• Home
  • »
  • News
  • »
  • mangaluru
  • »
  • Saavira Kambada Basadi: ಈ ಬಸದಿಯ ಕಂಬಗಳನ್ನು ಲೆಕ್ಕ ಹಾಕೋಕೇ ಆಗಲ್ವಂತೆ!

Saavira Kambada Basadi: ಈ ಬಸದಿಯ ಕಂಬಗಳನ್ನು ಲೆಕ್ಕ ಹಾಕೋಕೇ ಆಗಲ್ವಂತೆ!

X
ಇಲ್ಲಿ ವಿಡಿಯೋ ನೋಡಿ

"ಇಲ್ಲಿ ವಿಡಿಯೋ ನೋಡಿ"

ದಕ್ಷಿಣ ಕನ್ನಡ ಜಿಲ್ಲೆಗೆ ಆಗಮಿಸಿದ ಪ್ರವಾಸಿಗರು ಈ ಸಾವಿರ ಕಂಬದ ಬಸದಿ ನೋಡೋಕೆ ಮಿಸ್ ಮಾಡಲ್ಲ!

  • News18 Kannada
  • 2-MIN READ
  • Last Updated :
  • Dakshina Kannada, India
  • Share this:

    ಕಂಬದೊಳಗೊಂದು ಕಂಬ, ಎಣಿಸುತ್ತಾ ಹೋದ್ರೆ ಮುಗಿಯೋದೇ ಇಲ್ಲ, ನಂಬರ್​ಗಳೇ ಸಾಲಲ್ಲ! ಇಲ್ಲಿಗೆ ಪ್ರವೇಶಿಸುತ್ತಲೇ ಸ್ವಾಗತಿಸೋ ನವನಾರಿ ಕುಂಜರ, ಅಷ್ಟೇ ಅಲ್ಲ ಅಷ್ಟನಾರಿ ತುರಗ, ವಾಲ್ಯ, ಒಳಗಡೆ ಸ್ಥಿರವಾಗಿ ನಿಂತಿರುವ ಚಂದ್ರನಾಥ. ಹಾಗಿದ್ರೆ ಲೆಕ್ಕಕ್ಕೂ ಸಿಗದ ಈ ಕಂಬಗಳ ವಾಸ್ತು ಶಿಲ್ಪ ಇರೋದು ಎಲ್ಲಿ ಅಂತೀರಾ? ಹೇಳ್ತೀವಿ ನೋಡಿ. ಯೆಸ್, ಕಂಬಗಳ ಲೆಕ್ಕ ಹಾಕ್ತಾ ಹೋದ್ರೆ ಹೊಸ ಕಂಬಗಳು (Saavira Kambada Basadi)  ಹುಟ್ಟಿಕೊಳ್ಳುತ್ವೆ ಅನ್ನೋ ಪ್ರತೀತಿಯಿದೆ. ಮಂಗಳೂರಿನ ಮೂಡುಬಿದಿರೆಯ (Thousand Pillar Temple Moodbidri) ತ್ರಿಭುವನ ತಿಲಕ ಚೂಡಾಮಣಿ ಬಸದಿಯೇ ಸಾವಿರ ಕಂಬಗಳ ಬಸದಿ ಎಂದು ಫೇಮಸ್ ಆಗಿರೋದು.


    ದಕ್ಷಿಣ ಕನ್ನಡ ಜಿಲ್ಲೆಗೆ ಆಗಮಿಸಿದ ಪ್ರವಾಸಿಗರು ಈ ಸಾವಿರ ಕಂಬದ ಬಸದಿ ನೋಡೋಕೆ ಮಿಸ್ ಮಾಡಲ್ಲ. ಮೂಡುಬಿದಿರೆ ಪೇಟೆಯಿಂದ ಕೂಗಳತೆ ದೂರದಲ್ಲಿದ್ದರೂ ಶಾಂತವಾಗಿ ತಲೆ ಎತ್ತಿ ನಿಂತಿರೋ ಈ ಬಸದಿ ಪ್ರವೇಶ ದ್ವಾರ, ಸುತ್ತಮುತ್ತಲ ಪರಿಸರ ಹಳೇಕಾಲಕ್ಕೆ ನಮ್ಮನ್ನು ಕೊಂಡೊಯ್ಯುತ್ತವೆ.


    ಜೈನ ಬಸದಿಗಳ ಇತಿಹಾಸದಲ್ಲೇ ಅದ್ವಿತೀಯ!
    15ನೇ ಶತಮಾನದಲ್ಲಿ ಸ್ಥಳೀಯ ಆಡಳಿತಗಾರನಾಗಿದ್ದ ದೇವರಾಯ ಒಡೆಯರ್ ಈ ಸಾವಿರ ಕಂಬದ ಬಸದಿ ನಿರ್ಮಾತೃ ಎಂದು ಇತಿಹಾಸ ಹೇಳುತ್ತೆ. ಫ್ರಾನ್ಸ್ ದೇಶದಿಂದ ತರಲಾದ ಟೈಲ್ಸ್, ಅಷ್ಟನಾರಿ ತುರಗ, ನವನಾರಿ ತುರಗಗಳು ಇಲ್ಲಿನ ವಿಶೇಷತೆ. ಕಂಬಗಳ ಶೈಲಿ, ಪ್ರಾಚೀನ ಶಿಲೆಗಳು ಜೈನ ಬಸದಿಗಳ ಇತಿಹಾಸದಲ್ಲೇ ಅದ್ವಿತೀಯ ಎನಿಸಿಕೊಳ್ಳುತ್ತವೆ. ಈ ಬಸದಿ ನಿರ್ಮಾಣಕ್ಕೆ 31 ವರ್ಷಗಳ ಕಾಲ ತಗುಲಿತ್ತು ಅನ್ನೋದೇ ಈ ಬಸದಿಯ ವಾಸ್ತುಶಿಲ್ಪದ ಸೌಂದರ್ಯವನ್ನ ಜಗಜ್ಜಾಹೀರು ಮಾಡುತ್ತೆ.


    ಚೀನಾ, ನೇಪಾಳ ಶೈಲಿಯೂ ಇಲ್ಲಿದೆ
    ಎಂಟು ಅಡಿಯ ಚಂದ್ರನಾಥ ಸ್ವಾಮಿ ಇಲ್ಲಿನ ಪ್ರಧಾನ ದೇವತೆ. ಬಸದಿಯ ವಾಸ್ತುಶಿಲ್ಪದಲ್ಲಿ ಚೀನಾದ ಪ್ರಭಾವವೂ ಇದೆಯಂತೆ. ಯಾವ ಬಸದಿಯಲ್ಲೂ ಕಾಣಸಿಗದ ಡ್ರಾಗನ್​ಗಳು, ಜಿರಾಫೆ ಕೆತ್ತನೆಗಳು ಇಲ್ಲಿರೋ ಕೆತ್ತನೆಗಳಲ್ಲಿವೆ. ಜೊತೆಗೆ ನೇಪಾಳದ ಶೈಲಿಯೂ ಈ ಬಸದಿಯ ವಿಶೇಷ.


    Saavira Kambada Basadi
    ಸಾವಿರ ಕಂಬದ ಬಸದಿಗೆ ಹೀಗೆ ಬನ್ನಿ (ಚಿತ್ರಕೃಪೆ: ಗೂಗಲ್ ಮ್ಯಾಪ್ಸ್)


    ಹೇಗೆ ಬರೋದು ನೋಡಿ
    ಮಂಗಳೂರಿನಿಂದ 35 ಕಿಲೋ ಮೀಟರ್ ದೂರದಲ್ಲಿರೋ ಇಲ್ಲಿಗೆ ಬರಬೇಕೆಂದರೆ ಬೇಕಾದಷ್ಟು ಬಸ್​ಗಳಿವೆ. ಮೂಡುಬಿದಿರೆ ಪೇಟೆ ತಲುಪಿದರೆ ಕೆಲವೇ ಮೀಟರ್​ಗಳ ಅಂತರದಲ್ಲಿ ಈ ಸಾವಿರ ಕಂಬಗಳ ಬಸದಿ ಕಾಣಬಹುದು. ಹಾಗಿದ್ರೆ ಮೂಡುಬಿದಿರೆಗೆ ಆಗಮಿಸೋ ಯಾತ್ರಿಕರು ಈ ಬಸದಿ ನೋಡುವುದನ್ನು ಮರೆಯದಿರಿ.


    ವರದಿ: ನಾಗರಾಜ್ ಭಟ್, ಮಂಗಳೂರು

    Published by:ಗುರುಗಣೇಶ ಡಬ್ಗುಳಿ
    First published: