HOME » NEWS » Lifestyle » WINTER JOINT PAIN CAUSES AND REMEDIES ZP

ಚಳಿಗಾಲದಲ್ಲಿ ಕಾಡುವ ಕೀಲು ನೋವಿಗೆ ಈ ಆಹಾರಗಳ ಮೂಲಕ ಪರಿಹಾರ ಕಂಡುಕೊಳ್ಳಿ

ಚಳಿಗಾಲದಲ್ಲಿ ಬಿಸಿ ಸೂಪ್ ಕುಡಿಯುವುದರಿಂದ ಅನೇಕ ಆರೋಗ್ಯ ಪ್ರಯೋಜನಗಳನ್ನು ಪಡೆಯಬಹುದು. ದೇಹವನ್ನು ಬೆಚ್ಚಗಿಡಲು ಸೂಪ್ ಸಹಾಯ ಮಾಡುತ್ತದೆ. ಕೋಸುಗಡ್ಡೆ (ಬ್ರೊಕೊಲಿ) ಮತ್ತು ಬಾದಾಮಿ ಸೂಪ್ ಆರೋಗ್ಯಕ್ಕೆ ಬಹಳ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ.

news18-kannada
Updated:January 9, 2021, 7:16 AM IST
ಚಳಿಗಾಲದಲ್ಲಿ ಕಾಡುವ ಕೀಲು ನೋವಿಗೆ ಈ ಆಹಾರಗಳ ಮೂಲಕ ಪರಿಹಾರ ಕಂಡುಕೊಳ್ಳಿ
ಸಾಂದರ್ಭಿಕ ಚಿತ್ರ
  • Share this:
ಚಳಿಗಾಲದಲ್ಲಿ ಶೀತ-ಕೆಮ್ಮು ಮತ್ತು ವೈರಲ್ ಜ್ವರವನ್ನು ಹೊರತುಪಡಿಸಿ, ಇನ್ನು ಅನೇಕ ಅನಾರೋಗ್ಯ ಸಮಸ್ಯೆಗಳು ತಲೆದೂರುತ್ತವೆ. ಸಾಮಾನ್ಯವಾಗಿ ಚಳಿಗಾಲದಲ್ಲಿ ವಯಸ್ಸಾದವರಲ್ಲಿ ಕೀಲು ನೋವು ಸಮಸ್ಯೆ ಕಂಡು ಬರುತ್ತವೆ. ಹಾಗೆಯೇ ಮೂಳೆ ನೋವು, ಕೀಲು ನೋವು, ದೇಹ ನೋವು ಸಮಸ್ಯೆಗಳು ಚಳಿಗಾಲದಲ್ಲಿ ಕಂಡು ಬರುವುದು ಸಾಮಾನ್ಯ. ಮೂಳೆಗಳು ಸದೃಢವಾಗಿರಲು, ನೀವು ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಹೊಂದಿರುವ ಆಹಾರವನ್ನು ಹೆಚ್ಚಾಗಿ ಸೇವಿಸಬೇಕು. ಚಳಿಗಾಲದಲ್ಲಿ ಕೀಲು ನೋವು ನಿವಾರಿಸಲು ಅನೇಕ ಜನರು ಔಷಧಗಳು ಮತ್ತು ತೈಲ ಮಸಾಜ್ ಅನ್ನು ಆಶ್ರಯಿಸುತ್ತಾರೆ. ಆದರೆ ಈ ಔಷಧಿ ಇಲ್ಲದೆ ಪರಿಹಾರವನ್ನು ಕಾಣಬಹುದು. ಆಹಾರ ಮತ್ತು ಮನೆಮದ್ದುಗಳನ್ನು ಅಳವಡಿಸಿಕೊಳ್ಳುವುದರಿಂದ, ನೀವು ದೇಹದ ನೋವು ಮತ್ತು ಕೀಲು ನೋವಿನಿಂದ ಪರಿಹಾರ ಪಡೆಯಬಹುದು. ನಿಮ್ಮನ್ನು ಆರೋಗ್ಯವಾಗಿರಿಸುವುದರ ಜೊತೆಗೆ ಕೀಲು ನೋವು ನಿವಾರಿಸುವ ಕೆಲ ಮನೆಮದ್ದುಗಳ ಬಗ್ಗೆ ಇಲ್ಲಿ ತಿಳಿಸಲಾಗಿದೆ.

ಸೀಬೆ ಹಣ್ಣು (ಪೇರಲೆ) ಸಲಾಡ್: ಚಳಿಗಾಲದಲ್ಲಿ ಕೀಲು ನೋವು ನಿವಾರಣೆಗೆ ಪೇರಲ ಸಲಾಡ್ ನಿಮಗೆ ಸಹಾಯ ಮಾಡುತ್ತದೆ. ಚೀಸ್ ನೊಂದಿಗೆ ಪೇರಲ ಸೇವಿಸುವುದರಿಂದ, ಕ್ಯಾಲ್ಸಿಯಂ ಕೊರತೆಯನ್ನು ನೀಗಿಸಬಹುದು. ಹಾಗೆಯೇ ಚಳಿಗಾಲದಲ್ಲಿ ಉಂಟಾಗುವ ಕೀಲು ನೋವಿನಿಂದ ಪಾರಾಗಬಹುದು.

ಬ್ರೊಕೊಲಿ ಮತ್ತು ಬಾದಾಮಿ ಸೂಪ್: ಚಳಿಗಾಲದಲ್ಲಿ ಬಿಸಿ ಸೂಪ್ ಕುಡಿಯುವುದರಿಂದ ಅನೇಕ ಆರೋಗ್ಯ ಪ್ರಯೋಜನಗಳನ್ನು ಪಡೆಯಬಹುದು. ದೇಹವನ್ನು ಬೆಚ್ಚಗಿಡಲು ಸೂಪ್ ಸಹಾಯ ಮಾಡುತ್ತದೆ. ಕೋಸುಗಡ್ಡೆ (ಬ್ರೊಕೊಲಿ) ಮತ್ತು ಬಾದಾಮಿ ಸೂಪ್ ಆರೋಗ್ಯಕ್ಕೆ ಬಹಳ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಬ್ರೊಕೊಲಿ ಮತ್ತು ಬಾದಾಮಿಯಲ್ಲಿ ಕ್ಯಾಲ್ಸಿಯಂ, ಒಮೆಗಾ 3 ಕೊಬ್ಬಿನಾಮ್ಲಗಳು ಮತ್ತು ಮೂಳೆಗಳನ್ನು ಬಲಪಡಿಸುವ ಅನೇಕ ಪೋಷಕಾಂಶಗಳಲ್ಲಿ ಕಂಡುಬರುತ್ತದೆ.

ಕಿತ್ತಳೆ, ಕ್ಯಾರೆಟ್ ಮತ್ತು ಶುಂಠಿ ರಸ: ಮೂಳೆಗಳನ್ನು ಬಲಪಡಿಸಲು ಮತ್ತು ಚಳಿಗಾಲದ ಕೀಲು ನೋವು ನಿವಾರಿಸಲು ನೀವು ವಿವಿಧ ಆರೋಗ್ಯಕರ ಪಾನೀಯಗಳು ಮತ್ತು ರಸವನ್ನು ಸೇವಿಸಬಹುದು. ಕಿತ್ತಳೆ, ಕ್ಯಾರೆಟ್ ಮತ್ತು ಶುಂಠಿಯಿಂದ ಮಾಡಿದ ರಸವನ್ನು ಕುಡಿಯುವುದು ಆರೋಗ್ಯಕ್ಕೆ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಇದರಲ್ಲಿ ಉರಿಯೂತದ ಗುಣಲಕ್ಷಣಗಳಿದ್ದು, ಹಾಗೆಯೇ ಉತ್ತಮ ಪ್ರಮಾಣದ ಕ್ಯಾಲ್ಸಿಯಂ ಕಂಡುಬರುತ್ತದೆ. ಇದು ನಿಮ್ಮನ್ನು ಆರೋಗ್ಯವಾಗಿಡಲು ಸಹಾಯ ಮಾಡುತ್ತದೆ.

ಅರಿಶಿನ ಹಾಲು: ಚಳಿಗಾಲದಲ್ಲಿ ಅರಿಶಿನ ಹಾಲನ್ನು ಸೇವಿಸುವುದರಿಂದ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ. ಅರಿಶಿನದಲ್ಲಿ ಕಂಡುಬರುವ ಉರಿಯೂತ ನಿವಾರಣೆ ಅಂಶಗಳಿದ್ದು, ಹಾಗೆಯೇ ಹಾಲಿನಲ್ಲಿರುವ ಕ್ಯಾಲ್ಸಿಯಂ ಗುಣಲಕ್ಷಣಗಳು ಕೀಲು ನೋವು ನಿವಾರಿಸಲು ಸಹಾಯ ಮಾಡುತ್ತದೆ.
Published by: zahir
First published: January 9, 2021, 7:16 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories