Rishi Sunak: ಕುಟುಂಬವೇ ನನ್ನ ಶಕ್ತಿ ಎಂದ ರಿಷಿ ಸುನಕ್! ಪ್ರಚಾರ ರ್‍ಯಾಲಿಯಲ್ಲಿ ಅಕ್ಷತಾ ಮೂರ್ತಿ ಭಾಗಿ

ಯುನೈಟೆಡ್‌ ಕಿಂಗ್‌ಡಮ್‌ನಲ್ಲೀಗ ಪ್ರಧಾನಮಂತ್ರಿಯ (Prime Minister) ಹುದ್ದೆಗೆ ತೀವ್ರವಾದ ಸ್ಪರ್ಧೆ ನಡೆಯುತ್ತಿದೆ. ಈ ಸ್ಪರ್ಧೆಯ ನಡುವೆ ರಿಷಿ ಸುನಕ್‌ ತಮ್ಮ ಪ್ರಚಾರವನ್ನು ಮತ್ತಷ್ಟು ಹೆಚ್ಚಿಸಿಕೊಂಡಿದ್ದಾರೆ. ರಿಷಿ ಸುನಕ್‌ (Rishi Sunak) ಮತ್ತು ಲಿಜ್‌ ಟ್ರಸ್‌ ಅವರು ಯುನೈಟೆಡ್‌ ಕಿಂಗ್‌ಡಮ್‌ ಪ್ರಧಾನ ಮಂತ್ರಿ ಹುದ್ದೆಗೆ ಹೆಚ್ಚಿನ ಪೈಪೋಟಿ ಎದುರಿಸುತ್ತಿದ್ದಾರೆ. ಇದರ ಬಗ್ಗೆ ರಿಷಿ ಸುನಕ್‌ ತಮ್ಮ ಟ್ವಿಟರ್‌ (Twitter) ಖಾತೆಯಲ್ಲಿ ಏನನ್ನು ಹಂಚಿಕೊಂಡಿದ್ದಾರೆ ಎಂಬುದನ್ನು ತಿಳಿಯೋಣ ಬನ್ನಿ. “ಈ ದೇಶಕ್ಕೆ ಬರುವ ಜನರು ಖ್ಯಾತಿ ಗಳಿಸದ ಅಥವಾ ಉತ್ತಮ ವ್ಯಕ್ತಿಗಳು ಆಗಿರದನ್ನು ನೋಡಿ ಇಲ್ಲಿನ ಜನರು ಬೇಸತ್ತಿದ್ದಾರೆ, ಅಂತಹ ವ್ಯಕ್ತಿಗಳನ್ನು ತಡೆಯಲು ಇಲ್ಲಿನ ಅಧಿಕಾರಿಗಳು ತುಂಬಾ ಅಸಹಾಯಕರಾಗಿದ್ದಾರೆ” ಎಂದು ರಿಷಿ ಸುನಕ್‌ ತಮ್ಮ ಟ್ವೀಟರ್‌ ಖಾತೆಯಲ್ಲಿ ತಮ್ಮ ಮುಂದಿನ ಯೋಜನೆಗಳೇನು ಎಂಬುದನ್ನು ಹಂಚಿಕೊಂಡಿದ್ದಾರೆ.

ರಿಷಿ ಸುನಕ್‌ ಅವರ ಪ್ರಧಾನ ಮಂತ್ರಿ ಹುದ್ದೆಯ ಪ್ರಚಾರದ ರ್‍ಯಾಲಿಯಲ್ಲಿ ಅಕ್ಷತಾ ಮೂರ್ತಿ ಭಾಗಿ
ಯುನೈಟೆಡ್‌ ಕಿಂಗ್‌ಡಮ್‌ ಪ್ರಚಾರವು ದಿನ-ದಿನಕ್ಕೂ ರಂಗೇರುತ್ತಿರುವ ಸಮಯದಲ್ಲಿ ಆಗಾಗ ರಿಷಿ ಸುನಕ್‌ ತಮ್ಮ ಪತ್ನಿ ಅಕ್ಷತಾ ಮೂರ್ತಿ ಮತ್ತು ಮಕ್ಕಳಾದ ಕೃಷ್ಣಾ ಮತ್ತು ಅನೌಷ್ಕಾ ಅವರ ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ರಿಷಿ ಸುನಕ್‌ ಅವರ ಪ್ರಧಾನ ಮಂತ್ರಿ ಹುದ್ದೆಯ ಪ್ರಚಾರದ ರ್‍ಯಾಲಿಯಲ್ಲಿ ಮೊದಲ ಬಾರಿಗೆ ಅಕ್ಷತಾ ಮೂರ್ತಿ ಅವರು ಭಾಗವಹಿಸಿರುವುದು ಎಲ್ಲರಿಗೂ ಅಚ್ಚರಿಯ ವಿಷಯ ಆಗಿದೆ.

ಕನ್ಸರ್ವೇಟಿವ್‌ ಪಕ್ಷದ ಆಶ್ರಯದಾತ ಸಂತರಾದ ಮಾರ್ಗರೆಟ್ ಥ್ಯಾಚರ್ ಅವರ ಜನ್ಮಸ್ಥಳವಾದ ಗ್ರಂಥಮ್‌ನಲ್ಲಿರುವ ಥೈರ್‌ ಸ್ಟೋರ್‌ನಲ್ಲಿ ಸುನಕ್ ಅವರು ಶನಿವಾರದಂದು ಪ್ರಧಾನ ಮಂತ್ರಿ ಹುದ್ದೆಯ ಪ್ರಚಾರಕ್ಕೆ ಭಾಷಣ ಮಾಡುವಾಗ ಅವರ ಪುತ್ರಿಯರಾದ ಕೃಷ್ಣ ಮತ್ತು ಅನೌಷ್ಕಾ ಕೂಡ ಅಲ್ಲಿರುವುದು ವಿಶೇಷ ಆಗಿತ್ತು.

ಕುಟುಂಬದ ಮೇಲಿನ ಪ್ರೀತಿ ವಾತ್ಸಲ್ಯವನ್ನು ಪರಿಚಯ ಮಾಡಿದ ರಿಷಿ ಸುನಕ್‌ 
"ಕುಟುಂಬ ಎಂದರೆ ನನಗೆ ಎಲ್ಲವೂ ಆಗಿದೆ. ನಿನ್ನೆ ಪ್ರಚಾರಕ್ಕೆ ಎಂದು ಗ್ರಂಥಮ್‌ನಲ್ಲಿ ನಡೆದ ಪ್ರಚಾರ ಕಾರ್ಯಕ್ರಮದಲ್ಲಿ ನನ್ನ ಕುಟುಂಬಸ್ಥರೆಲ್ಲರೂ ನನಗೆ ಬೆಂಬಲ ನೀಡುವುದಕ್ಕೆ ನನ್ನ ಜೊತೆ ಭಾಗಿಯಾಗಿರುವುದು ನಿಜಕ್ಕೂ ಸಂತೋಷದ ವಿಷಯವಾಗಿದೆ. ಇದಕ್ಕೆ ನಾನು ತುಂಬಾ ಕೃತಜ್ಞನಾಗಿದ್ದೇನೆ. ನನ್ನ ಜೊತೆ ಕಾರ್ಯಕ್ರಮಕ್ಕೆ ಆಗಮಿಸಿದ ಪ್ರತಿಯೊಬ್ಬರಿಗೂ ನನ್ನ ಹೃತ್ಪೂರ್ವಕ ಧನ್ಯವಾದಗಳು” ಎಂದು ರಿಷಿ ಸುನಕ್‌ ತಮ್ಮ ಇನ್‌ಸ್ಟಾಗ್ರಾಮ್‌ ಪೋಸ್ಟ್‌ನಲ್ಲಿ ಬರೆದು ಕುಟುಂಬದ ಮೇಲಿನ ತಮ್ಮ ಪ್ರೀತಿ ವಾತ್ಸಲ್ಯವನ್ನು ಎಲ್ಲರಿಗೂ ಪರಿಚಯ ಮಾಡಿಕೊಟ್ಟಿದ್ದಾರೆ.

View this post on Instagram

A post shared by Rishi Sunak (@rishisunakmp)

ಇದನ್ನೂ ಓದಿ:  World Leaders Favorite food: ಜನಪ್ರಿಯ ವಿಶ್ವನಾಯಕರ ಫೇವರಿಟ್ ಆಹಾರಗಳಿವು

ರಿಷಿ ಸುನಕ್‌ ಶನಿವಾರದಂದು ಗ್ರಂಥಮ್‌ನಲ್ಲಿ ನೀಡಿದ ಭಾಷಣದಲ್ಲಿ ತಮ್ಮನ್ನು ತಾವು “ನಾನು ಈ ಸ್ಪರ್ಧೆಗೆ ಭಾಗವಹಿಸಲು ಅರ್ಹನಾಗಿಲ್ಲ” ಎಂದು ಹೊಗಳಿಕೊಂಡಿದ್ದಾರೆ. ಇದನ್ನು ಮುಂದುವರಿಸುತ್ತಾ “ನಿಮಗೆ ಯಾವುದೇ ಸಂದೇಹ ಬೇಡ, ನಾನು ಅಸಮರ್ಥ ವ್ಯಕ್ತಿ, ಇದು ಇತರ ಅಭ್ಯರ್ಥಿಗಳಿಗೆ ಪ್ರಧಾನ ಮಂತ್ರಿ ಹುದ್ದೆಯಲ್ಲಿ ಗೆಲ್ಲಬೇಕೆಂದು ಬಯಸುವವರಿಗೆ ಇಷ್ಟವಾಗಬಹುದು. ಆದರೆ ಇತರ ಸದಸ್ಯರು ಸೂಕ್ತ ವ್ಯಕ್ತಿಯ ಆಯ್ಕೆಯನ್ನೇ ಮಾಡುತ್ತಾರೆ” ಎಂದು ಹೇಳಿದರು.

ಉತ್ತರಾಧಿಕಾರಿಯ ಆಯ್ಕೆಯ ಬಗ್ಗೆ ರಿಷಿ ಹೇಳಿದ್ದು ಹೀಗೆ
"42 ವರ್ಷ ವಯಸ್ಸಿನ ಮಾಜಿ ಚಾನ್ಸಲರ್ ಅವರು ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿರುವ ಹಿನ್ನೆಲೆಯ ಪರಿಣಾಮವಾಗಿ ಆಡಳಿತಾರೂಢ ಕನ್ಸರ್ವೇಟಿವ್‌ ಪಕ್ಷದ ಸದಸ್ಯರು ಹೊಸ ಉತ್ತರಾಧಿಕಾರಿಯನ್ನು ಆಯ್ಕೆ ಮಾಡುವ ಸಂಭವ ಹೆಚ್ಚಿದೆ. ಈ ಉತ್ತರಾಧಿಕಾರಿಯ ಆಯ್ಕೆಗೆ ಮತ ಹಾಕುವುದಕ್ಕೆ ಸೆಪ್ಟೆಂಬರ್‌ 5 ರಂದು ಘೋಷಣೆ ಮಾಡಲಾಗುತ್ತದೆ ಎಂಬ ನಿರೀಕ್ಷೆ ಇದೆ” ಎಂದು ರಿಷಿ ಸುನಕ್‌ ತಮ್ಮ ಪೋಸ್ಟ್‌ನಲ್ಲಿ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: Haunted Place: ಅಧಿಕಾರದ ಆಸೆಯಿಂದ ಪುಟ್ಟ ರಾಜಕುಮಾರನ ತುಂಡು ತುಂಡು ಮಾಡಿ ಎಸೆದರು! ಈಗ ಈ ಕೋಟೆ ಹೇಗಿದೆ?

ರಿಷಿ ಸುನಕ್‌ ಪಕ್ಷದ ಸಂಸದರಲ್ಲಿ ಎಲ್ಲಾ ಮೂರು ಸುತ್ತಿನ ಮತದಾನವನ್ನು ಗೆದ್ದಿದ್ದಾರೆ. ಈ ಕ್ಷೇತ್ರವನ್ನು ಇಬ್ಬರು ಸ್ಪರ್ಧಿಗಳಿಗೆ ಮಾತ್ರ ಸೀಮಿತಗೊಳಿಸಿದ್ದಾರೆ. 200,000 ಆಡಳಿತ ಪಕ್ಷದ ಸದಸ್ಯರಲ್ಲಿ ವಿದೇಶಾಂಗ ಕಾರ್ಯದರ್ಶಿ ಲಿಜ್ ಟ್ರಸ್ ಅವರು ರಿಷಿ ಸುನಕ್‌ ಅವರ ವಿರುದ್ಧ ಮೇಲುಗೈ ಸಾಧಿಸಿದ್ದಾರೆ. ರಾಯಿಟರ್ಸ್‌ನ ವರದಿಯ ಪ್ರಕಾರ, ಗುರುವಾರ ಲಿಜ್‌ ಟ್ರಸ್ ಅವರು ರಿಷಿ ಸುನಕ್ ವಿರುದ್ಧ 24-ಮತಗಳನ್ನು ಹೆಚ್ಚಿಗೆ ಗಳಿಸಿಕೊಂಡಿದ್ದಾರೆ.

ಮುಂದೆ ಯುಕೆ ದೇಶದ ಪ್ರಧಾನ ಮಂತ್ರಿ ಯಾರಾಗಬಹುದು? ಎಂಬುದನ್ನು ನಾವು ಕಾದು ನೋಡಬೇಕಿದೆ.