ಫುಟ್​ಬಾಲ್​ ಸ್ಟೇಡಿಯಂನಲ್ಲಿ ಗ್ಯಾಲರಿ ಕುಸಿದು 50 ಮಂದಿಗೆ ಗಾಯ; ಐ.ಎಂ. ವಿಜಯನ್, ಭೈಚುಂಗ್ ಭುಟಿಯಾ ಪಾರು

ಭಾರತದ ಫುಟ್​​ಬಾಲ್​ ದಿಗ್ಗಜರಾದ ಐಎಂ ವಿಜಯನ್​ ಮತ್ತು ಭೈಚುಂಗ್​ ಭುಟಿಯಾ ಸ್ಟೇಡಿಯಂನೊಳಗೆ ಇದ್ದರು. ಅದೃಷ್ಟವಶಾತ್​ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಭೈಚುಂಗ್​ ಭುಟಿಯಾ

ಭೈಚುಂಗ್​ ಭುಟಿಯಾ

  • Share this:
    ಕೇರಳ(ಜ.20): ಫುಟ್​ಬಾಲ್​​ ಪಂದ್ಯ ಶುರುವಾಗುವ ಕೆಲವೇ ನಿಮಿಷಗಳ ಮುಂಚೆ ಸ್ಟೇಡಿಯಂನಲ್ಲಿ ತಾತ್ಕಾಲಿಕ ಗ್ಯಾಲರಿ ಕುಸಿದು ಸುಮಾರು 50 ಮಂದಿ ಗಾಯಗೊಂಡಿರುವ ಘಟನೆ ನಿನ್ನೆ ಕೇರಳದ ಪಲಕ್ಕಾಡ್​​ನಲ್ಲಿ ನಡೆದಿದೆ.

    ಭಾರತದ ಫುಟ್​​ಬಾಲ್​ ದಿಗ್ಗಜರಾದ ಐಎಂ ವಿಜಯನ್​ ಮತ್ತು ಭೈಚುಂಗ್​ ಭುಟಿಯಾ ಸ್ಟೇಡಿಯಂನೊಳಗೆ ಇದ್ದರು. ಅದೃಷ್ಟವಶಾತ್​ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.  ಘಟನೆಯಲ್ಲಿ ಸುಮಾರು 50 ಮಂದಿ ವೀಕ್ಷಕರಿಗೆ ಗಾಯಗಳಾಗಿದ್ದು, ಯಾವುದೇ ಪ್ರಾಣಹಾನಿಯಾಗಿಲ್ಲ ಎಂದು ತಿಳಿದು ಬಂದಿದೆ.

    ಡಿಸೆಂಬರ್ 29ರಂದು ಹೃದಯಾಘಾತದಿಂದ ಮೃತಪಟ್ಟ ಫುಟ್​ಬಾಲ್​ ಆಟಗಾರ ಆರ್​. ಧನಾರ್ಜನ್​​ ಕುಟುಂಬಕ್ಕೆ ಧನಸಹಾಯ ಮಾಡುವ ಉದ್ದೇಶದಿಂದ ಈ ಫುಟ್​ಬಾಲ್​ ಟೂರ್ನಿಯನ್ನು ಆಯೋಜಿಸಲಾಗಿತ್ತು. ಮಲಪ್ಪುರಂ ಜಿಲ್ಲೆಯ ಪೆರಿಂತಲ್ಮನ್ನದಲ್ಲಿ ಆಯೋಜಿಸಲಾಗಿದ್ದ ಆಲ್​​​ ಇಂಡಿಯಾ ಸೆವೆನ್ಸ್​ ಟೂರ್ನಮೆಂಟ್​​ನಲ್ಲಿ ಧನಾರ್ಜನ್​ ಹೃದಯಾಘಾತದಿಂದ ಸಾವನ್ನಪ್ಪಿದ್ದರು.

    ‘ಪರೀಕ್ಷಾ ಪೆ ಚರ್ಚಾ’: ದೆಹಲಿಯಲ್ಲಿಂದು ವಿದ್ಯಾರ್ಥಿಗಳೊಂದಿಗೆ ಪ್ರಧಾನಿ ಮೋದಿ ಸಂವಾದ

    ಪ್ರಾಥಮಿಕ ಮೂಲಗಳ ಪ್ರಕಾರ, ಘಟನೆಯಲ್ಲಿ 50 ಮಂದಿ ಗಾಯಗೊಂಡಿದ್ದಾರೆ. ಅವರನ್ನು ವಿವಿಧ ಆಸ್ಪತ್ರೆಗಳಿಗೆ ರವಾನೆ ಮಾಡಲಾಗಿದೆ. ಯಾರಿಗೂ ಸಹ ಗಂಭೀರ ಗಾಯಗಳಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

    "ಈ ದುರಂತ ಪಂದ್ಯ ಆರಂಭವಾಗುವ ಮುಂಚೆ ನಡೆದಿದೆ. ಅದೃಷ್ಟವಶಾತ್​​​ ಯಾವುದೇ ಪ್ರಾಣಾಪಾಯ ಆಗಿಲ್ಲ. ಸ್ಥಳಕ್ಕೆ ಪೊಲೀಸರು ಹಾಗೂ ಅಗ್ನಿಶಾಮಕ ಸಿಬ್ಬಂದಿ ಧಾವಿಸಿ ರಕ್ಷಣಾ ಕಾರ್ಯಾಚರಣೆ ನಡೆಸಿದರು," ಎಂದು ಪಲಕ್ಕಾಡ್​​​​ ಸಂಸದ ವಿಕೆ ಶ್ರೀಕಂದನ್​ ತಿಳಿಸಿದ್ದಾರೆ.
    First published: