World Heart Day 2021: ವಿವಿಧ ರೀತಿಯ ಹೃದಯ ಕಾಯಿಲೆ ಮತ್ತು ರೋಗಲಕ್ಷಣಗಳನ್ನು ತಿಳಿಯಿರಿ

ಹೃದಯರಕ್ತನಾಳದ ಕಾಯಿಲೆ (Cardiovascular disease-CVD) ಇದೀಗ ಹೆಚ್ಚು ಪ್ರಮಾಣದಲ್ಲಿಯೇ ಬಲಿ ಪಡೆದುಕೊಳ್ಳುತ್ತಿದ್ದು ಸದ್ದಿಲ್ಲದೆಯೇ ಪ್ರಾಣಕ್ಕೆ ಸಂಚು ತರುವ ಕೊಲೆಗಾರ ಎಂದೆನಿಸಿದೆ. ಅಧ್ಯಯನದಲ್ಲಿ ತಿಳಿದು ಬಂದಿರುವ ಮಾಹಿತಿಯ ಪ್ರಕಾರ ಪ್ರತಿ ವರ್ಷ ಈ ಕಾಯಿಲೆಗೆ ಬಲಿಯಾಗುವವರು 18.6 ಮಿಲಿಯನ್‌ಗೂ ಹೆಚ್ಚಿನವರು. ಹೃದಯರಕ್ತನಾಳದ ಕಾಯಿಲೆ ಅಥವಾ ಹೃದಯ ರೋಗಗಳು ಹೃದಯ ಹಾಗೂ ರಕ್ತನಾಳಗಳ ಸಮೂಹ ಆಕ್ರಮಿಸುವ ಕಾಯಿಲೆಯಾಗಿದೆ. ಹೃದಯ ಕಾಯಿಲೆ(Heart Disease)ಯಿಂದ ಉಂಟಾಗುವ ಹೃದಯಾಘಾತದಿಂದಲೇ ಸಾವನ್ನಪ್ಪುವವರು 80%ಕ್ಕಿಂತಲೂ ಅಧಿಕ ಜನರಾಗಿದ್ದರೆ, ಹೃದಯರಕ್ತನಾಳದ ಕಾಯಿಲೆ ಇರುವ ಮೂರನೇ ಒಂದು ಭಾಗದಷ್ಟು ಜನರು ಅಕಾಲಿಕವಾಗಿ ಮರಣ ಹೊಂದುತ್ತಾರೆ.

ಹೃದಯ ರೋಗಗಳನ್ನು ತಡೆಗಟ್ಟುವ ಸಲುವಾಗಿ ಹಾಗೂ ಸಮಯಕ್ಕೆ ಸರಿಯಾಗಿ ಈ ರೋಗಗಳನ್ನು ಗುರುತಿಸುವ ನಿಟ್ಟಿನಲ್ಲಿ ಪ್ರತಿ ವರ್ಷ ಸಪ್ಟೆಂಬರ್ 29 ರಂದು ವಿಶ್ವ ಹೃದಯ ದಿನ(World Heart Day)ವನ್ನಾಗಿ ಆಚರಿಸಲಾಗುತ್ತದೆ. ಹೃದಯ ರೋಗದ ಆರಂಭಿಕ ಚಿಹ್ನೆಗಳನ್ನು ಗುರುತಿಸುವುದರಿಂದ ಜೀವ ಉಳಿಸುವಲ್ಲಿ ನಿರ್ಣಾಯಕ ಎಂದೆನ್ನಿಸಬಹುದು.

ಹೃದಯರಕ್ತನಾಳದ ಕಾಯಿಲೆಗಳ ಲಕ್ಷಣಗಳು ವ್ಯಕ್ತಿಯು ಬಳಲುತ್ತಿರುವ ಹೃದಯ ಕಾಯಿಲೆಯ ಪ್ರಕಾರವನ್ನು ಅವಲಂಬಿಸಿರುತ್ತದೆ ಎಂಬುದು ಇಲ್ಲಿ ಗಮನಾರ್ಹವಾದುದಾಗಿದೆ. ಹಾಗಿದ್ದರೆ ಹೃದಯ ಕಾಯಿಲೆಗಳ ಪ್ರಕಾರಗಳನ್ನು ತಿಳಿದುಕೊಳ್ಳೋಣ ಬನ್ನಿ..

ಇದನ್ನೂ ಓದಿ:World Heart Day 2021: ಕೋವಿಡ್​ ಗುಣವಾಯ್ತಾ? ಹಾರ್ಟ್ ಚೆಕಪ್ ಮಾಡಿಸದಿದ್ರೆ ಅಪಾಯ ಇನ್ನೂ ಇದೆ!

ಹೃದಯ ಕಾಯಿಲೆಯ ವಿಧಗಳು

• ರೋಗಗ್ರಸ್ತ ರಕ್ತನಾಳ, ಪರಿಧಮನಿಯ ಕಾಯಿಲೆ


• ಅಸಹಜ ಹೃದಯ ಬಡಿತ/ ಅರಿತ್ಮಿಯಾಸ್ ಎಂದು ಕರೆಯಲಾಗುತ್ತದೆ.


• ಹುಟ್ಟುವಾಗಲೇ ಇರುವ ಹೃದಯ ಕಾಯಿಲೆ, ಜನ್ಮಜಾತ ಹೃದಯ ದೋಷಗಳು


• ಹೃದಯ ಕವಾಟದ ಕಾಯಿಲೆ


• ಹೃದಯದ ಸ್ನಾಯು ಕಾಯಿಲೆ


• ಹೃದಯದ ಸೋಂಕು

ಈ ಬೇರೆ ಬೇರೆ ಪ್ರಕಾರಗಳ ಹೃದಯ ಕಾಯಿಲೆಗಳ ಆರಂಭಿಕ ಲಕ್ಷಣಗಳನ್ನು ಪರಿಶೀಲಿಸಿ

ರಕ್ತನಾಳಗಳಲ್ಲಿ ಹೃದಯ ಕಾಯಿಲೆ

• ಎದೆಯಲ್ಲಿ ನೋವು, ಬಿಗಿತ, ಒತ್ತಡ ಅಥವಾ ಅಸ್ವಸ್ಥತೆ


• ಕೈಕಾಲುಗಳಲ್ಲಿ ನೋವು, ಶಕ್ತಿಹೀನತೆ, ಶೀತ ಅಥವಾ ನಿಶ್ಚೇಷ್ಟಿತ ಅನುಭವ


• ಉಸಿರಾಟದ ತೊಂದರೆ


• ಕುತ್ತಿಗೆ, ದವಡೆ, ಗಂಟಲು ಹೊಟ್ಟೆಯ ಮೇಲ್ಭಾಗ ಅಥವಾ ಬೆನ್ನಿನಲ್ಲಿ ನೋವು


• ಎದೆಯಲ್ಲಿ ಅಲುಗಾಡುವಿಕೆ


• ಜೋರಾದ ಹೃದಯ ಬಡಿತ (ಟಾಕಿಕಾರ್ಡಿಯಾ)


• ನಿಧಾನ ಗತಿಯ ಹೃದಯ ಬಡಿತ (ಬ್ರಾಡಿಕಾರ್ಡಿಯಾ)


• ಎದೆಯಲ್ಲಿ ನೋವು ಅಥವಾ ಅಸ್ವಸ್ಥತೆ


• ಉಸಿರಾಟದ ತೊಂದರೆ


• ಮೂರ್ಛೆ ಹೋಗುವಂತೆ ಅನಿಸುವುದು


• ತಲೆತಿರುಗುವ ಅನಿಸಿಕೆ


• ಬಹುತೇಕ ಮೂರ್ಛಿತರಾಗುವುದು ಅಥವಾ ಮೂರ್ಛೆ ಹೋಗುವುದು (ಸಿಂಕೋಪ್)

ಜನ್ಮಜಾತ ಹೃದಯ ದೋಷಗಳು

• ತ್ವಚೆಯ ಬಣ್ಣ ಬಣ್ಣಗೆಟ್ಟಂತೆ ಅಥವಾ ನೀಲಿ ಬಣ್ಣಕ್ಕೆ ತಿರುಗುವುದು (ಸೈನೋಸಿಸ್)


• ಹೊಟ್ಟೆ, ಕಾಲುಗಳು ಅಥವಾ ಕಣ್ಣುಗಳ ಸುತ್ತಲೂ ಊತ


• ಆಹಾರ ನೀಡುವಾಗ ಶಿಶುಗಳಲ್ಲಿ ಉಸಿರಾಟದ ತೊಂದರೆ


• ಹೃದಯ ಸ್ನಾಯು ರೋಗ


• ವಿಶ್ರಾಂತಿ ತೆಗೆದುಕೊಳ್ಳುವಾಗ ಅಥವಾ ಚಟುವಟಿಕೆಯಿಂದಿರುವಾಗ ಉಸಿರುಗಟ್ಟುವ ಭಾವನೆ


• ಆಯಾಸ


• ಕಾಲು, ಪಾದ ಹಾಗೂ ಹಿಮ್ಮಡಿಗಳಲ್ಲಿ ಊತ


• ಅನಿಯಮಿತ ಹೃದಯ ಬಡಿತ – ತ್ವರಿತ, ಪುನರಾವರ್ತಿತ ಅಥವಾ ಬೀಸುವಂತಹ ಹೃದಯ ಬಡಿತಗಳು


• ತಲೆತಿರುಗುವಿಕೆ ಅಥವಾ ಮೂರ್ಛಿತ ಭಾವನೆ


• ಮೂರ್ಛೆ ಹೋಗುವುದು


• ಹೃದಯ ಸೋಂಕಿನಿಂದ ಸಂಭವಿಸುವ ಕಾಯಿಲೆ (ಎಂಡೋಕಾರ್ಡಿಟಿಸ್)


• ಜ್ವರ


• ಆಯಾಸ ಅಥವಾ ಶಕ್ತಿಹೀನತೆ


• ಹೊಟ್ಟೆ ಅಥವಾ ಕಾಲುಗಳಲ್ಲಿ ಊತ


• ಉಸಿರಾಟದ ತೊಂದರೆ


• ಹೃದಯ ಬಡಿತದಲ್ಲಿ ಬದಲಾವಣೆಗಳು


• ಒಣ ಕೆಮ್ಮು ಅಥವಾ ನಿರಂತರ ಕೆಮ್ಮು


• ಚರ್ಮದ ಮೇಲೆ ಅಸಾಮಾನ್ಯ ಕಲೆಗಳು ಅಥವಾ ದದ್ದುಗಳು

ಹೃದಯ ಕವಾಟದ ಸಮಸ್ಯೆಗಳಿಂದ ಉಂಟಾಗುವ ಕಾಯಿಲೆ (ಕವಾಟದ ಹೃದಯ ರೋಗ)

• ಅನಿಯಮಿತ ಹೃದಯ ಬಡಿತ


• ಉಸಿರಾಟದ ತೊಂದರೆ


• ಆಯಾಸ


• ಪಾದಗಳು ಅಥವಾ ಹಿಮ್ಮಡಿಗಳಲ್ಲಿ ಊತ


• ಎದೆಯಲ್ಲಿ ನೋವು


• ಮೂರ್ಛೆ (ಸಿಂಕೋಪ್)

ತುರ್ತು ಸಹಾಯದ ರೋಗಲಕ್ಷಣಗಳು

• ಎದೆ ನೋವು


• ಉಸಿರಾಟದ ತೊಂದರೆ


• ಮೂರ್ಛೆ ಹೋಗುವುದು