ಏರ್ ಇಂಡಿಯಾದ ಮಹಿಳಾ ಪೈಲಟ್ ತಂಡದಿಂದ ಜನವರಿ 11ರಂದು ಹೊಸ ಇತಿಹಾಸ; ಏನ್ ಗೊತ್ತಾ?

ಸ್ಯಾನ್  ಫ್ರಾನ್ಸಿಸ್ಕೊ ಮತ್ತು ಬೆಂಗಳೂರು ನಡುವೆ ಸುಮಾರು 13,993 ಕಿ.ಮೀಗಳ  ಅಂತರವಿದ್ದು,  16 ಗಂಟೆಗಳ  ದೀರ್ಘ ಪ್ರಯಾಣವಾಗಿತ್ತು. ಸ್ಯಾನ್ ಫ್ರಾನ್ಸಿಸ್ಕೊ  ಹೊರಟ ವಿಮಾನ ತಡೆ ರಹಿತವಾಗಿ ಇದೀಗ ಬೆಂಗಳೂರು ತಲುಪಿದೆ.

ಏರ್​ ಇಂಡಿಯಾ ಮಹಿಳಾ ಪೈಲಟ್​ಗಳು.

ಏರ್​ ಇಂಡಿಯಾ ಮಹಿಳಾ ಪೈಲಟ್​ಗಳು.

  • Share this:
ದೇವನಹಳ್ಳಿ : ಏರ್ ಇಂಡಿಯಾದ ಮಹಿಳಾ  ಪೈಲಟ್ ತಂಡ ಜನವರಿ  11 ರಂದು ಹೊಸ ಇತಿಹಾಸ ಬರೆದಿದ್ದಾರೆ. ಸಂಪೂರ್ಣ ಮಹಿಳಾ ಪೈಲಟ್ ಮತ್ತು ಸಿಬ್ಬಂದಿ  ಒಳಗೊಂಡ  ತಂಡ  ವಿಶ್ವದ ಅತಿ ಉದ್ದದ ವಿಮಾನ  ಮಾರ್ಗದಲ್ಲಿ ವಿಮಾನ ಹಾರಾಟ ನಡೆಸಿದ್ದು, ಅಮೇರಿಕಾ  ಸ್ಯಾನ್  ಫ್ರಾನ್ಸಿಸ್ಕೊ ದಿಂದ ಹೊರಡುವ  ವಿಮಾನ ಜನವರಿ 11ರಂದು ಬೆಂಗಳೂರಿನ  ಕೆಂಪೇಗೌಡ  ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ತಲುಪಿದೆ. ಜನವರಿ 11 ರಿಂದ ಅಮೇರಿಕಾದ ಸಿಲಿಕಾನ್ ಸಿಟಿ ಮತ್ತು ಭಾರತದ ಸಿಲಿಕಾನ್  ಸಿಟಿ ಬೆಂಗಳೂರು  ನಡುವೆ ತಡೆರಹಿತ  ವಿಮಾನಯಾನ  ಪ್ರಾರಂಭವಾಗಲಿದ್ದು, ಅದರ ಉದ್ಘಾಟನೆಯ ವಿಮಾನವಾಗಿ  ಸಂಪೂರ್ಣ  ಮಹಿಳಾ  ಪೈಲಟ್ ಗಳ  ತಂಡ ಒಳಗೊಂಡ  ವಿಮಾನ ಸ್ಯಾನ್  ಫ್ರಾನ್ಸಿಸ್ಕೊ ದಿಂದ ಬೆಂಗಳೂರು ತಲುಪಿದೆ. ಉತ್ತರ ಧ್ರುವದಿಂದ ದಕ್ಷಿಣ ಭಾರತಕ್ಕೆ   ಸಂಪರ್ಕಿಸುವ ಅತಿ ಉದ್ದದ  ವಿಮಾನ ಮಾರ್ಗದಲ್ಲಿ ಏರ್ ಇಂಡಿಯಾ  ಮೊಟ್ಟ  ಮೊದಲ  ಜನವರಿ 11 ರಿಂದ ವಿಮಾನ ಸೇವೆ ಆರಂಭಿಸಿದೆ.

ಕ್ಯಾಪ್ಟನ್  ಜೋಯಾ ಅಗರ್ವಾಲ್ ವಿಮಾನದ  ಕಮಾಂಡ್ ಮಾಡಲಿದ್ದಾರೆ ಅವರೊಂದಿಗೆ  ಕ್ಯಾಪ್ಟನ್​ಗಳಾದ  ತನ್ಮೈ ಪಾಪಗರಿ, ಆಕಾಶಾ ಸೋನವಾನೆ ಮತ್ತು ಶಿವಾನಿ ಮನ್ಹಾಸ್ ಅವರ ಅನುಭವಿ ಮಹಿಳಾ ತಂಡ ಇದ್ದು, ಕಾಕ್‌ಪಿಟ್ ಸಿಬ್ಬಂದಿಯಿಂದ ಹಿಡಿದು ಕ್ಯಾಬಿನ್ ಸಿಬ್ಬಂದಿ, ಚೆಕ್-ಇನ್ ಸಿಬ್ಬಂದಿ, ಗ್ರಾಹಕ ಆರೈಕೆ ಸಿಬ್ಬಂದಿ, ವಾಯು ಸಂಚಾರ ನಿಯಂತ್ರಣ ಮತ್ತು ನೆಲದ ನಿರ್ವಹಣೆ ಮುಂತಾದ ಸಂಪೂರ್ಣ ವಿಮಾನ ಕಾರ್ಯಾಚರಣೆಗಳನ್ನು ಮಹಿಳೆಯರೇ ನಿರ್ವಹಿಸಿದ್ದಾರೆ.

ಇದನ್ನೂ ಓದಿ: Rajinikanth: ನಾನು ರಾಜಕೀಯಕ್ಕೆ ಬರಲೇಬೇಕೆಂಬ ನಿಮ್ಮ ಹೋರಾಟವನ್ನು ನಿಲ್ಲಿಸಿ; ಅಭಿಮಾನಿಗಳಲ್ಲಿ ರಜನೀಕಾಂತ್ ಒತ್ತಾಯ

ಸ್ಯಾನ್  ಫ್ರಾನ್ಸಿಸ್ಕೊ ಮತ್ತು ಬೆಂಗಳೂರು ನಡುವೆ ಸುಮಾರು 13,993 ಕಿ.ಮೀಗಳ  ಅಂತರವಿದ್ದು,  16 ಗಂಟೆಗಳ  ದೀರ್ಘ ಪ್ರಯಾಣವಾಗಿತ್ತು. ಸ್ಯಾನ್ ಫ್ರಾನ್ಸಿಸ್ಕೊ  ಹೊರಟ ವಿಮಾನ ತಡೆ ರಹಿತವಾಗಿ ಇದೀಗ ಬೆಂಗಳೂರು ತಲುಪಿದೆ. ಫ್ಲೈಟ್ ಎಐ 176 ಶನಿವಾರ ರಾತ್ರಿ 8.30 ಕ್ಕೆ ಸ್ಯಾನ್ ಫ್ರಾನ್ಸಿಸ್ಕೋದಿಂದ ಹೊರದಿದ್ದು ಜನವರಿ 11 ರ ಸೋಮವಾರ ಬೆಳಗ್ಗೆ  3.45 ಕ್ಕೆ ಬೆಂಗಳೂರಿನಲ್ಲಿ ಇಳಿದಿದೆ.

ಬೋಯಿಂಗ್ 777-200 ಎಲ್ ಆರ್  ವಿಟಿ ಎಲ್ ಆರ್ ಜಿ ವಿಮಾನವಾಗಿದ್ದು, ಈ ವಿಮಾನದಲ್ಲಿ 8 ಪ್ರಥಮ ದರ್ಜೆ, 35 ಬಿಸಿನೆಸ್ ಕ್ಲಾಸ್, 195 ಎಕಾನಮಿ ಕ್ಲಾಸ್ ಕಾನ್ಫಿಗರೇಶನ್ ಜೊತೆಗೆ 4 ಕಾಕ್‌ಪಿಟ್ ಮತ್ತು 12 ಕ್ಯಾಬಿನ್ ಸಿಬ್ಬಂದಿ ಸೇರಿದಂತೆ 238 ಆಸನಗಳ ಆಸನ ಸಾಮರ್ಥ್ಯಹೊಂದಿದೆ.
Published by:MAshok Kumar
First published: