ಲೋಕಸಭಾ ಚುನಾವಣೆ: ಬಿಹಾರ ಬೇಗುಸರಾಯ್​​ ಕ್ಷೇತ್ರದಿಂದ ಸಿಪಿಐ ಅಭ್ಯರ್ಥಿಯಾಗಿ ಕನ್ನಯ್ಯ ಕುಮಾರ್​​ ಕಣಕ್ಕೆ

ಗುಜರಾತ್​​​ ದಲಿತ ಹೋರಾಟಗಾರ ಮತ್ತು ಶಾಸಕ ಜಿಗ್ನೇಶ್​​ ಮತ್ತು ಪಾಟೀದಾರ್​ ಸಮುದಾಯ ಮೀಸಲಾತಿ ಹೋರಾಟಗಾರ ಹಾರ್ದಿಕ್​​ ಪಟೇಲ್ ಜೊತೆಗೂಡಿ ಬಿಜೆಪಿ ವಿರುದ್ಧ ಪ್ರಬಲವಾಗಿ ಪ್ರಚಾರ ಮಾಡುತ್ತಿದ್ಧಾರೆ.

Ganesh Nachikethu | news18
Updated:March 28, 2019, 6:48 PM IST
ಲೋಕಸಭಾ ಚುನಾವಣೆ: ಬಿಹಾರ ಬೇಗುಸರಾಯ್​​ ಕ್ಷೇತ್ರದಿಂದ ಸಿಪಿಐ ಅಭ್ಯರ್ಥಿಯಾಗಿ ಕನ್ನಯ್ಯ ಕುಮಾರ್​​ ಕಣಕ್ಕೆ
ಕನ್ಹಯ್ಯಾ ಕುಮಾರ್
Ganesh Nachikethu | news18
Updated: March 28, 2019, 6:48 PM IST
ನವದೆಹಲಿ(ಮಾ.24): ಜೆಎನ್​​ಯು ವಿದ್ಯಾರ್ಥಿ ಸಂಘಟನೆಯ ಮಾಜಿ ಅಧ್ಯಕ್ಷ ಕನ್ನಯ್ಯ ಕುಮಾರ್ ಮುಂಬರುವ ಲೋಕಸಭೆ ಚುನಾವಣೆಯಲ್ಲಿ ಸ್ಪರ್ಧಿಸುವುದು ಖಚಿತವಾಗಿದೆ. ಒಂದು ಕಾಲದ ಕಮ್ಯುನಿಷ್ಟ್​​ ಪಕ್ಷದ ಭದ್ರಕೋಟೆ ಎಂದೇ ಕರೆಯುತ್ತಿದ್ದ ಬಿಹಾರದ ಬೇಗುಸರಾಯ್​​​ ಕ್ಷೇತ್ರದಿಂದ ಕನ್ನಯ್ಯ ಕುಮಾರ್​​ ಕಣಕ್ಕಿಳಿಯಲಿದ್ದಾರೆ ಎಂದು ಸಿಪಿಐ ಅಧಿಕೃತವಾಗಿ ಘೋಷಿಸಿದೆ. ಇನ್ನು ಕನ್ನಯ್ಯ ಕುಮಾರ್ ಅವರನ್ನು ಸಿಪಿಐ ಮತ್ತು ಸಿಪಿಐಎಂ ಪಕ್ಷ ಮೈತ್ರಿ ಅಭ್ಯರ್ಥಿಯಾಗಿ ಬೇಗುಸರಾಯ್​​ ಕ್ಷೇತ್ರದಿಂದ ಅಖಾಡಕ್ಕಿಳಿಸಲಾಗುತ್ತಿದೆ.

ಈ ಹಿಂದೆಯೇ ಈ ವಿದ್ಯಾರ್ಥಿ ಯುವ ನಾಯಕ ಮಹಾಘಟಬಂಧನ್​​ ಅಭ್ಯರ್ಥಿಯಾಗಿ ಸ್ಪರ್ಧಿಸಲಿದ್ದಾರೆ. ಬಿಹಾರದಲ್ಲಿ ಆರ್​​ಜೆಡಿ, ಕಾಂಗ್ರೆಸ್, ಎಡಪಕ್ಷ ಸೇರಿದಂತೆ ಇತರ ಸಣ್ಣ ಪಕ್ಷಗಳು ಒಳಗೊಂಡ ಮಹಾಮೈತ್ರಿ ಮಾಡಿಕೊಂಡಿದೆ. ಈ ಮೈತ್ರಿಕೂಟದ ಅಭ್ಯರ್ಥಿಯಾಗಿ ಕನ್ನಯ್ಯ ಕುಮಾರ್​​ ಬೇಗುಸರಾಯ್​​​ ಕ್ಷೇತ್ರದಿಂದ ಸ್ಪರ್ಧೆ ಮಾಡಲಿದ್ದಾರೆ. ಸದ್ಯ ಕನ್ನಯ್ಯ ಕುಮಾರ್ ಅವರಿಗೆ ಸಿಪಿಎಂ ಪಕ್ಷ ಅಧಿಕೃತವಾಗಿ ಟಿಕೆಟ್​​ ಘೋಷಿಸಬೇಕಷ್ಟೇ ಎಂದು ಹೇಳಲಾಗಿತ್ತು.

ಕನ್ನಯ್ಯ ಕುಮಾರ್​​ ಸ್ಪರ್ಧೆಗೆ ಈ ಹಿಂದೇ ಸಮ್ಮತಿಸಿದ್ದ ಆರ್​ಜೆಡಿ ಮುಖಂಡ ತೇಜಸ್ವಿ ಯಾಧವ್​​ ಅವರೇ, ಈಗ ವಿರೋಧ ವ್ಯಕ್ತಪಡಿಸುತ್ತಿದ್ಧಾರೆ. ಹೀಗಾಗಿ ಮಹಾಮೈತ್ರಿ ಬೆಂಬಲವಿಲ್ಲದೇ ಹೋದರು, ನಾನು ಯಾವುದೇ ಕಾರಣಕ್ಕೂ ಚುನಾವಣೆ ಸ್ಪರ್ಧೆಯಿಂದ ಹಿಂದೆ ಸರಿಯುವ ಮಾತೇ ಇಲ್ಲ. ಈಗಾಗಲೇ ಸಿಪಿಐ ತೀರ್ಮಾನ ತೆಗೆದುಕೊಂಡಿದೆ. ಬೇಗುಸರಾಯ್‌ನಲ್ಲಿ ಎಡಪಕ್ಷದ ಸಂಯುಕ್ತ ಅಭ್ಯರ್ಥಿಯಾಗಿ ಕಣಕ್ಕಿಳಿಯುತ್ತಿದ್ದೇನೆ ಎಂದು ಕನ್ನಯ್ಯ ಕುಮಾರ್​​ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ: ಬೆಂಗಳೂರು ದಕ್ಷಿಣದಿಂದ ಪ್ರಧಾನಿ ಮೋದಿ ಕಣಕ್ಕೆ?: ಎದುರಾಳಿಯಾಗಿ ಕಾಂಗ್ರೆಸ್​ ಕಟ್ಟಾಳು ಡಿಕೆಶಿ ಸ್ಪರ್ಧೆ ಸಾಧ್ಯತೆ!

ಕನ್ನಯ್ಯ ಕುಮಾರ್​​ ದೆಹಲಿಯ ಪ್ರತಿಷ್ಠಿತ ಜೆಎನ್​​ಯು ವಿಶ್ವವಿದ್ಯಾಲಯದಲ್ಲಿ ಇತ್ತೀಚೆಗಷ್ಟೇ ತಮ್ಮ ಪಿಎಚ್​​ಡಿ ಮುಗಿಸಿದ್ದಾರೆ. ಅಲ್ಲದೇ ಇಡೀ ದೇಶಾದ್ಯಂತ ವಿದ್ಯಾರ್ಥಿ ಚಳುವಳಿ ಕಟ್ಟಲು ಸಕ್ರಿಯವಾಗಿ ಓಡಾಟ ನಡೆಸುತ್ತಿದ್ದಾರೆ. ಜತೆಗೆ ಗುಜರಾತ್​​​ ದಲಿತ ಹೋರಾಟಗಾರ ಮತ್ತು ಶಾಸಕ ಜಿಗ್ನೇಶ್​​ ಮತ್ತು ಪಾಟೀದಾರ್​ ಸಮುದಾಯ ಮೀಸಲಾತಿ ಹೋರಾಟಗಾರ ಹಾರ್ದಿಕ್​​ ಪಟೇಲ್ ಜೊತೆಗೂಡಿ ಬಿಜೆಪಿ ವಿರುದ್ಧ ಪ್ರಬಲವಾಗಿ ಪ್ರಚಾರ ಮಾಡುತ್ತಿದ್ಧಾರೆ.

ಇದನ್ನೂ ಓದಿ: "ಮೈತ್ರಿ ಮರೆತು ಕೆಲ ಕಾಂಗ್ರೆಸ್ಸಿಗರು ಜೆಡಿಎಸ್​​ ವಿರುದ್ಧವೇ ತಿರುಗಿ ಬಿದ್ದಿದ್ದಾರೆ": ಸಿಎಂ ಎಚ್​​ಡಿಕೆ ಅಸಮಾಧಾನ!
Loading...

​2016, ಫೆಬ್ರವರಿ 12 ರಂದು ಅಫ್ಜಲ್​ ಗುರು ಗಲ್ಲು ಶಿಕ್ಷೆಯನ್ನು ವಿರೋಧಿಸಿ ಕಾರ್ಯಗಾರ ಮಾಡಿದ್ದರು; ಹಾಗೆಯೇ ದೇಶ ವಿರೋಧಿ ಘೋಷಣೆ ಕೂಗಿದ್ದರು ಎನ್ನುವ ಆರೋಪದ ಅಡಿಯಲ್ಲಿ ಕನ್ನಯ್ಯ ಕುಮಾರ್​​ ಅವರನ್ನು ಬಂಧಿಸಲಾಗಿತ್ತು. ಬಳಿಕ ದೇಶದ್ರೋಹದ ಕೇಸ್ ಜೊತೆಗೆ 10 ಸಾವಿರ ರೂ ದಂಡವನ್ನು ವಿಧಿಸಲಾಗಿತ್ತು . ನಂತರದಲ್ಲಿ ದೆಹಲಿ ಹೈಕೋರ್ಟ್ ಜುಲೈ ತಿಂಗಳಿನಲ್ಲಿ ಈ ಕೇಸ್​​ಗೆ ತಡೆಯೊಡ್ಡಿತ್ತು. ಈ ಪ್ರಕರಣದಿಂದಾಗಿ ಕನ್ನಯ್ಯಕುಮಾರ್ ಹೆಸರು ವಿದ್ಯಾರ್ಥಿ ಚಳುವಳಿಯಲ್ಲಿ ಮುಂಚೂಣಿಗೆ ಬಂದಿದೆ ಎನ್ನಬಹುದು.
-------------
First published:March 24, 2019
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ
Loading...