ಶಿರಡಿ ಸಾಯಿಬಾಬಾ ದೇವಾಲಯದ ಆಡಳಿತ ಮಂಡಳಿಗೆ ತಲೆನೋವಾಯಿತು ಭಕ್ತರು ನೀಡುವ ಕಾಣಿಕೆ!

ದೇಶ ಮಾತ್ರವಲ್ಲದೇ, ವಿದೇಶಗಳಿಂದಲೂ ಲಕ್ಷಾಂತರ ಭಕ್ತರು ವರ್ಷವಿಡೀ ಶಿರಡಿ ಸಾಯಿಬಾಬಾ ದೇವಸ್ಥಾನಕ್ಕೆ ಭೇಟಿ ನೀಡುತ್ತಾರೆ. ದೇವಾಲಯಕ್ಕೆ ಬರುವ ಈ ಭಕ್ತರು ಹುಂಡಿಗೆ ಹೆಚ್ಚಾಗಿ ನೋಟುಗಳಿಗಿಂತ ನಾಣ್ಯಗಳನ್ನೇ ಹಾಕುತ್ತಿದ್ದಾರೆ.

Latha CG | news18
Updated:June 18, 2019, 2:49 PM IST
ಶಿರಡಿ ಸಾಯಿಬಾಬಾ ದೇವಾಲಯದ ಆಡಳಿತ ಮಂಡಳಿಗೆ ತಲೆನೋವಾಯಿತು ಭಕ್ತರು ನೀಡುವ ಕಾಣಿಕೆ!
ಶಿರಡಿ ಸಾಯಿಬಾಬಾ
  • News18
  • Last Updated: June 18, 2019, 2:49 PM IST
  • Share this:
ಮುಂಬೈ,(ಜೂ.18): ಮಹಾರಾಷ್ಟ್ರದ ಶಿರಡಿಯಲ್ಲಿರುವ ಸಾಯಿಬಾಬಾ ದೇವಸ್ಥಾನ ದೇಶದ ಅತ್ಯಂತ ಶ್ರೀಮಂತ ದೇವಾಲಯಗಳಲ್ಲಿ ಒಂದಾಗಿದೆ. ದಿನನಿತ್ಯ ಲಕ್ಷಾಂತರ ಭಕ್ತರು ಆಗಮಿಸಿ ಬಾಬಾನ ದರ್ಶನ ಪಡೆಯುತ್ತಾರೆ. ಆದರೆ ಈ ದೇವಾಲಯಕ್ಕೆ ಭಕ್ತರಿಂದ ಬರುತ್ತಿರುವ ಯಥೇಚ್ಛವಾದ ಕಾಣಿಕೆ ಈಗ ಸಮಸ್ಯೆಯಾಗಿ ಪರಿಣಮಿಸಿದೆ. ಯಾಕೆಂದರೆ ಇಲ್ಲಿಗೆ ಬರುವ ಭಕ್ತಾದಿಗಳು ಅತಿ ಹೆಚ್ಚಾಗಿ ನಾಣ್ಯಗಳನ್ನು ಕಾಣಿಕೆಯಾಗಿ ನೀಡುತ್ತಿದ್ದಾರೆ. ಹೀಗಾಗಿ ಆ ನಾಣ್ಯಗಳನ್ನು ಏನು ಮಾಡಬೇಕೆಂದು ದೇವಾಲಯದ ಟ್ರಸ್ಟ್​​ಗೆ​ ತಲೆನೋವಾಗಿದೆ.

ಪ್ರತಿವಾರ ಬರೋಬ್ಬರಿ 14 ಲಕ್ಷ ನಾಣ್ಯಗಳು ದೇವಸ್ಥಾನದ ಹುಂಡಿಗೆ ಕಾಣಿಕೆಯಾಗಿ ಬೀಳುತ್ತಿವೆ. ಈ ಹಣವನ್ನು ಇಡಲು ಜಾಗವಿಲ್ಲದೇ ದೇವಸ್ಥಾನದ ಸಮಿತಿ ಪರಿತಪಿಸಿದೆ. ಬ್ಯಾಂಕ್​ಗಳು ಸಹ ಇಷ್ಟೊಂದು ಮೌಲ್ಯದ ನಾಣ್ಯಗಳನ್ನು ತೆಗೆದುಕೊಳ್ಳಲು ನಿರಾಕರಿಸಿವೆ.
ಶಿರಡಿ ಸಾಯಿಬಾಬಾ ದೇವಾಲಯ ಮಹಾರಾಷ್ಟ್ರದ ಪ್ರಮುಖ ಪುಣಕ್ಷೇತ್ರವಾಗಿದೆ. ದೇಶ ಮಾತ್ರವಲ್ಲದೇ, ವಿದೇಶಗಳಿಂದಲೂ ಲಕ್ಷಾಂತರ ಭಕ್ತರು ವರ್ಷವಿಡೀ ಶಿರಡಿ ಸಾಯಿಬಾಬಾ ದೇವಸ್ಥಾನಕ್ಕೆ ಭೇಟಿ ನೀಡುತ್ತಾರೆ. ದೇವಾಲಯಕ್ಕೆ ಬರುವ ಈ ಭಕ್ತರು ಹುಂಡಿಗೆ ಹೆಚ್ಚಾಗಿ ನೋಟುಗಳಿಗಿಂತ ನಾಣ್ಯಗಳನ್ನೇ ಹಾಕುತ್ತಿದ್ದಾರೆ.

ಇದನ್ನೂ ಓದಿ:ಬಿಹಾರದಲ್ಲಿ ಮಕ್ಕಳ ಸಾವು; ವೈದ್ಯರು, ಮಕ್ಕಳನ್ನು ಭೇಟಿ ಮಾಡಲಿರುವ ಸಿಎಂ ನಿತೀಶ್​ಗೆ ಸಂಬಂಧಿಕರಿಂದ 'ಗೋ ಬ್ಯಾಕ್'​ ಘೋಷಣೆ

ದೇವಾಲಯಕ್ಕೆ ಬರುವ ಕಾಣಿಕೆಯನ್ನು ವಾರಕ್ಕೆ ಎರಡು ಬಾರಿ ಎಣಿಸುತ್ತೇವೆ. ಪ್ರತಿಬಾರಿ ಸುಮಾರು 2 ಕೋಟಿ ರೂ.ಹಣ ಇರುತ್ತದೆ. ಇದರಲ್ಲಿ 7 ಲಕ್ಷ ಹಣ ಬರೀ ನಾಣ್ಯಗಳೇ ಇರುತ್ತವೆ. ಬ್ಯಾಂಕ್​ಗಳು ಸಹ ಈ ನಾಣ್ಯಗಳನ್ನು ತೆಗೆದುಕೊಳ್ಳಲು ನಿರಾಕರಿಸಿವೆ. ನಮಗೂ ಎಂದು ಶಿರಡಿ ಸಾಯಿಬಾಬಾ ಸಂಸ್ಥಾನಿ ಟ್ರಸ್ಟ್​ನ ಸಿಇಒ ದೀಪಕ್​ ಮುಗ್ಲೀಕರ್ ಹೇಳಿದ್ದಾರೆ.

ದೇವಾಲಯದ ಟ್ರಸ್ಟ್​ ಈಗಾಗಲೇ ವಿವಿಧ 8 ಬ್ಯಾಂಕ್​ಗಳಲ್ಲಿ ಖಾತೆಗಳನ್ನು ಹೊಂದಿದೆ. ಈ ನಾಣ್ಯಗಳನ್ನು ಖಾತೆಗೆ ಡೆಪಾಸಿಟ್​ ಮಾಡಲು ಬ್ಯಾಂಕ್​ನಲ್ಲಿ ಸ್ಥಳವಿಲ್ಲ. ಹೀಗಾಗಿ ನಾಣ್ಯಗಳನ್ನು ಇಡಲು ಬ್ಯಾಂಕ್​ಗಳು ಜಾಗ ನೀಡಬೇಕೆಂದು ಟ್ರಸ್ಟ್​​ ಒತ್ತಾಯಿಸಿದೆ. ಈ ಸಮಸ್ಯೆಗೆ ಪರಿಹಾರ ಕೊಡಬೇಕೆಂದು ದೇವಸ್ಥಾನದ ಸಮಿತಿ ಭಾರತೀಯ ರಿಸರ್ವ್​ ಬ್ಯಾಂಕ್​ಗೆ ಮನವಿ ಮಾಡಿದೆ. ಈಗ 1.5 ಕೋಟಿ ರೂ.ನಾಣ್ಯಗಳಿದ್ದು, ದೇವಾಲಯದ ಸಮಿತಿ ಸಂಗ್ರಹಿಸಿಟ್ಟಿದೆ.
First published:June 18, 2019
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ