ಅಮೆರಿಕದ ಟೈಮ್ಸ್ ಸ್ಕ್ವೇರ್​ನಲ್ಲಿ ರಾಮಮಂದಿರದ ಬೃಹತ್ ಬಿಲ್​ಬೋರ್ಡ್ ಪ್ರದರ್ಶನ

ನ್ಯೂ ಯಾರ್ಕ್(ಆ. 05): ಅಯೋಧ್ಯೆಯಲ್ಲಿ ಇವತ್ತು ನಡೆದ ರಾಮಜನ್ಮಭೂಮಿ ಶಿಲಾನ್ಯಾಸದ ಭೂಮಿಪೂಜೆ ಕಾರ್ಯಕ್ರಮದ ಸದ್ದು ದೂರದ ಅಮೆರಿಕದಲ್ಲಿ ಪ್ರತಿಧ್ವನಿಸಿದೆ. ನ್ಯೂ ಯಾರ್ಕ್ ನಗರಿಯ ಪ್ರತಿಷ್ಠಿತ ಟೈಮ್ಸ್ ಸ್ಕ್ವಯರ್​ನ ಬಿಲ್​ಬೋರ್ಡ್​ನಲ್ಲಿ ಬೃಹತ್ ರಾಮಮಂದಿರ ಚಿತ್ರದ ಪ್ರದರ್ಶನವಾಗಿದೆ. ಈ ಸ್ಥಳದಲ್ಲಿ ಪ್ರದರ್ಶನವಾಗಿರುವ ಹಿಂದೂ ದೇವರ ಅತಿದೊಡ್ಡ ಡಿಜಿಟಲ್ ಬಿಲ್​ಬೋರ್ಡ್ ಇದಾಗಿದೆ. ರಾಮಮಂದಿರದ ಭೂಮಿಪೂಜೆಗೆ ಬೆಂಬಲವಾಗಿ ನಿಂತಿರುವ ಈ ದೈತ್ಯ ಬಿಲ್​ಬೋರ್ಡ್ ಬೆಳಗ್ಗೆ 10 ಗಂಟೆಯಿಂದ ರಾತ್ರಿ 10 ಗಂಟೆಯವರೆಗೆ ಪ್ರದರ್ಶನಗೊಂಡಿದೆ.

ಟೈಮ್ಸ್ ಸ್ಕ್ವೇರ್​ನಲ್ಲಿ ರಾಮಮಂದಿರದ ಬಿಲ್​ಬೋರ್ಡ್ ಪ್ರದರ್ಶನದ ವಿಚಾರದಲ್ಲಿ ಎಡ ಮತ್ತು ಬಲಪಂಥೀಯರ ಮಧ್ಯೆ ತೀವ್ರ ವಾಗ್ಯುದ್ಧವೇ ನಡೆದಿತ್ತು. ಫ್ಯಾಸಿಸ್ಟ್​ಗಳಿಗೆ ಮನ್ನಣೆ ಕೊಡುವುದು ಅಮೆರಿಕಕ್ಕೆ ಶೋಭೆ ತರುವುದಿಲ್ಲ ಎಂಬಂಥ ವಾದಗಳು ಕೇಳಿಬಂದಿದ್ದವು. ಟೈಮ್ಸ್ ಸ್ಕ್ವೇರ್​ನಲ್ಲಿ ಶ್ರೀರಾಮನ ಬಿಲ್​ಬೋರ್ಡ್ ಪ್ರದರ್ಶನದ ನಿರ್ಧಾರವನ್ನು ಕೈಬಿಡಲಾಗಿದೆ ಎಂಬ ಸುದ್ದಿಯೂ ಹರಿದಾಡಿತ್ತು. ಇಂದು ಮಧ್ಯಾಹ್ನ ಕೂಡ ಶ್ರೀರಾಮನ ಬಿಲ್​ಬೋರ್ಡ್ ಇರುವ ಫೋಟೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡಿತ್ತು. ಆದರೆ, ಅದು ನಕಲಿ ಎಂಬುದು ಸಾಬೀತಾಗಿತ್ತು. ಈಗ ಅಲ್ಲಿ ನಿಜವಾಗಿಯೂ ರಾಮಮಂದಿರದ ಬಿಲ್​ಬೋರ್ಡ್ ಪ್ರದರ್ಶನಗೊಂಡಿದೆ.

#WATCH USA: A digital billboard of #RamMandir comes up in New York’s Times Square.

Prime Minister Narendra Modi performed 'Bhoomi Pujan' of #RamMandir in Ayodhya, Uttar Pradesh earlier today. pic.twitter.com/Gq4Gi2kfvR

— ANI (@ANI) August 5, 2020

ಈಗ ಸೋಷಿಯಲ್ ಮೀಡಿಯಾದಲ್ಲಿ ಈ ಬಿಲ್​ಬೋರ್ಡ್ ಟ್ರೆಂಡಿಂಗ್ ಆಗಿದೆ.