• Home
  • »
  • News
  • »
  • national-international
  • »
  • Smuggling: ಗುಟ್ಕಾ ಪ್ಯಾಕೆಟ್​ನಲ್ಲಿ 32 ಲಕ್ಷ ಮೌಲ್ಯದ ಡಾಲರ್ ಸಾಗಿಸುತ್ತಿದ್ದ ಆಸಾಮಿ ಬಂಧನ

Smuggling: ಗುಟ್ಕಾ ಪ್ಯಾಕೆಟ್​ನಲ್ಲಿ 32 ಲಕ್ಷ ಮೌಲ್ಯದ ಡಾಲರ್ ಸಾಗಿಸುತ್ತಿದ್ದ ಆಸಾಮಿ ಬಂಧನ

ಗುಟ್ಕಾ ಪ್ಯಾಕೆಟ್​ನಲ್ಲಿ 32 ಲಕ್ಷ ರೂ. ಮೌಲ್ಯದ ಡಾಲರ್

ಗುಟ್ಕಾ ಪ್ಯಾಕೆಟ್​ನಲ್ಲಿ 32 ಲಕ್ಷ ರೂ. ಮೌಲ್ಯದ ಡಾಲರ್

ವಿಮಾನದಲ್ಲಿ ಪ್ರಯಾಣಿಸುವಾಗ ಚಿನ್ನವನ್ನು, ಕಪ್ಪು ಹಣವನ್ನು ಸ್ಮಗ್ಲಿಂಗ್ ಮಾಡಿ ಸಿಕ್ಕಿಬಿದ್ದಿರುವ ಹಲವಾರು ಪ್ರಕರಣಗಳನ್ನು ನಾವು ಕೇಳಿದ್ದೇವೆ. ಆದರೆ ಸೂಟ್ಕೇಸ್​, ಬ್ಯಾಗ್, ಶೂ ಅಥವಾ ಇನ್ಯಾವುದೋ ವಸ್ತುಗಳಲ್ಲಿ ಸೇರಿಸಿ ಕಸ್ಟಮ್​ ಅಧಿಕಾರಿಗಳ ಕಣ್ತಪ್ಪಿಸಲು ಹೋಗಿ ಸಿಕ್ಕಿಬಿದ್ದಿರುವ ಪ್ರಕರಣಗಳು ಸಾಕಷ್ಟು ಸಿಗುತ್ತವೆ. ಆದರೆ ಗುಟ್ಕಾ ಪ್ಯಾಕೇಟ್​ ಒಳಗೆ ಲಕ್ಷಾಂತರ ರೂ ಸೇರಿಸಿ ವಿದೇಶದಕ್ಕೆ ಪ್ರಯಾಣಿಸಲು ಯತ್ನಿಸಿದ ಕೋಲ್ಕತ್ತಾದ ಆಸಾಮಿಯೊಬ್ಬ ಕೋಲ್ಕತ್ತಾ ಕಸ್ಟಮ್ಸ್​ ಅಧಿಕಾರಿಗಳ ಕೈಗೆ ಸಿಕ್ಕಿಬಿದ್ದಿದ್ದಾರೆ.

ಮುಂದೆ ಓದಿ ...
  • Share this:

ಕೋಲ್ಕತ್ತಾ: ಕೋಲ್ಕಾತ್ತಾದಿಂದ ಬ್ಯಾಂಕಾಕ್​ಗೆ ಪ್ರಾಯಾಣಿಸುತ್ತಿದ್ದ ಪ್ರಯಾಣಿಕನೊಬ್ಬ 32,000 ರೂ ಮೌಲ್ಯದ ಯುಎಸ್​ ಡಾಲರ್​ಗಳನ್ನು ನೂರಾರು ಸೀಲ್ ಮಾಡಿದ ಗುಟ್ಕಾ ಪ್ಯಾಕೇಟ್​ಗಳಲ್ಲಿ ಕೊಂಡೊಯ್ಯಲು ಪ್ರಯತ್ನಿಸಿ ಸಿಕ್ಕಿಬಿದ್ದಿದ್ದಾನೆ. ವಾಯು ಗುಪ್ತಚರ ಘಟಕ(Air Intelligence Unit) ಇಮಿಗ್ರೇಸನ್​ ವೇಳೆ ಸ್ಮಗ್ಲರ್​ನನ್ನು ತಡೆದು, ಕೋಲ್ಕತ್ತಾ ಕಸ್ಟಮ್ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ.


ಇದನ್ನೂ ಓದಿ; Coal Smuggling: ಪಶ್ಚಿಮ ಬಂಗಾಳದ 8 ಐಪಿಎಸ್ ಅಧಿಕಾರಿಗಳಿಗೆ ಇಡಿ ಸಮನ್ಸ್, ದೆಹಲಿಗೆ ಬುಲಾವ್!


ತಪಾಸಣೆ ವೇಳೆ ಅಧಿಕಾರಿಗಳು ಪಾನ್​ ಮಸಾಲ ಪ್ಯಾಕೇಟ್​ ಒಳಗೆ ಮಡಿಚಿಟ್ಟಿದ್ದ 40,000 ಯುಎಸ್​ ಡಾಲರ್​ (32,78,000 ಲಕ್ಷ ರೂ) ಮೊತ್ತವನ್ನು ವಶಪಡಿಸಿಕೊಂಡಿದ್ದಾರೆ. ಪ್ರತಿಯೊಂದು ಪ್ಯಾಕೇಟ್​ನಲ್ಲೂ 10 ಡಾಲರ್​ ಮೌಲ್ಯದ ಎರಡು ನೋಟುಗಳನ್ನು ಇಡಲಾಗಿತ್ತು. ಈ ಪ್ಯಾಕೇಟ್​ಗಳನ್ನು ಆ ಪ್ರಯಾಣಿಕ ತನ್ನ ದೊಡ್ಡದಾದ ಬ್ಯಾಗ್​ವೊಂದರ ಅಂಚಿನಲ್ಲಿ ಇಟ್ಟಿದ್ದ ಎಂದು ತಿಳಿದುಬಂದಿದೆ.


ಪಾನ್​ ಮಸಾಲದ ಪೌಡರ್ ಪತ್ತೆ


ಎಎನ್​ಐ ವಿಡಿಯೋವೊಂದನ್ನು ಶೇರ್ ಮಾಡಿಕೊಂಡಿದ್ದು, ಅದರಲ್ಲಿ ಅಧಿಕಾರಿ ಪಾನ್​ ಮಸಾಲ(Pan Masala) ಎಂದು ಬರೆದಿರುವ ದೊಡ್ಡ ಪ್ಯಾಕೆಟ್​ಗಳನ್ನು ಹರಿದು ಡಾಲರ್​ಗಳನ್ನು ಹೊರ ತೆಗೆಯುತ್ತಿರುವುದನ್ನು ಕಾಣಬಹುದಾಗಿದೆ. ಆ ಪ್ಯಾಕೆಟ್​ಗಳಲ್ಲಿ ಕೆಲವು ಸಣ್ಣ ಪ್ಯಾಕೆಟ್​ಗಳಿದ್ದು ಅದರಲ್ಲಿ ಸ್ವಲ್ಪ ಪಾನ್​ ಮಸಾಲದ ಪೌಡರ್​ ಕೂಡ ಕಂಡುಬಂದಿದೆ. ಸ್ಮಗ್ಲರ್​ 10 ಡಾಲರ್​ಗಳ 2 ನೋಟುಗಳನ್ನು ಪಾಲಿಥಿನ್ ಕವರ್​ನಲ್ಲಿ ಮಡಚಿ, ಅವುಗಳನ್ನು ಗುಟ್ಕಾ ಪ್ಯಾಕೆಟ್​ನೊಳಗೆ ಸೇರಿಸಿ ಸೀಲ್ ಮಾಡಿ ಸ್ಮಗ್ಲಿಂಗ್ ಮಾಡಲಾಗುತ್ತಿತ್ತು ಎಂದು ತಿಳಿದುಬಂದಿದೆ.


ಬೆಂಗಳೂರಿನಲ್ಲಿ ಅರ್ಧ ಕೆಜಿ ಚಿನ್ನ ವಶ


ಇದಕ್ಕೂ ಮುನ್ನ ಬೆಂಗಳೂರಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಮಾಲ್ಡೀವ್ಸ್​ನಿಂದ ಬಂದಿದ್ದ ಪ್ರಯಾಣಿಕನೊಬ್ಬ ಗುದನಾಳದಲ್ಲಿ ಅರ್ಧ ಕೆಜಿಗೂ ಹೆಚ್ಚು ಚಿನ್ನದ ಪೇಸ್ಟ್​ಅನ್ನು ಬಚ್ಚಿಟ್ಟುಕೊಂಡು ಬಂದು ಕಸ್ಟಮ್​ ಅಧಿಕಾರಿಗಳಿಗೆ ಸಿಕ್ಕಿಬಿದ್ದಿದ್ದ. ಆ ಪ್ರಯಾಣಿಕ ಡಿಸೆಂಬರ್ 30ರಂದು ಗೋ ಫಸ್ಟ್​ ಫ್ಲೈಟ್​ನಲ್ಲಿ ಬಂದಿಳಿದಿದ್ದ.


Principal arrested for harassing girl students in Hassan
ಸಾಂಕೇತಿಕ ಚಿತ್ರ


ಪ್ರಯಾಣಿಕನು ಡಿಸೆಂಬರ್ 30,2022 ರಂದು ಗೋ ಫಸ್ಟ್ ಫ್ಲೈಟ್‌ನಲ್ಲಿ ಬಂದಿಳಿದನು, ಅವನ ಪ್ರಯಾಣದ ಮಾದರಿ ಮತ್ತು ವಿಚಿತ್ರವಾದ ನಡಿಗೆಯು ಕಸ್ಟಮ್ಸ್ ಅಧಿಕಾರಿಗಳಿಗೆ ಅನುಮಾನವನ್ನುಂಟುಮಾಡಿತು. ಆತನನ್ನು ತಡೆದು ಸ್ಕ್ಯಾನ್‌ಗೆ ಒಳಪಡಿಸಿದಾಗ, ಆತನ ದೇಹದಲ್ಲಿ ಬಚ್ಚಿಟ್ಟ ಚಿನ್ನವನ್ನು ಅಧಿಕಾರಿಗಳು ಪತ್ತೆ ಮಾಡಿದ್ದರು.


28.72 ಲಕ್ಷ ಮೌಲ್ಯದ ಚಿನ್ನ


ಅಧಿಕಾರಿಗಳು ಪ್ರಯಾಣಿಕನನ್ನು ಪರಿಶೀಲನಗೆ ಒಳಪಡಿಸಿದ ನಂತರ ಆತನ ಗುದನಾಳದಲ್ಲಿ ಮೂರು ಕ್ಯೂಬ್ ಚಿನ್ನದ ಪೇಸ್ಟ್ ಸಿಕ್ಕಿದ್ದು, ಚಿನ್ನದ ಪೇಸ್ಟ್‌ನಿಂದ 532.21 ಗ್ರಾಂ ತೂಕದ ಚಿನ್ನದ ಬಾರ್ ಅನ್ನು ಹೊರತೆಗೆದಿದ್ದಾರೆ. ಕಸ್ಟಮ್ ಅಧಿಕಾರಿಗಳ ಪ್ರಕಾರ ಅದು 28.72 ಲಕ್ಷ ರೂ ಮೌಲ್ಯದ್ದಾಗಿದೆ. ಇನ್ನು ಕೇವಲ ಡಿಸೆಂಬರ್ ತಿಂಗಳಲ್ಲೇ ಬೆಂಗಳೂರು ಮತ್ತು ಮಂಗಳೂರು ವಿಮಾನ ನಿಲ್ದಾಣಗಳಲ್ಲಿ ಕಸ್ಟಮ್ಸ್ ಅಧಿಕಾರಿಗಳು ಒಟ್ಟು ಆರು ಪ್ರಕರಣಗಳಲ್ಲಿ ನಾಲ್ಕು ಕಿಲೋಗ್ರಾಂಗಳಷ್ಟು ಚಿನ್ನವನ್ನು ವಶಪಡಿಸಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.

Published by:Rajesha B
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು