ಏಳು ಮೊಮ್ಮಕ್ಕಳ ಅಜ್ಜಿ ಜೊತೆ ಅಕ್ರಮ ಸಂಬಂಧ; 22 ವರ್ಷದ ಯುವಕನ ಮೇಲೆ ಕೇಸ್

ಆಗ್ರಾ(ಮೇ 14): ಏಳು ಮೊಮ್ಮಕ್ಕಳ ವೃದ್ದೆ ಜೊತೆ ಅಕ್ರಮ ಸಂಬಂಧ ಹೊಂದಿದ್ದ 22 ವರ್ಷದ ಯುವಕನ ವಿರುದ್ಧ ಕೇಸ್​ ದಾಖಲಾಗಿದೆ. ಶಾಂತಿಯನ್ನು ಕದಡಿದ್ದಾನೆ ಎಂಬ ಆರೋಪದ ಮೇಲೆ ವೃದ್ಧೆ ಮನೆಯವರು ಯುವಕನ ಮೇಲೆ ಕೇಸು ದಾಖಲಿಸಿದ್ದಾರೆ. ಈ ಸಂಬಂಧ ತಾಜ್​​ಮಹಲ್​​​​​ ನಗರದ ಎತ್ಮಾದುದ್ದಲ್ಲಾ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

60 ವರ್ಷದ ವೃದ್ಧೆಯ ಗಂಡ ಮತ್ತು ಆಕೆಯ ಮಗ ಯುವಕನ ವಿರುದ್ಧ ಕೇಸ್​ ದಾಖಲಿಸಲು ಪೊಲೀಸ್​ ಠಾಣೆಗೆ ತೆರಳಿದಾಗ, ಯುವಕನೂ ಸಹ ತನ್ನ ಮನೆಯವರ ಜೊತೆ ಬಂದಿದ್ದ ಎಂದು ತಿಳಿದು ಬಂದಿದೆ. ಈ ವೇಳೆ ವೃದ್ಧೆ ಮತ್ತು ಯುವಕ ಇಬ್ಬರೂ ಮದುವೆಯಾಗುವುದಾಗಿ ಘೋಷಿಸಿದ್ದಾರೆ. ಇದರಿಂದ ಎರಡು ಕುಟುಂಬಗಳ ನಡುವೆ ಪೊಲೀಸ್ ಠಾಣೆಯ ಹೊರಗೆ ಜಗಳ ಶುರುವಾಗಿದೆ.

Coronavirus India Updates: ದೇಶದಲ್ಲಿ ಮುಂದುವರೆದ ಕೊರೋನಾ ಅಬ್ಬರ; ಮೂರೂವರೆ ಲಕ್ಷದಷ್ಟು ಪ್ರಕರಣಗಳು ಪತ್ತೆ

ಇನ್ನು, 60 ವರ್ಷದ ಅಜ್ಜಿಗೆ 7 ಜನ ಮಕ್ಕಳಿದ್ದು, 7 ಜನ ಮೊಮ್ಮಕ್ಕಳೂ ಇದ್ದಾರೆ. ಇವರ ಕುಟುಂಬ ಪ್ರಕಾಶ್​ ನಗರದಲ್ಲಿ ವಾಸಿಸುತ್ತಿದ್ದಾರೆ. ಅಜ್ಜಿ ಮತ್ತು ಯುವಕ ಈ ಎರಡೂ ಕುಟುಂಬಗಳ ಸದಸ್ಯರು ಮಧ್ಯಪ್ರವೇಶಿಸಿ ಸಂಬಂಧವನ್ನು ಮುಂದುವರೆಸದಂತೆ ಮನವೊಲಿಸಿದ್ದಾರೆ. ಆದರೆ ಇಬ್ಬರೂ ಸಹ ಅವರ ಒತ್ತಾಯಕ್ಕೆ ಮಣಿದಿಲ್ಲ.

ಪ್ರೇಮಿಗಳು ಯಾವಾಗ ಮನೆಯವರ ಮಾತು ಕೇಳಲಿಲ್ಲ, ಆಗ ವೃದ್ಧೆಯ ಮನೆಯವರು 22 ವರ್ಷದ ಯುವಕನ ವಿರುದ್ಧ ಶಾಂತಿ ಕದಡಿದ್ದಾನೆ ಎಂದು ಆರೋಪಿಸಿ ಕೇಸು ದಾಖಲಿಸಿದ್ದಾರೆ.