• Home
  • »
  • News
  • »
  • national-international
  • »
  • Data Security: ಮಾಹಿತಿ ಭದ್ರತೆ, ಡೇಟಾ ಸಂರಕ್ಷಣೆ ಕಾನೂನಿನಲ್ಲಿ ಏನಿದೆ?

Data Security: ಮಾಹಿತಿ ಭದ್ರತೆ, ಡೇಟಾ ಸಂರಕ್ಷಣೆ ಕಾನೂನಿನಲ್ಲಿ ಏನಿದೆ?

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಈ ಕಾನೂನುಗಳು ಜಾರಿಗೆ ಬಂದರೆ ಕಂಪನಿಗಳು ಕುಂದುಕೊರತೆ ನಿವಾರಣೆ ಕಾರ್ಯವಿಧಾನವನ್ನು ಸ್ಥಾಪಿಸಬೇಕಾಗುತ್ತದೆ. ಇದನ್ನು ನಡೆಸಲು ವಿಫಲವಾದರೆ ಡೇಟಾ ಸಂರಕ್ಷಣಾ ಮಂಡಳಿಗೆ ದೂರು ನೀಡಲಾಗುತ್ತದೆ ಎಂಬುದಾಗಿ ಮೂಲಗಳು ತಿಳಿಸಿವೆ.

  • Share this:

ನಿವೃತ್ತ ನ್ಯಾಯಮೂರ್ತಿ ಬಿ.ಎನ್. ಶ್ರೀಕೃಷ್ಣ ಅವರ ನಿರ್ವಹಣೆಯಲ್ಲಿ ತಜ್ಞರ ಸಮಿತಿಯು 2017 ರಲ್ಲಿ ಭಾರತಕ್ಕೆ ಹೊಸ ಡೇಟಾ ಸಂರಕ್ಷಣೆ ಕಾನೂನನ್ನು (Data protection Bill) ಪ್ರಸ್ತಾಪಿಸಿತ್ತು. ಜಗತ್ತು ಜಾಗತೀಕರಣದತ್ತ ಹೆಚ್ಚು ಸಾಗುತ್ತಿರುವಂತೆ ಕಂಡುಬಂದಿತ್ತು. ಖಾಸಗಿ ಉದ್ಯಮವಾದ ಡೇಟಾ ಕ್ಷೇತ್ರದಲ್ಲಿ ಇದು ಕೇಂದ್ರ ಹಂತಕ್ಕೆ ತಲುಪಿದಾಗ ರಾಷ್ಟ್ರ- ರಾಜ್ಯಗಳ ಪ್ರಾಮುಖ್ಯತೆ ಕಳೆದುಕೊಳ್ಳುವಂತೆ ಮಾಡಿತ್ತು. DPB (ಡೇಟಾ ಸಂರಕ್ಷಣೆ ಮಸೂದೆ) ಭಾರತೀಯರ ಗೌಪ್ಯತೆಯನ್ನು (Secret) ರಕ್ಷಿಸುವ ಜವಾಬ್ದಾರಿಯನ್ನು ಹೊಂದಿರುವ ಭಾರತದ ಮೊದಲ ನಿಯಂತ್ರಕ ಬಿಲ್ ಆಗಿದೆ. ಮಸೂದೆಯ ನಿಬಂಧನೆಗಳ ಬಗ್ಗೆ ನಿಯಮಗಳನ್ನು ಮಾಡುವ ಅಧಿಕಾರವು ಕೇಂದ್ರ ಸರ್ಕಾರಕ್ಕೆ ಇರುತ್ತದೆ.


ಆನ್‌ಲೈನ್ ತಾಣಗಳ ಶಕ್ತಿಯು ವಿಶೇಷವಾಗಿ ಚುನಾವಣಾ ಪ್ರಜಾಪ್ರಭುತ್ವಗಳಲ್ಲಿ ಸ್ಪಷ್ಟವಾಗಿ ಕಂಡುಬರುವುದರಿಂದ ರಾಜ್ಯಗಳು ತಂತ್ರಜ್ಞಾನವನ್ನು ನಿಯಂತ್ರಿಸಲು ಪ್ರಯತ್ನಿಸಿವೆ.


ಭಾರತದಲ್ಲಿ, ಲಾಕ್‌ಡೌನ್‌ಗಳು ಹೆಚ್ಚಿನ ಅಪಾಯಗಳ ಜೊತೆಗೆ ಆನ್‌ಲೈನ್‌ನಲ್ಲಿ ವಹಿವಾಟು ಮಾಡಬಹುದಾದ ದೊಡ್ಡ ಅನುಕೂಲಗಳನ್ನು ಸಾಬೀತುಪಡಿಸಿವೆ. ಭಾರತವು ತನ್ನ ವೈಯಕ್ತಿಕ ರೀತಿಯಲ್ಲಿ ಕಠಿಣ ಮತ್ತು ನವೀನ ಸುಧಾರಣೆಗಳನ್ನು ಜಾರಿಗೊಳಿಸುವ ಅಗತ್ಯವನ್ನು ಪ್ರದರ್ಶಿಸಿದೆ.


ಡೇಟಾ ಸಂರಕ್ಷಣೆ ಮಸೂದೆ ಹೆಚ್ಚು ಪ್ರಾಯೋಗಿಕ ವಿಧಾನವಾಗಿದೆ ಹೇಗೆ?


ಈ ಕಾರಣದಿಂದಾಗಿ, ಸಮಿತಿಯ ಪ್ರಸ್ತುತ ರೂಪವು ಪ್ರಾಥಮಿಕವಾಗಿ ಯುರೋಪಿನ ಜಾಗತಿಕ ಡೇಟಾ ಸಂರಕ್ಷಣಾ ನಿಯಂತ್ರಣವನ್ನು (GDPR) ಆಧರಿಸಿದೆ. ಹಿಂದಿನ ನೀತಿ ಕಾನೂನುಗಳ ಕರಡುಗಳನ್ನು ಭಾರತೀಯ ವ್ಯಾಪಾರ ಕ್ಷೇತ್ರವು ಅತ್ಯಾಧುನಿಕ ಎಂದು ಪರಿಗಣಿಸಿತ್ತು.


24-ಪುಟಗಳ ಕರಡು ಪ್ರತಿಯಲ್ಲಿ ಡಿಜಿಟಲ್ ವೈಯಕ್ತಿಕ ಡೇಟಾ ಸಂರಕ್ಷಣೆ ಮಸೂದೆ 2022, ಸುಲಭವಾಗಿದ್ದು ವ್ಯಾಪಾರ ಸ್ನೇಹಿ ಚೌಕಟ್ಟನ್ನು ಪ್ರತಿನಿಧಿಸುತ್ತದೆ ಹಾಗೂ ಡೇಟಾ ಸುರಕ್ಷತಾ ಕಾನೂನುಗಳನ್ನು ತ್ವರಿತವಾಗಿ ಜಾರಿಗೆ ತರಲು ಹೆಚ್ಚುವರಿ ಪ್ರಾಯೋಗಿಕ ವಿಧಾನವಾಗಿದೆ ಎಂಬುದನ್ನು ತೋರಿಸಿದೆ.


ಈ ಕಾನೂನುಗಳು ಜಾರಿಗೆ ಬಂದರೆ ಕಂಪನಿಗಳು ಕುಂದುಕೊರತೆ ನಿವಾರಣೆ ಕಾರ್ಯವಿಧಾನವನ್ನು ಸ್ಥಾಪಿಸಬೇಕಾಗುತ್ತದೆ. ಇದನ್ನು ನಡೆಸಲು ವಿಫಲವಾದರೆ ಡೇಟಾ ಸಂರಕ್ಷಣಾ ಮಂಡಳಿಗೆ ದೂರು ನೀಡಲಾಗುತ್ತದೆ ಎಂಬುದಾಗಿ ಮೂಲಗಳು ತಿಳಿಸಿವೆ.


ನೀತಿಯನ್ನು ಪ್ರಕ್ರಿಯೆಗೊಳಿಸುವುದು ಹೇಗೆ?


ದೊಡ್ಡ ಪ್ರಮಾಣದಲ್ಲಿ ಡೇಟಾವನ್ನು ಪ್ರಕ್ರಿಯೆಗೊಳಿಸುವಾಗ ಡೇಟಾ ಸಂರಕ್ಷಣಾ ಅಧಿಕಾರಿಗಳನ್ನು ನೇಮಿಸಬೇಕು, ನೀತಿ ನಿಯಮಗಳನ್ನು ಇನ್ನಷ್ಟು ಬಲಪಡಿಸಬೇಕು ಹಾಗೂ ಲೆಕ್ಕಪರಿಶೋಧನೆಗಾಗಿ ತಂಡಗಳನ್ನು ಸಿದ್ಧಪಡಿಸಬೇಕು. ಐಟಿ ಮಧ್ಯವರ್ತಿಗಳನ್ನು ನಿಯಂತ್ರಿಸುವ ಮಹತ್ವದ ವ್ಯಾಪಾರಗಳು ಹೆಚ್ಚು ಮಹತ್ವದ್ದಾಗಿದ್ದು ಸ್ಟಾರ್ಟಪ್‌ಗಳು ಹಾಗೂ ಸಣ್ಣ ಉದ್ಯಮಗಳ ಡೇಟಾ ರಕ್ಷಣೆ ನೀತಿಯಲ್ಲಿ ಕೊಂಚ ಸಡಿಲಿಕೆಯನ್ನು ನಿರೀಕ್ಷಿಸಬಹುದಾಗಿದೆ.


ಇದನ್ನೂ ಓದಿ: Explained: ಚೀನಾದಲ್ಲಿ ಲಾಕ್​ಡೌನ್, ಕ್ಸಿ ಜಿನ್‌ಪಿಂಗ್ ವಿರುದ್ಧ ಖಾಲಿ ಶ್ವೇತಪತ್ರ ಹಿಡಿದು ಆಕ್ರೋಶ!


ಕೆಲವೊಂದು ವ್ಯವಹಾರಗಳಿಗೆ ಡೇಟಾ ಸಂರಕ್ಷಣೆ ನೀತಿಯಲ್ಲಿ ಸಡಿಲಿಕೆಯನ್ನು ನೀಡಲು ಸರಕಾರಕ್ಕೆ ಮಸೂದೆಯು ಅಂಗೀಕಾರವನ್ನು ನೀಡಿದೆ. ಈ ಅಂಗೀಕಾರಕ್ಕೆ ಇತ್ತೀಚಿನ ಸೈಬರ್ ಸುರಕ್ಷತೆ ನಿರ್ದೇಶನಗಳನ್ನು ಬಳಸಿಕೊಳ್ಳಲಾಗಿದೆ. ಮಸೂದೆಯ ನಿರ್ಬಂಧಗಳನ್ನು ಉಲ್ಲಂಘಿಸುವ ವ್ಯವಹಾರಗಳತ್ತ ಸ್ಪಷ್ಟ ನೋಟ ಹರಿಸಬೇಕು. ಮಸೂದೆಯಲ್ಲಿ ಕ್ರಿಮಿನಲ್ ದಂಡಗಳು ಇಲ್ಲದೇ ಇದ್ದರೂ ಮಸೂದೆಗಳ ನಿಯಮಗಳನ್ನು ಉಲ್ಲಂಘಿಸಿದರೆ ರೂ 250 ಕೋಟಿಯಿಂದ ರೂ 500 ಕೋಟಿಯವರೆಗಿನ ದಂಡವನ್ನು ಪಾವತಿಸಬೇಕಾಗುತ್ತದೆ.


ಮಸೂದೆಯನ್ನು ಸಾರ್ವಜನಿಕಗೊಳಿಸಲು ಯಾವ ಅಂಶಗಳು ಮುಖ್ಯವಾಗಿದೆ?


ಮಸೂದೆಯನ್ನು ಇನ್ನೂ ಸಾರ್ವಜನಿಕಗೊಳಿಸಲು ಕೆಲವೊಂದು ಪ್ರಮುಖ ಅಂಶಗಳ ಸ್ಪಷ್ಟತೆಯನ್ನು ಪಡೆಯುವ ಅಗತ್ಯವಿದೆ. ಡೇಟಾ ಸಂಗ್ರಹ ಹಾಗೂ ಪ್ರಕ್ರಿಯೆಗೆ ಬಳಕೆದಾರರ ವಿವರವಾದ ಒಪ್ಪಿಗೆಯ ಅನಿವಾರ್ಯತೆ ಇರುತ್ತದೆ. ಬಳಕೆದಾರರ ಆಯ್ಕೆಯ ಮೂಲಕ 22 ವಿವಿಧ ಭಾಷೆಗಳಲ್ಲಿ ಒಂದರಲ್ಲಿ ಸಮ್ಮತಿ ಮತ್ತು ಸೂಚನೆಗಳನ್ನು ಪಡೆಯಬೇಕು ಮತ್ತು ಮಾಹಿತಿ ಒದಗಿಸಬೇಕು.


ಇದಲ್ಲದೆ, ಸರ್ಚ್ ಇಂಜಿನ್‌ಗಳು, ಕ್ರೆಡಿಟ್-ರೇಟಿಂಗ್ ಅಥವಾ ವಂಚನೆ-ತಡೆಗಟ್ಟುವಿಕೆ ಸೇವೆಗಳಂತಹ ಕೆಲವು ವ್ಯವಹಾರಗಳು ಅಥವಾ ಸಾರ್ವಜನಿಕ ಮಾಹಿತಿಯನ್ನು ಪ್ರಕ್ರಿಯೆಗೊಳಿಸುವಂತಹವುಗಳು ಡೇಟಾ ಸಂರಕ್ಷಣೆ ಮಸೂದೆ/ನೀತಿಯಡಿಯಲ್ಲಿ ಕಾರ್ಯನಿರ್ವಹಿಸುವ ಸಾಮರ್ಥ್ಯಗಳನ್ನು ಹೊಂದಬಹುದು.

Published by:Divya D
First published: