ಪೊಲೀಸರು ಬರುವ ಸುಳಿವನ್ನು ಗ್ಯಾಂಗ್​ಸ್ಟರ್ ವಿಕಾಸ್ ದುಬೇಗೆ ನೀಡಿದ ಆರೋಪ: ಇಬ್ಬರ ಬಂಧನ

ಶರ್ಮಾ ಮತ್ತು ತಿವಾರಿ ಅವರನ್ನ ಭಾನುವಾರವೇ ಅಮಾನತು ಮಾಡಿ ವಶಕ್ಕೆ ತೆಗೆದುಕೊಳ್ಳಲಾಗಿತ್ತು. ಎರಡು ದಿನ ವಿಚಾರಣೆ ನಡೆಸಿ ಪ್ರಬಲ ಸಾಕ್ಷ್ಯಾಧಾರದ ಮೇಲೆ ಇದೀಗ ಅವರನ್ನ ಬಂಧನಕ್ಕೆ ಒಳಪಡಿಸಲಾಗಿದೆ.

news18
Updated:July 8, 2020, 6:30 PM IST
ಪೊಲೀಸರು ಬರುವ ಸುಳಿವನ್ನು ಗ್ಯಾಂಗ್​ಸ್ಟರ್ ವಿಕಾಸ್ ದುಬೇಗೆ ನೀಡಿದ ಆರೋಪ: ಇಬ್ಬರ ಬಂಧನ
ಉತ್ತರ ಪ್ರದೇಶದ ಪೊಲೀಸರು
  • News18
  • Last Updated: July 8, 2020, 6:30 PM IST
  • Share this:
ಕಾನಪುರ್(ಜುಲೈ 08): ಕಳೆದ ವಾರ ಕಾನಪುರ್​ನ ಗ್ಯಾಂಗ್​ಸ್ಟರ್ ವಿಕಾಸ್ ದುಬೇ ಸಹಚರರು 8 ಮಂದಿ ಪೊಲೀಸರನ್ನು ಗುಂಡಿಟ್ಟು ಬಲಿತೆಗೆದುಕೊಂಡ ಘಟನೆ ಸಂಬಂಧ ಇವತ್ತು ಬುಧವಾರ ಇಬ್ಬರು ವ್ಯಕ್ತಿಗಳನ್ನ ಬಂಧಿಸಲಾಗಿದೆ. ಪೊಲೀಸರು ಮನೆಗೆ ರೇಡ್ ಮಾಡಲು ಬರುವ ಮಾಹಿತಿಯನ್ನ ವಿಕಾಸ್ ದುಬೇಗೆ ನೀಡಿದ ಆರೋಪದ ಮೇಲೆ ಇಬ್ಬರು ಪೊಲೀಸರನ್ನ ಅರೆಸ್ಟ್ ಮಾಡಲಾಗಿದೆ. ಚೌಬೇಪುರ್​ನ ಮಾಜಿ ಠಾಣಾಧಿಕಾರಿ ವಿನಯ್ ತಿವಾರಿ ಹಾಗೂ ಬೀಟ್ ಇನ್-ಚಾರ್ಜ್ ಕೆಕೆ ಶರ್ಮಾ ಅವರು ಬಂಧಿತ ಪೊಲೀಸ್ ಅಧಿಕಾರಿಗಳಾಗಿದ್ದಾರೆ.

ಈ ಇಬ್ಬರು ವ್ಯಕ್ತಿಗಳು ಕಾನ್​ಪುರ್ ಎನ್​ಕೌಂಟರ್ ವೇಳೆ ಇದ್ದರಾದರೂ ನಂತರದಲ್ಲಿ ಅಲ್ಲಿಂದ ನಾಪತ್ತೆಯಾಗಿಬಿಟ್ಟಿದ್ದರು ಎಂದು ಕಾನ್​ಪುರ್​ನ ರೇಂಜ್ ಇನ್ಸ್​ಪೆಕ್ಟರ್ ಜನರಲ್ ಮೋಹಿತ್ ಅಗರ್ವಾಲ್ ತಿಳಿಸಿದ್ಧಾರೆ.

ಈ ಇಬ್ಬರು ಆರೋಪಿಗಳಾದ ಶರ್ಮಾ ಮತ್ತು ತಿವಾರಿ ಅವರನ್ನ ಭಾನುವಾರವೇ ಪೊಲೀಸ್ ಸೇವೆಯಿಂದ ಅಮಾನತು ಮಾಡಿ ವಶಕ್ಕೆ ತೆಗೆದುಕೊಳ್ಳಲಾಗಿತ್ತು. ಎರಡು ದಿನ ವಿಚಾರಣೆ ನಡೆಸಿ ಇದೀಗ ಅವರನ್ನ ಬಂಧನಕ್ಕೆ ಒಳಪಡಿಸಲಾಗಿದೆ ಎಂದು ಕಾನ್​ಪುರ್ ಎಸ್​ಎಸ್​ಪಿ ದಿನೇಶ್ ಪ್ರಭು ಹೇಳಿದ್ದಾರೆ.

ಇದನ್ನೂ ಓದಿ: ಮರಣದಂಡನೆ ಮರುಪರಿಶೀಲನಾ ಅರ್ಜಿ ಸಲ್ಲಿಸಲು ಕುಲಭೂಷಣ್ ಜಾಧವ್ ನಕಾರ; ಹೇಳಿಕೆ ಬಿಡುಗಡೆ ಮಾಡಿದ ಪಾಕಿಸ್ತಾನ

“ವಿನಯ್ ತಿವಾರಿ ಮತ್ತು ಕೆಕೆ ಶರ್ಮಾ ಅವರು ಪೊಲೀಸ್ ರೇಡ್ ವಿಚಾರವನ್ನು ವಿಕಾಸ್ ದುಬೇಗೆ ಮುಂಚಿತವಾಗಿ ನೀಡಿರುವುದಕ್ಕೆ ಸಾಕ್ಷ್ಯಾಧಾರಗಳಿವೆ. ಪೊಲೀಸರು ಬರುವ ಮುನ್ನವೇ ವಿಕಾಸ್ ದುಬೇ ಎಚ್ಚೆತ್ತು ದಾಳಿ ಮಾಡಿದ್ದರಿಂದ 8 ಮಂದಿ ಪೊಲೀಸರು ಬಲಿಯಾಗಬೇಕಾಯಿತು” ಎಂದು ಪೊಲೀಸ್ ಅಧಿಕಾರಿ ದಿನೇಶ್ ಪ್ರಭು ಸ್ಪಷ್ಟಪಡಿಸಿದ್ದಾರೆ.

ಕಳೆದ ವಾರದಂದು ಹಮೀರ್​ಪುರ್​ನಲ್ಲಿ ಗ್ಯಾಂಗ್​ಸ್ಟರ್ ವಿಕಾಸ್ ದುಬೇ ಮನೆಯನ್ನು ರೇಡ್ ಮಾಡಲು ಪೊಲೀಸರ ತಂಡವೊಂದು ಹೋದಾಗ ಅನಿರೀಕ್ಷಿತ ಆಘಾತ ಎದುರುಗೊಂಡಿತ್ತು. ವಿಕಾಸ್ ದುಬೇನ ಸಹಚರರು ಮನೆಯ ಮೇಲಿಂದಲೇ ಪೊಲೀಸರ ಮೇಲೆಯೇ ಗುಂಡಿನ ದಾಳಿ ನಡೆಸಿದ್ದರು. ಇದರಿಂದ 8 ಮಂದಿ ಪೊಲೀಸರು ಬಲಿಯಾಗಿ ಹೋಗಿದ್ದರು. ಇಬ್ಬರು ಗಾಯಗೊಂಡಿದ್ದರು.

ಇದನ್ನೂ ಓದಿ: ಗಡಿಯಿಂದ ಚೀನಾ ಸೇನೆ ಹಿಂತೆಗೆತ ಸ್ವಾಗತಾರ್ಹ ಆದರೆ, ಯಾವ ಪ್ರದೇಶದಿಂದ ಹಿಂದೆ ಸರಿದಿದೆ?; ಪಿ. ಚಿದಂಬರಂ ಪ್ರಶ್ನೆಆ ಘಟನೆ ನಂತರ ವಿಕಾಸ್ ದುಬೇ ಪರಾರಿಯಾಗಿದ್ದಾನೆ. ಇವತ್ತು ಇಬ್ಬರು ಪೊಲೀಸರ ಬಂಧನಕ್ಕೆ ಮುನ್ನ ಉತ್ತರ ಪ್ರದೇಶದ ಎಸ್​ಟಿಎಫ್ ಪಡೆ ಬೆಳ್ಳಂಬೆಳಗ್ಗೆಯೇ ಹಮೀರ್​ಪುರ್​ನಲ್ಲಿ ದುಬೇ ಬಂಟ ಅಮರ್ ದುಬೇನನ್ನು ಕೊಂದುಹಾಕಿದ್ಧಾರೆ. ಕಾನಪುರ್ ಮತ್ತು ಫರೀದಾಬಾದ್​ನಲ್ಲಿ ನಡೆದ ಇತರ ಎರಡು ಪ್ರತ್ಯೇಕ ದಾಳಿಯಲ್ಲಿ ಪೊಲೀಸರು ಆರು ಮಂದಿ ಸಹಚರರನ್ನ ಬಂಧಿಸಿದ್ಧಾರೆ.

ಇವತ್ತಿನ ಒಬ್ಬನ ಸಾವು ಸೇರಿದಂತೆ ಪೊಲೀಸರು ಈವರೆಗೆ ವಿಕಾಸ್ ದುಬೇ ಗ್ಯಾಂಗ್​ನ ಮೂವರು ರೌಡಿಗಳನ್ನ ಕೊಂದಿದ್ದಾರೆ. ಹಲವು ಮಂದಿ ಬಂಧಿತರಾಗಿದ್ಧಾರೆ. ಆದರೆ, ವಿಕಾಸ್ ದುಬೇ ಇನ್ನೂ ಕೈಗೆ ಸಿಕ್ಕಿಲ್ಲ.
Published by: Vijayasarthy SN
First published: July 8, 2020, 6:26 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading