• Home
  • »
  • News
  • »
  • lifestyle
  • »
  • Yoga: ಆತಂಕ, ಆಘಾತಗಳನ್ನು ಕಡಿಮೆ ಮಾಡಲು ಯೋಗ! ಇಲ್ಲಿದೆ ನೋಡಿ ಪರಿಣಿತರ ಸಲಹೆ

Yoga: ಆತಂಕ, ಆಘಾತಗಳನ್ನು ಕಡಿಮೆ ಮಾಡಲು ಯೋಗ! ಇಲ್ಲಿದೆ ನೋಡಿ ಪರಿಣಿತರ ಸಲಹೆ

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ಇತ್ತೀಚೆಗೆ ಹಲವಾರು ಜನರು ಅನುಭವಿಸುತ್ತಿರುವ ದೊಡ್ಡ ಸಮಸ್ಯೆ ಎಂದರೆ ಮಾನಸಿಕ ಅಶಾಂತಿ. ಇದರಿಂದ ಹೊರ ಬರಲು ನಾವು ಯೋಗ ಮಾಡಿದರೆ ಉತ್ತಮ. ಯೋಗ ಮಾಡುವುದರಿಂದ ಆತಂಕ, ಆಘಾತಗಳನ್ನು ಕಡಿಮೆ ಮಾಡಲು ಸಹಕಾರಿ ಆಗುತ್ತದೆ.

  • Share this:

    ಇತ್ತೀಚೆಗೆ ಹಲವಾರು ಜನರು ಅನುಭವಿಸುತ್ತಿರುವ ದೊಡ್ಡ ಸಮಸ್ಯೆ (Problem) ಎಂದರೆ ಮಾನಸಿಕ ಅಶಾಂತಿ (Mental restlessness). ಪ್ರೀತಿಪಾತ್ರರರಿಂದ ದೂರವಾಗುವುದು, ಸಂಬಂಧಗಳಲ್ಲಿ (Relationship) ಕಲಹ, ವೈವಾಹಿಕ (Marriage) ಕದನಗಳು, ಉದ್ಯೋಗದಲ್ಲಿ ತೊಂದರೆ, ಆರ್ಥಿಕ ಸಂಕಷ್ಟ ಇನ್ನೂ ಅನೇಕ ಕಾರಣಗಳಿಂದಾಗಿ ಸಾಕಷ್ಟು ಜನರು ಮಾನಸಿಕ ಹಿಂಸೆ ಅನುಭವಿಸುತ್ತಿರುತ್ತಾರೆ. ಇದರಿಂದಾಗಿ ಭಾವನಾತ್ಮಕವಾಗಿ ಅವರು ಕುಗ್ಗಿ ಹೋಗಿರುತ್ತಾರೆ. ಹೀಗೆ ಜೀವನದಲ್ಲಿ (Life) ಅನಿರೀಕ್ಷಿತವಾಗಿ ನಡೆಯುವ, ನಿಯಂತ್ರಣ ಮೀರಿದ ಘಟನೆಗಳಿಂದ ಆಘಾತಕ್ಕೊಳಗಾಗಿ ಅಂಥವರ ಮಾನಸಿಕ ಆರೋಗ್ಯ ಏರುಪೇರಾಗುತ್ತದೆ.


    ಪ್ರಸಿದ್ಧ ಮನೋವೈದ್ಯರಾದ ನಾರ್ಮನ್ ಇ ರೊಸೆಂತಾಲ್ ಅವರು, ನಾವು ಭಾವನೆಗಳ ಬಗ್ಗೆ ಹೆಚ್ಚು ಕಲಿಯುತ್ತೇವೆ. ತೊಂದರೆಗೊಳಗಾದಾಗ ನಾವು ಹೇಗೆ ಅದನ್ನು ಬದಲಾಯಿಸಬಹುದು ಅಥವಾ ಆರೋಗ್ಯಕರವಾಗಿ ಅದನ್ನು ಹೇಗೆ ತೆಗೆದುಕೊಳ್ಳಬಹುದು ಎಂಬುದನ್ನು ನಾವು ಕಲಿಯುತ್ತೇವೆ ಎಂದು ಹೇಳಿದ್ದಾರೆ.


    ಅಂದಹಾಗೆ ಇಂಥ ಮನಸ್ಸಿನ ಆತಂಕ, ಆಘಾತಗಳಿಂದ ಹೊರಬರಲು ಯೋಗಾಸನ ಹಾಗೂ ಪ್ರಾಣಾಯಾಮಗಳು ಸಹಕಾರಿಯಾಗಿವೆ ಎಂದು ನಿರೂಪಿಸಲ್ಪಟ್ಟಿವೆ. ಅವುಗಳ ನಿಯಮಿತ ಅಭ್ಯಾಸದಿಂದ ನಾವು ಇಂಥ ಮಾನಸಿಕ ತೊಂದರೆಗಳಿಂದ ಪಾರಾಗಬಹುದು.


    ಭಾವನಾತ್ಮಕ ಆಘಾತ ನಿರ್ವಹಿಸಲು ಯೋಗ ಹೇಗೆ ಸಹಾಯ ಮಾಡುತ್ತದೆ?


    ಹಾಗಿದ್ದರೆ ಜೀವನದಲ್ಲಿ ಭಾವನಾತ್ಮಕ ಆಘಾತವನ್ನು ನಿರ್ವಹಿಸಲು ಯೋಗ ಹೇಗೆ ಸಹಾಯ ಮಾಡುತ್ತದೆ? ಎಂಬ ಪ್ರಶ್ನೆ ಮೂಡುವುದು ಸಹಜ.


    ಅಂದಹಾಗೆ ನಮಗೆ ಸಾಂಖ್ಯ ಪದ್ಧತಿಯನ್ನು ನೀಡಿದವರು ಕಪಿಲ ಋಷಿಗಳು. ಭಗವದ್ಗೀತೆ ಮತ್ತು ಮಹರ್ಷಿ ಪತಂಜಲಿಯ ಯೋಗ ಸೂತ್ರಗಳು ಸಂಧ್ಯಾ ವ್ಯವಸ್ಥೆಯಿಂದ ಚಿತ್ರಿಸಲ್ಪಟ್ಟ ಯೋಗವನ್ನು ಮಾನಸಿಕ ನಿಯಂತ್ರಣದ ವಿಜ್ಞಾನವೆಂದು ವ್ಯಾಖ್ಯಾನಿಸಲಾಗಿದೆ. ಇದು ವ್ಯಕ್ತಿಯ ವ್ಯಕ್ತಿತ್ವ ಮತ್ತು ನಡವಳಿಕೆಗಳ ಮೇಲೆ ಪರಿಣಾಮ ಬೀರುತ್ತದೆ ಎನ್ನಲಾಗಿದೆ.


    Yoga to reduce anxiety, shocks! See here for expert advice
    ಸಾಂಕೇತಿಕ ಚಿತ್ರ


    ಯೋಗಾಸಗಳು


    ಯೋಗಾಸನಗಳು ದೇಹ ಮತ್ತು ಮನಸ್ಸಿನ ನಡುವೆ ಸಾಮರಸ್ಯವನ್ನು ತರುತ್ತವೆ ಎಂದು ವೈಜ್ಞಾನಿಕವಾಗಿ ನಿರೂಪಿಸಲ್ಪಟ್ಟಿವೆ. ಇದನ್ನು ಅರ್ಥಮಾಡಿಕೊಳ್ಳಲು, ಮನಸ್ಸು ಮತ್ತು ದೇಹವು ಪರಸ್ಪರ ಹೇಗೆ ಪೂರಕವಾಗಿದೆ ಎಂಬುದನ್ನು ನಾವು ತಿಳಿಯಬೇಕು.


    ನೀವು ತುಂಬಾ ಚಿಂತೆ ಮಾಡಿದರೆ, ಕೋಪಗೊಂಡರೆ, ಹೆಚ್ಚು ಯೋಚಿಸಿದರೆ ಇವುಗಳು ನಿಮ್ಮ ಅಂತಃಸ್ರಾವಕ ವ್ಯವಸ್ಥೆಯ ಹೈಪರ್‌ಆಕ್ಟಿವಿಟಿಗೆ ಕಾರಣವಾಗುತ್ತವೆ.


    ಅಂತಃಸ್ರಾವಕ ವ್ಯವಸ್ಥೆಯು ವ್ಯಕ್ತಿಯ ದೈಹಿಕ ಮತ್ತು ಮಾನಸಿಕ ನಡವಳಿಕೆಯ ಮೇಲೆ ಪರಿಣಾಮ ಬೀರುತ್ತದೆ ಎಂಬುದು ಎಲ್ಲರಿಗೂ ತಿಳಿದಿರುವ ವಿಚಾರ.


    ಸರಳವಾಗಿ ಹೇಳುವುದಾದರೆ ಅಂತಃಸ್ರಾವಕ ವ್ಯವಸ್ಥೆಯು ಅಂಗಗಳ ಕ್ರಿಯೆಗಳನ್ನು ನಿಯಂತ್ರಿಸುವ ಹಾರ್ಮೋನುಗಳನ್ನು ತಯಾರಿಸುವ ಮತ್ತು ಬಿಡುಗಡೆ ಮಾಡುವ ಅಂಗಾಂಶವನ್ನು ಸೂಚಿಸುತ್ತದೆ. ಉದಾಹರಣೆ ಥೈರಾಯ್ಡ್, ಪಿಟ್ಯುಟರಿ, ಪೀನಲ್, ಮೇದೋಜೀರಕ ಗ್ರಂಥಿ ಮುಂತಾದವು.


    ಮನಸ್ಸು ಮತ್ತು ಅಂತಃಸ್ರಾವಕ ವ್ಯವಸ್ಥೆಯು ನಿಕಟ ಸಂಬಂಧ ಹೊಂದಿದೆ. ಆಸನಗಳು ಮತ್ತು ಯೋಗದ ಭಂಗಿಗಳ ನಿಯಮಿತ ಅಭ್ಯಾಸದೊಂದಿಗೆ, ಅಂತಃಸ್ರಾವಕ ವ್ಯವಸ್ಥೆಯನ್ನು ಸಮತೋಲಿತ ರೀತಿಯಲ್ಲಿ ನಿರ್ವಹಿಸಬಹುದು. ಇದರಿಂದ ಹೆಚ್ಚಿನ ಒತ್ತಡವನ್ನು ತಡೆಯುವಂತೆ ಮಾಡಬಹುದು.


    ಪಶ್ಚಿಮೋತ್ತಾನಾಸನ ಮತ್ತು ಧನುರಾಸನ ಎಂಬ ಎರಡು ಆಸನಗಳ ಅಭ್ಯಾಸ ಮಾಡುವುದರಿಂದ ಸ್ನಾಯು ಬಲದೊಂದಿಗೆ ಮಾನಸಿಕ ವಿಶ್ರಾಂತಿ ಪಡೆದುಕೊಳ್ಳಬಹುದು.


    ಪಶ್ಚಿಮೋತ್ಥಾನಾಸನ : ಹಠ ಯೋಗದಲ್ಲಿ ಇದನ್ನು ಸರಳವಾಗಿ ವಿವರಿಸಲಾಗಿದೆ. ಪಶ್ಚಿಮೋತ್ಥಾನಾಸನವೆಂದರೆ ನೆಲದ ಮೇಲೆ ಕುಳಿತು ಕಾಲುಗಳನ್ನು ಉದ್ದಕ್ಕೆ ಮುಂದೆ ನೆಲದ ಮೇಲೆ ಚಾಚಿ, ಕೋಲಿನಂತೆ ಮುಂದಕ್ಕೆ ಬಾಗಬೇಕು.


    ನಂತರ ಎರಡೂ ಕೈಗಳಿಂದ ಕಾಲ್ಬೆರಳುಗಳನ್ನು ಹಿಡಿದುಕೊಂಡು ಹಣೆಯನ್ನು ಮೊಣಕಾಲುಗಳ ಮೇಲೆ ಇರಿಸಬೇಕು. ಈ ಆಸನವು ಸಂಪೂರ್ಣ ಬೆನ್ನುಮೂಳೆ ಮತ್ತು ಕೇಂದ್ರ ನರಮಂಡಲವನ್ನು ವಿಸ್ತರಿಸುತ್ತದೆ.


    ಹೀಗಾಗಿ ನರಗಳ ಪ್ರಚೋದನೆಗಳು ಮೆದುಳಿನ ಉನ್ನತ ಕೇಂದ್ರಗಳಿಗೆ ನೇರವಾಗಿ ಹಾದುಹೋಗಲು ಅನುವು ಮಾಡಿಕೊಡುತ್ತದೆ. ದೇಹ ಮತ್ತು ಮನಸ್ಸಿನಲ್ಲಿರುವ ಒತ್ತಡವನ್ನು ನಿವಾರಿಸುವಲ್ಲಿ ಇದು ಸಹಕಾರಿಯಾಗಿದೆ.


    ಧನುರಾಸನ: ಇದು ಹೊಟ್ಟೆಯ ಮೇಲೆ ಮಲಗಿ ಮಾಡುವ ಆಸನವಾಗಿದೆ. ಎರಡೂ ಕೈಗಳಿಂದ ಪಾದಗಳನ್ನು ಬಿಗಿಯಾಗಿ ಹಿಡಿದುಕೊಂಡು ನಂತರ ಇಡೀ ದೇಹವನ್ನು ಬಿಲ್ಲಿನಂತೆ ಎಳೆಯಬೇಕಾಗುತ್ತದೆ. ಆದ್ದರಿಂದ ಇದಕ್ಕೆ ಧನುರಾಸನ ಎಂಬ ಹೆಸರು ಬಂದಿದೆ. ಮನಸ್ಸು ಮತ್ತು ದೇಹದಲ್ಲಿರುವ ಆಲಸ್ಯವನ್ನು ಹೋಗಲಾಡಿಸಲು ಇದು ಉಪಯುಕ್ತವಾಗಿದೆ.


    ಇದು ಹೊಕ್ಕುಳಲ್ಲಿರುವ ಸೌರ ಪ್ಲೆಕ್ಸಸ್ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ. ಇದು ದೇಹದ ಅಂಗಗಳ ಆರೋಗ್ಯಕರ ಕಾರ್ಯನಿರ್ವಹಣೆಗೆ ಮುಖ್ಯವಾಗಿದೆ.


    ಒತ್ತಡವನ್ನು ನಿವಾರಿಸಲು ಈ ಆಸನ ವಿಶೇಷವಾಗಿ ಒಳ್ಳೆಯದು. ಏಕೆಂದರೆ ವಿವಿಧ ಅಂತಃಸ್ರಾವಕ ಗ್ರಂಥಿಗಳು ಮಸಾಜ್ ಮತ್ತು ಟೋನ್ ಆಗಿರುತ್ತವೆ.


    ಅದರಲ್ಲೂ ವಿಶೇಷವಾಗಿ ಥೈರಾಯ್ಡ್ ಮತ್ತು ಮೂತ್ರಜನಕಾಂಗದ ಗ್ರಂಥಿಗಳು. ಅಲ್ಲದೇ ಈ ಆಸನ ಆಯಾಸವನ್ನು ಹೋಗಲಾಡಿಸುತ್ತದೆ.


    ಆಸನಗಳನ್ನು ಯೋಗ ಶಿಕ್ಷಕರಿಂದಲೇ ಕಲಿಯಿರಿ!


    ಇಂಥ ಯೋಗಾಸಗಳನ್ನು ಪ್ರವೀಣ ಯೋಗ ಶಿಕ್ಷಕರಿಂದಲೇ ಕಲಿಯಬೇಕು. ಪೂರ್ಣ ಮಾನಸಿಕ ಅರಿವು ಮತ್ತು ಸರಿಯಾದ ಉಸಿರಾಟದ ಮಾದರಿಯೊಂದಿಗೆ ಇದನ್ನು ನಿರ್ವಹಿಸಬೇಕು ಎಂಬುದನ್ನು ಬಹಳ ಮುಖ್ಯ. ಚಲನೆಗಳಲ್ಲಿ ಭಾಗವಹಿಸುವ ದೇಹದ ಪ್ರತಿಯೊಂದು ಭಾಗದ ಅರಿವು ಯೋಗದಲ್ಲಿ ಬಹಳಷ್ಟು ಪ್ರಾಮುಖ್ಯತೆ ಹೊಂದಿದೆ.


    ಪ್ರಾಣಾಯಾಮ: ಇದು ಉಸಿರಾಟದ ವ್ಯಾಯಾಮದ ವ್ಯವಸ್ಥೆಯಾಗಿದ್ದು, ಇದು ದೇಹದಿಂದ ಗರಿಷ್ಠ ಪ್ರಮಾಣದ ಇಂಗಾಲದ ಡೈಆಕ್ಸೈಡ್ ಅನ್ನು ಹೊರಹಾಕಲು ಸಹಾಯ ಮಾಡುತ್ತದೆ.


    ಜೊತೆಗೆ ಮೆದುಳು ಮತ್ತು ದೇಹಕ್ಕೆ ಆಮ್ಲಜನಕದ ಉತ್ತಮ ಪೂರೈಕೆಯನ್ನು ಖಚಿತಪಡಿಸುತ್ತದೆ.ಆದರೆ, ಯೋಗಿಗಳು ಹೇಳಿದಂತೆ, ಪ್ರಾಣಾಯಾಮವನ್ನು ಕೇವಲ ಉಸಿರಾಟದ ವ್ಯಾಯಾಮ ಎಂದು ತಪ್ಪಾಗಿ ಗ್ರಹಿಸಬಾರದು.


    ಇದು ದೇಹದಲ್ಲಿ ಆಮ್ಲಜನಕದ ಪ್ರಮಾಣವನ್ನು ಸುಧಾರಿಸುತ್ತದೆ ಮತ್ತು ಶಾರೀರಿಕವಾಗಿ ತನ್ನದೇ ಆದ ಪ್ರಯೋಜನಗಳನ್ನು ಹೊಂದಿರುವ ಕಾರ್ಬನ್ ಡೈಆಕ್ಸೈಡ್ ಅನ್ನು ಹೊರಹಾಕುತ್ತದೆ.


    ಸ್ವಾಮಿ ಸತ್ಯಾನಂದರು ಹೇಳಿದಂತೆ, “ಪ್ರಾಣಾಯಾಮವು ವಾಸ್ತವವಾಗಿ ಉಸಿರಾಟದ ಪ್ರಕ್ರಿಯೆಯನ್ನು ಸ್ಥೂಲ ಅಥವಾ ಸೂಕ್ಷ್ಮವಾದ ಎಲ್ಲಾ ಪ್ರಕಾರದ ಪ್ರಾಣವನ್ನು ಕುಶಲತೆಯ ಸಾಧನವಾಗಿ ಬಳಸಿಕೊಳ್ಳುತ್ತದೆ.


    ಇದು ಮನಸ್ಸು ಮತ್ತು ದೇಹದ ಮೇಲೆ ಪರಿಣಾಮ ಬೀರುತ್ತದೆ. ಆದ್ದರಿಂದ, ಉಸಿರಾಟದ ಅರಿವು ಮನಸ್ಸನ್ನು ಸ್ತಬ್ಧಗೊಳಿಸುತ್ತದೆ. ಕಣ್ಣು ಮುಚ್ಚಿ ಅಂತರ್‌ನೋಟದಿಂದ ನಾವು ಉಸಿರಾಡಲು ಆರಂಭಿಸಿದೊಡನೆ ನಿಮ್ಮ ಅರಿವು ಒಳಮುಖವಾಗಿ ತಿರುಗಲು ಸಹಾಯ ಮಾಡುತ್ತದೆ.


    ಇದು ಆಲೋಚನೆಗಳನ್ನು ದೂರವಿಡಲು ಸಹಾಯ ಮಾಡುತ್ತದೆ. ಅದು ಮನಸ್ಸಿಗೆ ವಿಶ್ರಾಂತಿ ನೀಡಿ ಮನಸ್ಸು ಮತ್ತು ದೇಹದಲ್ಲಿನ ಒತ್ತಡವನ್ನು ನಿವಾರಿಸುತ್ತದೆ ಎಂದಾಗಿದೆ.


    Yoga to reduce anxiety, shocks! See here for expert advice
    ಸಾಂಕೇತಿಕ ಚಿತ್ರ


    ಅತಿಯಾದ ಆತಂಕ, ಕೋಪ ಹೊಂದಿರುವವರು ಈ ಪ್ರಾಣಾಯಾಮಗಳನ್ನು ಮಾಡಿ


    1. ಅನುಲೋಮ ವಿಲೋಮ: ಸೆಕೆಂಡ್‌ಗಳಿಗೆ ಸರಿಯಾಗಿ ಎಣಿಸುವ ಮೂಲಕ ಮೂಗಿನ ಒಂದು ಹೊಳ್ಳಿನಿಂದ ಆಳವಾಗಿ ಉಸಿರನ್ನು ತೆಗೆದುಕೊಂಡು ಮತ್ತೊಂದು ಹೊಳ್ಳಿನಿಂದ ಉಸಿರನ್ನು ಬಿಡುವಂಥ ಪ್ರಾಣಾಯಾಮದ ವಿಧವಾಗಿದೆ.


    ನಂತರ ನಿಧಾನವಾಗಿ ನಿಮ್ಮ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳಲು ಪ್ರಯತ್ನಿಸಿ. ನೀವು ಐದು ಸೆಕೆಂಡುಗಳ ಕಾಲ ಉಸಿರನ್ನು ತೆಗೆದುಕೊಂಡು, ಅದನ್ನು ಹೊರಹಾಕುವಿಕೆ ಆರಂಭಿಸಿ. ನಂತರ ಸ್ವಲ್ಪ ಸ್ವಲ್ಪವೇ ಸಮಯವನ್ನು ಹೆಚ್ಚಿಸಿ. ಹೀಗೆ ಐದು ಸುತ್ತುಗಳನ್ನು ಮಾಡಿ.


    2. ಉಜ್ಜೈ ಪ್ರಾಣಾಯಾಮ: ಯಾವುದೇ ಧ್ಯಾನ ಭಂಗಿಯಲ್ಲಿ ಕುಳಿತು, ನೀವು ಪಿಸುಗುಟ್ಟಲು ಬಯಸಿದಾಗ ನಿಮ್ಮ ಕುತ್ತಿಗೆಯ ಪ್ರದೇಶವನ್ನು ಸ್ವಲ್ಪ ಬಿಗಿಗೊಳಿಸಿ.


    ನಂತರ ಉಸಿರಾಡಿ ಮತ್ತು ಗಂಟಲಿನೊಳಗೆ ಅರಿವಿನೊಂದಿಗೆ ಉಸಿರಾಡಿ. ಗಂಟಲಿನ ಪ್ರದೇಶದಲ್ಲಿ ಉಸಿರಾಟವನ್ನು ಅನುಭವಿಸಿ ಮತ್ತು ಕೇಳಿಸಿಕೊಳ್ಳಿ. ನಿಮ್ಮ ಉಸಿರು ಸೌಮ್ಯವಾದ ಗೊರಕೆಯಂತೆ ಇರುತ್ತದೆ. ಹೀಗೆಯೇ ಐದು ಸುತ್ತುಗಳನ್ನು ಮಾಡಿ.


    3. ಬ್ರಹ್ಮರಿ ಪ್ರಾಣಾಯಾಮ: ಯಾವುದೇ ಧ್ಯಾನ ಭಂಗಿಯಲ್ಲಿ ಕುಳಿತಿರುವಾಗ, ನೀವು ನಿಮ್ಮ ಕಿವಿಗಳನ್ನು ಬೆರಳಿನಿಂದ ಹಿಡಿಯಿರಿ, ಆಳವಾಗಿ ಉಸಿರನ್ನು ಒಳತೆಳೆದುಕೊಳ್ಳಿ. ನಂತರ ನೀವು ಉಸಿರಾಡುವಾಗ, ಓಂ ಅನ್ನು ಪಠಿಸಿ.


    ಅದರ ಮೂಲಾಕ್ಷರಗಳಾದ ಅ, ಉ ಮತ್ತು ದೀರ್ಘವಾದ ಕೊನೆಯ ಉಚ್ಚಾರಾಂಶವಾದ ಮ್‌ ನಿಮ್ಮ ತಲೆಯೊಳಗೆ ಕಂಪನಗಳನ್ನು ಉಂಟುಮಾಡುವುದನ್ನು ನೀವು ಗುರುತಿಸಬಹುದು. ಹೀಗೆಯೇ ಐದು ಸುತ್ತುಗಳನ್ನು ಮಾಡಿ.


    ಇದನ್ನೂ ಓದಿ: Raj Yoga 2023: ಈ ರಾಶಿಯವರಿಗೆ ಜನವರಿಯಲ್ಲಿ ರಾಜಯೋಗ, ಐಶ್ವರ್ಯ ತುಂಬಿ ತುಳುಕಲಿದೆ


    ಪ್ರತ್ಯಾಹಾರ: ಪತಂಜಲಿಯ ಯೋಗ ಸೂತ್ರಗಳ ಎಂಟು ಅಂಗಗಳಲ್ಲಿ, ಪ್ರತ್ಯಾಹಾರವು ಐದನೇ ಅಂಗವಾಗಿದೆ. ಮೊದಲ ನಾಲ್ಕು, ಯಮ (ಸಾಮಾಜಿಕ ಸಂಕೇತಗಳು), ನಿಯಮ (ವೈಯಕ್ತಿಕ ಸಂಕೇತಗಳು), ಆಸನ ಮತ್ತು ಪ್ರಾಣಾಯಾಮಗಳನ್ನು ಬಹಿರಂಗ (ಬಾಹ್ಯ ಅಭ್ಯಾಸಗಳು) ಎಂದು ಕರೆಯಲಾಗುತ್ತದೆ.


    ಆದರೆ ಪ್ರತ್ಯಾಹಾರವು ಬಹಿರಂಗದಿಂದ ಅಂತರಂಗಕ್ಕೆ ಪರಿವರ್ತನೆಯಾಗಿದೆ. ಒಬ್ಬ ಸಾಧಕನು ಕೊನೆಯ ಮೂರು ಹಂತಗಳಾದ ಧಾರಣ (ಏಕಾಗ್ರತೆ), ಧ್ಯಾನ (ಧ್ಯಾನ) ಮತ್ತು ಅಂತಿಮವಾಗಿ ಸಮಾಧಿಗೆ ಮುಂದುವರಿಯುತ್ತಾನೆ.




    ಪ್ರತ್ಯಾಹಾರದ ನಂತರ ಪ್ರಾಣಾಯಾಮವು ಎಲ್ಲಾ ಉದ್ವಿಗ್ನ ನರಗಳು, ಸ್ನಾಯುಗಳು ಮತ್ತು ತನ್ನೊಳಗಿನ ಒತ್ತಡದ ಗಂಟುಗಳನ್ನು ಶಾಂತಗೊಳಿಸುವ ಪ್ರಬಲ ಸಂಯೋಜನೆಯಾಗಿದೆ.


    ಆದರೆ ನೆನಪಿಡಿ, ಯೋಗದ ಅದ್ಭುತ ಪ್ರಯೋಜನಗಳನ್ನು ನಿಜವಾಗಿ ಅಭ್ಯಾಸ ಮಾಡಿ ಮತ್ತು ಅನುಭವಿಸದ ಹೊರತು ಇದೆಲ್ಲವೂ ಸಂಪೂರ್ಣ ಪದಗಳಾಗಿಯೇ ಉಳಿಯುತ್ತದೆ.


    ವೈಜ್ಞಾನಿಕವಾಗಿಯೂ ಸಾಬೀತುಗೊಂಡಿರುವ ಯೋಗ ಹಾಗೂ ಪ್ರಾಣಾಯಾಮವನ್ನು ನೀವು ನಿಯಮಿತವಾಗಿ ಅಭ್ಯಾಸ ಮಾಡಿದರೆ ಮಾತ್ರ ಮಾನಸಿಕ ಹಾಗೂ ಶಾರೀರಿಕ ಆರೋಗ್ಯದಂತಹ ಅದರ ಸಂಪೂರ್ಣ ಪ್ರಯೋಜನಗಳನ್ನು ಪಡೆದುಕೊಳ್ಳಬಹುದು.

    Published by:Gowtham K
    First published: