Best Travel Plan: ಮಕ್ಕಳ ಜೊತೆ ಪ್ರವಾಸಕ್ಕೆ ಬೆಸ್ಟ್ ಪ್ಲೇಸ್ ಪಿಲಿಕುಳ ವಿಜ್ಞಾನ ಕೇಂದ್ರ

ದಕ್ಷಿಣ ಕನ್ನಡ:  ಅದೆಲ್ಲೋ ಪಠ್ಯ ಪುಸ್ತಕದಲ್ಲಿ ಓದಿದ, ನೋಡಿದ ನೆನಪು. ಅದೆಲ್ಲವೂ ಇಲ್ಲಿ ಕಣ್ಣ ಮುಂದೆಯೇ ಇದೆ. ಪೈಥಾಗೋರಸ್ ಪ್ರಮೇಯ,  ಉಪಗ್ರಹ, ಸೋಲಾರ್ ಕಾರು, ಸ್ವಿಚ್ ಒತ್ತಿದರೆ ಗಿರ್ರನೆ ತಿರುಗುವ ಸೈರನ್, ಇಲ್ಯೂಶನ್ ಕ್ರಿಯೇಟ್ ಮಾಡೋ ಕನ್ನಡಿಗಳು ಹೀಗೆ ನಾನಾ ತರಹದ ಮಾಡೆಲ್​ಗಳು ಇಲ್ಲಿ ಕಣ್ಣಿಗೆ ಕಾಣಸಿಗುತ್ತವೆ. ಅದರ ಮೂಲಕ ಅನುಭವ ಪಡೆಯಬಹುದಾದ ಅವಕಾಶ. ಹಾಗಿದ್ರೆ ಈ ವಿಜ್ಞಾನ ಲೋಕ  (Science Centre)ಎಲ್ಲಿದೆ ಅಂತೀರಾ? ಅದೆಲ್ಲದರ ಮಾಹಿತಿ ಕೊಡ್ತೀವಿ ಬನ್ನಿ.

ಹೌದು, ಹೀಗೆ ನೂರಾರು ಮಾಡೆಲ್​ಗಳನ್ನು ಹೊಂದಿರೋ ಈ ವಿಜ್ಞಾನ ಕೇಂದ್ರ ಇರುವುದು ಮಂಗಳೂರಿನ ವಾಮಂಜೂರಿನ ಪಿಲಿಕುಳದಲ್ಲಿ. ಇಲ್ಲಿನ ಪ್ರಾದೇಶಿಕ ವಿಜ್ಞಾನ ಕೇಂದ್ರದಲ್ಲಿ ಹಲವು ವಿಜ್ಞಾನ ಪ್ರಾತ್ಯಕ್ಷಿಕೆ ಇದೆ. ಇಲ್ಲೇ ಇರುವ ಜೈವಿಕ ಉದ್ಯಾನವನದ ಮೃಗಾಲಯ, ವಾಟರ್ ಪಾರ್ಕ್​ಗಳಿಗೆ ಬಂದವರಿಗೆ ಈ ವಿಜ್ಞಾನ ಕೇಂದ್ರವನ್ನು ಕಣ್ತುಂಬಿಕೊಳ್ಳಬಹುದಾಗಿದೆ.

ಟೆಕ್ಸ್ಟ್ ಬುಕ್ ಬಿಡಿ, ಇಲ್ಲಿ ನೋಡಿ!
ಅದರಲ್ಲೂ ವಿದ್ಯಾರ್ಥಿಗಳಿಗಾಗಿಯೇ ನಿರ್ಮಿತವಾದ ವಿಜ್ಞಾನ ಕೇಂದ್ರವು ಪಠ್ಯ ಪುಸ್ತಕದಲ್ಲಿ ಕಾಣುವ ವಿಜ್ಞಾನ ಮಾದರಿಗಳನ್ನೇ ಇಲ್ಲಿ ಇಡಲಾಗಿದೆ. ಹಾಗಾಗಿ ಕೇವಲ ಟೆಕ್ಸ್ಟ್ ಬುಕ್​ನಲ್ಲಿ ಅಕ್ಷರ ರೂಪ, ಚಿತ್ರ ರೂಪದಲ್ಲಿ ಕಂಡದ್ದನ್ನ ಇಲ್ಲಿ ನೇರವಾಗಿ ಪ್ರಾತ್ಯಕ್ಷಿಕೆ ಮೂಲಕ ವೀಕ್ಷಿಸುವ ಅವಕಾಶವಿದೆ.

ಇದನ್ನೂ ಓದಿ: Success Story: ಪುತ್ತೂರಿನಲ್ಲಿ ಹುಟ್ಟಿತು ಸ್ವದೇಶಿ TV ಬ್ರಾಂಡ್! ಟಿವಿ ರಿಪೇರಿ ಮಾಡ್ತಿದ್ದವರು ಕಂಪನಿ ಕಟ್ಟಿದ ಕಥೆ

ಬರೋದು ಹೇಗೆ?
ಮಂಗಳೂರು ನಗರದಿಂದ ಹದಿನಾಲ್ಕು ಕಿಲೋ ಮೀಟರ್ ದೂರದಲ್ಲಿರುವ ಈ ಪಿಲಿಕುಳ ವಿಜ್ಞಾನ ಕೇಂದ್ರಕ್ಕೆ ತಲುಪಲು ಬಸ್, ಆಟೋ ಗಳ ಸೇವೆ ಇದೆ. ಕೇವಲ 40 ರೂಪಾಯಿ ಟಿಕೆಟ್ ಪಡೆದುಕೊಂಡರೆ ಸಾಕು ಪ್ರತಿಯೊಬ್ಬನು ಈ ವಿಜ್ಞಾನ ಕೇಂದ್ರದಿಂದ ಒಳಹೊಕ್ಕು ವಿಜ್ಞಾನ ಪ್ರಪಂಚವನ್ನು ಕಾಣಬಹುದಾಗಿದೆ.

ಹೀಗೆ ಬನ್ನಿ (ಚಿತ್ರಕೃಪೆ: ಗೂಗಲ್ ಮ್ಯಾಪ್ಸ್)

ಇದನ್ನೂ ಓದಿ: Birthday: ಗೋಶಾಲೆಯಲ್ಲಿ ಮಗುವಿನ ಮೊದಲ ಬರ್ತ್ ಡೇ ಆಚರಿಸಿಕೊಂಡ ದಂಪತಿ

ಅದ್ರಿಂದ ಹೊರಬರುತ್ತಲೇ ಎಂಜಾಯ್ ಮಾಡಲು ವಾಟರ್ ಪಾರ್ಕ್, ಮೃಗಾಲಯಗಳೂ ಇವೆ. ಹೀಗೆ ಪಿಲಿಕುಳ ನಿಸರ್ಗಧಾಮದ ನಡುವೆ ದಿನವಿಡೀ ಎಂಜಾಯ್ ಮಾಡಬಹುದಾದಷ್ಟು ವಿಷಯಗಳಿವೆ. ಅದ್ರಲ್ಲಿ ಈ ವಿಜ್ಞಾನ ಕೇಂದ್ರವೂ ಒಂದು ಎಂದರೆ ತಪ್ಪಾಗದು.

ವರದಿ: ನಾಗರಾಜ್ ಭಟ್, ಮಂಗಳೂರು