ದೆಹಲಿ ಚುನಾವಣೆಯಲ್ಲಿ ಗೆದ್ದ ಆಪ್​ ಪಕ್ಷದ 8 ಮಹಿಳಾ ಅಭ್ಯರ್ಥಿಗಳು

ನವದೆಹಲಿ(ಫೆ.21): ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಆಮ್​ ಆದ್ಮಿ ಪಕ್ಷ ಭರ್ಜರಿ ಜಯಗಳಿಸಿದೆ. 70 ಕ್ಷೇತ್ರಗಳ ಪೈಕಿ 62 ಸ್ಥಾನಗಳಲ್ಲಿ ಆಪ್​ ಗೆಲುವಿನ ನಗೆ ಬೀರಿದೆ. ಆ ಮೂಲಕ ಸಿಎಂ ಅರವಿಂದ್ ಕೇಜ್ರಿವಾಲ್​ ಸತತ ಮೂರನೇ ಬಾರಿಗೆ ದೆಹಲಿ ಗದ್ದುಗೆ ಏರಿದ್ದಾರೆ.

ಎಎಪಿ, ಬಿಜೆಪಿ ಮತ್ತು ಕಾಂಗ್ರೆಸ್​ ಪಕ್ಷಗಳಿಂದ 24 ಮಹಿಳಾ ಅಭ್ಯರ್ಥಿಗಳು ಈ ಬಾರಿಯ ದೆಹಲಿ ವಿಧಾನಸಭಾ ಚುನಾವಣೆಗೆ ಸ್ಪರ್ಧಿಸಿದ್ದರು. ಆಮ್​ ಆದ್ಮಿ ಪಕ್ಷದಿಂದ 9 ಮಹಿಳಾ ಅಭ್ಯರ್ಥಿಗಳಿಗೆ ಟಿಕೆಟ್​ ನೀಡಲಾಗಿತ್ತು. ಈ 9 ಅಭ್ಯರ್ಥಿಗಳ ಪೈಕಿ 8 ಮಹಿಳಾ ಅಭ್ಯರ್ಥಿಗಳು ತಾವು ಸ್ಪರ್ಧಿಸಿದ್ದ ಕ್ಷೇತ್ರಗಳಲ್ಲಿ ಭರ್ಜರಿ ಜಯ ಸಾಧಿಸಿದ್ದಾರೆ. ಒಟ್ಟು 79 ಅಭ್ಯರ್ಥಿಗಳು ಚುನಾವಣೆಗೆ ನಿಂತಿದ್ದರು.

ಎಎಪಿಯಿಂದ ಸ್ಪರ್ಧಿಸಿ ಗೆದ್ದ ಮಹಿಳಾ ಅಭ್ಯರ್ಥಿಗಳು ಇವರೇ ಆಗಿದ್ದಾರೆ.

• ಅತಿಶಿ


• ರಾಖಿ ಬಿರ್ಲಾ


• ಭವ್ನಾ ಗೌರ್


• ಪರ್ಮಿಳಾ ಟೋಕಸ್


•  ಧನ್ವತಿ ಚಾಂದೆಲಾ


• ಬಂದನಾ ಕುಮಾರಿ


• ಪ್ರೀತಿ ಟೋಮರ್​


• ರಾಜ್​ ಕುಮಾರಿ ಧಿಲೋನ್

ಕಲ್ಕಾಜಿ ಕ್ಷೇತ್ರದಿಂದ ಸ್ಪರ್ಧಿಸಿದ್ದ ಆಪ್ ಅಭ್ಯರ್ಥಿ ಅತಿಶಿ ಒಟ್ಟು 11,393 ಮತಗಳಿಂದ ಗೆಲ್ಲುವ ಮೂಲಕ ಕಾಂಗ್ರೆಸ್​​ ಅಭ್ಯರ್ಥಿ ಶಿವಾನಿ ಚೋಪ್ರಾ ಮತ್ತು ಬಿಜೆಪಿ ಪಕ್ಷದ ಧರ್ಮಂಬಿರ್ ಸಿಂಗ್ ಅವರನ್ನು ಸೋಲಿಸಿದ್ದಾರೆ.

ಕೊರೊನಾ ವೈರಸ್: ಚಿಂತೆಗೊಂಡ ಭಾರತದ ಸ್ಮಾರ್ಟ್​ಫೋನ್ ಉದ್ಯಮ; ಅತಂತ್ರಗೊಂಡ ಹಡಗುಗಳು

ಆಪ್​ ಅಭ್ಯರ್ಥಿ ಪ್ರಮಿಳಾ ಟೋಕಾಸ್​ ಆರ್​ಕೆ ಪುರಂ ಕ್ಷೇತ್ರದಿಂದ ಸ್ಪರ್ಧಿಸಿ 10 ಸಾವಿರ ಮತಗಳಿಂದ ಗೆದ್ದು, ಬಿಜೆಪಿ ಅಭ್ಯರ್ಥಿ ಅನಿಲ್​ ಕುಮಾರ್​ ಶರ್ಮಾ ಅವರನ್ನು ಪರಾಜಿತಗೊಳಿಸಿದ್ದಾರೆ.

ಮಂಗೋಲಿ ಪುರಿ ಕ್ಷೇತ್ರದಲ್ಲಿ ಎಎಪಿ ಅಭ್ಯರ್ಥಿ ರಾಖಿ ಬಿರ್ಲಾ ಬಿಜೆಪಿಯ ಕರಂ ಸಿಂಗ್​ ಶರ್ಮಾ ವಿರುದ್ದ ಸೆಣಸಾಡಿ, 30,116 ಮತಗಳಿಂದ ಗೆಲುವು ಸಾಧಿಸಿದ್ದಾರೆ.

ಆಪ್​ ಅಭ್ಯರ್ಥಿ ಭವ್ನಾ ಗೌರ್​​ ಪಲಾಂ ಕ್ಷೇತ್ರದಿಂದ ಸ್ಪರ್ಧಿಸಿ ಬಿಜೆಪಿಯ ವಿಜಯ್​ ಪಂಡಿತ್​ ವಿರುದ್ಧ 32,765 ಮತಗಳನ್ನು ಪಡೆದು ಗೆಲುವಿನ ನಗೆ ಬೀರಿದ್ದಾರೆ.

ರಾಜೌರಿ ಗಾರ್ಡೆನ್​ ಕ್ಷೇತ್ರದಿಂದ ಸ್ಪರ್ಧಿಸಿದ ಆಪ್​ ಮಹಿಳಾ ಅಭ್ಯರ್ಥಿ ಧನ್ವತಿ ಚಾಂದೇಲಾ 22,972 ಮತಗಳನ್ನು ಪಡೆದು ಗೆಲ್ಲುವ ಮೂಲಕ, ಬಿಜೆಪಿಯ ರಮೇಶ್​ ಖನ್ನಾ ಅವರನ್ನು ಸೋಲಿಸಿದ್ದಾರೆ.

ಬೆಂಟ್ಲಿ ಕಾರು ಅಪಘಾತ ಪ್ರಕರಣ: ನಲಪಾಡ್​ ಪುಂಡಾಟ​ ಬಯಲಾಗಿದ್ದು ಹೇಗೆ ಗೊತ್ತಾ?; ಇಲ್ಲಿದೆ ರೋಚಕ ಕತೆ

ಶಾಲಿಮಾರ್​ ಬಾಗ್​ ಕ್ಷೇತ್ರದಲ್ಲಿ ಆಮ್​ ಆದ್ಮಿಯ ಬಂದನಾ ಕುಮಾರಿ 3000 ಮತಗಳಲ್ಲಿ ಬಿಜೆಪಿ ಅಭ್ಯರ್ಥಿ ರೇಖಾ ಗುಪ್ತಾ ವಿರುದ್ಧ ಗೆದ್ದಿದ್ದಾರೆ.

ತ್ರಿನಗರದಲ್ಲಿ ಎಎಪಿಯ ಪ್ರೀತಿ ಟೋಮರ್ ಬಿಜೆಪಿಯ ತಿಲಕ್ ರಾಮ್​ ಗುಪ್ತಾ ವಿರುದ್ಧ 10,710 ಮತಗಳನ್ನು ಪಡೆದು ಗೆದ್ದಿದ್ದಾರೆ.

ಹರಿನಗರ ಕ್ಷೇತ್ರದಲ್ಲಿ ಆಪ್ ಅಭ್ಯರ್ಥಿ ರಾಜ್ ಕುಮಾರಿ ಧಿಲೋನ್​ ಬಿಜೆಪಿ ಅಭ್ಯರ್ಥಿ ತಜಿಂದರ್​ ಪಾಲ್​ ಸಿಂಗ್​ ವಿರುದ್ಧ 20 ಸಾವಿರ ಮತ ಪಡೆದು ಗೆಲುವು ಸಾಧಿಸಿದ್ದಾರೆ.