ಅಸ್ಸಾಂನಲ್ಲಿ ಭಾರೀ ಮಳೆಗೆ ಭೂಕುಸಿತ; ನಾಲ್ವರು ಅಪ್ರಾಪ್ತರು ಸೇರಿದಂತೆ 20 ಮಂದಿ ಸಾವು

ಕಳೆದೊಂದು ವಾರದದಿಂದ ಭಾರೀ ಮಳೆ ಸುರಿಯುತ್ತಿದೆ. ಇದರಿಂದ ಇಡೀ ಅಸ್ಸಾಂ ರಾಜ್ಯದ ಧೇಮಾಜಿ, ಲಾಖಿಂಪುರ್, ಡರ್ಯಾಂಗ್, ನಾಲ್ಬಾರಿ, ಗೋಲಾಪಾರಾ, ದಿಬ್ರುಗಢ್ ಮತ್ತು ಟಿನ್ ಸುಕಿಯಾ ಜಿಲ್ಲೆಗಳ ಜನರು ಸಂಕಷ್ಟಗೊಳಗಾಗಿದ್ದಾರೆ.

news18-kannada
Updated:June 2, 2020, 3:24 PM IST
ಅಸ್ಸಾಂನಲ್ಲಿ ಭಾರೀ ಮಳೆಗೆ ಭೂಕುಸಿತ; ನಾಲ್ವರು ಅಪ್ರಾಪ್ತರು ಸೇರಿದಂತೆ 20 ಮಂದಿ ಸಾವು
ಅಸ್ಸಾನಂಲ್ಲಿ ಭಾರೀ ಮಳೆಗೆ 20 ಸಾವು
  • Share this:
ಗುವಾಹಟಿ(ಜೂ.02): ಮಾರಕ ಕೋವಿಡ್​​-19 ಅಟ್ಟಹಾಸದ ನಡುವೆಯೂ ಅಸ್ಸಾಂನಲ್ಲಿ ಧಾರಕಾರ ಮಳೆಯಾಗಿದೆ. ಇದರ ಪರಿಣಾಮ ದಕ್ಷಿಣ ಅಸ್ಸಾಂನ ಬರಾಕ್ ಕಣಿವೆ ಪ್ರದೇಶದ ಮೂರು ಜಿಲ್ಲೆಗಳಲ್ಲಿ ಭಾರೀ ಮಳೆಗೆ ಭೂಕುಸಿತ ಸಂಭವಿಸಿದೆ. ಈ ಭೂಕುಸಿತಕ್ಕೆ ನಾಲ್ವರು ಅಪ್ರಾಪ್ತರು ಸೇರಿದಂತೆ 20 ಮಂದಿ ಸಾವನ್ನಪ್ಪಿದ್ದಾರೆ. ಜತೆಗೆ ಹಲವರಿಗೆ ತೀವ್ರ ಗಾಯಾಗಳಾಗಿವೆ.

ಇನ್ನು, ಭಾರೀ ಮಳೆಗೆ ಅಸ್ಸಾಂನ ಜನಜೀವನ ಅಸ್ತವ್ಯವಸ್ಥಗೊಂಡಿದೆ. ಸುಮಾರು ಮೂರು ಲಕ್ಷಕ್ಕೂ ಹೆಚ್ಚು ಜನರು ತೊಂದರೆಗೊಳಗಾಗಿದ್ದಾರೆ. ಹತ್ತಾರು ಸಾವಿರ ಜನರನ್ನು ನಿರಾಶ್ರಿತ ಶಿಬಿರಗಳಿಗೆ ಸ್ಥಳಾಂತರಿಸಲಾಗಿದೆ. ಈ ವಿಷಯ ತಿಳಿಯುತ್ತಿದ್ದಂತೆಯೇ ಸ್ಥಳಕ್ಕೆ ಧಾವಿಸಿದ ರಕ್ಷಣಾ ಪಡೆಯೂ ಅವಶೇಷಗಳಡಿಯಲ್ಲಿ ಸಿಲುಕಿದವರನ್ನು ಹೊರತೆಗೆಯುವ ಕಾರ್ಯ ಮಾಡುತ್ತಿದೆ.

ಸದ್ಯ 20 ಮಂದಿ ಮೃತರ ಪೈಕಿ ಏಳು ಮಂದಿ ಕ್ಯಾಚರ್ ಜಿಲ್ಲೆಯವರು ಎಂದು ಗುರುತಿಸಲಾಗಿದೆ. ಹಾಗೆಯೇ ಹೈಲಕಂಡಿ ಜಿಲ್ಲೆಯಲ್ಲಿ 7, ಕರಿಮ್‌ಗಂಜ್ ಜಿಲ್ಲೆಯಲ್ಲಿ 7 ಜನ ಅಸುನೀಗಿದ್ಧಾರೆ.

ಇದನ್ನೂ ಓದಿ: ‘ಹಾಸನ, ಮಂಡ್ಯದಲ್ಲಿ ಜೆಡಿಎಸ್​​ ಒಡೆದು ಹೋಗಿದೆ, ಇನ್ಮುಂದೆ ಏನಾಗಲಿದೆ ಎಂದು ನೀವೆ ನೋಡ್ತೀರಿ‘ - ಸಚಿವ ನಾರಾಯಣಗೌಡ

ಕಳೆದೊಂದು ವಾರದದಿಂದ ಭಾರೀ ಮಳೆ ಸುರಿಯುತ್ತಿದೆ. ಇದರಿಂದ ಇಡೀ ಅಸ್ಸಾಂ ರಾಜ್ಯದ ಧೇಮಾಜಿ, ಲಾಖಿಂಪುರ್, ಡರ್ಯಾಂಗ್, ನಾಲ್ಬಾರಿ, ಗೋಲಾಪಾರಾ, ದಿಬ್ರುಗಢ್ ಮತ್ತು ಟಿನ್ ಸುಕಿಯಾ ಜಿಲ್ಲೆಗಳ ಜನರು ಸಂಕಷ್ಟಗೊಳಗಾಗಿದ್ದಾರೆ.


First published: June 2, 2020, 3:21 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading