Twitter: ಉಪರಾಷ್ಟ್ರಪತಿ ವೆಂಕಯ್ಯ ನಾಯ್ಡು ಬೆನ್ನಲ್ಲೇ RSS​ ನಾಯಕರ ಟ್ವಿಟ್ಟರ್ ಖಾತೆಯ ಬ್ಲೂ ಟಿಕ್ ರದ್ದು

ಐಟಿ ನಿಯಮಗಳನ್ನು ಪಾಲನೆ ಮಾಡದ ಕಾರಣಕ್ಕೆ ಹಾಗೂ, ಟ್ವಿಟ್ಟರ್​ನ ನಿಯಮಗಳನ್ನು ಉಲ್ಲಂಘನೆ ಮಾಡಿ, ವಿವಾದಾತ್ಮಕ ಪೋಸ್ಟ್​ಗಳನ್ನು ಹಾಕಿದ ಕಾರಣಕ್ಕೆ ಹಾಗೇ ಟ್ವಿಟ್ಟರ್​ನಲ್ಲಿ ಆ್ಯಕ್ಟಿವ್ ಆಗಿರದ ಅನೇಕರ ಗಣ್ಯರ ಖಾತೆಯ ಬ್ಲೂಟಿಕ್ ಅನ್ನು ಟ್ವಿಟ್ಟರ್ ತೆಗೆದುಹಾಕಿದೆ. ದೇಶದ ಉಪರಾಷ್ಟ್ರಪತಿ ವೆಂಕಯ್ಯ ನಾಯ್ಡು ಅವರ ಅಧಿಕೃತ ಖಾತೆಯ ಬ್ಲೂಟಿಕ್ ರದ್ದುಮಾಡಿ ಸುದ್ದಿಯಾಗಿದ್ದ ಟ್ವಿಟ್ಟರ್ ಇದೀಗ​ ತನ್ನ ಬಳಕೆದಾರರಾಗಿರುವ ಅನೇಕ ಆರ್​ಎಸ್​ಎಸ್​ ನಾಯಕರ ಖಾತೆಯ ಬ್ಲೂ ವೇರಿಫೈಡ್ ಮಾರ್ಕ್ ಅನ್ನು ತೆಗೆದುಹಾಕಿದೆ.

ಆರ್​ಎಸ್​ಎಸ್​ ಜಂಟಿ ಕಾರ್ಯದರ್ಶಿಗಳಾದ ಕೃಷ್ಣ ಗೋಪಾಲ್ ಮತ್ತು ಅರುಣ್ ಕುಮಾರ್, ಆರ್​ಎಸ್​ಎಸ್​ನ ಮಾಜಿ ಪ್ರಧಾನ ಕಾರ್ಯದರ್ಶಿ ಸುರೇಶ್ ಜೋಷಿ ಅಲಿಯಾಸ್ ಭಯ್ಯಾಜಿ, ಮಾಜಿ ಜಂಟಿ ಪ್ರಧಾನ ಕಾರ್ಯದರ್ಶಿ ಸುರೇಶ್ ಸೋನಿ ಹಾಗೂ ಆರ್​ಎಸ್​ಎಸ್​ ಸಂಪರ್ಕ ಪ್ರಮುಖ್ ಅನಿರುದ್ಧ ದೇಶಪಾಂಡೆ ಅವರ ಟ್ವಿಟ್ಟರ್​ ಖಾತೆಯ ಬ್ಲೂ ಟಿಕ್​ ಅನ್ನು ಟ್ವಿಟ್ಟರ್​ ರದ್ದುಪಡಿಸಿದೆ.

Why did @Twitter @TwitterIndia remove Blue tick from the handle of Vice President of India Shri @MVenkaiahNaidu ji ?

This is assault of Constitution of India. pic.twitter.com/CBQviuBa3x

— Suresh Nakhua (𝐏𝐥 𝐰𝐞𝐚𝐫 𝐌𝐀𝐒𝐊) (@SureshNakhua) June 4, 2021

ಟ್ವಿಟ್ಟರ್​ನ ಈ ನಡೆಗೆ ಭಾರೀ ಟೀಕೆ ವ್ಯಕ್ತವಾಗಿದೆ. ಸಿನಿಮಾ ತಾರೆಯರು, ಕ್ರಿಕೆಟಿಗರು, ಫುಟ್​ಬಾಲ್​ ತಾರೆಯರು, ಸಾಧನೆ ಮಾಡಿದ ಸರದಾರರು, ರಾಜಕಾರಣಿಗಳು ಹೀಗೆ ಜನಪ್ರಿಯತೆ ಪಡೆದವರ ಖಾತೆಗೆ ಟ್ವಿಟ್ಟರ್​ ವಿಶೇಷ ನೀಲಿ ಬಣ್ಣದ ಬ್ಲೂ ಟಿಕ್​ ಅನ್ನು ನೀಡುತ್ತದೆ. ಬ್ಲೂ ಟಿಕ್​ ಟಿಕ್​ ಹೊಂದಿದ ಖಾತೆಯು ಸಕ್ರಿಯವಾಗಿರದಿದ್ದರೂ ಆ ಖಾತೆಯ ಬ್ಲೂ ಟಿಕ್ ಅನ್ನು ಟ್ವಿಟ್ಟರ್​ ರದ್ದುಪಡಿಸುತ್ತದೆ.



ಸರ್ಕಾರದಿಂದ ಗುರುತಿಸಿಕೊಂಡಿರುವ, ಬ್ರಾಂಡ್​ಗಳು, ಲಾಭ ರಹಿತ ಸಂಸ್ಥೆ, ಸುದ್ದಿ ಸಂಸ್ಥೆಗಳಿಗೆ ಟ್ವಿಟ್ಟರ್​ ಬ್ಲೂ ಟಿಕ್​ ನೀಡುತ್ತದೆ. ಕಳೆದ ಕೆಲ ತಿಂಗಳ ಹಿಂದೆ ಟ್ವಿಟ್ಟರ್​ ಬ್ಲೂ ಟಿಕ್​ ವೇರಿಫಿಕೇಶನ್​ ಬ್ಯಾಡ್ಜ್​ ಆಯ್ಕೆಯನ್ನು ಮತ್ತೆ ಪ್ರಾರಂಭಿಸಿದೆ. 2017ರ ನಂತರ ಸ್ಥಗಿತಗೊಳಿಸಿದ ಈ ಪ್ರಕ್ರಿಯೆಯನ್ನು ಇದೀಗ ಪ್ರಾರಂಭಸಿದೆ. ಮುಂದಿನ ಕೆಲವು ವಾರಗಳಲ್ಲಿ ಹೊಸ ಧೃಢೀಕರಣ ಆಯ್ಕೆಯನ್ನು ಕಲ್ಪಿಸುತ್ತಿದ್ದೇವೆ ಎಂದು ತಿಳಿಸಿತ್ತು. ಟ್ವಿಟ್ಟರ್ ಖಾತೆ ವೇರಿಫೈಡ್ ಆದರೆ ಮಾತ್ರ ಅವರ ಹೆಸರಿನ ಮುಂದೆ ನೀಲಿ ಬಣ್ಣದ ಬ್ಲೂ ಟಿಕ್ ಕಾಣಿಸುತ್ತದೆ.



ವೇರಿಫೈಡ್ ಆಗಿರುವ ಬ್ಲೂ ಟಿಕ್​ಗಾಗಿ ಅರ್ಜಿ ಸಲ್ಲಿಸುವವರು ಕಳೆದ 12 ತಿಂಗಳುಗಳಿಂದ ಟ್ವಿಟ್ಟರ್ ಮಾರ್ಗಸೂಚಿಯನ್ನು ಉಲ್ಲಂಘಿಸಿರಬಾರದು. ಇನ್ನು ದ್ವೇಷ ಪೂರಿತ ಸಂದೇಶ, ಮಾಹಿತಿ, ನ್ಯೂಸ್ ಫೀಡ್, ಕಾಮೆಂಟರಿ ಅಕೌಂಟ್​ಗಳು ಟ್ವಿಟ್ಟರ್ ಮಾರ್ಗಸೂಚಿಯನ್ನು ಉಲ್ಲಂಘಿಸಿದ ಅಕೌಂಟ್​​ಗಳನ್ನು ಪರಿಗಣಿಸುವುದಿಲ್ಲ ಎಂದು ತಿಳಿಸಿತ್ತು.

ಭಾರತದ ಉಪರಾಷ್ಟ್ರಪತಿ ವೆಂಕಯ್ಯ ನಾಯ್ಡು ಅವರ ಟ್ವಿಟ್ಟರ್​ ಖಾತೆಯ ಬ್ಲೂ ಟಿಕ್ ರದ್ದಾಗಿದ್ದಕ್ಕೆ ಭಾರೀ ವಿರೋಧ ವ್ಯಕ್ತವಾಗಿದೆ. ಭಾರತಕ್ಕೆ ತನ್ನದೇ ಆದ ಸಾಮಾಜಿಕ ಜಾಲತಾಣದ ಪ್ಲಾಟ್​ಫಾರ್ಮ್ ಇದ್ದರೆ ಉತ್ತಮ. ಇಲ್ಲದಿದ್ದರೆ ಇದೇ ರೀತಿಯ ಮುಜುಗರವನ್ನು ಎದುರಿಸುತ್ತಿರಬೇಕಾಗುತ್ತದೆ. ಟ್ವಿಟ್ಟರ್​ ಭಾರತೀಯರ ವಿರೋಧಿ ನೀತಿಯನ್ನು ತಳೆಯುತ್ತಿದೆ. ಇದರ ವಿರುದ್ಧ ಪಕ್ಷಭೇದ ಮರೆತು ಭಾರತೀಯರೆಲ್ಲರೂ ಧ್ವನಿಯೆತ್ತಬೇಕು ಎಂದು ಬಿಜೆಪಿ ನಾಯಕರು ಹೇಳಿಕೆ ನೀಡಿದ್ದಾರೆ.