ಟಿಕೆಟ್​ ರಹಿತ ಪ್ರಯಾಣಿಕರಿಂದ ಈ ರೈಲ್ವೆ ಅಧಿಕಾರಿ ಸಂಗ್ರಹಿಸಿದ ದಂಡದ ಮೊತ್ತ ಕೇಳಿದರೆ ಶಾಕ್​ ಆಗ್ತೀರಾ..!

2019ರಲ್ಲಿ ಸೆಂಟ್ರಲ್​ ರೈಲ್ವೆ 37.64 ಲಕ್ಷ ಟಿಕೆಟ್​ ರಹಿತ ಪ್ರಕರಣಗಳಲ್ಲಿ 192.51 ಕೋಟಿ ರೂ. ದಂಡವನ್ನು ಸಂಗ್ರಹಿಸಿತ್ತು. 2018ರಲ್ಲಿ 34.09 ಲಕ್ಷ ಟಿಕೆಟ್​ ರಹಿತ ಪ್ರಯಾಣಿಕರಿಂದ 168.30 ಕೋಟಿ ದಂಡ ಸಂಗ್ರಹ ಮಾಡಲಾಗಿತ್ತು.  ಟಿಕೆಟ್​ ರಹಿತ ಪ್ರಯಾಣಿಕರ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಲೇ ಇದೆ ಎಂದು ಸೆಂಟ್ರಲ್​ ರೈಲ್ವೆ ತಿಳಿಸಿದೆ. 

ಭಾರತೀಯ ರೈಲ್ವೆ

ಭಾರತೀಯ ರೈಲ್ವೆ

  • Share this:
ಮುಂಬೈ(ಜ. 24): 'ಟಿಕೆಟ್ ರಹಿತ ಪ್ರಯಾಣ, ದಂಡಕ್ಕೆ ಆಹ್ವಾನ' ಎಂಬ ಸಾಲನ್ನು ಬಸ್​ ಮತ್ತು ರೈಲುಗಳಲ್ಲಿ ನೋಡಿರುತ್ತೇವೆ. ಟಿಕೆಟ್​ ಇಲ್ಲದೇ ಪ್ರಯಾಣಿಸುವವರು ಒಂದು ವೇಳೆ ಅಧಿಕಾರಿಗಳ ಕೈಗೆ ಸಿಕ್ಕಿಬಿದ್ದರೆ ಅಧಿಕ ದಂಡ ಕಟ್ಟಬೇಕಾದ ಪೇಚಿಗೆ ಸಿಲುಕುತ್ತಾರೆ. ಹೀಗೆ ರೈಲಿನಲ್ಲಿ ಟಿಕೆಟ್​ ಇಲ್ಲದೇ ಪ್ರಯಾಣಿಸುವ ಜನರ ಬಳಿ ಅಧಿಕಾರಿಯೊಬ್ಬರು ಸಂಗ್ರಹ ಮಾಡಿರುವ ದಂಡದ ಮೊತ್ತ ಕೇಳಿದರೆ ನೀವು ಶಾಕ್​ ಆಗ್ತೀರಾ..

ಸೆಂಟ್ರಲ್​ ರೈಲ್ವೆ ಫ್ಲೈಯಿಂಗ್​ ಸ್ವ್ಯಾಡ್​ನ ಭಾಗವಾಗಿರುವ ಟ್ರಾವೆಲಿಂಗ್​ ಟಿಕೆಟ್​ ಇನ್ಸ್​ಪೆಕ್ಟರ್​​ ಎಸ್​.ಬಿ. ಗಲಾಂಡೆ ಕಳೆದ ವರ್ಷ ಅತೀ ಹೆಚ್ಚು ದಂಡ ಸಂಗ್ರಹಿಸಿರುವ ಅಧಿಕಾರಿಯಾಗಿದ್ದಾರೆ. 2019ನೇ ವರ್ಷದಲ್ಲಿ ಒಟ್ಟು 22,680 ಟಿಕೆಟ್​ ರಹಿತ ಪ್ರಯಾಣಿಕರಿಂದ 1.51 ಕೋಟಿ ರೂ. ದಂಡವನ್ನು ಸಂಗ್ರಹಿಸಿದ್ದಾರೆ ಎಂದು ರೈಲ್ವೆ ಇಲಾಖೆ ತಿಳಿಸಿದೆ.

ಎಂಎಂ ಶಿಂಧೆ ಮತ್ತು ಡಿ ಕುಮಾರ್​​​ ಮತ್ತು ರವಿಕುಮಾರ್​​​ ಜಿ(ಮುಂಬೈ ವಿಭಾಗದ ಇನ್ಸ್​​ಪೆಕ್ಟರ್​​) - ರೈಲ್ವೆ ಇಲಾಖೆಯ ಈ ಮೂವರು ಟಿಕೆಟ್​​​ ಇನ್ಸ್​​ಪೆಕ್ಟರ್​​ಗಳು ಸಹ 2019ರಲ್ಲಿ ಟಿಕೆಟ್ ರಹಿತ ಪ್ರಯಾಣಿಕರಿಂದ ಒಂದು ಕೋಟಿಗೂ ಅಧಿಕ ದಂಡವನ್ನು ಸಂಗ್ರಹಿಸಿದ್ದಾರೆ. ಗಲಾಂಡೆ, ಶಿಂಧೆ ಮತ್ತು ಡಿ ಕುಮಾರ್​ ದೂರ ಪ್ರಯಾಣದ ರೈಲುಗಳಲ್ಲಿ ದಂಡ ಸಂಗ್ರಹಿಸಿದರೆ, ರವಿಕುಮಾರ್​​ ಜಿ ಮುಂಬೈ ಸಬ್​ ಅರ್ಬನ್​​ ನೆಟ್​​ವರ್ಕ್​​ಗೆ ಒಳಪಡುವ ರೈಲುಗಳಲ್ಲಿ ದಂಡ ಸಂಗ್ರಹಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

Republic Day 2020: ಬ್ರೆಜಿಲ್​ ಅಧ್ಯಕ್ಷ ಜೈರ್ ಬೊಲ್ಸೊನಾರೋ ಈ ಬಾರಿಯ ಗಣರಾಜ್ಯೋತ್ಸವಕ್ಕೆ ಮುಖ್ಯ ಅತಿಥಿ

ಟ್ರಾವೆಲಿಂಗ್​ ಟಿಕೆಟ್​ ಇನ್ಸ್​​ಪೆಕ್ಟರ್​​ಗಳು ಟಿಕೆಟ್​ ಇಲ್ಲದೇ ರೈಲಿನಲ್ಲಿ ಪ್ರಯಾಣಿಸುವ ಪ್ರಯಾಣಿಕರಿಂದ ದಂಡ ಸಂಗ್ರಹಿಸಲು ನೇಮಕಗೊಂಡಿರುತ್ತಾರೆ. ಸ್ಥಳೀಯ ಮತ್ತು ದೂರ ಪ್ರಯಾಣದ ರೈಲುಗಳಲ್ಲಿ ಟಿಕೆಟ್​ ಪರಿಶೀಲಿಸುತ್ತಾರೆ. ಶಿಂಧೆ 16035 ಟಿಕೆಟ್​ ರಹಿತ ಪ್ರಯಾಣಿಕರಿಂದ 1.07 ಕೋಟಿ, ಡಿ.ಕುಮಾರ್​​ 15,234 ಟಿಕೆಟ್​ ರಹಿತ ಪ್ರಯಾಣಿಕರಿಂದ 1.02 ಕೋಟಿ ಮತ್ತು ರವಿಕುಮಾರ್​​ 20657 ಟಿಕೆಟ್​ ರಹಿತ ಪ್ರಯಾಣಿಕರಿಂದ 1.45 ಕೋಟಿ ದಂಡವನ್ನು ಸಂಗ್ರಹಿಸಿದ್ದಾರೆ.

"ಅತಿ ಹೆಚ್ಚು ದಂಡ ಸಂಗ್ರಹ ಮಾಡಿರುವ ಅಧಿಕಾರಿಗಳನ್ನು ಸನ್ಮಾನಿಸಿ ನಗದು ಬಹುಮಾನ ನೀಡಿದ್ದೇವೆ. ಅವರ ಕೊಡುಗೆಯನ್ನು ಪರಿಗಣಿಸಿ ಪ್ರಧಾನ ವ್ಯವಸ್ಥಾಪಕರಿಂದ ಪ್ರಮಾಣಪತ್ರವನ್ನೂ ಸಹ ನೀಡಿದ್ದೇವೆ," ಎಂದು ಸೆಂಟ್ರಲ್​ ರೈಲ್ವೆಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಶಿವಾಜಿ ಸುತರ್​ ಹೇಳಿದರು.

ಜಾಗತಿಕ ಭ್ರಷ್ಟಾಚಾರ ಸೂಚ್ಯಂಕ; ಭಾರತಕ್ಕೆ 80ನೇ ಸ್ಥಾನ

2019ರಲ್ಲಿ ಸೆಂಟ್ರಲ್​ ರೈಲ್ವೆ 37.64 ಲಕ್ಷ ಟಿಕೆಟ್​ ರಹಿತ ಪ್ರಕರಣಗಳಲ್ಲಿ 192.51 ಕೋಟಿ ರೂ. ದಂಡವನ್ನು ಸಂಗ್ರಹಿಸಿತ್ತು. 2018ರಲ್ಲಿ 34.09 ಲಕ್ಷ ಟಿಕೆಟ್​ ರಹಿತ ಪ್ರಯಾಣಿಕರಿಂದ 168.30 ಕೋಟಿ ದಂಡ ಸಂಗ್ರಹ ಮಾಡಲಾಗಿತ್ತು.  ಟಿಕೆಟ್​ ರಹಿತ ಪ್ರಯಾಣಿಕರ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಲೇ ಇದೆ ಎಂದು ಸೆಂಟ್ರಲ್​ ರೈಲ್ವೆ ತಿಳಿಸಿದೆ. 2018ನೇ ವರ್ಷಕ್ಕೆ ಹೋಲಿಸಿದರೆ, 2019ರಲ್ಲಿ ಟಿಕೆಟ್​ ರಹಿತ ಪ್ರಯಾಣಿಕರಿಂದ ಸಂಗ್ರಹಿಸಿದ ಆದಾಯ ಶೇ.14.39ರಷ್ಟು ಹೆಚ್ಚಿದೆ. ಟಿಕೆಟ್​ ರಹಿತ ಪ್ರಕರಣಗಳು ಶೇ.10.41 ರಷ್ಟು ಹೆಚ್ಚಾಗಿವೆ.
First published: