Special Fan: ಈ ಒಂದು ಫ್ಯಾನ್ ಬೆಲೆ ಬರೋಬ್ಬರಿ 8 ಲಕ್ಷ! ಇದ್ರ ಗಾಳಿಗೆ ಸೆಕೆ ಮಂಗಮಾಯ!

ದಕ್ಷಿಣ ಕನ್ನಡ: ಇಡೀ ಸಭಾಂಗಣಕ್ಕೆ ಎರಡೇ ಎರಡು ಫ್ಯಾನು. ಹಾಗಂತ ಯಾವ್ ಸೆಕೆನೂ ಈ ಎರಡು ಫ್ಯಾನ್ (Fan) ಮುಂದೆ ಲೆಕ್ಕನೇ ಅಲ್ಲ. ಇನ್ನೇನಾದ್ರೂ ಈ ಫ್ಯಾನ್ ರೇಟ್ ಕೇಳಿದ್ರೆ ಮಾತ್ರ ಮೂಗಿನ ಮೇಲೆ ಬೆರಳಿಡ್ತೀರ! ಹಾಗಿದ್ರೆ ಈ ಫ್ಯಾನ್​ಗಳ ರೇಟ್ ಏನು? ಇಷ್ಟು ದೊಡ್ಡ ಸಭಾಂಗಣಕ್ಕೆ ಈ ಪುಟ್ಟ ಫ್ಯಾನ್ ಸಾಕೇ? ಈ ಎಲ್ಲ ಕ್ಯೂರಿಯಾಸಿಟಿಗೆ ಇಲ್ಲಿದೆ ಉತ್ತರ.

ಎಲ್ಲಿದೆ ಗೊತ್ತಾ ಈ ಫ್ಯಾನ್?
ಯೆಸ್, ನೂರಾರು ಜನ ಕೂರುವ ಇಷ್ಟೊಂದು ವಿಶಾಲವಾದ ಸಭಾಂಗಣಕ್ಕೆ ಪುಟ್ಟದಾದ ಎರಡೇ ಎರಡು ಫ್ಯಾನು ಹೊಂದಿರೋ ಈ ಸಭಾಂಗಣ ಇರೋದು ದಕ್ಷಿಣ ಕನ್ನಡ ಜಿಲ್ಲೆಯ ಮೂಡುಬಿದಿರೆಯ ಸ್ಕೌಟ್ಸ್ ಗೈಡ್ಸ್ ಕನ್ನಡ ಭವನದಲ್ಲಿ. ಆದ್ರೆ ಈ ಫ್ಯಾನ್ ರೇಟ್ ಕೇಳಿದ್ರೆ ಮಾತ್ರ ಮೈ ಬೆವರೋದು ಗ್ಯಾರಂಟಿ.

ಈ ಫ್ಯಾನ್ ಇದ್ರೆ ಸಾಕು, ತಂಪು ತಂಪು ಗಾಳಿ!
ನಿಜ, ಈ ಎರಡು ಫ್ಯಾನುಗಳು ನೊಡೋದಕ್ಕೆ ಪುಟ್ಟದಾದರೂ ಇದರ ರೇಟು ಮಾತ್ರ ಒಂದಕ್ಕೆ ಎಂಟು ಲಕ್ಷ ರೂಪಾಯಿ. ಆದ್ರೆ ಈ ಫ್ಯಾನ್ ಒಂದೇ ಇದ್ರೆ ಸಾಕು ಮಿಕ್ಕೆಲ್ಲ ಫ್ಯಾನ್ ಗಳನ್ನ ಮೀರಿಸಬಲ್ಲದು. ಇಡೀ ಸಭಾಂಗಣವನ್ನ ತಂಪು ತಂಪು ಮಾಡಬಲ್ಲದು.

ಸುಮಾರು 12 ಕೋಟಿ ವೆಚ್ಚದಲ್ಲಿ ನಿರ್ಮಾಣವಾಗಿರೋ ಈ ಭವನದಲ್ಲಿ 1,200 ಆಸನದ ವ್ಯವಸ್ಥೆಯಿದೆ. ಅವರೆಲ್ಲರಿಗೂ ಈ ಪುಟ್ಟ ಫ್ಯಾನಿನಿಂದ ಬರೋ ಗಾಳಿ ಧಾರಾಳವಾಗಿ ಸಾಕಾಗುತ್ತಂತೆ.

ಇದನ್ನೂ ಓದಿ: Tree Bike In Dakshina Kannada: ಅಡಿಕೆ, ತೆಂಗು ಮಾತ್ರವಲ್ಲ, ಈ ಯಂತ್ರದಿಂದ ಸಲೀಸಾಗಿ ಎಲ್ಲಾ ಮರ ಏರಬಹುದು!

ಇಡೀ ಸಭಾಭವನದಲ್ಲಿ ಸುಯ್ ಅಂತ ಬೀಸುತ್ತೆ ಗಾಳಿ
ಈ ಫ್ಯಾನುಗಳು ಇಲ್ಲಿನ ಸೆಂಟರ್ ಆಫ್ ಅಟ್ರಾಕ್ಶನ್ ಆಗಿದ್ದು, ಎರಡು ಫ್ಯಾನ್​ಗಳನ್ನ ಹಾಕಿದರೆ ಇಡೀ ಸಭೆ ತುಂಬಾ ಗಾಳಿಯೋ ಗಾಳಿ ಅನ್ನೋ ಹಾಗಾಗುತ್ತೆ. ರಾಜಕೀಯ ಮುತ್ಸದ್ದಿಯಾಗಿದ್ದ ಮಂಡ್ರುದೆ ಗುತ್ತಿನ ಅಮರನಾಥ್ ಶೆಟ್ಟಿ ಅವರ ನೆನಪಿನ ಕಟ್ಟಡವೂ ಇದಾಗಿದ್ದು, ಅತ್ಯಾಧುನಿಕ ತಂತ್ರಜ್ಞಾನವನ್ನೂ ಅಳವಡಿಸಿಕೊಳ್ಳಲಾಗಿದೆ.

ಇದನ್ನೂ ಓದಿ: Dr Veerendra Heggade: ಪುಟ್ಟ ಬಾಲಕನ ಜೊತೆ ವೀರೇಂದ್ರ ಹೆಗ್ಗಡೆಯವರ ಕ್ರಿಕೆಟ್ ಆಟ! ವೈರಲ್ ವಿಡಿಯೋ ನೋಡಿ

ಒಟ್ಟಿನಲ್ಲಿ ಮೂರ್ತಿ ಚಿಕ್ಕದಾದರೂ ಕೀರ್ತಿ ದೊಡ್ಡದು ಅನ್ನೋ ಹಾಗೆ ಈ ಫ್ಯಾನ್ ಇದೆ ಅಂತಾರೆ ಸ್ಥಳೀಯರು.

ವರದಿ: ನಾಗರಾಜ್ ಭಟ್, ಮಂಗಳೂರು