Pet Animal Care: ಮನೆಯಲ್ಲಿ ಸಾಕಿರುವ ಪ್ರಾಣಿಗಳಿಂದ ಮುಖ ನೆಕ್ಕಿಸಿಕೊಳ್ಳಬಾರದು ಯಾಕೆ ಗೊತ್ತಾ?

ಮನೆಯಲ್ಲಿ ನಾಯಿ (Dog), ಬೆಕ್ಕುಗಳಂತಹ  (Cat) ಪ್ರಾಣಿಗಳನ್ನು (Animal) ಸಾಕುವುದರಲ್ಲಿ ಏನೋ ಒಂದು ರೀತಿ ಖುಷಿ. ನೀವು ಕೆಲಸದಿಂದ ಸುಸ್ತಾಗಿ ಮನೆಗೆ ಬಂದಾಗ ಅಥವಾ ಒತ್ತಡದಲ್ಲಿದ್ದಾಗ ಸಾಕುಪ್ರಾಣಿ (Pet Animals) ಮಾಡುವ ಚೇಷ್ಟೆ, ತಮಾಷೆಗಳು ನಿಮ್ಮ ಚಿಂತೆಯನ್ನು ನಿಮಿಷದಲ್ಲಿಯೇ ದೂರ ಮಾಡುತ್ತದೆ. ಅದರೊಂದಿಗೆ ಆಟವಾಡುವುದು ಆನಂದದಾಯಕ ಅನುಭವವಾಗಬಹುದು. ಅನೇಕ ಸಾಕುಪ್ರಾಣಿಗಳು ಅದರ ಮಾಲೀಕರನ್ನು(Owner) ಮುದ್ದಾಡುವುದನ್ನು ನಾವು ನೋಡಿರುತ್ತೇವೆ. ಆದರೆ ಪ್ರಾಕ್ಟಿಕಲ್​ ಆಗಿ ವೈದ್ಯರು ಹೇಳುವ ಪ್ರಕಾರ ಸಾಕುಪ್ರಾಣಿಗಳ ಮಾಲೀಕರು ಮಾಡುವ ಕೆಲವು ಕೆಲಸಗಳು ಅವರಿಗೆ ಮಾತ್ರವಲ್ಲದೇ ಅವರ ಸಾಕುಪ್ರಾಣಿಗಳಿಗೂ ಹಾನಿಕಾರಕ. ಅದು ಹೇಗೆ ಅಂತೀರಾ ಈ ಸ್ಟೋರಿ ಓದಿ.

ಲಾಲಾರಸದಲ್ಲಿರುವ ಬ್ಯಾಕ್ಟೀರಿಯಾ:

ಸಾಕುಪ್ರಾಣಿಗಳು ಸುಂದರವಾಗಿರುತ್ತವೆ ಮತ್ತು ನೀವು ಅವುಗಳನ್ನು ನೋಡಿದಾಗ  ಸ್ವಲ್ಪ ಮುದ್ದು ಮಾಡಬೇಕು ಅನಿಸುತ್ತದೆ. ಆದರೆ ನಾಯಿ ಲಾಲಾರಸದಿಂದ ಬ್ಯಾಕ್ಟೀರಿಯಾವು ಚರ್ಮದ ಸೋಂಕು, ಕಿರಿಕಿರಿ ಮತ್ತು ಅಲರ್ಜಿಯನ್ನು ಉಂಟುಮಾಡಬಹುದು ಎಂದು ದೆಹಲಿಯ ಗಾಂಧಿ ಪೆಟ್ ಆಸ್ಪತ್ರೆಯ ವೈದ್ಯ ಡಾ ವಿವೇಕ್ ಅರೋರಾ ಹೇಳುತ್ತಾರೆ.

ಶ್ವಾನ

ನಾಯಿಯ ತುಪ್ಪಳವು ಅನೇಕ ಬ್ಯಾಕ್ಟೀರಿಯಾ, ಡರ್ಮಟೊಫೈಟ್‌ಗಳು, ಕೀಟಗಳು ಮತ್ತು ಉಣ್ಣಿಗಳನ್ನು ಸಹ ಹೊಂದಿರುತ್ತದೆ. ಇವುಗಳನ್ನು ಸಾಮಾನ್ಯವಾಗಿ commensals ಎಂದು ಕರೆಯಲಾಗುತ್ತದೆ. ಇದು ಮಾನವರಲ್ಲಿ ಅನೇಕ ರೀತಿಯ ಚರ್ಮದ ಸೋಂಕುಗಳು, ಇಮ್ಯುನೊ ಡಿಫಿಷಿಯನ್ಸಿ ಕಾಯಿಲೆಗಳು ಮತ್ತು ಚರ್ಮದ ಕಾಯಿಲೆಗಳನ್ನು ಉಂಟುಮಾಡಬಹುದು.

ನಿಮ್ಮ ಸೌಂದರ್ಯವರ್ಧಕಗಳನ್ನು ನೆಕ್ಕುವ ಸಾಕುಪ್ರಾಣಿಗಳು:

ಸಾಕುಪ್ರಾಣಿಗಳು ಸಾಮಾನ್ಯವಾಗಿ ತಮ್ಮ ಮಾಲೀಕರ ಮುಖವನ್ನು ನೆಕ್ಕಲು ಪ್ರಯತ್ನಿಸುತ್ತವೆ. ಕೆಲವರು ಈ ಅಭ್ಯಾಸವನ್ನು ಆರಂಭದಲ್ಲಿಯೇ ನಿಲ್ಲಿಸಿಸುತ್ತಾರೆ. ಆದರೆ ಕೆಲವರು ಅದಕ್ಕೆ ನಕ್ಕೆಲು ಬಿಡುತ್ತಾರೆ. ಸಾಕುಪ್ರಾಣಿಗಳ ಬ್ಯಾಕ್ಟೀರಿಯಾವು ನಮಗೆ ಹಾನಿ ಮಾಡುತ್ತದೆ ಎಂದು ನಮಗೆ ತಿಳಿದಿದೆ. ಆದರೆ ನಮ್ಮನ್ನು ನೆಕ್ಕುವುದರಿಂದ ಅವು ನಮ್ಮ ಬೆವರು ಮತ್ತು ನಾವು ಬಳಸುವ ಸೌಂದರ್ಯವರ್ಧಕಗಳನ್ನು ಸಹ ನೆಕ್ಕುತ್ತದೆ.

ಶ್ವಾನ

ಪ್ರಸಿದ್ಧ ವೈದ್ಯರಾದ ಶಿಲ್ಪಿ ಮಿನ್ಜ್ ಪ್ರಕಾರ, ಸಾಕುಪ್ರಾಣಿಗಳು ನಮ್ಮ ಮುಖ ಅಥವಾ ತುಟಿಗಳನ್ನು ನೆಕ್ಕಲು ನಾವು ಅನುಮತಿಸಬಾರದು. ಏಕೆಂದರೆ ನಮ್ಮ ಮುಖ ಮತ್ತು ತುಟಿಗಳ ಮೇಲೆ ನಾವು ಬಳಸುವ ಸೌಂದರ್ಯವರ್ಧಕಗಳು ಅದರ ಹೊಟ್ಟೆಯಲ್ಲಿ ಸೋಂಕು ಅಥವಾ ವಿಷತ್ವವನ್ನು ಉಂಟುಮಾಡಬಹುದು. ಅದಲ್ಲದೇ ಅದಕ್ಕೆ ಯಾವುದಾದರೂ ಹಲ್ಲಿನ ಸಮಸ್ಯೆ ಇದ್ದರೆ, ಅದರಲ್ಲಿರುವ ಬ್ಯಾಕ್ಟೀರಿಯಾಗಳು ನಮಗೆ ಹರಡಿ ಸಮಸ್ಯೆ ಉಂಟು ಮಾಡುತ್ತವೆ ಎಂದು ತಿಳಿಸಿದ್ದಾರೆ.

ಕೈ ಆಹಾರ ಪದ್ಧತಿ: ಅವುಗಳಿಗೆ ನಿಮ್ಮ ಕೈಗಳಿಂದ ತಿನ್ನಿಸಬೇಡಿ ಅಥವಾ ನಿಮ್ಮ ತಟ್ಟೆಯಿಂದ ತೆಗೆದು ನೀಡಬೇಡಿ. ಈ ಅಭ್ಯಾಸವು ಮಾನವ ಆಹಾರವನ್ನು ಕೇಳಲು ಅವರನ್ನು ಪ್ರೋತ್ಸಾಹಿಸುತ್ತದೆ. ನಿಮ್ಮ ಕೈಯಿಂದ ನಾಯಿಗೆ ಆಹಾರ ನೀಡುವುದು ಆರೋಗ್ಯಕರ ಅಭ್ಯಾಸವಲ್ಲ. ನಿಮ್ಮ ಸಾಕುಪ್ರಾಣಿಗಳನ್ನು ನಿಮ್ಮ ಮಲಗುವ ಕೋಣೆಗೆ ಕರೆತಂದರೆ ಅಥವಾ ನಿಮ್ಮ ಹಾಸಿಗೆಯ ಮೇಲೆ ಮಲಗಿಸಿಕೊಂಡರೆ, ಮೊದಲು ನಿಮ್ಮ ಸಾಕುಪ್ರಾಣಿಗಳನ್ನು ಸ್ವಚ್ಛವಾಗಿದ್ಯಾ ಎಂದು ಖಚಿತಪಡಿಸಿಕೊಳ್ಳಿ. ಅಲ್ಲದೇ ಹೊರಗಿನಿಂದ ಅದು ಮನೆಗೆ ಹಿಂತಿರುಗಿದಾಗ ಪಾದಗಳು ಮತ್ತು ಪಂಜಗಳನ್ನು ಸ್ವಚ್ಛಗೊಳಿಸಿ.

ಸಾಂದರ್ಭಿಕ ಚಿತ್ರ

ಬ್ಯಾಕ್ಟೀರಿಯಾ ಮತ್ತು ಸೋಂಕುಗಳನ್ನು ತಡೆಗಟ್ಟಲು ಟಿಪ್ಸ್​:

• ನಿಮ್ಮ ನಾಯಿಯನ್ನು ಮಲಗುವ ಕೋಣೆ ಹಾಸಿಗೆಯಲ್ಲಿ ಇರಿಸಿದರೆ ಮೂಲಭೂತ ನೈರ್ಮಲ್ಯ ದಿನಚರಿಯನ್ನು ನಿರ್ವಹಿಸಲು ಮರೆಯದಿರಿ. ಸೂಕ್ಷ್ಮಜೀವಿಗಳು ಮತ್ತು ಬ್ಯಾಕ್ಟೀರಿಯಾಗಳನ್ನು ಕೊಲ್ಲಲು ಮತ್ತು ಸಾಕುಪ್ರಾಣಿಗಳ ವಾಸನೆಯನ್ನು ತೊಡೆದುಹಾಕಲು ನಿಮ್ಮ ಸಾಕುಪ್ರಾಣಿಗಳನ್ನು ಸ್ವಚ್ಛಗೊಳಿಸಿ ಕೆಲವು ಗಂಟೆಗಳ ಕಾಲ ಬಿಸಿಲಿನಲ್ಲಿ ಒಣಗಿಸಿ.

ಇದನ್ನೂ ಓದಿ: Dog Health: ಬೇಸಿಗೆಯಲ್ಲಿ ನಾಯಿಯನ್ನು ವಾಕಿಂಗ್​ಗೆ ಕರೆದುಕೊಂಡು ಹೋಗ್ತೀರಾ? ಈ ವಿಚಾರಗಳನ್ನು ಮರೆಯಲೇಬೇಡಿ!

• ಬ್ಯಾಕ್ಟೀರಿಯಾ ವಿರೋಧಿ ಸೋಪ್ ಮತ್ತು ಉತ್ತಮ ಬ್ಯಾಕ್ಟೀರಿಯಾ ವಿರೋಧಿ ಫೇಸ್ ವಾಶ್ ಬಳಸಿ.


• ನಿಮ್ಮ ಸಾಕುಪ್ರಾಣಿಗಳಿಗೆ ನಿಯಮಿತವಾಗಿ ದಂತ ತಪಾಸಣೆ, ವ್ಯಾಕ್ಸಿನೇಷನ್, ಜಂತುಹುಳು ನಿವಾರಣೆ ಮತ್ತು ಉತ್ತಮ ನೈರ್ಮಲ್ಯವನ್ನು ಕಾಪಾಡಿಕೊಳ್ಳುವುದು ಮುಖ್ಯವಾಗಿದೆ.


• ಸಾಕುಪ್ರಾಣಿಗಳನ್ನು ಎತ್ತಿಕೊಂಡು ಹೊರಗೆ ಹೋದ ನಂತರ ದೇಹ ಮತ್ತು ಪಂಜಗಳನ್ನು ಸ್ವಚ್ಛಗೊಳಿಸಿ.