Black Fungus ಪತ್ತೆ ಬಳಿಕ ಮಹಾರಾಷ್ಟ್ರದಲ್ಲಿ Amphotericin-B ಇಂಜೆಕ್ಷನ್​​ಗೆ 100 ಪಟ್ಟು ಹೆಚ್ಚಿದ ಬೇಡಿಕೆ

ಮಹಾರಾಷ್ಟ್ರದ ಪುಣೆಯಲ್ಲಿ ಈವರೆಗೆ 300ಕ್ಕೂ ಅಧಿಕ ಬ್ಲ್ಯಾಕ್​ ಫಂಗಸ್ (ಮುಕೊರ್‌ಮೈಕೊಸಿಸ್‌)​ ಪ್ರಕರಣಗಳು ಪತ್ತೆಯಾಗಿವೆ. ಬ್ಲ್ಯಾಕ್​ ಫಂಗಸ್​​ ಪ್ರಕರಣಗಳನ್ನು ಗುರುತಿಸಲು ಗ್ರಾಮೀಣ ಪ್ರದೇಶಗಳಲ್ಲಿ ಕೋವಿಡ್​ ಸೋಂಕಿನಿಂದ ಗುಣಮುಖರಾದವರನ್ನು ಪರೀಕ್ಷಿಸಲು ಪುಣೆ ಜಿಲ್ಲಾಡಳಿತ ಆರೋಗ್ಯಾಧಿಕಾರಿಗಳಿಗೆ ಸೂಚಿಸಿದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಮಹಾರಾಷ್ಟ್ರ(ಮೇ 24): ಕೊರೋನಾ ಸೋಂಕಿನಿಂದ ಗುಣಮುಖರಾದವರಲ್ಲಿ ಕಾಣಿಸಿಕೊಳ್ಳುತ್ತಿರುವ ಬ್ಲ್ಯಾಕ್​ ಫಂಗಸ್​(ಕಪ್ಪು ಶಿಲೀಂಧ್ರ) ಜನರಲ್ಲಿ ಮತ್ತಷ್ಟು ಆತಂಕ ಹುಟ್ಟಿಸಿದೆ. ಈ ಬ್ಲ್ಯಾಕ್​ ಫಂಗಸ್​ ಮೂಲವನ್ನು ಪತ್ತೆ ಹಚ್ಚಲು ವೈದ್ಯರು ಹಾಗೂ ಸೂಕ್ಷ್ಮಾಣು ಜೀವಿ ತಜ್ಞರು ಇನ್ನಿಲ್ಲದ ಕಸರತ್ತು ನಡೆಸುತ್ತಿದ್ದಾರೆ. ಈ ನಡುವೆ ಬ್ಲ್ಯಾಕ್​ ಫಂಗಸ್​ ಹರಡುವಿಕೆ ಹೆಚ್ಚಾದ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರ ರಾಜ್ಯ ಸರ್ಕಾರಗಳಿಗೆ ಆಂಫೊಟೆರಿಸಿನ್‌-ಬಿ ಇಂಜೆಕ್ಷನ್‌- Amphotericin-B Injection ರವಾನೆ ಮಾಡಿದೆ. ಮಹಾರಾಷ್ಟ್ರಕ್ಕೆ 5,090 ವಯಲ್ಸ್ ಹಂಚಿಕೆ ಮಾಡಲಾಗಿದೆ.

    ಮಹಾರಾಷ್ಟ್ರದಲ್ಲಿ ಕೊರೋನಾ ಸೋಂಕು ಉಲ್ಭಣಿಸುವ ಮೊದಲಿನ ಸಂದರ್ಭಕ್ಕೆ ಹೋಲಿಸಿದರೆ ಬ್ಲ್ಯಾಕ್​​ ಫಂಗಸ್​ ಚಿಕಿತ್ಸೆಗೆ ಬಳಸಲಾಗುವ amphotericin B ಇಂಜೆಕ್ಷನ್​ಗೆ 100 ಪಟ್ಟು ಬೇಡಿಕೆ ಹೆಚ್ಚಾಗಿದೆ. ಈ ಮೊದಲು ತಿಂಗಳಿಗೆ 3,000ದಷ್ಟು ಬೇಡಿಕೆಯಿತ್ತು. ಆದರೆ, ಈಗ ಪ್ರತಿ ತಿಂಗಳು 3 ಲಕ್ಷ ಇಂಜೆಕ್ಷನ್​ಗೆ ಬೇಡಿಕೆ ಉಂಟಾಗಿದೆ.

    ಬ್ಲ್ಯಾಕ್​ ಫಂಗಸ್​ ಪತ್ತೆಯಾದ ಬಳಿಕ ಚಿಕಿತ್ಸೆಗೆ ಬಳಸಲಾಗುವ amphotericin B ಇಂಜೆಕ್ಷನ್​​ಗೆ ಬೇಡಿಕೆ ನೂರು ಪಟ್ಟು ಹೆಚ್ಚಾಗಿದೆ. 90ರಿಂದ 120 ವಯಲ್ಸ್​ ಔಷಧಿಯ ಅಗತ್ಯತೆ ಇರುವವರು 6000-8000 ರೂ.ಹಣ ನೀಡಬೇಕು. ಹೀಗಾಗಿ ಆಂಫೊಟೆರಿಸಿನ್‌-ಬಿ ಇಂಜೆಕ್ಷನ್‌ ಪಡೆಯುವುದು ದೊಡ್ಡ ಸವಾಲಾಗಿ ಪರಿಣಮಿಸಿದೆ. ಹೆಚ್ಚಿದ ಬೇಡಿಕೆಯನ್ನು ಪೂರೈಸಲು ಔಷಧ ಕಂಪನಿಗಳು ಸಹ ಅಸಮರ್ಥವಾಗಿವೆ ಎನ್ನಲಾಗುತ್ತಿದೆ.

    ಇದನ್ನೂ ಓದಿ:Remdesivir Black Marketing: ಗದಗದಲ್ಲಿ ರೆಮ್ಡಿಸಿವರ್ ಇಂಜೆಕ್ಷನ್ ಅಕ್ರಮ ಮಾರಾಟ ಜಾಲ ಪತ್ತೆ; ನಾಲ್ವರ ಬಂಧನ, ಓರ್ವ ಪರಾರಿ

    ಮಹಾರಾಷ್ಟ್ರದ ಪುಣೆಯಲ್ಲಿ ಈವರೆಗೆ 300ಕ್ಕೂ ಅಧಿಕ ಬ್ಲ್ಯಾಕ್​ ಫಂಗಸ್ (ಮುಕೊರ್‌ಮೈಕೊಸಿಸ್‌)​ ಪ್ರಕರಣಗಳು ಪತ್ತೆಯಾಗಿವೆ. ಬ್ಲ್ಯಾಕ್​ ಫಂಗಸ್​​ ಪ್ರಕರಣಗಳನ್ನು ಗುರುತಿಸಲು ಗ್ರಾಮೀಣ ಪ್ರದೇಶಗಳಲ್ಲಿ ಕೋವಿಡ್​ ಸೋಂಕಿನಿಂದ ಗುಣಮುಖರಾದವರನ್ನು ಪರೀಕ್ಷಿಸಲು ಪುಣೆ ಜಿಲ್ಲಾಡಳಿತ ಆರೋಗ್ಯಾಧಿಕಾರಿಗಳಿಗೆ ಸೂಚಿಸಿದೆ. ಜಿಲ್ಲಾಧಿಕಾರಿ ರಾಜೇಶ್​ ದೇಶ್​​ಮುಖ್​ ಅವರು ಭಾನುವಾರ ಹೊರಡಿಸಿದ ಆದೇಶದ ಪ್ರಕಾರ, ಏಪ್ರಿಲ್​ 15ರ ಬಳಿಕ ಕೊರೋನಾ ಸೋಂಕಿನಿಂದ ಚೇತರಿಸಿಕೊಂಡವರ ಪಟ್ಟಿಯನ್ನು ಪಡೆಯಬೇಕು. ಬಳಿಕ ಬ್ಲ್ಯಾಕ್​ ಫಂಗಸ್​ ಶಂಕಿತ ರೋಗಿಗಳ ತಪಾಸಣೆಯ ಮೊದಲ ಸುತ್ತನ್ನು ಮೇ 24ರಿಂದ 27ರವರೆಗೆ ನಡೆಸಬೇಕು ಎಂದು ಗ್ರಾಮೀಣ ಪ್ರದೇಶದ ಆರೋಗ್ಯ ಇಲಾಖೆಗಳಿಗೆ ಸೂಚನೆ ನೀಡಲಾಗಿದೆ.

    ತಪಾಸಣೆಯ ಸಂದರ್ಭದಲ್ಲಿ ಬ್ಲ್ಯಾಕ್​ ಫಂಗಸ್​ ಪತ್ತೆಯಾದರೆ, ಆ ಸೋಂಕಿತರನ್ನು ತಜ್ಞರಿಂದ ಪರೀಕ್ಷೆ ಮಾಡಿಸಬೇಕು. ಜೊತೆಗೆ ಅವರಿಗೆ ಅಗತ್ಯವಿರುವ ಚಿಕಿತ್ಸೆಯನ್ನು ನೀಡಬೇಕು ಎಂದು ಜಿಲ್ಲಾಧಿಕಾರಿಗಳು ತಿಳಿಸಿದ್ದಾರೆ.

    ಮಹಾರಾಷ್ಟ್ರದ ಆರೋಗ್ಯ ಸಚಿವ ರಾಜೇಶ್​ ತೋಪೆ ಗುರುವಾರ ಮಾತನಾಡಿ, ಬ್ಲ್ಯಾಕ್​ ಫಂಗಸ್​ ಈವರೆಗೆ 90 ಜನರನ್ನು ಬಲಿ ಪಡೆದಿದೆ. ಸದ್ಯದ ಪರಿಸ್ಥಿತಿಯಲ್ಲಿ ರಾಜ್ಯದ ಕಾಳಜಿ ಪ್ರಮುಖ ವಿಷಯವಾಗಿದೆ. ಬ್ಲ್ಯಾಕ್​ ಫಂಗಸ್​​ ಚಿಕಿತ್ಸೆಗೆ ಬಳಸಲಾಗುವ ಔಷಧಿಯ ಅಗತ್ಯತೆ ಹೆಚ್ಚಾಗಿದೆ. ಹೀಗಾಗಿ ಕೇಂದ್ರದಿಂದ ರಾಜ್ಯಕ್ಕೆ ಇನ್ನೂ ಹೆಚ್ಚಿನ ಔಷಧಿ ಪೂರೈಕೆ ಅವಶ್ಯವಿದೆ ಎಂದು ಹೇಳಿದ್ದರು.

    ಬ್ಲ್ಯಾಕ್​ ಫಂಗಸ್​ ಹೊಡೆತ ಹೆಚ್ಚಾಗಿರುವ ಆಂಧ್ರ ಪ್ರದೇಶ, ಗುಜರಾತ್, ಹರಿಯಾಣ, ಕರ್ನಾಟಕ, ಮಧ್ಯ ಪ್ರದೇಶ, ಮಹಾರಾಷ್ಟ್ರ, ರಾಜಸ್ಥಾನ, ತೆಲಂಗಾಣ ರಾಜ್ಯಗಳಿಗೆ ಕೇಂದ್ರ ಸರ್ಕಾರವು ಶೇ.75ರಷ್ಟು ವಯಲ್ಸ್​ ಹಂಚಿಕೆ ಮಾಡಿದೆ. ಇನ್ನುಳಿದ ಶೇ.25ರಷ್ಟು ವಯಲ್ಸ್​​ನ್ನು ರೋಗಿಗಳ ಸಂಖ್ಯೆಯನ್ನು ಪರಿಶೀಲಿಸಿದ ಬಳಿಕ ಹಂಚಿಕೆ ಮಾಡಲಾಗುತ್ತದೆ. ಗುಜರಾತ್​ನಲ್ಲಿ ಅತೀ ಹೆಚ್ಚು ಬ್ಲ್ಯಾಕ್​ ಫಂಗಸ್​ ಪ್ರಕರಣಗಳಿದ್ದು(2281), 5800 ವಯಲ್ಸ್​ ಹಂಚಲಾಗಿದೆ. ಮಹಾರಾಷ್ಟ್ರದಲ್ಲಿ 2000 ಪ್ರಕರಣಗಳಿದ್ದು, 5090 ವಯಲ್ಸ್​ ಹಂಚಿಕೆ ಮಾಡಲಾಗಿದೆ.
    Published by:Latha CG
    First published: