Valentine's Day 2023: ಪಕ್ಷಿಗಳಿಂದ ಪ್ರೇಮಿಗಳ ದಿನಾಚರಣೆ! ರಂಗನತಿಟ್ಟಿನಲ್ಲಿ ಮಿಡಿದ ಹೃದಯಗಳು

ಮಂಡ್ಯ: ಆಕಾಶದಗಲಕ್ಕೂ, ಭೂಮಿ ಉದ್ದಕ್ಕೂ ಒಂದೇ ಮಾತು ಅದು ಪ್ರೀತಿ.. ಪ್ರೀತಿ.. ಪ್ರೀತಿ! ಈ ಪ್ರೀತಿಗಾಗಿ ಕೇವಲ ಮಾನವ ಹೃದಯಗಳಷ್ಟೇ ಅಲ್ಲ, ನಿಸರ್ಗವೂ ಮಿಡಿಯುತ್ತಿದೆ. ಮನುಷ್ಯರು ವ್ಯಾಲೆಂಟೆನ್ಸ್ ಡೇ (Valentines Day 2023) ಅನ್ನು ಬಗೆ ಬಗೆಯಾಗಿ ಆಚರಿಸಿಕೊಂಡ್ರೆ, ಲವ್ ಬರ್ಡ್​ಗಳ (Love Birds) ಪ್ರೇಮೋತ್ಸವಕ್ಕಂತೂ ಎಲ್ಲೆ ಇಲ್ಲದಂತಾಗಿದೆ. ಈ ಕುರಿತು ಒಂದು ವಿಶೇಷ ವರದಿ ಇಲ್ಲಿದೆ ನೋಡಿ.

ಭೂಮಂಡಲದುದ್ದಕ್ಕೂ ಪ್ರೀತಿಗಾಗಿ ಅದೆಷ್ಟೋ ಹೃದಯಗಳು ಮಿಡಿಯುತ್ತಿವೆ. ಮೊಬೈಲ್ ಮೂಲಕ ಸಂದೇಶ, ಪರಸ್ಪರ ಭೇಟಿ, ಗ್ರೀಟಿಂಗ್ಸ್​ಗಳ ವಿನಿಮಯ, ಪಾರ್ಕಿನಲ್ಲಿ ಸುತ್ತಾಟ. ಒಂದೇ ಎರಡೇ! ಹತ್ತು ಹಲವು ಮುಖಗಳಲ್ಲಿ ಪ್ರೀತಿ ಪುಳಕಿತಗೊಳ್ಳುತ್ತಿದೆ.

ಲವ್ ಬರ್ಡ್​ಗಳ ಸ್ವಚ್ಚಂದ ಪ್ರೀತಿ, ಪ್ರೇಮ, ಪ್ರಣಯ
ಆದ್ರೆ ಮಂಡ್ಯದ ಶ್ರೀರಂಗಪಟ್ಟಣದ ರಂಗನತಿಟ್ಟಿನಲ್ಲಿ ಲವ್ ಬರ್ಡ್​ಗಳ ಸ್ವಚ್ಚಂದ ಪ್ರೀತಿ, ಪ್ರೇಮ, ಪ್ರಣಯ ನಿಜಕ್ಕೂ ಮನಮೋಹಕ. ಕಾಕತಾಳಿಯ ಎಂಬಂತೆ ಫೆಬ್ರವರಿ ತಿಂಗಳ ಹವಾಮಾನ ಪಕ್ಷಿಗಳಿಗೆ ಹಿತಕರವಾಗಿರುವುದು ಹಾಗೂ ಇದೇ ವೇಳೆ ನಡೆಯುತ್ತಿರುವ ಪ್ರೇಮಿಗಳ ದಿನಾಚರಣೆಯಲ್ಲಿ ಪಕ್ಷಿಗಳ ಪ್ರೇಮೋತ್ಸವಕ್ಕೆ ಎಲ್ಲೆ ಇಲ್ಲದಂತಾಗಿದೆ.

ಇದನ್ನೂ ಓದಿ: Mandya Viral Video: ನಾಯಿ ಮರಿ ಎಂದು ಚಿರತೆ ಮರಿಯನ್ನು ಮನೆಗೆ ತಂದ ಮಂಡ್ಯದ ಬಾಲಕ!

ಬೇರೆ ಪಕ್ಷಿಗಳ ಸ್ನೇಹ ಮಾಡಲ್ಲ!
ಇವುಗಳ ಇನ್ನೊಂದು ವಿಶೇಷತೆ ಅಂದ್ರೆ, ಈ ಲವ್ ಬರ್ಡ್​ಗಳು ಸದಾ ಒಂದನ್ನೊಂದು ಬಿಟ್ಟು ಇರುವುದಿಲ್ಲ. ಎಲ್ಲೇ ಹೋದರೂ ಜೊತೆಯಾಗಿರುತ್ತವೆ. ಮನುಷ್ಯರಂತೆ ಯಾವುದೇ ಕಾರಣಕ್ಕೂ ಗಂಡಾಗಲಿ ಅಥವಾ ಹೆಣ್ಣಾಗಲಿ ಬೇರೊಂದು ಪಕ್ಷಿಗಳ ಸ್ನೇಹ ಮಾಡುವುದಿಲ್ಲ. ಈ ಬಾನಾಡಿಗಳ ಮನಮೋಹಕ ಪ್ರಣಯ ಕಂಡು ಪ್ರೇಮಿಗಳು ನಾಚಿ ಹೋಗಿದ್ದಾರೆ. ಮಾತ್ರವಲ್ಲ ಇನ್ನೂ ಹೆಚ್ಚು ಪ್ರೀತಿ ಮಾಡುವ ಸಂಕಲ್ಪ ಮಾಡಿದ್ದಾರೆ.

ಇದನ್ನೂ ಓದಿ: British Garrison Cemetery: ಶ್ರೀರಂಗಪಟ್ಟಣದಲ್ಲಿ ಬ್ರಿಟೀಷರ 500 ಕ್ಕೂ ಹೆಚ್ಚು ಸಮಾಧಿ!

ಸ್ವೇಚ್ಛೆ ಅನರ್ಥ ಭಾವಗಳಿಂದಾಗಿ ಪ್ರೀತಿ ಅರ್ಥ ಕಳೆದುಕೊಳ್ಳುತ್ತಿರುವಾಗ ಈ ಬಾನಾಡಿಗಳ ನೈಜ ಪ್ರೇಮ ನಿಜಕ್ಕೂ ಮೆಚ್ಚುವಂತದ್ದು. ವಿಷ್ ಯು ಹ್ಯಾಪಿ ವ್ಯಾಲೆಂಟೈನ್ಸ್ ಡೇ ಲವ್ ಬರ್ಡ್ಸ್!