ಪತ್ತೆ ಹಚ್ಚಿತ್ತು. ಇಸ್ರೋದ ವಿಕ್ರಮ್ ಲ್ಯಾಂಡರ್ ಪತನಗೊಂಡಿದ್ದ ಸ್ಥಳದ ಚಿತ್ರ ಸರೆ ಹಿಡಿದ ನಾಸಾದ ಲೂನಾರ್ ಆರ್ಬಿಟರ್, ಫೋಟೋವನ್ನು ಮಂಗಳವಾರ ಬಿಡುಗಡೆ ಮಾಡಿತ್ತು. ವಿಕ್ರಮ್ ಲ್ಯಾಂಡಿಂಗ್ ಮುನ್ನ ಚಂದ್ರನ ಮೇಲ್ಮೈ ಹೇಗಿತ್ತು, ಲ್ಯಾಂಡಿಂಗ್ ನಂತರ ಚಂದ್ರನ ಮೇಲ್ಮೈ ಹೇಗಿದೆ ಎಂಬ ಚಿತ್ರವನ್ನು ಸರೆ ಹಿಡಿಯಲಾಗಿತ್ತು.
ನಾಸಾ ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ, ಚಿಕ್ಕ ಚಿಕ್ಕ ಕಲೆಗಳಿಂದ ಕೂಡಿದ ಚಿತ್ರವನ್ನು ತನ್ನ ವೆಬ್ಸೈಟ್ನಲ್ಲಿ ಸೆಪ್ಟಂಬರ್ 26ರಂದು ಬಿಡುಗಡೆ ಮಾಡಿತ್ತು. ಲ್ಯಾಂಡರ್ಅನ್ನು ಹುಡುಕಲು ಸಾರ್ವಜನಿಕರಿಗೆ ಆಹ್ವಾನ ನೀಡಿತ್ತು. ಭಾರತದ ಶಣ್ಮುಗ ಸುಬ್ರಮಣಿಯನ್ ಎಂಬುವವರು ಲ್ಯಾಂಡರ್ ಅವಶೇಷಗಳನ್ನು ಸರಿಯಾಗಿ ಗುರುತಿಸಿದ್ದರು. ಲ್ಯಾಂಡರ್ ಅವಶೇಷದ ಮೊದಲ ತುಂಡು ಪತನಗೊಂಡ ಸ್ಥಳದಿಂದ 750 ಮೀಟರ್ ವಾಯವ್ಯದಲ್ಲಿ ಪತ್ತೆಯಾಗಿದೆ ಎಂದು ಹೇಳಿತ್ತು.
ಇದನ್ನು ಓದಿ: Chandrayaan-2: ಚಂದ್ರಯಾನ 2 ವಿಕ್ರಮ್ ಲ್ಯಾಂಡರ್ ಪತನವಾದ ಸ್ಥಳ ಪತ್ತೆ ಹಚ್ಚಿದ ನಾಸಾ
ಏತನ್ಮಧ್ಯೆ, ಇಸ್ರೋ ಸೆಪ್ಟೆಂಬರ್ 10ರಂದೇ ಈ ಬಗ್ಗೆ ತನ್ನ ವೆಬ್ಸೈಟ್ನಲ್ಲಿ ಹೀಗೆ ಬರೆದುಕೊಂಡಿದೆ. ಚಂದ್ರಯಾನ-2 ವಿಕ್ರಂ ಲ್ಯಾಂಡರ್ ಅನ್ನು ನಮ್ಮ ಸ್ವಂತ ಆರ್ಬಿಟರ್ ಪತ್ತೆ ಮಾಡಿದೆ. ಆದರೆ, ಅದರ ಜೊತೆಗೆ ಸಂಪರ್ಕ ಸಾಧ್ಯವಾಗಿಲ್ಲ. ಮರುಸಂಪರ್ಕಕ್ಕಾಗಿ ಎಲ್ಲ ರೀತಿಯ ಪ್ರಯತ್ನವನ್ನು ಮಾಡಲಾಗುತ್ತಿದೆ ಎಂದು ಹೇಳಿತ್ತು.
First published:
December 4, 2019, 2:18 PM IST
