Alibaba: ಭಾರತೀಯರ ಮಾಹಿತಿ ಕದ್ದು ಚೀನಾಗೆ ರವಾನಿಸುತ್ತಿದೆ ಆಲಿಬಾಬಾ ಸಂಸ್ಥೆ; ಗುಪ್ತಚರ ಇಲಾಖೆ

ಇತ್ತೀಚೆಗೆ ಚೀನಾ ಮೂಲದ ಟಿಕ್​ಟಾಕ್​ ಆ್ಯಪ್​​​ ಬ್ಯಾನ್​​ ಆಗಿತ್ತು. ಅದರ ಬೆನ್ನಲ್ಲೇ ಆನ್​ಲೈನ್​ ಮಾರಾಟ ಮಳಿಗೆಯಾದ ಆಲಿಬಾಬಾ ಕಂಪನಿ ಕೂಡ ಬ್ಯಾನ್​​ ಆಗಲಿದೆ ಎಂಬ ಮಾತುಗಳು ಕೇಳಿಬಂದಿತ್ತು. ಆದರೀಗ ಅಲಿಬಾಬಾ ಕಂಪನಿ 72 ಸರ್ವರ್​ಗಳ ಮಾಹಿತಿಯನ್ನು ಎಗರಿಸಿ ಚೀನಾಗೆ ಕಳುಹಿಸುತ್ತಿದೆ ಎಂಬ ಮಾಹಿತಿ ಹೊರಬಿದ್ದಿದೆ. 

ಗುಪ್ತಚರ ಇಲಾಖೆ ಈ ಬಗ್ಗೆ ಮಾಹಿತಿ ಹೊರಹಾಕಿದ್ದು, ಆಲಿಬಾಬಾ ಭಾರತದಲ್ಲಿ ಕಾರ್ಯನಿರ್ವಹಿಸುವುದಲ್ಲದೆ, ಚೀನಾ ದೇಶಕ್ಕೆ ಭಾರತೀಯರ ಮಾಹಿತಿಯನ್ನು ಕದ್ದು ನೀಡುತ್ತಿದೆ.  ಮಾತ್ರವಲ್ಲದೆ, ದತ್ತಾಂಶ ಮತ್ತು ಇನ್ನಿತರ ಡೇಟಾವನ್ನು ಚೀನಾ ಸರ್ವರ್​ ಸರ್ವೀಸ್​​ ​​ಒದಗಿಸುತ್ತಿದೆ. ಇದು ಚೀನಾ ಅಧಿಕಾರಿಗಳ ವ್ಯವಸ್ಥಿತ ಯೋಜನೆ ಎಂದು ಹೇಳಿದೆ.

ಕೆಲವು ಡಾಡಾ ಸರ್ವರ್​ ಏಜೆನ್ಸಿಗಳು ಚೀನಾದ ಸರ್ಕಾರ ಜೊತೆ ಸಂಬಂಧದಲ್ಲಿದ್ದು, ಭಾರತದ ಹಲವಾರು ಮಾಹಿತಿಯನ್ನು ಕದ್ದು ರವಾನಿಸುತ್ತಿದೆ.

ಇತ್ತೀಚೆಗೆ ಚೀನಾ ಮೂಲದ ಹಲವಾರು ಆ್ಯಪ್​​​ಗಳು ಭಾರತೀಯರ ಮಾಹಿತಿಯನ್ನು ಎಗರಿಸುತ್ತಿತ್ತು. ಮಾತ್ರವಲ್ಲದೆ, ಬಳಕೆದಾರರ ಮಾಹಿತಿಯನ್ನು ಸಂಗ್ರಹಿಸುತ್ತಿತ್ತು. ಈ ಕಾರಣಕ್ಕಾಗಿ ಭಾರತದ ಸರ್ಕಾರ ಕಳೆದ ಬಾರಿ ಚೀನಾದ ಅನೇಕ ಆ್ಯಪ್​ಗಳನ್ನು ಕಿತ್ತೆಸೆದಿದೆ. ಜೊತೆಗೆ ಭಾರತಿಯರು ಸುರಕ್ಷತೆಯನ್ನು ಕಾಪಾಡಿಕೊಳ್ಳುವ ದೃಷ್ಠಿಯಿಂದ ಪ್ಲೇ ಸ್ಟೋರ್​ನಿಂದ ಬ್ಯಾನ್​ ಮಾಡಿದೆ.

ಇದೀಗ ಆನ್​ಲೈನ್​ ಮಾರಾಟ ಮಳಿಗೆಯಾದ ಆಲಿಬಾಬಾ ಸಂಸ್ಥೆ ಕೂಡ ಅದೇ ದಾರಿಯಲ್ಲಿದೆ ಎಂಬುದು ಬಹಿರಂಗವಾಗಿದೆ. ಮುಂದಿನ ದಿನಗಳಲ್ಲಿ ಈ ಆ್ಯಪ್​ ಕೂಡ ಬ್ಯಾನ್​ ಆಗುವ ಸಾಧ್ಯತೆ ಹೆಚ್ಚಿದೆ. ಮತ್ತೊಮ್ಮೆ ಭಾರತ ಚೀನಾ ದೇಶಕ್ಕೆ ಬಿಸಿ ಮುಟ್ಟಿಸುವ ಸಾಧ್ಯತೆ ಇದೆ.